မဲရုံတခု၌ မဲရေတွက်နေစဉ် (ဓာတ်ပုံ – ဂျေပိုင် / ဧရာဝတီ)

မြန်မာနိုင်ငံတွင် နိုင်ငံရေးအပေါ် စစ်တပ်၏ လွှမ်းမိုးမှု မြင့်တက်လာပြီး ၂၀၁၅ ခုနှစ်တွင် ကျင်းပရန် ရှိသည့် ရွေးကောက်ပွဲကို နှောင့်နှေးစေမည် ဆိုလျှင် မြန်မာနိုင်ငံ၏ စီးပွားရေးနှင့် လူမှုရေး ဖွံ့ဖြိုး တိုးတက်မှုများ ကျဆင်း ရပ်တန့် သွားနိုင်သည်ဟု စီးပွားရေး လေ့လာဆန်းစစ်သည့် အဖွဲ့အစည်းတခုက သတိပေးလိုက်သည်။

နိုင်ငံခြား အကူအညီနှင့် ရင်းနှီးမြှုပ်နှံမှုများ လည်း နည်းပါးသွားနိုင်ပြီး အရေးပါသည့် ဥရောပ အစိုးရအချို့က ဒဏ်ခတ် အရေးယူမူကို ပြန်လည် စတင်ရန် ဖိအားဖြစ်လာလိမ့်မည် ဟု အမေရိကန် အခြေစိုက် စီးပွားရေး လေ့လာဆန်းစစ် သည့် အဖွဲ့တခုဖြစ်သည့် IHS က ပြောသည်။

အဆိုပါအဖွဲ့၏ Global Insight Country Risk အစီရင်ခံစာတွင် မြန်မာနိုင်ငံနှင့် ပတ်သက်၍ စစ်တပ်၊ လွှတ်တော်နှင့် အာဏာရ ပါတီတို့ ကြားတွင် သဘောထားကွဲပြား ပြိုင်ဆိုင်မှုများ ရှိနေသည့် အတွက် ရွေးကောက်ပွဲကို ရွှေ့ဆိုင်း ရနိုင်သည့် အခြေအနေတခု ရှိနေကြောင်း ဖော်ပြခဲ့သည်။ အာဏာနှင့် ဩဇာ လွှမ်းမိုးမှု လျော့ကျမည်ကို စစ်တပ်က စိုးရိမ်ပူပန်မှု တိုးလာသည့် ကြားတွင် သမ္မတ ရာထူး နေရာအတွက် သုံးပွင့်ဆိုင် ပြိုင်ဆိုင်မည့် အခြေအနေများ ရှိနေသည် ဟု ၎င်းတို့က ယူဆသည်။

“၂၀၁၅ ခုနှစ် ရွေးကောက်ပွဲဟာ တည်ငြိမ်မှုကို ပြသပေးမယ့် ဘာရိုမီတာလို့ ကျယ်ကျယ်ပြန့်ပြန့် ယူဆထားကြတယ်။ ရွေးကောက်ပွဲ ကျင်းပဖို့ ပျက်ကွက်မယ် ဆိုရင် ရင်းနှီးမြှုပ်နှံသူတွေရဲ့ ယုံကြည်မှုကို ထိခိုက်နိုင်ပြီးတော့ မြန်မာနိုင်ငံမှာ စီးပွားရေး လုပ်ကိုင်ရာမှာလည်း အကျိုးအမြတ် ပြန်လည်ရရှိမှု နည်းနိုင်ခြေလည်း တိုးလာပါလိမ့်မယ်။ ကြီးမားတဲ့ အခြေခံ အဆောက်အအုံ စီမံကိန်းတွေ အတွက် အာမခံကိစ္စ တွေမှာ ဆိုးရွားသွားနိုင်သလို သီလဝါ၊ ထားဝယ်နဲ့ ကျောက်ဖြူ အထူးစီးပွားရေးဇုန်တွေကို ဈေးကွက် စိတ်ဝင်စားမှု မှေးမှိန်သွားနိုင်ဖွယ်ရာ ရှိပါတယ်” ဟု IHS က ပြောသည်။

“နောက်ပြီးတော့ သဘာဝ သယံဇာတ အရင်းအမြစ်ကို အခြေခံတဲ့ လုပ်ငန်းတွေပေါ်မှာ မှီခိုနေရတဲ့ စီးပွားရေးကနေ ခွဲထွက်ရာမှာ လိုအပ်တဲ့ အခြေခံ အဆောက်အဦး စီမံကိန်းတွေမှာ ရင်းနှီးမြှုပ်နှံမှုတွေ ဆွဲဆောင်နေတဲ့ ခေါင်းဆောင် ပိုင်းရဲ့ အားထုတ်မှု တွေကိုလည်း ထိခိုက်နိုင်ပါတယ်” ဟုလည်း ၎င်းတို့က ပြောသည်။

စစ်တပ်က ထိန်းချုပ်နိုင်သည့် အနေအထား ရရှိသွားလျှင် စီးပွားရေး စွမ်းဆောင်မှုများ လျော့နည်းသွားပြီး ကြီးမားသည့် လမ်းပေါ်ဆန္ဒပြပွဲများ ဖြစ်လာနိုင်သည်ဟု အကဲဖြတ်လေ့လာမှုတွင် ဖော်ပြထားသည်။

စစ်တပ်၊ အာဏာရ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီနှင့် အတိုက်အခံကြားမှ ပြိုင်ဆိုင်မှုများကို မဖြေရှင်းနိုင် ခဲ့လျှင် လာမည့်နှစ်ကုန်ပိုင်းတွင် ကျင်းပရန်ရှိနေသည့် ရွေးကောက်ပွဲများကို ရွှေ့ဆိုင်း ခြင်းများ ဖြစ်လာနိုင်သည်ဟု IHS က သတိပေးလိုက် သည်။

တိုင်းရင်းသား လက်နက်ကိုင် အဖွဲ့များနှင့် တနိုင်ငံလုံး အပစ်အခတ်ရပ်စဲရေး သဘောတူညီ ချက် ရရှိခဲ့လျှင် အမျိုးသား ဒီမိုကရေစီ အဖွဲ့ချုပ် (NLD) နှင့် တိုင်းရင်းသားအဖွဲ့များကြား မဟာမိတ် အနေအထားကို ပိုမိုခိုင်မာ အားကောင်းသွား မည်ကို စစ်တပ်က စိုးရိမ်နေသည်။

အစိုးရစစ်တပ်နှင့် တိုင်းရင်းသား လက်နက်ကိုင် အဖွဲ့များကြား လတ်တလော တိုက်ခိုက်မှုများ ဖြစ်ပွားနေချိန်တွင် “၂၀၁၅ ခုနှစ်ရွေးကောက်ပွဲကနေ ဒီအဖွဲ့တွေက သမ္မတသစ်ကို ရွေးချယ်ပေးမယ့် သမ္မတရွေးချယ် ရေးအဖွဲ့ကို လွှမ်းမိုးသွားမှာကို အမှန်တကယ် စိုးရိမ်နေတာ ဖြစ်ပါတယ်။ ဒါက စစ်တပ်က ကျောထောက် နောက်ခံပေးမယ့် သမ္မတလောင်း သမ္မတဖြစ်လာရေး အလားအလာကို လျော့ကျစေမှာ ဖြစ်ပါတယ်” ဟု IHS ၏ သတိပေးချက် ပေါ်ထွက်လာခြင်း ဖြစ်သည်။

“တိုက်ခိုက်မှုတွေ အသစ်ပြန် ဖြစ်လာတာက တိုင်းရင်းသား အဖွဲ့ငယ်တွေကို စစ်တပ်က လက်ခံနိုင်တဲ့ အပစ်အခတ် ရပ်စဲရေး သဘောတူညီမှုကို လက်မှတ်ထိုးဖို့ ဖိအားပေးတဲ့ ရည်ရွယ်တာ ဖြစ်နိုင်ပါတယ်။ နောက်ပြီးတော့ စစ်တပ်ကသာလျှင် ငြိမ်းချမ်းရေးကို အမှန်တကယ် ပေးနိုင်စွမ်းရှိတယ် ဆို တာကို ပြသပြီးတော့ NLD နဲ့ မဟာမိတ် ဖြစ်ဖို့ အလားအလာ ရှိသူတွေကို ချေမှုန်းရေး ဖြစ်ပါတယ်” ဟု  IHS ၏ လေ့လာဆန်းစစ်မှုတွင် ဖော်ပြထားသည်။

“ဒါက နောက်ပိုင်းကျရင် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်ရဲ့ ကိုယ်ပိုင် သမ္မတ ရည်မှန်းချက်ကို အထောက်အကူ ဖြစ်လာပါလိမ့်မယ်” ဟု IHS က ဆိုသည်။

နောက်ထပ် ဖြစ်နိုင်ခြေရှိသည့် သမ္မတလောင်း ၂ ဦးမှာ ပြည်သူ့လွှတ်တော် ဥက္ကဋ္ဌ သူရဦးရွှေမန်းနှင့် NLD ခေါင်းဆောင် ဒေါ်အောင်ဆန်းစုကြည်တို့ ဖြစ်သည်ဟု IHS က ပြောသည်။

စစ်တပ် ပိုမိုအင်အား ကောင်းလာခြင်းသည် တခြားမည်သည့် နိုင်ငံရေး လွတ်လပ်မှုကို မဆို ဆန့်ကျင်မည် ဖြစ်ကြောင်း ပြသနေခြင်း ဖြစ်သည်ဟု IHS ကဆိုသည်။

“စစ်တပ်ရဲ့ အနေအထား ပြောင်းလာတာက စေ့စပ်ဆွေးနွေးမှုတွေ ဆက်လုပ်ခြင်းအားဖြင့် စစ်တပ်က လက်မခံနိုင်တဲ့ အပစ်အခတ် ရပ်စဲရေး သဘောတူညီချက်ကို လက်မှတ်ရေးထိုးတဲ့ အထိ ရောက်သွားမှာနဲ့ NLD ရဲ့ မဟာမိတ် တိုင်းရင်းသား အဖွဲ့တခု အခြေခိုင်သွားမှာကို စိုးရိမ်မှုကြောင့် ဖြစ်ဖွယ်ရှိပါတယ်။ NLD နဲ့ တိုင်းရင်းသား လက်နက် ကိုင် အဖွဲ့တွေက ၂၀ဝ၈ ခုနှစ် အခြေခံဥပဒေကို ပြင်ဆင်ပြီးတော့ ဖက်ဒရယ် ပြည်ထောင်စုတခု ဖွဲ့စည်းချင်ကြတယ်။ စစ်တပ်က ဒီနှစ်ခုလုံးကို ဆန့် ကျင်တယ်။ ဘာဖြစ်လို့လဲ ဆိုတော့ လက်ရှိအခြေအနေကို အာမခံချက်ပေးတဲ့ လက်ရှိ အခြေခံ ဥပဒေကိုပဲ သူတို့က ဆက်လက်ထိန်းသိမ်းချင် ကြတယ်” ဟု IHS က ဆိုသည်။

IHS က စီးပွားရေး တိုးတက်မှု ကျဆင်းနိုင်သည့် အခြေအနေနှင့် အမေရိကန်အစိုးရက မြန်မာနိုင်ငံတွင် အကြီးဆုံးနှင့် ဩဇာလွှမ်းမိုးမှု အရှိဆုံး စီးပွားရေးသမားများ ထဲမှ တဦးကို နာမည်ပျက်စာရင်း ထည့်သွင်းလိုက်ခြင်း ကဲ့သို့သော ဒဏ်ခတ်မှုများ အသစ်ပြန် ဖြစ်လာနိုင်ဖွယ် ရှိသည်များကို သတိပေး လိုက်သည်။ စစ်တပ်က ကျောထောက်နောက်ခံ ပေးထားသည့် ကြံ့ခိုင်ရေးပါတီမှ လွှတ်တော်ကိုယ်စား လှယ်တဦးဖြစ်သော ဦးအောင်သောင်းကို အမေရိကန် ဘဏ္ဍာရေး ဝန်ကြီးဌာနက မြန်မာနိုင်ငံ၏ စီးပွားရေးမှ အပြုသဘောဆောင်သည့် ပြောင်းလဲမှုများကို ပျက်ပြားစေရန် တက်ကြွစွာ လုပ်ဆောင်နေသည်ဟု သတ်မှတ်ပြီး နာမည်ပျက်စာရင်း သွင်းလိုက်ခြင်း ဖြစ်သည်။

အမေရိကန် ဘဏ္ဍာရေးဌာနက ဦးအောင်သောင်း မည်ကဲ့သို့ လုပ်ဆောင်ခဲ့သည်ကို တိကျစွာ ထုတ်ပြန်ခဲ့ခြင်း မရှိသော်လည်း နာမည်ပျက်စာရင်း သွင်းလိုက် ခြင်းအားဖြင့် အမေရိကန်နှင့် ဆက်သွယ်နေသော ဘဏ်များမှ သူ၏ ပိုင်ဆိုင်မှုများကို ထိန်းချုပ်လိုက်ပြီး အမေရိကန် ကုမ္ပဏီများနှင့် စီးပွားရေးလုပ်ငန်း လုပ် ဆောင်ခြင်းကိုလည်း တားမြစ်လိုက်သည်။

“နောက်ဆုံးအနေနဲ့ မြန်မာနိုင်ငံက လွှတ်တော် ကိုယ်စားလှယ်တယောက်ကို အမေရိကန်က ဒဏ်ခတ် အရေးယူ လိုက်တာ မြန်မာနိုင်ငံကို အနောက်တိုင်းက ရင်းနှီးမြှုပ်နှံမှုတွေ ယူဆောင်ဖို့ ကြိုးစား နေတဲ့ ကုမ္ပဏီတွေ အတွက် ဖြေရခက်တဲ့ မေးခွန်း တခုကို ဖော်ပြနေပါတယ်။ နာမည်ပျက်စာရင်းမှာ အမည်တွေ ပိုပြီး ပေါ်လာဖို့လည်း ရှိနေပါ တယ်။ အခုလို လုပ်လိုက်တာက ၂၀၁၂ ခုနှစ်မှာ ဒဏ်ခတ် ပိတ်ဆို့မှုတွေ ပယ်ဖျက်ပေးပြီး နောက်ပိုင်းမှာ အဆင့်မြင့် တာဝန်ရှိသူတဦးကို ပထမဆုံး နာမည်ပျက်စာရင်း သွင်းလိုက်တာ ဖြစ်ပါတယ်” ဟု Wall Street Journal က ရေးသားခဲ့သည်။

ဦးအောင်သောင်းနှင့် သူ၏ မိသားစုသည် မြန်မာနိုင်ငံတွင် အဓိက စီးပွားရေးလုပ်ငန်း အများအပြားကို ထိန်းချုပ်ထားပြီး ကုန်သွယ်ရေးနှင့် ဆောက်လုပ်ရေး လုပ်ငန်းများမှသည် ရေအားလျှပ်စစ် ထုတ်လုပ်နိုင်သည့် ဆည်များ တည်ဆောက်ခြင်း အထိ လုပ်ငန်းများ ကျယ်ကျယ်ပြန့်ပြန့် လုပ်ကိုင်နေသော IGE ကုမ္ပဏီလည်း အပါအဝင် ဖြစ်သည်။

IGE ကုမ္ပဏီသည် တရုတ်နိုင်ငံမှ China Gezhouba Group ကော်ပိုရေးရှင်းနှင့် ပူးပေါင်း၍ မန္တလေးတိုင်းအတွင်းမှ ရဲရွာ ရေအား လျှပ်စစ်ဓာတ် အားပေးစက်ရုံ တည်ဆောက်ရာတွင် ပါဝင်ခဲ့သည်။

IGE ကုမ္ပဏီသည် ရေနံနှင့် သဘာဝဓာတ်ငွေ့ လုပ်ငန်းကဏ္ဍနှင့် ပိုက်လိုင်း တည်ဆောက်ရေးကဏ္ဍ သို့လည်း ဝင်ရောက်ခဲ့သည်။ မကြာသေးမီက ကမ်းလွန်နှင့် ကုန်းတွင်းပိုင်း လုပ်ကွက် ၂၀ ကျော် ချထားပေးခဲ့ သဖြင့် လုပ်ငန်းများ စတင်ချိန်တွင် လုပ်ငန်းလိုအပ်ချက်များ မြင့်တက်လာသည့် အတွက် ဖြစ်သည်။ လုပ်ကွက်များ ချထားပေးရာတွင် အမေရိကန်ကုမ္ပဏီ အချို့လည်း လုပ်ကိုင်ခွင့် ရရှိခဲ့သည်။

“ဒဏ်ခတ် အရေးယူမှု အသစ်တွေက မြန်မာ နိုင်ငံမှာ စီးပွားရေး လုပ်ငန်းလုပ်ကိုင်ဖို့ အခွင့်အလမ်း ရှာဖွေနေတဲ့ အနောက်တိုင်း ကုမ္ပဏီတွေ အတွက် အဟန့်အတား ဖြစ်စေပါတယ်။ ဒါပေမယ့် အမေရိကန် သံတမန်တွေက မြန်မာနိုင်ငံက စီးပွားရေး လုပ်ငန်းရှင်တွေကို နာမည်ပျက်စာရင်းကနေ ဖယ်ရှားပေးရေး လျှောက်ထားဖို့ တက်တက်ကြွကြွတိုက်တွန်းအားပေး နေကြပါတယ်။ အခုအချိန်အထိ ၁၀ဝ နဲ့ အထက်မှာ ရှိတဲ့ စာရင်းထဲမှာ နာမည်အချို့ကို ဖယ်ရှားပေးပြီး ဖြစ်ပါတယ်” ဟု Wall Street Journal ကဆိုသည်။

“၂၀၁၄ ခုနှစ်ထဲမှာတော့ ပယ်ဖျက်ပေးလိုက်တဲ့ သူ မရှိပါဘူး။ ၂၀၁၃ ခုနှစ်အတွင်းမှာ တယောက်ပဲ ဖယ်ရှားပေးလိုက် ပေမယ့် အမြောက်အမြား စာရင်း ထပ်သွင်းခဲ့တာကို မှတ်တမ်းတွေ အရ သိရပါတယ်” ဟုလည်း ဖော်ပြထားသည်။

The post ရွေးကောက်ပွဲနှောင့်နှေးလျှင် မြန်မာ့စီးပွားရေး ကျဆင်းနိုင် appeared first on ဧရာဝတီ.

ရုပ်တုက ခန့်ခန့်ညားညားရှိသော်လည်း အရောင်တွေက ကာလာကြာရှည်စွာ ထိန်းသိမ်းမှုမဲ့နေခြင်းကြောင့် အရောင်တွေလွင့်ကာ မဲညစ်ညစ်ဖြစ်နေသည် (ဓာတ်ပုံ – မောင်ဉာဏ/ဧရာဝတီ)

မြန်မာနိုင်ငံ ကုန်းဘောင်ခေတ်သမိုင်းတွင် ယောမင်းကြီး ခေါ် ယောအတွင်းဝန် ဦးဘိုးလှိုင်သည် ပညာရှိ မင်းမှုထမ်း အဖြစ် ထင်ရှားခဲ့သူတဦး ဖြစ်သည်။ မြန်မာသမိုင်းကို စိတ်ဝင်စားသူတွေတိုင်း ဦးဘိုးလှိုင်ကို သိကြသည်။ သို့သော် စိတ်မကောင်းစရာကား ဦးဘိုးလှိုင်လို သမိုင်းတင်ခံခဲ့ရသည့် ပညာရှိပုဂ္ဂိုလ်၏ အထိမ်းအမှတ် ဂူဗိဗာန်

မည်သည့်နေရာတွင် စံမြန်းနေသည်၊ မည်သို့ ထိန်းသိမ်းစောင့်ရှောက်ထားသည်ကို ယနေ့ခေတ် လူငယ်အများစု အပါအ၀င် သမိုင်းကို စိတ်ဝင်စားသူအချို့ပါ သိရှိသူ နည်းပါးနေခြင်းဖြစ်သည်။

ယောအတွင်းဝန် အထိမ်းအမှတ် အုတ်ဂူသည် ယဉ်ကျေးမှုမြို့တော်ဟု ခေါ်တွင်သည့် မန္တလေးမြို့ အောင်မြေသာစံမြို့နယ်၊ ပင်းယလမ်း( ၂၂ စီ လမ်း) အနောက်ထိပ်အနီးတွင် မထင်မရှား တည်ရှိသည်။ စာရေးသူသည်ပင်လျှင် ယောအတွင်းဝန် အထိမ်းအမှတ်အုတ်ဂူ နေရာ အနီးဝန်းကျင်တွင် နေထိုင်သူဖြစ်ပါလျက် တခေါက်တခါမျှ ၀င်ရောက်လေ့လာကြည့်ရှုခြင်း မရှိခဲ့ဘူးပါ။ အပြင်ပမ်းကသာ ဖြတ်သွားဖြတ်လာ ငေးမောကြည့်ဖူးပါသည်။

ပြီးခဲ့သည့်ရက်ပိုင်း မနက်ခင်းတခုမှာတော့ ယောအတွင်းဝန် အထိမ်းအမှတ် အုတ်ဂူထားရှိရာ ၀င်းအတွင်း သွားရောက်လေ့လာဖြစ်ခဲ့ပါသည်။ အထိမ်းအမှတ် ဂူနေရာဝင်း မျက်နှာစာရှေ့မှာ အခွန်လွတ်ဈေးရဲ့ သားငါးနဲ့ သီးနှံဈေးတန်းတွေက အစီအရီ ရှိနေသည်။ ဈေးတန်းတွေက ကာရံပိတ်ဆို့ထားတာကြောင့် အထိမ်းအမှတ်ဂူ ရှိနေသည်ကို အလွယ်တကူ မသိရှိနိုင်ပေ။ ဈေးဆိုင်တန်းတွေကြားမှာ ရှိနေတာကြောင့် အနံ့အသက်ကလည်း သ်ိပ်မကောင်းဟု ခံစားရသည်။

ဝင်ဝင်ချင်း အပေါက်နဲ့တည့်တည့်တွင် အိုမင်းဟောင်းနွမ်းနေသည့် အုတ် အဆောက်အဦ တခုရှိပါသည်။ ထိန်းသိမ်းခံရမှု မရှိခြင်းကြောင့် အဆောက်အဦ၏ အချို့နေရာတွေတွင် အက်ကွဲကြောင်းတွေ၊ အင်္ဂတေကွာကျနေတွေဖြစ်နေပြီး အောက်ခံရှေးအုတ်များပင် ပေါ်နေသည်။ အဆောက်အဦ ပေါ်တွင်လည်း သစ်ပင်ငယ်တွေပင် ရှင်သန်ပေါက်ရောက်နေပါသည်။

အဲသည် ခပ်အိုအို မဲညစ်ညစ် အဆောက်အဦထဲမှာတော့ ကုန်းဘောင်ခေတ်က အကျော်ဒေးယျ ပုဂ္ဂိုလ် ယောအတွင်းဝန်၏ အုတ်ဂူနဲ့အတူ သူ၏ မိသားစုဆွေမျိုးများ အုတ်ဂူတွေ တည်ရှိပါသည်။ အုတ်ဂူပတ်ဝန်းကျင်တွင်တော့ အစောင့်က သန့်ရှင်းရေးလုပ်ထားပုံရသည်။ အနည်းငယ် သန့်ရှင်း သပ်ရပ်နေသည်။ အုတ်ဂူပေါ်တွင်လည်း ဖယောင်းတိုင် မီးထွန်းညှိပူဇော်ထားသည်ကို တွေ့ရပြီး လျှပ်စစ်မီးထွန်းထားသည်ကိုတော့ မတွေ့ခဲ့ရပေ။

ယောအတွင်းဝန် အထိမ်းအမှတ် အုတ်ဂူထားရှိရာနေရာကို မြင်တွေ့ရသည်မှာ ၀မ်းနည်းဖွယ်ကောင်းသည်။ စနစ်တကျ ထိန်းသိမ်း မထားခြင်း၊ လေ့လာစရာနေရာ တခုအဖြစ် ဖန်တီးပေးမထားခြင်းတို့ကြောင့် ထို အထိမ်းအမှတ်ဗိမာန်နေရာသည် ဗိမာန်နှင့်မတူဘဲ ဖြစ်နေသည်။ အထိမ်းအမှတ်နေရာတခုအဖြစ် အကျယ်အ၀န်း အတန်အသင့်ကျယ်သည့် နေရာရှိထားပါလျက်နှင့် ယောအတွင်းဝန် စံမြန်းရာနေရာကို စနစ်တကျ ထိန်းသိမ်းမှု မဲ့နေသည်မှာ သမိုင်းကို တန်ဖိုးမထားရာရောက်သည်ဟု ခံစားနေမိသည်။

အမှန်တကယ်တော့ ဦးဘိုးလှိုင်သည် မြန်မာနိုင်ငံ၏ ပထမဦးဆုံးသော ဖွဲ့စည်းပုံ အခြေခံဥပဒေ ဟုခေါ်တွင်နိုင်သည့် ရာဇဓမ္မသင်္ဂဟကျမ်း၊ နာမည်ကျော်ဆေးကျမ်းဟု ခေါ်ဆိုနိုင်သည့် ဥတုဘောဇနကျမ်း အပါအ၀င် နာမည်ကျော် ကျမ်းပေါင်း ၂၀ ကို လေ့လာ မှတ်တမ်းတင် ပြုစုခဲ့သည့် ထိတ်ထိတ်ကျဲ ၀န်မင်းတပါးပင်ဖြစ်သည်။ တခေတ်တခါက နာမည်ကျော်ကြားခဲ့သည့် ပညာတတ်ဝန်တပါးကို အထိမ်းအမှတ်အဖြစ် နေရာတခု သတ်မှတ်ပေးထားပါလျှက် ပြုပြင်ထိန်းသိမ်းမှုမရှိသည်မှာ သမိုင်းကို မြတ်နိုးသူတဦး အမြင်ဖြင့်ပြောရရင် သက်ဆိုင်ရာဌာနတွေ အနေဖြင့် တာဝန်ယူမှု ကင်းလွန်းရာ ကျနေသည်။ ယောအတွင်းဝန်၏ သမိုင်းတွင် စွမ်းဆောင်ခဲ့သည်များမှာ ယခုလို ထားရှိသည့်ပုံစံများနှင့် မလိုက်ဖက် မတင့်တယ်လွန်းရာ ကျနေသည်။ မိုးနဲ့မြေပမာ ကွာခြားနေသည်။

ယောအတွင်းဝန် အုတ်ဂူ၏ အရှေ့ဖက် မလှမ်းမကမ်းတွင် မြို့သစ်မြို့စား အုတ်ဂူနှင့် သူ၏ဆွေတော်မျိုးတော်များ အုတ်ဂူတွေ တည်ရှိသည်။ အဲသည် အုတ်ဂူအချို့သည်လည်း အထိမ်းအမှတ်ဗိမာန် အစောင့်တို့၏ ထမိန်၊ ပုဆိုး စသည် အ၀တ်လှမ်းစရာ နေရာတခုမျှ ဖြစ်နေသည်ကို တွေ့မြင်ရသည်။ အထိမ်းအမှတ်ဗိမာန်ဟုဆိုသော်လည်း လူအသုံးဆောင် ပစ္စည်းတွေက ဗိမာန်ဝင်းအတွင်း ဟိုတစ ဒီတစ ပိုးလို့ပက်လက် ပြန့်ကျဲစွာရှိနေသည်မှာ လာရောက်လေ့လာသူတွေအဖို့ ရှုမြင်မကောင်းပေ။

အထိမ်းအမှတ် အုတ်ဂူနှင့်ပတ်သတ်ပြီး အစောင့်တာဝန်ခံဆိုသူကို မေးမြန်းကြည့်သည့်အခါ ဘာမှမသိပါ။ သိလိုပါလျှင် ရှေးဟောင်းဌာနကို သွားမေးပါဟုသာ ဖြေကြားသည်။ ဗိမာန်ဝင်းအတွင်း လေ့လာကြည့်သည့်အခါတွင်လည်း အနှီတာဝန်ခံဆိုသူကား သမိုင်းကိုပြောမပြသည့်အပြင် နောက်ကနေ မယုံကြည်သလို လိုက်ပါလာပြီး ဓာတ်ပုံမရိုက်ရဟု သတိပေးခံခဲ့ရသေးသည်။ တာဝန်ခံ မယုံကြည်သည်မှာ ထူးတော့မထူးဆန်းပေ။ သည်နေရာကို အထိမ်းအမှတ် ဗိမာန်နေရာအဖြစ် မသိကြသည့်အတွက် လာရောက်လေ့လာသူတွေ

မရှိသလောက် ဖြစ်နေခြင်းကြောင့် ဖြစ်သည်။

အထိမ်းအမှတ် ဗိမာန်ဝင်း အလယ်တည့်တည့်လောက်တွင်တော့ ယောအတွင်းဝန်၏ ပုံစံတူ ရုပ်တုဖြူဖြူကြီးတစ်ခု စိုက်ထူထားသည်။ ရုပ်တုက ခန့်ခန့်ညားညားရှိသော်လည်း အရောင်တွေက ကာလာကြာရှည်စွာ ထိန်းသိမ်းမှုမဲ့နေခြင်းကြောင့် အရောင်တွေလွင့်ကာ မဲညစ်ညစ်ဖြစ်နေသည်။ ကုန်းဘောင်ရာဇ၀င်တွင် သမိုင်းကျန်နေခဲ့သည့် ယောအတွင်းဝန်အတွက် စနစ်တကျ ထိန်းသိမ်းမထားသည်ကို သက်ဆိုင်ရာ မန္တလေးတိုင်းအစိုးရ၊ တာဝန်ရှိ ၀န်ကြီးဌာနတို့ကို မေးခွန်းထုတ်နေမိသည်။ ထိန်းသိမ်းဖို့ ဘတ်ဂျက်မရှိလို့လား၊ သမိုင်းကို နောင်လူတွေ မလေ့လာစေချင်လို့လား၊ ယောအတွင်းဝန် အထိမ်းအမှတ်ဗိမာန် မန္တလေးတွင်ရှိသည်ကို အမှတ်မရတာလား စသဖြင့်။

တတိယမြို့တော်အဖြစ် အဆင့် လျော့ကျခဲ့သည့် မန္တလေးမြို့တော်တွင် ယောအတွင်းဝန်လိုမျိုး သမိုင်းတွင်သည့်ပုဂ္ဂိုလ်အချို့၏ အထိမ်းအမှတ်နေရာများ အုတ်ဂူများရှိနေသေးသည်။ မန္တလေးတောင်ခြေအနီး စန္ဒာမုနိဘုရားအတွင်းရှိ မြန်မာနိုင်ငံကို ခေတ်မီစက်မှုနိုင်ငံတော်အဖြစ် ပြောင်းလဲဖို့ကြိုးစားခဲ့သူ မင်းတုန်းမင်း၏ နောင်တော် ကနောင်မင်း အုတ်ဂူ၊ နန်းမြို့တွင်းရှိ မန္တလေးမြို့ကိုစတင်တည်ထောင်သူ မင်းတုန်းမင်းတရားကြီး အုတ်ဂူတို့ဖြစ်သည်။

ထိုနေရာများ အုတ်ဂူများသည်လည်း ထိန်းသိမ်းစောင့်ရှောက်မှု စနစ်မကျခြင်း၊ အားနည်းနေခြင်းတွေရှိနေသည်ကို တွေ့နေရသည်။ ထို့အပြင် ခင်စောမူကွေ့အနီးရှိ လွတ်လပ်ရေးအတွက် တိုက်ပွဲဝင်ခဲ့တဲ့ ဆီးဘန်းနီဆရာတော်အုတ်ဂူ၊ ၄၁ လမ်း မဟာအောင်မြေ ကျောက်ဝိုင်းအနီးရှိ သခင်ဗဟိန်း အုတ်ဂူများသည်လည်း လမ်းတွေ စီမံကိန်းတွေကြောင့် ယခုအခါ မရှိတော့သည့်အပြင် နေရာအစားထိုး ထိန်းသိမ်းတာမျိုးလည်း မရှိခဲ့ပေ။

မအ,အောင် သမိုင်းကို သင်ရမည်ဟု သမိုင်းပညာရှင် ဆရာကြီး ဒေါက်တာသန်းထွန်းက မှတ်ချက်ပေးဖူးသည်။ သမိုင်းကိုလေ့လာဖို့ သင်ယူဖို့အတွက် သမိုင်းဝင်နေရာတွေ မှတ်တမ်းတွေ အထိမ်းအမှတ်တွေကို ထိန်းသိမ်းခွင့်ရှိပါလျက်နဲ့ စနစ်တကျ မထိန်းသိမ်းဘဲ လျစ်လျူရှုထားခြင်းသည်လည်း လူတွေကို အ,အောင် လုပ်နေခြင်းပင်ဖြစ်သည်။ လူတွေ အ,ပါက တိုင်းပြည် အ,မည်ဖြစ်သည်။ တိုင်းပြည်သည် နှစ်အတော်ကြာ အ,ခဲ့ပြီဖြစ်သည့်အတွက် လုံလောက်နေပြီဖြစ်သည်။ အ,အ တိုင်းပြည်ကနေ ရုန်းထွက်နိုင်အောင် သမိုင်းတွေ၊ သမိုင်းဝင် အထိမ်းအမှတ် နေရာတွေကို စနစ်တကျ ထိန်းသိမ်းစောင့်ရှောက်ဖို့ အချိန်ကျရောက်နေပါပြီ။

(စာရေးသူသည် အပတ်စဉ်ထုတ် သတင်းဂျာနယ်များတွင် နိုင်ငံရေး၊ စီးပွားရေးနှင့် ယဉ်ကျေးမှုဆိုင်ရာ အတွေးအမြင် ဆောင်းပါးများကို ပုံမှန်ရေးသားနေသော မန္တလေးအခြေစိုက် စာရေးဆရာတဦးဖြစ်သည်။)

The post ယောအတွင်းဝန်ဗိမာန်ရောက် အတွေးများ appeared first on ဧရာဝတီ.

အစား အသောက်ကို အရောင်စုံအောင် စားပါ လို့တောင် ဆိုရိုးထားကြ လေရဲ့ (ဓာတ်ပုံ – သော်ဟိန်းထက် / ဧရာဝတီ)

မြန်မာတို့ရဲ့ ဓလေ့ထုံးတမ်းမှာ လူကြီး သူမတွေ၊ ဆရာတွေကို ကန်တော့ကြတဲ့အခါ `ဘုန်းကြီးပါစေ၊ အသက် ရှည်ပါစေ၊ ကျန်းမာပါစေ´ ဆိုတဲ့ ဆုကို ပေးတတ်ကြပါတယ်။ သက်ရှည်ကျန်းမာ ဆိုတဲ့ စကား လုံးကိုလည်း တွဲသုံးကြ ပါတယ်။ ကျန်းမာမှလည်း အသက်ရှည်မှာ ကိုး။ လူတွေမှာ တခြားအရာတွေကို ခုံမင်မက်မော ကြတာကလည်း ကျန်းမာရေး ကောင်းနေတုန်း အချိန်ပါပဲ။

ကျန်းမာရေး ထိခိုက်ပြီ ဆိုတာနဲ့ အလိုချင်ဆုံး ဆန္ဒက ပိုက်ဆံတွေ၊ အာရုံခံစားမှုတွေ မဟုတ်တော့ဘဲ ပြန်လည် နေကောင်းလာ စေဖို့ပဲ မဟုတ်ပါလား။ မကျန်းမာလို့ ဆေးကုရင် ကုန်မယ့် ပိုက်ဆံကတော့ တပိုင်းပေါ့လေ။

နေ့စဉ် နေထိုင်စားသောက် နေတာတွေက သက်ရှည်ကျန်းမာ နည်းလမ်းတွေနဲ့ ညီရဲ့လားလို့ သုံးသပ်ကြည့် ရအောင်ပါ။ ခုခေတ်တွေမှာ ခေတ်စား လာနေတာကတော့ မြေထဲပင်လယ်ဒေသ အစားအသောက်တွေနဲ့ အသီးအရွက် အခြေခံ အစားအသောက်တွေက နှလုံးရောဂါတွေ၊ ကင်ဆာရောဂါတွေကို လျော့ပါးစေတာမို့ သက်ရှည် ကျန်းမာ အစားအစာလို့ ဆိုလာကြပါတယ်။

ဒါပေမယ့်လည်း ကျန်းမာရေးနဲ့ ကိုက်ညီတဲ့ အစားအသောက်ပဲ ဖြစ်စေဦး အဆမတန် စားပြန်ရင်လည်း မကောင်း နိုင်ဘူး လို့တော့ ဆိုကြ ပြန်ပါတယ်။ အဲဒီတော့ ချင့်ချင့်ချိန်ချိန် စားသောက် နေထိုင်တာက အသက်ရှည်ရာ၊ ကျန်းမာရာ ဆေးနည်းတလက်လို့ ဆိုရမှာပါပဲ။

မြေထဲပင်လယ်ဒေသ အစားအစာ

မြေထဲပင်လယ်ဒေသ အစားအစာလို့ ခေါ်ရတာက မြေထဲပင်လယ် အနီးတဝိုက် နိုင်ငံတွေမှာ နေထိုင်သူတွေရဲ့ စားသောက်မှုကို ဆိုလိုတာပါ။ အဲဒီဒေသမှာ နေထိုင်ကြတဲ့ လူတွေမှာ နှလုံးသွေးကြော ရောဂါတွေ အဖြစ်နည်းတာ၊ အသက်ရှည်သူတွေ များတာတွေကြောင့် ကျန်းမာရေးနဲ့ ကိုက်ညီတာ အစားအသောက် တွေကြောင့်ပဲလို့ သတ်မှတ် ကြတာပါ။

နေထိုင်ရာ တိုင်းပြည်ရဲ့ ထုံးဓလေ့ယဉ်ကျေးမှု ကွာဟချက်တွေ အရ အစားအသောက် ပုံစံတွေ ကွဲပေမယ့် ဒီဒေသ တခုလုံး ခြုံကြည့်ရင်တော့ ကျန်းမာရေးနဲ့ ညီညွတ်တဲ့ အစားအသောက်တွေပဲ ဆိုတာ တွေ့လာကြ ပါတယ်။ ဒါပေမယ့် ဒီဒေသမှာသာ ရနိုင်တဲ့ အစားအသောက်တွေတော့ မဟုတ်ပါဘူး။ သူတို့ရဲ့ အခြေခံ အစားအသောက် တွေမှာ ဂျုံကြမ်း၊ ဆန်ကြမ်း၊ သစ်သီးဝလံ၊ ဟင်းသီးဟင်းရွက်၊ အစေ့အဆန်တွေ၊ သံလွင် ဆီ၊ ငါး အစရှိ တာတွေ ဖြစ်ပြီး  ပြည့်ဝဆီတွေ၊ သကြားတွေနဲ့ အသားတွေ မပါသလောက် ဖြစ်နေတာမို့ ဒါမျိုး စားစရာတွေကို မြေထဲပင်လယ်စာလို့ ခြုံငုံ  ခေါ်ကြတာ ပါပဲ။ အဲဒီ အစား အသောက်တွေက ဘာကြောင့် ကျန်းမာသက်ရှည် အကျိုးကို  ရစေသလဲ  ဆိုတာ လေ့လာထားတဲ့ အချက်တွေ ရှိပါတယ်။

အကြမ်းများ

ဂျုံကြမ်း၊ ဘာလီကြမ်း၊ ဆန်လုံးညို၊ ကွေကာအုပ်လို အစားအသောက်တွေ ပါပဲ။ သူတို့မှာ အပေါ်ယံ ဖွဲအလွှာ၊ အလယ်မှာ ကစီဓာတ်လွှာ၊ ဗီတာမင်နဲ့ သတ္တု ဓာတ်တွေပါတဲ့ အတွင်းအလွှာ ဆိုပြီး ပါဝင်ကြပါတယ်။ အဲဒီ အကြမ်းထည်တွေကို ဖြူဖွေးအောင် ဖွပ်ချေလိုက် ရင်တော့ ကျန်းမာသက်ရှည်ရေး အတွက် အထောက် အကူပေးတဲ့ အမျှင်ဓာတ်တွေ၊ ဗီတာမင်အီးနဲ့ ဗီတာမင်ဘီတွေ ဖယ်ရှားလိုက်သလို ဖြစ်သွားပါတယ်။

အရည်အသွေး ပြည့်တဲ့ အဲဒီအကြမ်းထည်တွေ စားတာက ကိုလက်စထရောတွေ ကျစေတယ်၊ ဆီးချို ဖြစ်တာ လျော့စေတယ်၊ နှလုံးရောဂါတွေလည်း ကာကွယ်ပါတယ်။ အမျိုးသမီး ကျန်းမာရေး သုတေသန လုပ်သူတွေ ဆယ်စု နှစ်များစွာ လေ့လာ တွေ့ရှိတာကတော့ အဲဒီအကြမ်းတွေကို တပတ်မှာ ၄ ကြိမ်ကနေ ၇ ကြိမ်လောက် အထိ စားရင် လုံးဝ မစားသူတွေထက် အသက်ရှည်နှုန်း ၃၁ ရာခိုင်နှုန်း ပိုတယ်လို့ ဆိုပါ တယ်။ တနေ့တကြိမ်လောက်တော့ စားသုံးသင့်တယ် မဟုတ်လား။ ဖွဲနုနဲ့ လုပ်တဲ့ မုန့်တွေ၊ ဆန်ကြမ်းနဲ့ လုပ်တဲ့မုန့်တွေ၊ ဂျုံကြမ်းပေါင်မုန့်တွေ အများကြီးထဲ က တခုမဟုတ်တခု နေ့စဉ် စားသုံးပေးနိုင်တာ ပေါ့။

သစ်သီးဝလံနဲ့ ဟင်းသီးဟင်းရွက်

မြေထဲပင်လယ်ဒေသ အစားအသောက်တွေမှာ သစ်သီးဝလံတွေနဲ့ ဟင်းသီးဟင်းရွက်တွေ ဖောဖောသီသီ ပါနေတာကို တွေ့ရပါတယ်။ အစားအသောက်ကို အရောင်စုံအောင် စားပါ လို့တောင် ဆိုရိုးထားကြ လေရဲ့။ အရောင်စုံ အသီး အရွက်တွေက ကျန်းမာရေး အတွက် ဆုလာဘ်တွေပါပဲ။ အစာစားတိုင်း အသီးအရွက်ကို ပန်းကန် တဝက်လောက် ဖြည့်တင်း စားသောက်တာက အကောင်းဆုံးလို့ ဆိုကြပါတယ်။ အသီးအရွက် ဖျော်ရည်တွေလည်း ဖြည့်စွက် စားသုံး သင့်ပါတယ်။ အသီးအရွက်တွေရဲ့ သဘာဝအတိုင်း  ဓာတ်တိုး ဆန့်ကျင် ပစ္စည်းတွေ၊ ဗီတာမင်တွေ ပါဝင်တာက ကျန်းမာရေး အထောက်အကူတွေ ပေါ့။

သံလွင်ဆီ

အဆီရဲ့ သဘောကိုက ကောင်းတာနည်းပြီး မကောင်းတာများ တာပါ။ ဒါပေမယ့် သံလွင်ဆီကတော့ အဆီ ထဲမှာ ဘုရင်ပေါ့။ သူ့ရဲ့ အကျိုးကျေးဇူးက နှလုံးကျန်းမာရေး အတွက် အတော်ကောင်းတာ ကိုး။ တခြား အသီး အရွက်ဆီတွေ နေကြာ၊ ပဲပိစပ် စတာတွေ ရှိပေမယ့် အဲဒီအဆီတွေက သံလွင်ဆီနဲ့ မတူတဲ့ အဆီ ဓာတ်တွေလည်း ပါဝင်နေတာပါ။ သံလွင်ဆီကို ကိုယ့်ရပ် ဒေသမှာ ပုံမှန်စားသုံးဖို့ ကတော့ ပြဿနာ ရှိပါ  တယ်။

ငါး

အဆီပါတဲ့ ငါးတွေ (သူတို့ဆီမှာတော့ ဆော်လ်မွန်၊ ဆာဒင်း၊ တူနာ၊ မက်ခရဲလ်) ကတော့ မြေထဲ ပင်လယ် စာရဲ့ အဓိက အစားသောက်ပါပဲ။ ကိုယ်တွေ ဆီမှာတော့ ငါးတန်၊ ငါးမြင်းတွေ ပြောရမှာပေါ့။ ဒီငါးတွေ ကျန်းမာရေး ကောင်းစေတာ က အဓိက အားဖြင့် အိုမီဂါ-၃ အဆီ အက်ဆစ်ဓာတ် ကြွယ်ဝ လွန်းလို့ပါပဲ။ သွေးကြောတွေ ကျန်းမာရေးမှာ အဲဒီ အဆီ အက်ဆစ်က အထောက်အကူ အလွန်ပေးပြီး သွေးတိုးထိန်းညှိပေးတာကိုး။ ဒီလို အဆီများငါးတွေကို တပတ်မှာ အနည်းဆုံး ၂ ကြိမ်လောက်တော့ စားသင့်ပါတယ်။

ပဲအမျိုးမျိုး

ပဲသီး၊ ပဲစေ့ အားလုံးက အမျှင်ဓာတ် ကြွယ်ဝပါတယ်။ ပရိုတင်းခေါ်တဲ့ အသားဓာတ် အဓိကပါဝင်တဲ့ အစာတွေလည်း ဖြစ်ပါတယ်။ အဆီလည်း ပါဝင်မှု နည်းပါးလွန်းတာက ကျန်းမာရေး အထောက်အကူ တချက်ပါပဲ။ လတ်လတ် ဆတ်ဆတ်ကို ချက်ပြုတ်စားသုံး နိုင်သလို စည်သွတ်ဘူးတွေလည်း စားလို့ အဆင်ပြေပါတယ်။ သတိပြုစရာ တချက် ကတော့ စည်သွတ်ဘူး လုပ်ရာမှာ ဆားတွေ သိပ်မထည့်မိ စေဖို့ပါပဲ။

အစေ့အဆန်များ

အစေ့အဆန်တွေ (ဖရုံ၊ နေကြာ စသဖြင့်) မှာ ကယ်လိုရီတွေ များတတ်တာမို့ တချို့က ဝမှာကြောက်ပြီး ရှောင်ကြဉ်ကြ ပါတယ်။ ဒါပေမယ့် သူတို့မှာ ပါဝင်တဲ့ အဆီတွေက ပြည့်ဝဆီ မဟုတ်တာကြောင့် စားသုံးသင့်ပါတယ်။ များများစားသုံး တာက နှလုံးရောဂါ ဖြစ်နိုင်ခြေတောင် လျော့ကျစေပါတယ်။ သိပ်ငန်တာမျိုး မဟုတ်တဲ့ အစေ့အဆန်တွေကို တနေ့ လက်တခုပ်စာ လောက်တော့ စားသုံးသင့်တယ် လို့ ဆိုပါတယ်။
ကယ်လ်ဆီယမ်နဲ့ နို့ထွက်ပစ္စည်း

မြေထဲပင်လယ် ဒေသ နေထိုင်သူတွေက ဒိန်ခဲတွေ၊ မလိုင်တွေ အလွန်အကျွံ စားလေ့ရှိကြ ပါတယ်။ ဒါတွေက နှလုံးသွေးကြော ရောဂါတွေ အတွက် ရှောင်ကြဉ်သင့်တာတွေ ဖြစ်နေပါလျက်နဲ့ သူတို့တော့ မဖြစ်ကြတာကို လေ့လာနေကြဆဲ ပါပဲ။ တချို့ကတော့ သူတို့က စားတဲ့ ပမာဏထက် လှုပ်ရှားမှု ပိုများကြလို့ ဆိုပြီး ပြောကြပါတယ်။ ဒိန်ချဉ်လိုမျိုးတွေ စားတာကတော့ ကျန်းမာရေး အထောက်အကူ ဖြစ်ပြန်တယ် လို့ဆိုပါတယ်။

ဝိုင်

ဝိုင်ဆိုတာ ကလည်း အရက်နွယ်ဝင် ပေမို့ ဒီကိစ္စကတော့ အငြင်းပွားစရာ ဖြစ်ပေမယ့် မြေထဲပင်လယ် ဒေသကလူတွေ ဝိုင်သောက်တဲ့ ဓလေ့က သက်ရှည်ကျန်းမာခြင်းနဲ့ သက်ဆိုင်တယ် လို့ ကောက်ချက်ဆွဲ ကြပါတယ်။ အမျိုးသမီးတွေ တနေ့တခွက်လောက်၊ အမျိုးသားတွေ တနေ့ ၂ ခွက်လောက် ဝိုင်သောက် တာက နှလုံးရောဂါဖြစ်ပွားမှု လျော့ကျစေ တာတော့ အမှန်ပဲလို့ ဆိုပါတယ်။ အရက်သဘာဝအရ တခြား အန္တရာယ်တွေ ရှိတတ်တော့ ဒါက ချိန်ဆရမယ့် အချက် ပေါ့။

အထက်မှာ ဆိုခဲ့တာတွေ ကြည့်ရင် မြေထဲပင် လယ်ဒေသမှာ နေထိုင်သူတွေ ကျန်းမာသက်ရှည်စေတဲ့ အစား အသောက်တွေကို သတိမူမိမှာ ပါ။ အဲဒါတွေက မြေထဲပင်လယ်မှာသာ ရတဲ့ အစားအသောက်တွေ မဟုတ်ဘဲ ကိုယ့် ပတ်ဝန်းကျင်တွေ မှာလည်း ရှိနေတာ တွေ့ရမှာပါ။ အဲဒီတော့ ကျန်းမာဖို့၊ အသက်ရှည်ဖို့ အတွက် မြေထဲပင်လယ် အစားအသောက်မျိုးတွေ အသီးအရွက်နဲ့ ငါး အခြေခံ စားသောက်ကြည့်ပြီး စမ်းသပ် ကြည့်ကြရအောင်လား။     ။

The post သက်ရှည် ကျန်းမာ စားစရာများ appeared first on ဧရာဝတီ.

မောင်တောမြို့အနီး တည်ရှိသော မောရဝတီရွာက ကိုလှထွန်းဦး (ဓာတ်ပုံ – Reuters)

နှစ်စဉ် နှစ်တိုင်း ဝေးလံခေါင်ဖျားသည့် မြန်မာနိုင်ငံ အနောက်ပိုင်း ထောင့်စွန်းနေရာလေးမှ သောင်းနှင့် ချီသော ရိုဟင်ဂျာ မွတ်စလင်များ အနီးအနား တိုင်းပြည်များသို့ လှေစီး၍ ထွက်ပြေးကြသည်။ သို့သော် သူတို့လို ကြီးမားသည့် အခြား စွန့်ခွာထွက်ပြေးမှုက ကမ္ဘာ့သတင်းခေါင်းစဉ်များတွင် မပါသလောက် နည်းပါးနေသည်။

ရခိုင်တိုင်းရင်းသား ဗုဒ္ဓဘာသာဝင်များသည်လည်း (ဘင်္ဂါလီများဟု ရန်သူသဖွယ် ခါးခါးသီးသီး သူတို့က ခေါ်သော) ရိုဟင်ဂျာများနည်းတူ မလေးရှားနှင့် ထိုင်းနိုင်ငံ များတွင် အလုပ်အကိုင်ရှာဖွေရန် အတွက် ရခိုင်ပြည်နယ်ကို စွန့်ခွာနေကြသည်။ အရည်အတွက် အနည်းငယ်မျှရှိသည့် ရခိုင်လူမျိုးများသည် ရိုဟင်ဂျာများ သွားသည့် မှောင်ခိုလမ်းကြောင်းအတိုင်း သွားကြပြီးနောက် ရိုဟင်ဂျာများကဲ့သို့ပင် လူကုန်ကူးသူများ၏ သားကောင်အဖြစ်သို့ ရောက်ရှိသွားကြသည်။

ထိုသို့ စွန့်ခွာထွက်သွားမှုများက ကျယ်ပြန့်သော စီးပွားရေးကျဆင်းမှုကို ရောင်ပြန်ဟပ်ပြနေသည်။ မြန်မာနိုင်ငံ၏ အရပ်သား တပိုင်း အစိုးရက ၂၀၁၁ ခုနှစ်တွင် အာဏာရရှိပြီးကတည်းက ပြုပြင်ပြောင်းလဲမှု အမြောက်အမြား ပြုလုပ်ခဲ့သော်လည်း အလုပ် အကိုင်နေရာများ လုံလောက်စွာဖန်တီး ပေးနိုင်ခဲ့ခြင်း မရှိသေးပါ။

“ရခိုင်ရွာတွေကို သွားမယ်ဆိုရင် ကလေးတွေနဲ့ သက်ကြီးရွယ်အိုတွေပဲ တွေ့လိမ့်မယ်။ လူငယ်တွေက ထွက်သွားကြပြီ” ဟု ရခိုင်ပြည်နယ်၏ မြို့တော် စစ်တွေမြို့မှ လူသိများသည့် စီးပွားရေး လုပ်ငန်းရှင် တဦးဖြစ်သော ဦးထွန်းမောင်က ပြောသည်။

လူရာနှင့် ချီ၍ သေဆုံးခဲ့ရပြီး မွတ်စလင် အများစုပါဝင်သည့် လူပေါင်း ၁၄၀,၀၀၀ ခန့် အိုးမဲ့အိမ်မဲ့ ဖြစ်ခဲ့ရသော လူမျိုးစု အသိုင်းအ၀ိုင်း ၂ ခုကြားမှ ပဋိပက္ခမျာဖြစ်ပွားခဲ့ပြီး နောက် ၁ နှစ်အကြာ ၂၀၁၂ ခုနှစ် အတွင်းတွင် ရိုဟင်ဂျာများရော ရခိုင် လူမျိုးများပါ စွန့်ခွာထွက်ပြေးမှု မြင့်တက်လာခဲ့သည်။

အိုးအိမ်မဲ့ဖြစ်ခဲ့ရသော မွတ်စလင်များသည် ယခုအခါတွင် ရခိုင်ကမ်းရိုးတန်း တလျှောက်ရှိ ညစ်ပတ်ပေရေနေသည့် ဒုက္ခသည် စခန်းများတွင် နေထိုင်ကြပြီး ဟောင်းနွမ်းအိုမင်းနေသည့် လူမှောင်ခိုလှေများ လွယ်ကူစွာ ဆိုက်ကပ်နိုင်သည့် နေရာ ဖြစ်နေသည်။

၂၀၁၂ ခုနှစ် ပဋိပက္ခများနောက်ပိုင်းတွင် ရိုဟင်ဂျာ ၁၀၀,၀၀၀ ခန့်လှေဖြင့် ထွက်ပြေးခဲ့ကြသည်ဟု ရိုဟင်ဂျာ အရေး ဆောင် ရွက်နေသော Arakan Project အဖွဲ့ကပြောသည်။

ရခိုင် လူမျိုးများ အမြောက်အမြား ထွက်ခွာသွားနေသည်ကို သတိမပြုမိကြခြင်းမှာ ၎င်းတို့က ကုန်းလမ်းနှင့် လေကြောင်း လမ်းတို့မှ နိုင်ငံကူး လက်မှတ်များကိုင်ဆောင်၍ ပုံမှန်ထွက်သွားနေကြ၍ ဖြစ်ပါသည်။ နိုင်ငံမဲ့ ရိုဟင်ဂျာများမှာ နိုင်ငံကူး လက်မှတ် ကိုင်ဆောင်နိုင်ခြင်း မရှိပေ။

သို့သော်လည်း ရခိုင်လူမျိုးများသည်လည်း ၂၀၁၂ ခုနှစ်မှစ၍ အမြောက်အများထွက်ခွာသွားခဲ့ကြသည်ဟု မြန်မာတာဝန်ရှိ သူ များကပြောကြသည်။ ရာစုနှစ်ဝက်မျှကြာမြင့်ခဲ့သော စစ်အာဏာရှင် အုပ်ချုပ်ရေးကာလအတွင်းတွင် ဥပေက္ခာ ပြုထား ခဲ့သည့်အတွက် ဒေသတွင်း စီးပွားရေး အခြေအနေဆုတ်ယုတ်ကျဆင်းလာခဲ့၍ ဖြစ်ပါသည်။

အလုပ်အကိုင်ရရှိရန်အတွက် သန်းနှင့်ချီသော မြန်မာနိုင်ငံသားများ နိုင်ငံခြားသို့ ထွက်ခွာခဲ့ကြသည်။ အိမ်နီးချင်း ထိုင်း နိုင်ငံ တခုထဲမှာပင် မြန်မာနိုင်ငံသား ၂ သန်းခန့်ရှိသည်ဟု နိုင်ငံတကာ အလုပ်သမားအဖွဲ့ (ILO) ကပြောသည်။ မြန်မာ နိုင်ငံ၏ စီးပွားရေး တိုးတက်ကောင်းမွန်လာလျှင်ပင် အများစုက ပြန်ကြဖွယ် မရှိပေ။

“သူတို့ကို မယုံဘူး”

ရခိုင်လူမျိုးများနေရပ်ကို စွန့်ခွာသွားကြခြင်းသည် စီးပွားရေးနှင့် အသိုင်းအ၀ိုင်း ၂ ခုကြား တင်းမာမှုကို ပိုပြီး ဆိုးလာစေ နိုင်သည်။

လူဦးရေ ၃.၂ သန်း နေထိုင်သည့် ရခိုင်ပြည်နယ်တွင် ရိုဟင်ဂျာများသည် လူနည်းစုဖြစ်ပြီး လူဦးရေ အချိုးအစားမှာ ရခိုင် လူ မျိုး ၂ ယောက်ရှိလျှင် ရိုဟင်ဂျာက တယောက်သာ ရှိသည်။

သို့သော်လည်း ပြည်နယ်၏ အနောက်ဘက် ဘင်္ဂလားဒေ့ရှ် နိုင်ငံနှင့် နယ်နိမိတ်ချင်း ထိစပ်နေသော မောင်တော ဒေသ တွင် အဆိုပါ ကိန်းဂဏန်းများက ပြောင်းပြန်ဖြစ်နေသည်။ လူဦးရေ ၅၁၀,၀၀၀ ရှိရာတွင် ရခိုင် သို့မဟုတ် မွတ်စလင် မဟုတ်သူက ၃၀,၀၀၀ သာရှိသည်ဟု မောင်တောမြို့နယ် အုပ်ချုပ်ရေးမှူး ဦးကြည်စန်းက ရိုက်တာ သတင်းဌာနသို့ ပြောကြားခဲ့သည်။

လူငယ်များက နိုင်ငံခြားတွင် အလုပ်လုပ်ကိုင်ရန် သူတို့၏ ကျေးရွာများကို စွန့်ခွာသွားကြသည့်အခါ ရခိုင်လူမျိုးများ အင်အားနည်းလာပြီး ၀ိုင်းရံခြင်းခံထားရသလို ခံစားကြရသည်။

မလေးရှားနိုင်ငံမှ စက်ရုံတခုတွင် ၇ နှစ်ကြာမျှ အလုပ်လုပ်ခဲ့ပြီး မောရ၀တီကျေးရွာသို့ ယခုမှ ပြန်လည်ရောက်ရှိလာသော အသက် ၃၀ အရွယ်ရှိသူ ကိုလှထွန်းဦးက သူနိုင်ငံခြားသို့ ရောက်ရှိနေချိန် ၂၀၁၂ ခုနှစ် ဇွန်လ အတွင်းက ကျေးရွာကို ရိုဟင်ဂျာ လူအုပ်ကြီးက မီးရှို့ ဖျက်ဆီးခဲ့သည်ဟု ပြောပြသည်။

မောရ၀တီကျေးရွာကို မြန်မာအစိုးရနှင့် နိုင်ငံတကာ အကူအညီပေးရေး အဖွဲ့များ၏ အကူအညီဖြင့် ပြန်လည်တည်ဆောက် ခဲ့သည်။ အဆိုပါ ကျေးရွာသည် စစ်စခန်းပုံစံ ဖြစ်နေသည်။

စစ်သားများက တောင်ကုန်းထိပ် တခုပေါ်မှနေ၍ ကွင်းပြင်များကို စောင့်ကြည့်နေသည်။ မောရ၀တီကျေးရွာနှင့် ကမ်းခြေ တလျှောက်မှ မွတ်စလင် ကျေးရွာများကြားရှိ ဗုဒ္ဓဘာသာ ဘုန်းကြီးကျောင်းတခုတွင်း စစ်သားများ စခန်းချထားကြသည်။

အနီးအနားမှ ရခိုင်ကျေးရွာများတွင်လည်း ရဲအဖွဲ့က အမြဲတမ်းစောင့် ကြပ်နေသည်။ မွတ်စလင် ကျေးရွာများကို ရခိုင်လူမျိုးများ ရှောင်ကွင်းပြီးသွားနိုင်ရန် စစ်တပ်က အသစ်ဖောက်လုပ်ပေးထားသည့် လမ်းများဖြင့် ဆက်သွယ်ထားသည်။  ည ၁၁ နာရီ မှ မနက် ၄ နာရီအထိ ညမထွက်ရ အမိန့်ထုတ်ပြန်ထားသည်။

“ကျနော့်ကို ဒီမှာမွေးတယ်။ ကျနော့်မြေကို ချစ်တယ်။ ကျနော် ဒီမြေကို ကာကွယ်ချင်တယ်” ဟု ကိုလှထွန်းဦးက သူပြန်လာရသည့် အကြောင်းရင်းကို ရှင်းပြသည်။

သို့သော်လည်း ကိုလှထွန်း၏ ညီ ၂ ယောက်အပါအ၀င် ရွာသား ၁၀၀ ခန့်မှာ မလေးရှား သို့မဟုတ် အခြားနေရာများတွင် သွားရောက်၍ အလုပ်လုပ်နေကြသည့် အတွက် မောရ၀တီ ကျေးရွာတွင် အလုပ်လုပ်နိုင်သော အသက်အရွယ်ရှိသူ ယောက်ျား ၂၀ ခန့်သာ ကျန်နေသည်။

မွတ်စလင် အိမ်နီးချင်းများနှင့် ဆက်ဆံရေးကလည်း တင်းမာနေဆဲဖြစ်သည်။ ရခိုင်လယ်သမားများက မွတ်စလင် များကို အလုပ်သမားအဖြစ် ငှားရမ်းခြင်း မပြုတော့ပေ။ “သူတို့ကို မယုံတော့ဘူး” ဟု ကျေးရွာ အကြီးအကဲ ဦးမောင်မောင်သိန်းက ပြောသည်။

သို့သော်လည်း အချို့နေရာများတွင် ရခိုင်များနှင့် ရိုဟင်ဂျာ မွတ်စလင်များမှာ များစွာ ကွာခြားခြင်းမရှိကြပါ။

အသက် ၃၀ အရွယ် ရခိုင်အမျိုးသားတယောက် ဖြစ်သော ကိုဖြူတုတ်သည် နိုင်ငံကူးလက်မှတ် မရှိသည့်အတွက် မလေးရှားနိုင်ငံအတွင်းသို့ မှောင်ခို ၀င်ရောက် နိုင်ရန် ပွဲစားတဦးကို အမေရိကန် ဒေါ်လာ ၆၀၀ မျှ ပေးခဲ့ရသည်။ ခရီးသွား လက်မှတ် မရှိသော ရိုဟင်ဂျာများသည်လည်း ပွဲစားများအပေါ် မှီခိုကြရသည်။

ကိုဖြူတုတ် မြန်မာနိုင်ငံတောင်ပိုင်းသို့ သွားရောက်ခဲ့သည်။ ထိုင်းနိုင်ငံအတွင်းသို့ လှေဖြင့် ၀င်ရောက်၍ တောတောင် ထူ ထပ်သည့် တောင်ပေါ်လမ်းမှနေ၍ မလေးရှားနိုင်ငံအတွင်းသို့ သွားခဲ့သည်။ ထောင်ပေါင်းများစွာသော ရိုဟင်ဂျာများသည် လည်း ထိုလမ်းကြောင်း အတိုင်းပင် သွားခဲ့ကြသည်။

သူနှင့် အတူ လူ၃၀ ခန့်ပါဝင်ခဲ့သည်။ “အများစုက ရခိုင်တွေပါ” ဟု မလေးရှားနိုင်ငံမှ စက်ရုံတခုတွင် ၁ နှစ်ခန့် လုပ်ကိုင်ခဲ့ သော ကိုဖြူတုတ်က ပြောသည်။

ရိုဟင်ဂျာများကဲ့သို့ပင် ရခိုင်များသည်လည်း ခေါင်းပုံဖြတ် အမြတ်ထုတ်ခြင်းခံကြရသည်။ ယခုနှစ် အစောပိုင်းက ထိုင်းနိုင်ငံ မှ ငါးဖမ်းလှေတစင်းပေါ်တွင် လူကုန်ကူးခံခဲ့ရသည့် ရခိုင်အမျိုးသား ၁၄ ဦးကို အင်ဒိုနီးရှားနိုင်ငံ ရေပိုင်နက်အတွင်းတွင် တွေ့ ရှိခဲ့ရသည့် အတွက် International Organization for Migration အဖွဲ့က နေရပ်သို့ပြန်နိုင်အောင် သြဂုတ်လ အတွင်းက စီစဉ်ပေးခဲ့ရသည်။

၎င်းတို့ကို ထိုင်းနိုင်ငံတွင် လစာကောင်းသည့် အလုပ်အကိုင်ရရှိမည်ဟု လိမ်ညာခေါ်ဆောင်သွားခဲ့ခြင်းဖြစ်သည်။

အလုပ်မရှိသော လုပ်သားများ

ရခိုင်မိသားစု အများအပြားသည် နိုင်ငံခြားတွင် အလုပ်လုပ်ကိုင်နေသူများမှ ပြန်ပို့ပေးသည့် ငွေအပေါ်တွင် မှီခိုနေကြရသည်။ ကိုလှထွန်းဦးက မလေးရှားနိုင်ငံတွင် အလုပ်လုပ်ကိုင်နေစဉ် အိမ်သို့ တလလျှင် အမေရိကန်ဒေါ်လာ ၂၀၀ ပြန်ပို့ ပေးခဲ့သည်ဟု သိရသည်။ ၇ နှစ်ကာလအတွင် နောက်ထပ် အမေရိကန်ဒေါ်လာ ၂၀၀၀၀ မျှ စုဆောင်းနိုင်ခဲ့သည်ဟုလည်း ဆိုသည်။

သို့သော်လည်း ရခိုင် လူငယ်အမြောက်အများ ထွက်ခွာသွားခဲ့ခြင်းက ၂၀၁၂ ခုနှစ် သွေးထွက်သံယို ကိစ္စများထဲတွင် လုံးလည်လိုက်နေသော ဒေသ၏ စီးပွားရေးကို အထောက်အကူ မဖြစ်စေခဲ့ပါ။

ရခိုင်ပြည်နယ်သည် ဆင်းရဲမွဲတေမှုကို နာတာရှည်ရောဂါတခုလို ခံစားနေရသည်။ အာဟာရ မပြည့်ဝမှုကိုလည်း နေရာ အနှံ့အပြားတွင် မြင်တွေ့နိုင်ပြီး လမ်း တံတားနှင့် ဆက်သွယ်ရေး အခြေခံအဆောက်အဦကလည်း မရှိသလောက် ချို့တဲ့နည်းပါးသည်။ စက်ရုံများကလည်း အနည်းငယ်သာ ရှိပြီး တခုနှင့် တခု အလှမ်းဝေးလွန်းသည်။

၂၀၁၂ ခုနှစ်နောက်ပိုင်းတွင် မွတ်စလင်များက အဓိက ထုတ်လုပ်ပေးနေသည့် ဟင်းသီးဟင်းရွက်နှင့် ပင်လယ်ထွက်ကုန် ဈေးနှုန်းများ အဆမတန် မြင့်တက်သွားခဲ့သည်။ အလုပ်သမားခများလည်း မြင့်တက်သွားသည်။ စစ်တွေမြို့မှ စီးပွားရေး လုပ်ငန်းများတွင် မွတ်စလင်များကို အလုပ်သမားအဖြစ် ငှားရမ်းခွင့်မရှိပါ။ ၎င်းတို့ကို မြို့ထဲမှ ထွက်စေပြီး ဝေးလံသည့် ဒုက္ခသည်စခန်းများတွင် ရဲ အစောင့် အကြပ်များဖြင့် နေထိုင်နေကြရသည်။

“အဓိကရုဏ်းနဲ့လူမျိုးရေး ခွဲခြားမှုတွေက စီးပွားရေးကို ထိခိုက်စေပါတယ်။ မွတ်စလင်တွေက စခန်းထဲမှာပဲနေရတော့ အလုပ်မလုပ်နိုင်ကြဘူး။ မတည်ငြိမ်မှုက အရေးပါတဲ့ နိုင်ငံခြားရင်းနှီးမြှုပ်နှံမှုတွေကို ဆွဲဆောင်ဖို့ အခက်အခဲဖြစ်စေပါတယ်” ဟု မြန်မာ့အရေး လေ့လာသူတယောက်ဖြစ်သည့် Richard Horsey က ပြောသည်။

အလုပ်အကိုင်ရှာဖွေနေကြသည့် ရခိုင်လူမျိုးများကို မိမိတို့ ဒေသတွင် ဆက်လက်ရှိနေစေရန် စီးပွားရေး ဖွံ့ဖြိုးတိုးတက်မှုက တွန်းအား ဖြစ်စေပါလိမ့်မည်။ စစ်တွေမြို့တွင် စားသောက်ဆိုင် ၂ ဆိုင် နှင့် ဟိုတယ်တခု ဖွင့်လှစ်ထားသည့် စီးပွားရေး လုပ် ငန်းရှင် ဦးထွန်းမောင်ကလည်း ဒီအတိုင်းပဲ မျှော်လင့်ထားပါသည်။

သို့သော် အလုပ်သမား လိုချင်သည့်အတွက် ၆ လမျှ ဦးထွန်းမောင် ကြော်ငြာ၍ ရှာဖွေခဲ့ရသည်။ “ဘယ်သူမှ အလုပ်လာ မလျှောက်ကြဘူး” ဟု သူက ပြောပြသည်။

( Reuters သတင်းဌာနမှ Andrew R.C. Marshall ရေးသားသော Poor and besieged, Myanmar’s Rakhine join Rohingya exodus ကို နိုင်မင်းသွင် ဆီလျော်အောင် ဘာသာပြန်သည်)

The post နေရစ်ခဲ့တော့ ရခိုင်ပြည် appeared first on ဧရာဝတီ.

တိုင်းပြည်၏ ရိုးရာယဉ်ကျေးမှုများကို ထိန်းသိမ်းရန်နှင့် သမိုင်းဝင် အမွေအနှစ်များကို ပြန်လည်ဖော်ထုတ် ရာတွင် အထောက်အကူ ဖြစ်စေရန် Digital နည်းပညာကို အသုံးပြုရေး စိတ်ကူးကောင်း တခုကို အကောင် အထည်ဖော်ရန် မြန်မာနိုင်ငံမှ ဗီဒီယိုဂိမ်း ရေးဆွဲသည့်အဖွဲ့တခုက အကြံရခဲ့ကြသည်။

နည်းပညာ အသုံးပြု၍ ပြုပြင်ပြောင်းလဲခြင်း များသည် ကာလရှည်ကြာစွာ ရှိခဲ့သည့် ယဉ်ကျေးမှုဓလေ့ ထုံး တမ်းများ အပေါ် အနုတ်သဘော သက်ရောက်နိုင်သည် ဟု အမြင်များ ရှိသော်လည်း သူတို့ အတွက်ကတော့ အရေးပါသည့် လက်နက်ကိရိယာ တခု ဖြစ်ပါသည်။

“ကျနော်တို့ရဲ့ အဓိက လုပ်ချင်တာက ဒီနေ့ခေတ် နည်းပညာကို အသုံးပြုပြီး မြန်မာ့ယဉ်ကျေးမှုကို မြှင့်တင် ဖို့ပါပဲ” ဟု Total Gameplay Studio မှ နည်းပညာ အရာရှိချုပ် ကိုမြင့်ကျော်သူက ပြောသည်။

Total Gameplay Studio သည် နည်းပညာ နားလည်တတ်ကျွမ်းသည့် မြန်မာလူငယ် ၈ ဦး ပါဝင်သည့် အဖွဲ့တခု ဖြစ်ပြီး ဗီဒီယိုဂိမ်း ၅ ခု ကျော်နှင့် မိုဘိုင်းဖုန်း Application များ ဖန်တီးခဲ့ပြီး ဖြစ်သည်။

ယခုအချိန်တွင် သူတို့ ရည်ရွယ်ချက် အကြီးဆုံး ထား၍ အားထုတ်ခဲ့သော ဂိမ်းကို ဖြန့်ချိတော့မည် ဖြစ်သည်။
“ဒီနေ့ ဒီဂျစ်တယ်ခေတ်က လူငယ်တွေအတွက် အခုလိုဂိမ်းမျိုးတွေ ဖန်တီးခြင်း အားဖြင့် မြန်မာ့ယဉ် ကျေး မှုကို တနည်းတဖုံ ထိန်းသိမ်းနိုင်မယ်လို့ ကျနော်တို့ ယုံကြည်ထားပါတယ်” ဟု သူက ဆိုသည်။

“ဒါ့အပြင် ကျနော်တို့ မြန်မာတွေပိုင်တဲ့ ဂိမ်းတွေ ဖန်တီးချင်ပါတယ်။ ဒီမြန်မာဂိမ်းတွေကို ကမ္ဘာကို ဖြန့်ချိချင်ပါတယ်” ဟု သူက ထပ်ပြောသည်။

၂၀၁၃ ခုနှစ်တွင် သူတို့က ပထမဦးဆုံး အနေဖြင့် ဂိမ်းကစားသူများ အတွက် မြန်မာ့ရိုးရာခြင်းလုံး ကစားသည့် ဂိမ်းကို ထုတ်လုပ်ပေးခဲ့သည်။ အဆိုပါ Application တွင် ကစားသူသည် တချိန်က ရေပန်းစားခဲ့သည့် ခြင်းလုံးခတ် ကစားနည်းကို ကစားရမည် ဖြစ်သည်။

သူတို့ ရေးဆွဲခဲ့သည့် “မောင်ပိန်” Application တွင် ဂိမ်းကစားသူသည် ဆိုက်ကားသမား မောင်ပိန်အဖြစ် ကစားရပြီး သင်္ကြန်ပွဲတော် ကာလအတွင်းတွင် ရေကစားသူများ အတွက် ရေလိုက်ပက် ရခြင်းဖြစ်သည်။ သုံးစွဲသူများက သဘောကျ နှစ်ခြိုက်ကြောင်း ပြသသည့် ကြယ်ပွင့်အများအပြားလည်း ရရှိထားသည်။

ထင်ရှားသည့် မြန်မာကာတွန်း ဇာတ်ကောင်တဦးဖြစ်သော သမိန်ပေါသွပ်ကို သရုပ်ဖော်ထားသည့် Application ကိုလည်း Total Gameplay Studio ကဖန်တီးခဲ့သည်။ အဆိုပါဂိမ်းတွင် တချိန်က ကလေးငယ် များ၏ အသည်းစွဲ သူရဲကောင်းတဦး လည်းဖြစ်၊ ရယ်ရွှင်ဖွယ်ရာ ဟာသဇာတ်ကောင်လည်း ဖြစ်ခဲ့သည့် သမိန်ပေါသွပ်က လူဆိုးများနှင့် ရင်ဆိုင် တိုက်ခိုက်ခြင်း၊ အတားအဆီးများကို ကျော်လွှားခြင်း များကို ပြုလုပ်ရမည် ဖြစ်သည်။

သူတို့၏ လက်ရှိအားထုတ်မှုမှာ “The Age of Bayintnaung” ဂိမ်းဖြစ်ပါသည်။ လူကြိုက်များသည့် “Age of Empire” နှင့် “Clash of Clans” ဂိမ်းများကဲ့သို့ စစ်ဗျူဟာအရ ယှဉ်ပြိုင် တိုက်ခိုက်ရသည့် ဂိမ်းတခုဖြစ်ပြီး လာမည့်နှစ်တွင် ထုတ်လုပ် ဖြန့်ချိရန် စီစဉ်ထားပါသည်။

ကစားနည်းထဲ၌ မြန်မာနိုင်ငံတွင် သက်ဦးဆံပိုင် ဘုရင်စနစ် ထွန်းကားခဲ့စဉ်က စွမ်းအားအကြီးဆုံး ဘုရင် တပါးဖြစ်သည့် ဘုရင့်နောင်နှင့် ထိုင်းဘုရင် Naresuan တို့ကို သရုပ်ဖော်ထားသည်။ Naresuan ကလေးငယ်ဘဝတွင်  ဘုရင့်နောင် က ထိုင်းများ ကိုယ်စား ဓားစာခံသဘော ခေါ်ယူမွေးစားပြီး ပညာသင် ပေးခဲ့သော်လည်း နောက်ပိုင်းတွင် ထိုင်းနိုင်ငံကို မြန်မာလက်အောက်မှ လွတ်မြောက်အောင် ကြိုးစားနိုင်ခဲ့ သည်။ ဘုရင့်နောင်သည် မြန်မာနိုင်ငံ၏ တောင်ငူ နန်းဆက်မှ ဘုရင်တပါးဖြစ်ပြီး ၁၆ ရာစုနှင့် ၁၇ ရာစု အတွင်းတွင် အရှေ့တောင်အာရှ၏ အကြီးဆုံး အင်ပါယာကို ထူထောင်နိုင်ခဲ့သူ ဖြစ်သည်။

ကမ္ဘာတလွှားမှ သန်းပေါင်းများစွာသော ဂိမ်းကစားသူများ အတွက် ဂိမ်း၏အမည်သည် ဈေးကွက်တွင် ပိုမိုပျံ့နှံ့ ရောက်ရှိနိုင်အောင် ပံ့ပိုးပေးနိုင်သည်။ ဂိမ်းများရေးဆွဲနေသည့် မြန်မာလူငယ်များ အတွက်မူ “The Age of Bayintnaung” သည် သူတို့ အတွက် အဓိကမှတ်တိုင်တခု ဖြစ်ပါလိမ့်မည်။ အဘယ်ကြောင့်ဆိုသော် သူတို့အဖွဲ့ အနေဖြင့် အင်တာနက်အသုံးပြု နိုင်ရေး အတွက် အကန့်အသတ်များ ရှိနေခြင်းနှင့် တနှစ်ပတ် လုံးလိုလို မကြာခဏ လျှပ်စစ်မီး ပြတ်တောက်နေခြင်း စသည့် စိန်ခေါ်မှုများ ရှိနေသည့် မြန်မာနိုင်ငံ အတွင်း မှပင် ဗီဒီယိုဂိမ်းများ ရေးဆွဲထုတ် လုပ်နိုင်ရေး အတွက် နှစ်ပေါင်းများစွာ ခက်ခဲစွာ အားထုတ်ခဲ့ကြ ရခြင်း ကြောင့် ဖြစ်သည်။

မိမိဘာသာ လေ့လာသင်ယူမှုဖြင့် ကြိုးစားခဲ့ကြရသော လူငယ်ဂိမ်းရေးဆွဲသူများက ရန်ကုန်မြို့ရှိ သူတို့၏ Total Gameplay Studio ရုံးခန်းအတွင်းမှ နေ၍ နိုင်ငံတကာ အဆင့်မီ ဂိမ်းများကို ထုတ်လုပ်ခဲ့ ကြသည်။ သို့သော်လည်း နည်းပညာဆိုင်ရာ ပစ္စည်း ကိရိယာများ အခြေအနေက ပြည့်စုံမှု မရှိကြောင်း သူတို့က ပြောပြသည်။

“ကျနော်တို့မှာ ဂိမ်းတွေ ရေးဖို့ သူများနိုင်ငံတွေ ကလို စက်ကြီးတွေ၊ နည်းပညာနဲ့ ပစ္စည်းကိရိယာတွေ ထူးထူးထွေထွေ မရှိပါဘူး။ ရိုးရိုးကွန်ပျူတာ လေးတွေနဲ့ပဲ အလုပ်လုပ်ခဲ့ရတယ်။ မီးပျက်တာကို ထည့် ပြောစရာ မလိုဘူးပေါ့။ အင်တာနက် အသုံးပြုရတာ အကန့် အသတ်ရှိနေတာက ကျနော်တို့ဂိမ်းတွေ အတွက် လိုအပ်တဲ့ နည်းပညာဆိုင်ရာ သတင်းအချက်အလက် တွေကို ရှာဖွေဖို့ အတွက် အရမ်းခက်ပါတယ်” ဟု Total Gameplay Studio ၏ အမှုဆောင် အရာရှိချုပ် ကိုဇော်ရဲမြင့်က သူတို့ ပထမဆုံး ထုတ်ဝေခဲ့သည့် နည်းဗျူဟာ ဂိမ်းတခုဖြစ်သည့် “The Mastermind” ကို ဖန်တီးခဲ့သော ၂၀ဝ၆ ခုနှစ်အတွင်းမှ အကြောင်းများကို ပြန်ပြောပြသည်။

သူတို့အဖွဲ့မှ အဖွဲ့ဝင်များ အားလုံးသည် ကွန်ပျူတာသိပ္ပံ ဘာသာရပ်ဖြင့် ဘွဲ့ရရှိခဲ့သူများ ဖြစ်ပြီး တောင်ငူ ခေတ်မှ ဇာတ်ကောင်များကို ဒီဂျစ်တယ် နည်းပညာဖြင့် အသေးစိတ် သရုပ်ဖော်ပြနိုင်ရန် ဝါရင့် မြန်မာ အနုပညာရှင်များထံတွင် ရိုးရာ အနုပညာနှင့် ဒီဇိုင်းများကို ပြီးခဲ့သည့် ၁၀ နှစ်အတွင်း အချိန်ပေးပြီး လေ့လာခဲ့ကြသည်။

ဂျပန်နိုင်ငံ တိုကျိုမြို့နှင့် မလေးရှားနိုင်ငံ ကွာလာလမ်ပူမြို့တို့တွင် ယခုနှစ် အတွင်း ပြုလုပ်ခဲ့သော နိုင်ငံ တကာ ဂိမ်းပြပွဲများတွင် “The Age of Bayintnaung” ဂိမ်းသည် ထိုင်းနိုင်ငံနှင့် မလေးရှား နိုင်ငံများမှ ထုတ်ဝေသူများကို ဆွဲဆောင်နိုင်ခဲ့သည်။ ထိုင်းနိုင်ငံသားနှင့် မလေးရှားနိုင်ငံသား စီးပွားရေး လုပ်ငန်း ရှင်များက စိတ်ဝင်စားကြောင်း ထုတ်ဖော် ပြောခဲ့ကြပြီး ဂိမ်းဖြန့်ဖြူးရေးနှင့် အရောင်းမြှင့်တင်ရေးတို့တွင် ပူးပေါင်းဆောင်ရွက်လိုကြောင်း ကမ်းလှမ်းခဲ့ ကြသည်ဟု သူတို့က ပြောသည်။

“ကျနော်တို့က ဒီဂိမ်းကို လူ ၈ ယောက်တည်းနဲ့ ရန်ကုန်မှာ ဖန်တီးနိုင်ခဲ့တဲ့ အတွက် အံ့ဩတယ် လို့ နိုင်ငံခြားဂိမ်း ရေးဆွဲတဲ့သူတွေနဲ့ စီးပွားရေးလုပ်ငန်းရှင် တွေက ပြောကြပါတယ်။ ဒါကို လုပ်နိုင်ခဲ့တဲ့ အတွက် အရမ်းဂုဏ်ယူမိ ပါတယ်။ ကျနော်တို့ မြန်မာတွေလည်း ဒီလိုဂိမ်းမျိုးတွေကို ဆွဲနိုင်ပါတယ် ဆိုတာကို ပြသနိုင်ခဲ့ပါတယ်”ဟု ကိုမြင့်ကျော်သူက ပြောသည်။

Total Gameplay Studio သည် ဟိန္ဒူဘာသာရေး ဇာတ်လမ်းတခု ဖြစ်သည့် ရာမယနကို အခြေခံ၍ လူအများအပြား ပါဝင်တိုက်ခိုက် ကစားရသည့် ဂိမ်းတခုဖြစ်သော “Range of Rama” အမည်ရှိ ဂိမ်းတခုကိုလည်း ရေးဆွဲဖန်တီးလျက် ရှိသည်။

ထုတ်ဝေခဲ့ပြီး ဖြစ်သော ဂိမ်းများသည် မိုဘိုင်းဖုန်းများတွင် အသုံးပြုသော iOS နှင့် Andriod စနစ် ၂ ခုလုံး တွင် ကစားနိုင်ပြီး www.tgpsdownload.com တွင် အခမဲ့ ကူးယူရရှိနိုင်ကြောင်း သိရသည်။ “Range of Rama” နှင့် “The Age of Bayintnaun” ဂိမ်းများကို Play Station 3 ဂိမ်းစက်များတွင်လည်း ကစား၍ ရနိုင်မည်ဟု သိရသည်။

“လောလောဆယ်တော့ The Age of Bayintnaung ဂိမ်းကို မဖြန့်ခင် လိုအပ်တာတွေပြင်တာ ဖြည့်တာတွေ လုပ်နေ ပါတယ်။ ကျနော်တို့ရဲ့ဈေးကွက်ကို အရှေ့တောင်အာရှအထိ တိုးချဲ့နိုင်ဖို့လည်း မျှော်လင့်နေပါ တယ်” ဟု အမှုဆောင် အရာရှိချုပ် ကိုဇော်ရဲမြင့်က ပြောသည်။

“ပရိုဂရမ် ရေးတာနဲ့ ဂိမ်းရေးဆွဲတာကို စိတ်ဝင်စားပြီးတော့ ဂိမ်းရေးသူ တယောက်အနေနဲ့ အသက် မွေးချင် တဲ့ မြန်မာလူငယ်တွေကိုလည်း ကျနော်တို့ အားပေးချင်ပါတယ်။ အားမလျှော့တမ်းသာ ကြိုးစားကြမယ်၊ စနစ်ကျကျ အလုပ် လုပ်မယ် ဆိုရင် ကျနော်တို့ နိုင်ငံတကာ အဆင့်အတန်းအထိ ရောက်အောင် သွားနိုင်မှာ သေချာပါတယ်” ဟု သူက ထပ်ပြောသည်။     ။

(ဧရာဝတီ အင်္ဂလိပ်ပိုင်းတွင် ဖော်ပြထားသော ဇာနည်မာန်၏ Gaming With a Side of Culture? There’s a Burmese App for That ကို ဘာသာပြန်ဆိုသည်။)

The post မြန်မာ့ အငွေ့အသက်နဲ့ ဂိမ်းတွေ ဖန်တီးသူများ appeared first on ဧရာဝတီ.

ဒေါ်အောင်ဆန်းစုကြည်နဲ့ သူရဦးရွှေမန်း (ဓာတ်ပုံ – ဂျေပိုင် / ဧရာဝတီ)

၂၀၁၅ ရွေးကောက်ပွဲ နီးကပ်လာတာနဲ့အမျှ အမျိုးသား ဒီမိုကရေစီ အဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည်နဲ့ ပြည်ထောင်စု လွှတ်တော် နာယက သူရဦးရွှေမန်းတို့ကြားမှာ မမြင်နိုင်တဲ့ နိုင်ငံရေးအပေးအယူတွေ ရှိနေသလားဆိုပြီး မြန်မာ့နိုင်ငံရေးအသိုင်းအဝိုင်းရဲ့ ဝေဖန်သုံးသပ်မေးခွန်း ထုတ်မှုတွေ ထွက်ပေါ်နေပါတယ်။

ပြည်ထောင်စုလွှတ်တော် နာယကလည်းဖြစ်၊ ပြည်သူ့လွှတ်တော်ဥက္ကဋ္ဌလည်းဖြစ်တဲ့ သူရဦးရွှေမန်းက နိုဝင်ဘာလ ၁၈ ရက်နေ့ နေပြည်တော်၊ လွှတ်တော်အဆောက်အအုံမှာ ကျင်းပတဲ့ သတင်းစာရှင်းလင်းပွဲမှာ ၂၀ဝ၈ ဖွဲ့စည်းပုံ အခြေခံဥပဒေကို ၂၀၁၅ ရွေးကောက်ပွဲမတိုင်မီ မပြင်ဆင်နိုင်တော့ဘဲ ရွေးကောက်ပွဲအပြီး ပေါ်ပေါက်လာမယ့် လွှတ်တော်သစ်က ဆက်လက်ဆောင်ရွက် အတည်ပြုသွားနိုင်မယ်လို့ ထုတ်ပြန်ပြောဆိုလိုက်တာမို့ တိုင်းရင်းသားတွေနဲ့ နိုင်ငံရေးအသိုင်းအဝိုင်းရဲ့ ဝေဖန်မှုကို အကြီးအကျယ် ခံလိုက်ရပါတယ်။

ဦးရွှေမန်းရဲ့ ဖွဲ့စည်းပုံပြင်ဆင်ရေး ထုတ်ပြန်ပြောဆိုချက်ကို တိုင်းရင်းသားတွေနဲ့ နိုင်ငံရေးအသိုင်းအဝိုင်းက ဝေဖန်နေလင့်ကစား ဦးရွှေမန်းရဲ့ ပြောဆိုချက်က မှန်ကန်တယ်လို့ NLD ဥက္ကဋ္ဌ ဒေါ် အောင်ဆန်းစုကြည်က နိုဝင်ဘာလ ၁၉ ရက်နေ့မှာ ထောက်ခံကြိုဆိုတယ်လို့ ပြောဆိုလိုက်တဲ့အခါ နိုင်ငံရေးသမားအများစု အံ့အားသင့်သွားကြပါတယ်။

ဦးရွှေမန်းအနေနဲ့ ၂၀ဝ၈ ဖွဲ့စည်းပုံအခြေခံဥပဒေကို ၂၀၁၅ ရွေးကောက်ပွဲမတိုင်မီ ၆ လအလိုမှာ အပြီးပြင်ဆင်မယ်လို့ လွှတ်တော်ကို တရားဝင်ထုတ်ဖော်ပြောဆိုခဲ့ဖူးပေမယ့် အခုမှ ၂၀၁၅ ရွေးကောက်ပွဲအပြီး လွှတ်တော်မှာ အတည်ပြုပြင်ဆင်နိုင်မယ်လို့ ပြောဆိုတာက ရှေ့စကားနဲ့ နောက်စကား မညီတဲ့အတွက် ဝေဖန်ခံနေရချိန်မှာ ဒေါ်အောင်ဆန်းစုကြည်က ဦးရွှေမန်းပြောတာ မှန်တယ်လို့ ထောက်ခံတဲ့အတွက် သူတို့ ၂ ဦးကြားမှာ နိုင်ငံရေးအပေးအယူတွေ သေချာပေါက်ရှိနေပြီလို့ တွက်ဆမှုတွေ ရှိနေပါတယ်။

ဒေါ်အောင်ဆန်းစုကြည် ကိုယ်တိုင်ကလည်း အခြေခံဥပဒေကို ၂၀၁၅ ရွေးကောက်ပွဲမတိုင်မီ ပြင်ဆင်မယ်လို့ ပြည်သူကို ကတိတွေပေးခဲ့ပြီးကာမှ ဦးရွှေမန်းရဲ့ ၂၀၁၅ ရွေးကောက်ပွဲပြီးမှ ပြင်ဆင်မယ်ဆိုတဲ့ ပြောဆိုချက်ကို ထောက်ခံလိုက်တာမို့  နိုင်ငံရေးအသိုင်းအဝိုင်းက ဒေါ်အောင်ဆန်းစုကြည်ကို နားမလည်နိုင်အောင် ဖြစ်ရတယ်လို့ ဆိုကြပါတယ်။

၂၀ဝ၈ ဖွဲ့စည်းပုံ အခြေခံဥပဒေ ပြင်ဆင်ရေးက ဖက်ဒရယ်ပြည်ထောင်စုစနစ် ပေါ်ထွန်းရေး၊ တိုင်းရင်းသား တန်းတူညီအခွင့်အရေး ရရှိရေး၊ အပစ်အခတ် ရပ်စဲရေးနဲ့ ငြိမ်းချမ်းရေး ရရှိရေးအတွက် သက်ရောက်မှု များစွာရှိပြီး တိုင်းရင်းသားအများစုက ၂၀၁၅ ရွေးကောက်ပွဲမတိုင်မီ ဖွဲ့စည်းပုံအခြေခံဥပဒေ ပြင်ဆင်ဖို့ လိုလားနေကြပါတယ်။ ဖွဲ့စည်းပုံအခြေခံဥပဒေ မပြင်ဆင်ဘဲ ၂၀၁၅ ရွေးကောက်ပွဲ ကျင်းပမယ်ဆိုရင် အဲဒီရွေးကောက်ပွဲကို ပါဝင်ယှဉ် ပြိုင်ခြင်းမပြုဖို့ မူဝါဒချမှတ်ထားတဲ့ တိုင်းရင်းသား နိုင်ငံရေးပါတီတချို့လည်း ရှိနေတာမို့ ရွေးကောက်ပွဲပြီးမှ အခြေခံဥပဒေ ပြင်ဆင်မယ်ဆိုတဲ့ ဦးရွှေမန်းပြောဆိုချက်ကြောင့် အခက်ကြုံနေရပါတယ်။

ရှမ်းအမျိုးသားဒီမိုကရေစီအဖွဲ့ချုပ်ရဲ့ ပြောရေးဆိုခွင့်ရှိသူ ဦးစိုင်းညွန့်လွင်က “ကျနော်တို့လည်း မျက်စိလည်ကုန်တယ်။ ဒေါ်အောင်ဆန်းစုကြည်က ရုတ်တရက် ထထောက်ခံလိုက်တော့ သူပြောတာ ရှေ့နောက် အရမ်းကွာသွားတယ်။ သူတို့ ၂ ဦးကြားမှာ သဘောတူညီမှု တခုခုရှိမလားမသိဘူး။ တခုခုတော့ ရှိနိုင်တယ်” လို့ ဧရာဝတီကို ပြောပါတယ်။

ဦးရွှေမန်းက ၂၀၁၅ မတိုင်မီ ဖွဲ့စည်းပုံအခြေခံဥပဒေ ပြင်ဆင်ဖို့ မဖြစ်နိုင်တာက ပြင်ဆင်လိုက်တဲ့ အခြေခံဥပဒေကြောင့် အုပ်ချုပ်ရေးမဏ္ဍိုင်၊ တရားရေးမဏ္ဍိုင်၊ ဥပဒေပြုရေး မဏ္ဍိုင်တွေကြားမှာ မလိုလားအပ်တဲ့ ပြဿနာတွေ၊ တိုင်းပြည်အန္တရာယ်ဖြစ်နိုင်တာကြောင့် နိုဝင်ဘာလနှောင်းပိုင်း ဗီအိုအေသတင်းဌာန (မြန်မာပိုင်း)နဲ့ ပြုလုပ်တဲ့ တွေ့ဆုံမေးမြန်းချက်တခုမှာ ပြောဆိုပါတယ်။

“ပြင်ဆင်ရေးမှာ အောင်မြင်သွားမယ်ဆိုရင် ဝန်ကြီးများသည် လွှတ်တော်ကိုယ်စားလှယ်များ ဖြစ်ရမယ်ဆိုတဲ့ ပြောင်းလဲမှုပါသွားရင် ဒီနေ့ လက်ရှိ ရှိနေတဲ့ဝန်ကြီးတွေဟာ တမျိုးတမည်တွေ ဖြစ်သွားနိုင်တယ်။ အဲဒီအတိုင်းပဲ ဒီနေ့ လွှတ်တော်တွင်းမှာ ဆွေးနွေးနေကြတဲ့ တရားသူကြီးချုပ်များကိုလည်း လွှတ်တော်က ရွေးချယ် တာဝန်ပေးတဲ့သူများ ဖြစ်ရမယ်ဆိုလို့ရှိရင် အကုန်လုံး ကမောက်ကမ ဖြစ်သွားနိုင်တယ်။ ဒါကြောင့်မို့လို့ ဒီဟာကို အသက်ဝင် လှုပ်ရှားမယ်ဆိုလို့ရှိရင် မဏ္ဍိုင်ကြီးသုံးရပ်အတွင်းမှာ မလိုလားအပ်တဲ့ ပြဿနာတွေဖြစ်ပြီးတော့မှ တိုင်းပြည်အတွက် အန္တရာယ်ဖြစ်နိုင်ပါတယ်” လို့ ဦးရွှေမန်းက ဗီအိုအေကို ပြောဆိုပါတယ်။

လွှတ်တော်ကိုယ်စားလှယ် တချို့ကတော့ ဦးရွှေမန်းရဲ့ ပြောဆိုချက်ကို သဘောမတူဘဲ ၂၀၁၅ ရွေးကောက်ပွဲမတိုင်မီ အခြေခံဥပဒေကို ပြင်ဆင်ဖို့ လွှတ်တော်ရဲ့ ထောက်ခံမှု၊ လူထုရဲ့ထောက်ခံမှုရှိရင် ပြင်ဆင်နိုင်ပေမယ့် ၂၀၁၅ ရွေးကောက်ပွဲအပြီး ပေါ်လာမယ့် လွှတ်တော်သစ်ကျမှ အခြေခံဥပဒေပြင်ဆင်မယ်လို့ ပြောဆိုတဲ့ ဦးရွှေမန်းရဲ့ ရည်ရွယ်ချက်ကို နားမလည်ဘူးလို့ ဆိုပါတယ်။

“အခြေခံဥပဒေကို ၂၀၁၅ မတိုင်မီ ပြင်ဆင်မယ်ဆိုရင်လည်း ရပါတယ်။ မဏ္ဍိုင်တွေကြားမှာ ပြဿနာမဖြစ်အောင် ပြင်ဆင်လိုက်တဲ့ ၂၀ဝ၈ ဖွဲ့ စည်းပုံ အခြေခံဥပဒေသည် ၂၀၁၅ ရွေးကောက်ပွဲအပြီး ပေါ်ပေါက်လာမယ့် ပထမဆုံး လွှတ်တော်အစည်းအဝေးမှာ တရားဝင် အသက်ဝင်မယ်ဆိုတဲ့ ပြဋ္ဌာန်းချက်တခု ဥပဒေတွေထဲမှာ ထပ်ဖြည့်လိုက်ရင်ကိုရပြီပဲ။ ဆိုလိုတာက ပြင်ဆင်တာ တွေအကုန်လုံးကို ရွေးကောက်ပွဲမတိုင်မီလုပ်၊ ပြင်ဆင်ချက်တွေအသက်ဝင်မှာက ၂၀၁၅ ရွေးကောက်ပွဲအပြီး လွှတ်တော် ခေါ်ပြီဆိုတာနဲ့ အသက်ဝင်မယ်ဆိုတဲ့ ပြဋ္ဌာန်းချက်ပဲ လုပ်ပေးဖို့ပဲလိုတယ်။ ဦးရွှေမန်းကို နားမလည်နိုင် တော့ဘူး” လို့ လွှတ်တော်ကိုယ်စားလှယ်တဦးက သုံးသပ်ပါတယ်။

လွှတ်တော်ကိုယ်စားလှယ်တွေ ကိုယ်တိုင် နားမလည်နိုင်အောင်ဖြစ်နေရတဲ့ ဦးရွှေမန်းကို ဒေါ်အောင်ဆန်းစုကြည်က ထောက်ခံနေတာကလည်း သူတို့ ၂ ဦးကြားမှာ အပေးအယူ ရှိနေတယ်ဆိုတဲ့ သံသယကို ပိုမိုခိုင်မာစေတယ်လို့ တချို့လွှတ်တော်အမတ်တွေက ဆိုပါတယ်။

အခြားတဖက်မှာလည်း ဒေါ်အောင်ဆန်းစုကြည်နဲ့ NLD က ဆန့်ကျင်နေတဲ့ အချိုးကျကိုယ်စားပြု ရွေးကောက်ပွဲစနစ် (PR) ကို ပြည်သူ့လွှတ်တော်ဥက္ကဋ္ဌ သူရဦးရွှေမန်းက အခြေခံဥပဒေနဲ့ ကိုက်ညီမှုမရှိတဲ့အတွက် မဲအများဆုံးအနိုင်ရတဲ့ ရွေးကောက်ပွဲစနစ် (FPTP) ကိုသာကျင့်သုံးဖို့ ပြည်သူ့လွှတ်တော်မှာ ကြေညာခဲ့ပါတယ်။

ပြည်သူ့လွှတ်တော်မှာ ကော်မတီဖွဲ့၊ အချိန်များစွာပေးပြီး ဆောင်ရွက်ခဲ့ရတဲ့ PR စနစ်ကို ဦးရွှေမန်းရဲ့ ကြေညာချက်တခုတည်းနဲ့ အဆုံးသတ်ခဲ့ရတဲ့ အတွက် PR ထောက်ခံတဲ့ လွှတ်တော်ကိုယ်စားလှယ်တွေက ဦးရွှေမန်းကို အတော်ကိုမကျေမနပ် ဖြစ်ခဲ့ကြပါတယ်။ ရှမ်းတိုင်းရင်းသား ဒီမိုကရက်တစ်ပါတီမှ သီပေါမြို့နယ် ပြည်သူ့လွှတ်တော်ကိုယ်စားလှယ် ဦးရဲထွန်း၊ အမျိုးသားဒီမိုကရေစီ အင်အားစုပါတီမှ ပုဇွန်တောင်မြို့နယ် ပြည်သူ့လွှတ်တော်ကိုယ်စားလှယ် ဦးအောင်ဇင်တို့က PR ကို လွှတ်တော်မှာ ကြိုတင်အသိမပေးဘဲ ရုတ်တရက် ရပ်ဆိုင်းမှုအပေါ် ဦးရွှေမန်းကို ဝေဖန်ခဲ့ကြပြီး အဲဒီဝေဖန်ချက်တွေမှာ လွှတ်တော်ဥက္ကဋ္ဌနဲ့ လွှတ်တော်ကို လေးစားမှုမရှိတဲ့ ပြောဆိုချက်တွေပါဝင်လို့ဆိုပြီး ဦးရဲထွန်းနဲ့ ဦးအောင်ဇင်ကို သတိပေးဖို့ သက်ဆိုင်ရာ နိုင်ငံရေးပါတီတာဝန်ခံတွေကို ဦးရွှေမန်းက ခေါ်ယူပြောဆိုခဲ့ပါသေးတယ်။

ဦးရွှေမန်းနဲ့ ဒေါ်အောင်ဆန်းစုကြည်တို့ရဲ့ အတိုင်အဖောက်ညီနေတဲ့ လုပ်ဆောင်ချက်တွေကြောင့် သီပေါမြို့နယ် ပြည်သူ့လွှတ်တော်ကိုယ်စားလှယ် ဦးရဲထွန်းက ဒေါ်အောင်ဆန်းစုကြည်နဲ့ ဦးရွှေမန်းအကြားမှာ ၂၀၁၅ အလွန် နိုင်ငံရေးအခင်းအကျင်းအတွက် အပေးအယူတွေ  ဖန်တီးထားသလားလို့ မေးခွန်းထုတ်ပါတယ်။

“ပြည်သူ့လွှတ်တော် ရွေးကောက်ပွဲစနစ်ကို ပြောင်းလဲခြင်းမပြုတော့ဖို့ ဆုံးဖြတ်လိုက်တာ၊ ရွေးကောက်ပွဲစနစ် မပြင်ရင် NLD က လာမယ့်လွှတ်တော်မှာ အင်အားကြီးပါတီဖြစ်မယ်။ ပုဒ်မ ၅၉(စ) ကို ပြင်ပေးဖို့ အတတ်နိုင်ဆုံးကြိုးစားပေးမယ်၊ ပြင်ပေးတာ အောင်မြင်ရင်တောင်မှ ၂၀၁၅ ရွေးကောက်ပွဲနဲ့ လွှတ်တော်သစ်တွေ ပေါ်လာပြီးနောက်ပိုင်းမှ အဲဒါကိုကျင့်သုံးနိုင်မယ်လို့ ပြောလိုက်တာ။ အဲဒီအချက်ကို ဒေါ်အောင်ဆန်းစုကြည်ကလည်း မှန်ကန်ကြောင်းထောက်ခံလိုက်တာ။ ၂၀၁၅ ရွေးကောက်ပွဲနောက်ပိုင်း သမ္မတလုပ်ချင်တယ်လို့ ထပ်ပြောလိုက်တာ။ ဦးဟံသာမြင့်က ဦးရွှေမန်း သမ္မတဖြစ်ရေး NLD က ထောက်ခံသွားမယ်လို့ပြောခဲ့တာ။ အဲဒါတွေကိုထောက်လိုက်တော့ ဒေါ်အောင်ဆန်းစုကြည်ကို ၂၀၂၀ ကျမှ သမ္မတလုပ်ဖို့ ၅၉(စ) ကို ပြင်ထားပေးမယ်၊ အခုလို ကြိုးစားပေးမှုအတွက် ၂၀၁၅ အလွန်မှာ NLD က ဦးရွှေမန်း သမ္မတဖြစ်ဖို့ ထောက်ခံပေးဖို့ အပြန်အလှန် သဘောတူထားကြပြီလားလို့ စဉ်းစားစရာဖြစ်တယ်” လို့ ဦးရဲထွန်းက သူရဲ့လူမှုကွန်ရက် ဖေ့စ်ဘုတ်စာမျက်နှာမှာ ရေးသားထားပါတယ်။

NLD ဗဟိုအလုပ်အမှုဆောင် တဦးဖြစ်တဲ့ ဦးဟံသာမြင့်က ၂၀၁၅ ရွေးကောက်ပွဲအပြီး NLD အနေနဲ့ သမ္မတလောင်းရာထူးအတွက် ကိုယ်ပိုင်ကိုယ်စားလှယ်မရှိခဲ့ရင် လက်ရှိ ပြည်ထောင်စုလွှတ်တော် နာယကလည်းဖြစ် အာဏာရ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ ဥက္ကဋ္ဌလည်းဖြစ်တဲ့ ဗိုလ်ချုပ်ကြီးဟောင်း သူရဦးရွှေမန်းကို ရွေးကောင်းရွေးနိုင်တယ်လို့ စက်တင်ဘာလကုန်ပိုင်း ထွက်ရှိလာတဲ့ Reuters သတင်းတရပ်မှာ ရေးသားခဲ့ပါတယ်။ NLD ဘက်က ဒီသတင်းမဟုတ်မှန်ဘူးလို့ ငြင်းပယ်ခဲ့ပေမယ့် ဒီသတင်းက ခိုင်မာတယ်လို့ Reuters သတင်းဌာနမှ သတင်းထောက်တဦးက ဧရာဝတီကို အတည်ပြု ပြောဆိုပါတယ်။

ဦးရွေမန်းရဲ့ လွှတ်တော်တွင်း ဆောင်ရွက်ချက်နဲ့ ရှေ့နောက်မညီတဲ့ ဒေါ်အောင်ဆန်းစုကြည်ရဲ့ ပြောဆိုချက်တွေကလာမယ့် မြန်မာ့နိုင်ငံရေးအနာဂတ်မှာ သူတို့ ၂ ဦး ပူးပေါင်းလုပ်ဆောင်မယ့်အခြေအနေ ရှိနေတာကို ပေါ်လွင်စေတယ်လို့ နိုင်ငံရေးသမား တချို့ကသုံးသပ်ပါတယ်။

“သမ္မတဦးသိန်းစိန်ကို ပြုပြင်ပြောင်းလဲရေး သမားအဖြစ်ယုံကြည်ပါတယ်” ဆိုပြီး NLD ပါတီကို ပြန်လည်မှတ်ပုံတင်၊ ၂၀၁၂ ကြားဖြတ်ရွေးကောက်ပွဲဝင်ခဲ့တဲ့ ဒေါ်အောင်ဆန်းစုကြည်အနေနဲ့ နောက်ပိုင်းမှာ “ဦးသိန်းစိန်ရဲ့ ပြုပြင်ပြောင်းလဲရေး အလုပ်မဖြစ်ဘူး” ဆိုပြီး ပြင်ဆင်ပြောဆိုခဲ့ပြန်ပါတယ်။ ဒေါ်အောင်ဆန်းစုကြည်ရဲ့ ထောက်ခံချက်ကြောင့် အမေရိကန်အပါဝင် နိုင်ငံတကာအသိုင်းအဝိုင်းနဲ့ သမ္မတ ဦးသိန်းစိန်အစိုးရ ထိတွေ့ဆက်ဆံခွင့်တွေရရှိခဲ့ပြီး နောက်ပိုင်းမှာ အမေရိကန်နဲ့ ဥရောပသမဂ္ဂက ဒေါ်အောင်ဆန်းစုကြည်ကို ပြယုဂ်တခုအဖြစ် သဘောထားဆက်ဆံတာမျိုးအထိ ဦးသိန်းစိန်အစိုးရနဲ့ နီးနီးကပ်ကပ် ဆက်ဆံလာတာမို့ ဒေါ်အောင်ဆန်းစုကြည်ရဲ့ လူပုဂ္ဂိုလ်အပေါ်အခြေခံတဲ့ နိုင်ငံရေးမူဝါဒ အမှားတခုအဖြစ် နိုင်ငံရေးအသိုင်းအဝိုင်းက ရှုမြင်သုံးသပ်ကြပါတယ်။ အဲဒီနောက် သူရဦးရွှေမန်းနဲ့ တပူးတွဲတွဲ တွေ့မြင်ရပြီး လွှတ်တော်တွင်းနဲ့ လွှတ် တော်ပြင်ပမှာ နီးကပ်တဲ့ ဆက်ဆံရေးရှိနေပါတယ်။

ပြည်သူနဲ့ ပါတီအဖွဲ့အစည်းကို အခြေမခံဘဲ လူပုဂ္ဂိုလ်အပေါ် အခြေခံတဲ့ နိုင်ငံရေးမူဝါဒ၊ နိုင်ငံရေးစနစ်၊ နိုင်ငံရေး ဆုံးဖြတ်ချက်တွေမှာ အမှားအယွင်းကြုံတွေ့နေရတာမို့ ဒေါ်အောင်ဆန်းစုကြည်အနေနဲ့  အရင်ထက်ပိုပြီး သတိထားသင့်တယ်လို့ ဝေဖန်သတိပေးမှုတွေ ရှိနေပါတယ်။

နိုင်ငံရေးလေ့လာသုံးသပ်သူ ဒေါက်တာရန်မျိုးသိမ်းကတော့ ဒေါ်အောင်ဆန်းစုကြည်အနေနဲ့ ကိုယ်တိုင်က ရိုးသားမှုရှိပေမယ့် တဖက်က နိုင်ငံရေးအရ အသုံးချချင်လို့ လှည့်စားမယ့်အခြေအနေတွေ ရှိနေတယ်လို့ ဆိုပါတယ်။

“သဘောတူညီချက်တခုကို ဒေါ်စုနဲ့ ဦးရွှေမန်း ၂ ယောက်တည်း ကြိုပြီးယူလို့ရတယ်။ ပြီးရင် ဒီ သဘောတူညီချက်ကို ကျန်တဲ့သူတွေပါ သဘောတူတဲ့ အနေအထားမျိုး ရောက်အောင်လုပ်နိုင်မှ ဒီသဘောတူညီချက်က ရေရှည်အကျိုးရှိမှာ။ အလုပ်ဖြစ်လိမ့်မယ်။ ဒီနေရာမှာ စိုးရိမ်ရတာက ဒေါ်အောင်ဆန်းစုကြည်အနေနဲ့ အလှည့်စားခံရမယ့် အနေအထားပဲ။ နိုင်ငံရေးမှာ ကိုယ်ကိုယ်တိုင်က ရိုးရိုးသားသားနဲ့လုပ်သော်လည်းပဲ တဖက်က ကိုယ်ရိုးသားသလို လိုက်မလုပ်ဘူးဆိုရင် လှည့်စားခံရတတ်တဲ့ သဘောသဘာဝရှိတာကိုတော့ သတိပြုဖို့ကောင်းတယ်” လို့ ဒေါက်တာရန်မျိုးသိမ်းက သုံးသပ်ပါတယ်။

လွှတ်တော်ကိုယ်စားလှယ် တချို့ကတော့ ဒေါ်အောင်ဆန်းစုကြည်နဲ့ ဦးရွှေမန်းကြားမှာ ပြည်သူတွေမသိနိုင်တဲ့၊ မမြင်နိုင်တဲ့ နိုင်ငံရေးသဘောတူညီချက်တွေရှိခဲ့ရင် အဲဒီပွင့်လင်းမြင်သာမှုမရှိတဲ့ နှစ်ပါးသွားနိုင်ငံရေး သဘောတူညီချက်နဲ့ ရည်ရွယ်ချက်တွေကြောင့် ပြည်သူနဲ့ တိုင်းရင်းသားတွေရဲ့ ထောက်ခံယုံကြည်မှု မရှိတော့တဲ့ အခြေအနေတွေ ပေါ်ထွန်းလာနိုင်တယ်လို့ သတိပေးပြောဆိုပါတယ်။

သာလွန်ဇောင်းထက်နှင့် ထက်နိုင်ဇော် ပူးပေါင်းရေးသားသည်။

The post အန္တရာယ်များတဲ့ နှစ်ပါးသွား နိုင်ငံရေး appeared first on ဧရာဝတီ.

စာရေးဆရာနှင့် ဗြိတိသျှ  အရပ်ဘက် အရာရှိဟောင်း တဦးဖြစ်သည့် မောရစ်ကောလစ် (Maurice Collis) သည် ၁၉၃၇ ခုနှစ်တွင် မြန်မာနိုင်ငံသို့ ပြန်သွားရန် ဆုံးဖြတ်ခဲ့ပြီးနောက် မြန်မာနိုင်ငံမြောက်ပိုင်းမှ ရှမ်းပြည်နယ်သို့ သွားရောက်ခဲ့သည်။ သူ၏ ခရီးစဉ်အတွင်း ရန်ကုန်မြို့၌ ပထမရပ် နားသည့်အချိန်တွင် အင်းလျားကန်အတွင်းရှိ “ကျွန်းပေါ်မှ အိမ်ကလေး”  တွင် လာရောက်တည်းခိုရန် အင်္ဂလိပ်အမျိုးသား မိတ်ဆွေတယောက်ကဖိတ် ကြားခဲ့သည်။

သူရေးသားခဲ့သော “နေဝင်ဘုရင်များ” စာအုပ် တွင် မောရစ်ကောလစ်က ထိုအိမ်လေးတွင် တွေ့ခဲ့ရသည့် တရုတ်ကြွေထည်များ၊ ပါရှန်း ကောဇောများ၊ ကြေးဖြင့် သွန်းလောင်းထားသည့် စည်ကြီးများ၊ ပြောင်လက်နေအောင် ဖယောင်းတိုက်ထားသည့် ကြမ်းပြင်၊ အဖြူရောင်အမွှေးပွ ခွေးလေးတကောင် တို့နှင့်အတူ ထင်ရှားသည့် မြန်မာပန်းချီဆရာကြီး ဦးဘဉာဏ်၏ လက်ရာပန်းချီကားများကြောင့် စိတ် ချမ်းမြေ့ခဲ့ရကြောင်း ရေးသားထားသည်။ ထိုအိမ်ကို ကျော်ကြားသည့် တရုတ်သူဌေးကြီး လင်ချင်းချောင်း (Lim Chin Tsong) စတင်ပြီး ကြွယ်ဝချမ်းသာလာခါစ အချိန်က ဆောက်လုပ်ခဲ့ခြင်း ဖြစ်သည်ဟုလည်း စာရေးဆရာက အတိုချုပ်ဖော်ပြခဲ့သည်။ မောရစ်ကောလစ် သွားရောက်တည်းခိုသည့် အချိန်မှာတော့ လင်ချင်းချောင်း ကွယ်လွန်ခဲ့ပြီ ဖြစ်သည်။

လင်ချင်းချောင်းသည် တရုတ်လူမျိုး စီးပွားရေး  လုပ်ငန်းရှင်ကြီး တဦးဖြစ်ပြီး ရော်ဘာပင် စိုက်ပျိုးခြင်း၊ အထည်အလိပ်လုပ်ငန်း၊ ဆန်နှင့်ဆီ ကုန်သွယ်ခြင်း၊ သတ္တုတူးဖော်ခြင်းနှင့် ဘဏ်လုပ်ငန်း ကဏ္ဍများတွင် သူ၏ စီးပွားရေးအင်ပါယာကို အောင်မြင်စွာ တည်ဆောက်နိုင်ခဲ့သည်။ သူက တရုတ်နိုင်ငံ ဖူကျန့် (Fujian) ပြည်နယ်မှ မြန်မာနိုင်ငံသို့ ပြောင်းရွှေ့အခြေချလာသည့် တရုတ်လူမျိုးတဦး၏ သားဖြစ်သည်။ ၁၈၆၁ ခုနှစ်တွင် လင်ချင်းချောင်း၏ ဖခင်ဖြစ်သူ Lim Soo Hean ရန်ကုန်မြို့သို့ ရောက်ရှိလာပြီး ဆန်အရောင်းအဝယ်နှင့် စိုက်ပျိုးရေး ထွက်ကုန်များ ရောင်းချခြင်း စတင်ပြုလုပ်ခဲ့သည်။

ထိုအချိန်တွင် အောက်မြန်မာနိုင်ငံကို ဗြိတိသျှတို့က သိမ်းပိုက်ထားပြီး မြန်မာဘုရင် မင်းတုန်းမင်း အုပ်ချုပ်နေဆဲဖြစ်သည့် အထက်မြန်မာနိုင်ငံကိုပါ သိမ်းပိုက်ယူနိုင်ရန် ပြင်ဆင်နေသည့်အချိန်ဖြစ်သည်။ ဗြိတိသျှတို့ အုပ်ချုပ်နေသည့် ရန်ကုန်၌ စီးပွားရေး လုပ်ကိုင်ရာတွင် အပြိုင်အဆိုင်များသည်။ ထို့အပြင် သူ၏ အဓိကအတားအဆီးဖြစ်သည့် ပညာရေး အားနည်းမှုကို Lim Soo Hean သတိပြုမိခဲ့သည်။ သူက ဥရောပတိုက်သားများ၊ အိန္ဒိယနိုင်ငံသားများ အပါအဝင် နိုင်ငံခြားသား ကုန်သည်များနှင့် အင်္ဂလိပ် ဘာသာဖြင့် ပြောဆိုဆက်ဆံနိုင်ခြင်း မရှိပေ။

ထိုကြောင့် အသက် ၁၆ နှစ် အရွယ်ရှိပြီဖြစ်သော သားဖြစ်သူ လင်ချင်းချောင်းကို ရန်ကုန်မြို့ရှိ စိန့်ပေါလ် ကျောင်းနှင့် ရန်ကုန်ကောလိပ်တွင် ပညာသင်ကြား စေခဲ့သည်။ သို့သော်လည်း သူ့သားက လုပ်ငန်းများ ကိုအမွေဆက်ခံပြီး အရှေ့တောင်အာရှတွင် အအောင် မြင်ဆုံး စီးပွားရေးလုပ်ငန်းများထဲမှ တခုအဖြစ် တည်ထောင်နိုင်ခဲ့သည်ကို Lim Soo Hean မြင်မသွားခဲ့ရပါ။

၁၈၈၅ ခုနှစ်တွင် Lim Soo Hean ကွယ်လွန်သွားသည့်အခါ ဖခင်ဖြစ်သူ၏ စီးပွားရေးလုပ်ငန်းများ ကို ဆက်ခံလုပ်ကိုင်ခဲ့သည်။ ထိုနှစ်ထဲတွင်ပင် ဗြိတိသျှ တပ်ဖွဲ့များ မန္တလေးသို့ချီတက်ပြီး သီပေါမင်းနှင့် မိဖုရားတို့ ပါတော်မူသည်။ မြန်မာတနိုင်ငံလုံးလည်း ဗြိတိသျှတို့ လက်အောက်သို့ ကျရောက်သွားခဲ့ရသည်။

ငယ်ရွယ်ပြီးတက်ကြွသော လင်ချင်းချောင်း သည် ပင်လယ်ကူး သင်္ဘောများ ဝယ်ယူခြင်း၊ နိုင်ငံခြားသို့ ဆန်တင်ပို့ခြင်း၊ သူ၏ သင်္ဘောလုပ်ငန်းကို စင်ကာပူ၊ ပီနန်၊ ဟောင်ကောင်၊ ကွမ်တုံ (Guangdong) နှင့် အမွိုင် (ဌငောနည) တို့အထိ တိုးချဲ့ခြင်း အားဖြင့် စီးပွားရေးအင်ပါယာကို ချဲ့ထွင်နိုင်ရန် အတွက် စတင်လုပ်ဆောင်ခဲ့သည်။

ထိုခေတ်ကာလက စီးပွားရေးသမားများထဲတွင် တရုတ်သူဌေး လင်ချင်းချောင်းကို ပါရမီရှိပြီး နည်းဗျူဟာမြောက်စွာ တွေးခေါ်စဉ်းစားနိုင်စွမ်း ရှိသူအဖြစ် အသိအမှတ်ပြုကြသည်။ သူ၏ စီးပွားရေး လုပ်ငန်းများနှင့် ထုတ်ကုန်ပစ္စည်းများတွင် “ကျင်တဲ့” (Xie De) အမှတ်တံဆိပ်ကို အသုံးပြု၍ သိသာထင် ရှားအောင် ပြုလုပ်ခဲ့သည်။ မကြာမီမှာပင် လန်ဒန်တွင် အခြေစိုက်သည့် ရေနံကုမ္ပဏီကြီး တခုဖြစ်သော ဘားမားရေနံ ကော်ပိုရေးရှင်း (BOC) နှင့် သဘော တူညီမှုရရှိပြီး BOC ထုတ်ကုန်များအတွက် ဒေသတွင်း တဦးတည်းကိုယ်စားလှယ်အဖြစ် ခန့်အပ်ခြင်းခံခဲ့ရသည်။ ရေနံလုပ်ငန်းတွင် ပါဝင်လုပ်ကိုင်ခွင့်ရရှိခဲ့ခြင်း သည် လင်ချင်းချောင်းကို ပိုမိုချမ်းသာကြွယ်ဝစေခဲ့ပြီး ပင်လယ်ရပ်ခြားတွင် အခြေစိုက်သည့် အချမ်းသာဆုံး တရုတ်လုပ်ငန်းရှင်များထဲမှ တယောက်ဖြစ်လာခဲ့သည်။

လင်ချင်းချောင်းသည် ထည်ထည်ဝါဝါ နေထိုင် တတ်သူတယောက်ဖြစ်သလို ပရဟိတလုပ်ငန်းများတွင် ရက်ရောတတ်သူ တယောက်အဖြစ် လူသိများသည်။ ကျောင်းသားများ အင်္ဂလိပ်စာသင်ကြားရေးအတွက် ကျောင်းတကျောင်း တည်ထောင်ရန်နှင့် ရန်ကုန်မြို့တွင် အမျိုးသမီးများအတွက် ဆေးရုံဆောက်လုပ်ရန် ငွေကြေးလှူဒါန်းခဲ့သည်။ ၁၉၀၅ ခုနှစ်တွင် သူနှင့် သူ၏စီးပွားဖက်များက ရန်ကုန်မြို့တွင် အင်္ဂလိပ်နှင့် တရုတ်ကပြား ယောကျာ်းလေးများနှင့် မိန်းကလေးများအတွက် ကျောင်းများတည်ထောင် ပေးခဲ့သည်။ နောက် ၂ နှစ်ကြာသည့်အခါ လင်ချင်းချောင်းကျောင်းဟု တရားဝင်သိကြသည့် သူ၏ ကိုယ်ပိုင်ကျောင်းကို တည်ထောင်ခဲ့သည်။

ထိုအချိန်က ပညာရေးကိုမြှင့်တင်ရန် တရုတ်လုပ်ငန်းရှင်ကြီးတဦး၏ အားထုတ်မှုကို သိရှိသူသည် ကျေနပ်နှစ်သက်မိပေလိမ့်မည်။ အထူးသဖြင့် ယနေ့ခေတ် မြန်မာနိုင်ငံမှ တရုတ်စီးပွားရေးသမားများ၏ လောဘနှင့်ယှဉ်သော အပြုအမူများကို တွေ့ရှိနေရသည့်အတွက် ဖြစ်ပါသည်။

လင်ချင်းချောင်းကျောင်းသည် ရန်ကုန်မြို့လယ်တွင်ရှိပြီး အင်္ဂလန်နိုင်ငံမှ ဆရာများကို ထိုက်ထိုက်တန်တန် လစာပေး၍ခန့်ထားသည်။ အဆိုပါကျောင်းမှ အင်္ဂလိပ်ဘာသာဖြင့် လေ့ကျင့်သင်ကြားပေးထားသည့် ပညာတတ် အမြောက်အမြား ပေါ်ထွက်ခဲ့ပြီး ရန်ကုန်မြို့တွင် လာရောက်ပညာသင်ယူကြသည့် ဟောင်ကောင်နှင့် မကာအိုမှ ကျောင်းသားများလည်း ပါဝင်သည်ဟု သမိုင်းမှတ်တမ်းတချို့အရ သိရသည်။

လင်ချင်းချောင်းသည် မြန်မာနိုင်ငံ ဥပဒေပြု ကောင်စီ၏အဖွဲ့ဝင်အဖြစ်လည်း ဆောင်ရွက်ခဲ့သည်။ ၁၉၁၉ ခုနှစ်တွင် ဗြိတိသျှအင်ပါယာ ဂုဏ်ထူးဆောင် ဘွဲ့ (OBE) ချီးမြှင့်ခြင်းခဲ့ရသည်။ ပထမကမ္ဘာစစ် အတွင်းတွင် ရန်ပုံငွေလှူဒါန်းခဲ့၍ဖြစ်သည်။ ရန်ကုန်မှ Turf ကလပ်နှင့် လင်ချင်းချောင်း ပိုလိုကလပ်တွင် ဩဇာကြီးသည့် အဖွဲ့ဝင်တယောက်လည်း ဖြစ်လာခဲ့သည်။ လင်ချင်းချောင်း ပိုလိုကလပ်သည် သူသေဆုံးပြီးသည့် နောက်ပိုင်းအထိ ဆက်လက်ရပ်တည်နိုင်ခဲ့သည်။

စာရေးဆရာ မောရစ်ကောလစ် သွားရောက်တည်းခိုခဲ့သည့် အင်းလျားကန်အတွင်းမှ အိမ်ကလေးနှင့် များစွာအလှမ်းမကွာသော ရန်ကုန်မြို့ ကုက္ကိုင်းလမ်း (ယခု ကမ္ဘာအေးဘုရားလမ်း) တွင် ခမ်းနားကြီးကျယ်ပြီး တန်ဖိုးကြီးမားသည့် နေအိမ်တလုံးကို လင်ချင်းချောင်းက ၁၉၁၇ ခုနှစ်တွင် စတင်ဆောက်လုပ်ခဲ့သည်။ အနီရောင်အုတ်များ၊ အစိမ်းရောင် အုတ်ကြွပ်များဖြင့် တည်ဆောက်ထားသည့် အထပ် ၅ ထပ်ပါဝင်သော အဆောက်အအုံသည် ဘေဂျင်း မြို့ရှိ Yihe Yuan နွေရာသီနန်းတော်မှ Fu Xiang ပွဲကြည့်စင်နှင့် ဆင်တူသော်လည်း အမှန်တကယ်အားဖြင့် အရှေ့တိုင်းနှင့် အနောက်တိုင်း ဗိသုကာ ဒီဇိုင်းများကို ရောမွှေထားခြင်းဖြစ်သည်။ အချိန် ၂ နှစ်ကျော်ကြာအောင် တည်ဆောက်ခဲ့ရပြီး ကုန်ကျငွေ ရူပီး ၂ သန်းဝန်းကျင်ခန့်  ရှိသည်ဟု သတင်း အချို့က ခန့်မှန်းဖော်ပြခဲ့ကြသည်။

အိမ်အတွက် တရုတ်နှင့် အီတလီနိုင်ငံမှ ဒီဇိုင်နာများပြုလုပ်သည့် ပစ္စည်းများနှင့် လက်မှုလက်ရာများ နိုင်ငံခြားမှ ဝယ်ယူတင်သွင်းခဲ့သည်။ အတွင်းပိုင်းဒီဇိုင်းများ ပြုလုပ်ရန်အတွက် အင်္ဂလန်နိုင်ငံမှ ထင်ရှားသည့် ပန်းချီဆရာများကို ဖိတ်ခေါ်ခဲ့ သည်။ အိမ်ကိုအလှဆင်ရန် ဖိတ်ခေါ်ခဲ့သူများထဲတွင် အင်္ဂလိပ်လူမျိုး ဒီဇိုင်နာ၊ သရုပ်ဖော်ပညာရှင်နှင့် ပန်းချီဆရာ Ernest Procter နှင့် သူ၏ဇနီးဖြစ်သူ ပန်းချီဆရာမ Dod Procter တို့ ပါဝင်ခဲ့ကြသည်။

သူ၏နေအိမ်ကို လင်ချင်းချောင်း နန်းတော်ဟု သိခဲ့ကြပြီး ဒေသခံများက ချင်းချောင်းနန်းတော်ဟု ခေါ်ဝေါ်ခဲ့ကြသည်။ ချမ်းသာကြွယ်ဝမှုကို ဖော်ပြနေသည့် ချင်းချောင်းနန်းတော်တွင် ပျော်စရာပါတီပွဲများ မည်မျှအထိ ပြုလုပ်ခဲ့သည်ကို မှတ်တမ်းမှတ်ရာ မရှိခဲ့သော်လည်း ၁၉၂၀ ခုနှစ်တွင် ပြင်သစ်ဝန်ကြီးချုပ် Georges Clemenceau အရှေ့တောင်အာရှသို့ ခရီးထွက်ရင်း မြန်မာနိုင်ငံသို့ ရောက်ရှိလာရာ Georges Clemenceau ကို သူ၏နေအိမ်သို့ ဖိတ်ခေါ်ပြီး ဧည့်ခံခဲ့သည်။

၁၉၂၁ ခုနှစ်တွင် ဗြိတိသျှအစိုးရက အိန္ဒိယနိုင်ငံမှအပ အခြားနိုင်ငံများသို့ ဆန်တင်ပို့ရောင်းချခြင်းကို ပိတ်ပင်လိုက်သည့်အခါ လင်ချင်းချောင်း၏ အောင်မြင်မှု အရှိန်အဟုန်များ ထိခိုက်ရပ်ဆိုင်းသွားရသည်။ မကြာမီမှာပင် ဈေးကွက်လည်း ပျက်စီးသွားရသည်။ သူ၏ ဝင့်ကြွားထည်ဝါသည့် နေထိုင်မှုများကြောင့် BOC ကုမ္ပဏီက တဦးတည်းကိုယ်စားလှယ် ပေးထားခြင်းကို ရုပ်သိမ်းလိုက်ခြင်းက သူ၏ကုမ္ပဏီကို ပြိုလဲကျဆုံးစေခဲ့သည်ဟု တချို့က ယူဆကြသည်။ ရုတ်ခြည်းဆိုသလို သူ စီးပွားပျက်ခဲ့ရ၏။ သူ၏ ရိုးရွိုက်စ်ကားများ အပါအဝင် ပိုင်ဆိုင်မှုများကို ရောင်းချခဲ့ရပြီး မိတ်ဆွေများထံမှ စတင်ပြီး ငွေချေး ငှားရတော့သည်။ လင်ချင်းချောင်း၏ နောက်ဆုံးနေ့ ရက်များတွင် တချိန်က ချမ်းသာကြွယ်ဝခဲ့သော တရုတ်သူဌေးကြီးသည် ဆင်းရဲသားတယောက် ဖြစ်ခဲ့ရသည်။ ချင်းချောင်းနန်းတော်ကြီး ဖွင့်လှစ်ပြီး နောက် ၃ နှစ်အကြာ ၁၉၂၃ ခု နှစ်တွင် လင်ချင်း ချောင်း ကွယ်လွန်ခဲ့သည်။

ထို့နောက် ချင်းချောင်းနန်းတော်သည် ဂျပန် လူမျိုး ကြွေးရှင်တယောက်၏လက်သို့ ပထမဆုံး ရောက်ရှိသွားသည်။ ၁၉၄၁ ခုနှစ်မှ ၁၉၄၅ ခုနှစ် အတွင်း မြန်မာနိုင်ငံကို ဂျပန်တို့ အုပ်ချုပ်စဉ်အခါတွင် ရေဒီယို အသံလွှင့်ဌာနအဖြစ် အသုံးပြုခဲ့သည်။ နောက်ပိုင်းတွင် အိန္ဒိယလူမျိုး စီးပွားရေးသမားများ လက်အောက်သို့ ရောက်ရှိသွားပြီး ၁၉၅၀ ခုနှစ်တွင် မြန်မာအစိုးရက ကမ္ဘောဇရိပ်သာ အမည်ဖြင့် နိုင်ငံတော် ဧည့်ဂေဟာအဖြစ် ပြုလုပ်ခဲ့သည်။ ယခုအချိန်တွင် ယဉ်ကျေးမှုဝန်ကြီးဌာန လက်အောက်မှ အနုပညာဦးစီးဌာနက အဆောက်အအုံ အတွင်းတွင် ရုံးတခုနှင့် အနုပညာသင်တန်းကျောင်းတခု ဖွင့်လှစ်ထားသည်။

လင်ချင်းချောင်း၏ ကျဆုံးမှုနှင့် မြန်မာနိုင်ငံ၏ အတက်အကျ အခြေအနေများကို မြင်တွေ့ခဲ့ရသည့် ချင်းချောင်းနန်းတော်သည် ဆယ်စုနှစ်များစွာကို ဖြတ်ကျော်ရပ်တည်နိုင်ခဲ့သည်။ ယနေ့ခေတ် ချင်းချောင်းနန်းတော်တွင် ထိုနေရာတဝိုက်၌ နေထိုင် ကြသော ကလေးငယ်များ ဆော့ကစားနေကြပြီး ခွေးလေခွေးလွင့်များက စူးစမ်းလိုစိတ်ဖြင့် ရောက် လာကြသည့် ဧည့်သည်လူစိမ်းများကို အနှောင့် အယှက်ပေးကြသည်။ ယဉ်ကျေးမှုဝန်ကြီးဌာနမှ စိတ်ရှုပ်ထွေးနေပုံရသည့် တာဝန်ရှိသူများက ဧည့်သည်များကို ဓာတ်ပုံရိုက်ခွင့်မပေးပါ။ ခန်းမအတွင်း နှင့် ဒုတိယထပ်မှ ပန်းချီလက်ရာများ၊ အပြင်အဆင် များကို မည်သူမျှ မြင်တွေ့နိုင်မည် မဟုတ်တော့ပါ။ ၄င်းတို့ကို ဖယ်ရှားခံခဲ့ရခြင်း ဖြစ်ကောင်းဖြစ်နိုင်ပါသည်။ လင်ချင်းချောင်း၏ နေအိမ်ဟောင်းသည် အမှန်တကယ် ပြင်ဆင်မှုတခုအတွက် အသင့်ဖြစ်နေသည့် အသွင်ရှိပါသည်။

လတ်တလောရရှိသည့် သတင်းများအရ နှစ် ၁၀ဝ ပြည့်အခမ်းအနား နီးကပ်လာသည့်အချိန်တွင် ယဉ်ကျေးမှုဝန်ကြီးဌာနက ချင်းချောင်းနန်းတော်ကို ရှေးဟောင်းအမွေအနှစ်အဖြစ်သတ်မှတ်ရန် သဘော တူညီလိမ့်မည်ဟုသိရသည်။ ရှေးဟောင်းသုတေသန၊ အမျိုးသားပြတိုက်နှင့် စာကြည့်တိုက် ဦးစီးဌာန၊ ရန်ကုန်တိုင်း ညွှန်ကြားရေးမှူး ဦးကျော်ညွန့်က ဧရာဝတီသို့ မကြာသေးမီက ပြောကြားခဲ့ခြင်းဖြစ်သည်။  ကိုလိုနီခေတ် မြန်မာနိုင်ငံတွင် အရေးပါသည့် နေရာမှ ပါဝင်ခဲ့သော၊ အောင်မြင်သည့် ပညာရေး စီမံကိန်းအချို့ကို ဆောင်ရွက်ပေးနိုင်ခဲ့သော ကွယ်လွန်သူ လင်ချင်းချောင်းသည်လည်း သူ့ကို အသိ အမှတ်ပြုသည့်အတွက် ကျေနပ်နှစ်သိမ့်ပါလိမ့်မည်။

(၂၀၁၄ ခုနှစ် နိုင်ဝင်ဘာလထုတ် The Irrawaddy မဂ္ဂဇင်းပါ Aung Zaw ၏  The House on an Island  ကို ဘာသာပြန်ဆိုသည်။)

The post နှစ် ၁၀ဝ ပြည့်တော့မယ့် ချင်းချောင်းနန်းတော် appeared first on ဧရာဝတီ.

သရုပ်ဖော်ပုံ စိုးဝင်းငြိမ်း

ထောင်ပြင်ရှိ ဝန်ထမ်းအိမ်ရာမှ မိမိတို့ မိသားစုများ၏ လုံခြုံရေးကို စိုးရိမ်လာကြပြီး ဝန်ထမ်းအချို့က လုပ်ငန်းခွင်ကို စွန့်ခွာ၍ မိသားစုထံ ပြန်သွားကြ၏။ အကျဉ်းသားများ ကလည်း ထောင်တွင်း၌ ရှိသော ပစ္စည်းများကို စိတ်တိုင်းကျ သုံးစွဲကြ၏။ ဖျက်ဆီးကြ၏။ ဤသို့ဖြင့် အကျဉ်းဦးစီးဌာန၏ ဗဟိုပစ္စည်း သိုလှောင်ရုံမှ ပစ္စည်းများ ဖောက်ယူပြီး ဘူးမျှော်စင်မှ ဝန်ထမ်းအချို့နှင့် အပေးအယူ လုပ်၍ ခိုးထုတ်ကြ၏။

ဤသို့ဖြင့် အကျဉ်းဦးစီးဌာနနှင့် မီးသတ် ဦးစီးဌာနမှ ညွှန်ချုပ် ဗိုလ်မှူးကြီး ၂ ဦးသည် အင်းစိန်ထောင်ကို လည်းကောင်း၊ မြန်မာပြည်တွင်းမှ အခြားထောင်များကို လည်းကောင်း၊ ထောင်ဝန်ထမ်းကောင်းများကို လည်းကောင်း၊ ဖျက်ဆီး၍ မြန်မာနိုင်ငံနှင့် နိုင်ငံသားများအား လှိုင်းကြီးလေထန် ခရီးကြမ်းထဲသို့ ပထမဆုံး အဓမ္မ မောင်းထည့်ခဲ့သူများ ဖြစ်လာ ပါတော့သည်။

အထက်ပါ ဗိုလ်မှူးကြီး ၂ ဦး၏ အကျဉ်းထောင် ဖွင့်ပေးတော့မည့် ပဏာမဟန်ပြ စီမံချက်ကို အဟုတ်ထင်၍ ထောင် အနီးမှ စစ်ရေး၊ နိုင်ငံရေး အတွေ့အကြုံ ရှိသူများ ရိုးရိုးသားသား ကောက်ချက်ထုတ်၍ စာရေးသူအား သတင်းပေး သည်ကို စာရေးသူက ထောင်ဝန်ထမ်း မိသားစုများထံမှ ရသောသတင်းများနှင့် ပေါင်းစပ်ခန့်မှန်းပြီး အင်းစိန်ထောင် ဆူပူမှု ဖြစ်ပွား၍ လူ ၁၀ဝ၀ ကျော်ခန့် သေကျေဒဏ်ရာ ရနိုင်သည်ဟု ခရစ္စတိုဖာဂန်းနက်ထံ သတင်းမှားကို ပို့ခဲ့မိခြင်း ဖြစ်ပါသည်။

ခရစ္စတိုဖာဂန်းနက်က အသေအပျောက် ဒဏ်ရာရမှု စာရင်းများ၍ ၎င်းသတင်းကို ဘီဘီစီသို့ မပို့ရဲဘဲ အချိန်ဆွဲပြီး  သတင်း ခိုင်မာအောင် ထပ်မံ စုံစမ်းဖို့ စာရေးသူအား မေတ္တာရပ်ခံ၏။ မဆလ အစိုးရ၏ မြန်မာ့အသံနှင့် ရုပ်မြင်သံကြား မှ ည ၈းဝ၀ နာရီသတင်းတွင် အင်းစိန်ထောင် ဆူသည့်သတင်း ဦးဦးဖျားဖျား ထူးထူးခြားခြား လွှင့်ထုတ်ခဲ့သဖြင့်သာ စာရေးသူတို့က မိနစ် ၂၀ ခန့် နောက်ကျပြီးမှ ဘီဘီစီတွင် ထောင်ဆူသည့် သတင်းပါအောင် လုပ်နိုင်ခဲ့ခြင်း ဖြစ်ပါ သည်။

မြန်မာ့အသံ သတင်းကို နားထောင် သုံးသပ်ကြည့်သော အခါတွင် စာရေးသူ အနေဖြင့် အင်းစိန်ထောင်သတင်း နောက်ကွယ်၌ မဟုတ်တာတွေ ဖြစ်ကုန်တော့မည်ဟု သံသယ ဝင်စရာများ တသီတတန်းကြီးကို တွေးဆလာမိပါ သည်။ ဩဂုတ်လ ၂၇ ရက် နံနက်ပိုင်းတွင် သေနတ်ပစ်ခတ်သံများ ရပ်စဲသွားပြီးနောက် အခြေအနေကို စာရေးသူက ကိုယ်တွေ့ကြုံသူ အကျဉ်းသားများနှင့် ဝန်ထမ်းများအား အင်းစိန်ထောင်ထဲတွင် မေးမြန်းကြည့်ခဲ့ရာ အောက်ပါအတိုင်း အံ့ဩဖွယ်ရာ ထပ်မံသိရှိရပါသည်။

မည်သည့် လုံခြုံရေးဆိုင်ရာ စစ်တပ်၊ ရဲတပ်မျှ ထောင်ထဲ ဝင်လာခြင်း မရှိ၊ မည်သည့် အကျဉ်းဌာန သန္ဓေဝန်ထမ်းမျှ ထောင်ထဲတွင် တာဝန် ထမ်းဆောင်သည် ကို မတွေ့ရ။ သေဆုံးသူ အလောင်းများကို အင်းစိန်ထောင် ဆေးရုံဝင်း အတွင်းနှင့် အခြားနေရာများတွင် မြေကျင်းတူး၍ အကျဉ်းသားများ ကိုယ်တိုင် မြေမြှုပ်ရှင်းလင်းကြရသည် ဆိုပါသည်။ ပွဲကြည့် ပရိတ်သတ်လို ထိုင်ကြည့် နေရသည့် ဝန်ထမ်းများရှိရာ ဂါတ်ကြီးပေါ်သို့ လှမ်းအော် အသိပေးပြီး ပြုလုပ်ခြင်း ဖြစ်ပါသည်။ မီးသတ်ကားမှ ရေများ ထောင်ဘူးဝမှ ပိုက်သွယ်မောင်း ထည့်ပေးသည်ကို အကျဉ်းသားများက မိမိ အစီအစဉ်နှင့် လက်ခံရယူကြရသည်ဟု ဆိုပါသည်။

ဩဂုတ်လ ၂၇ ရက် နေ့လယ်ပိုင်းမှစ၍ အကျဉ်းသား အချုပ်သားများကို ဥပဒေ လုပ်ထုံးလုပ်နည်းနှင့် အညီ စစ်ဆေးခြင်း မရှိဘဲ စတင်လွှတ်ပေးမှုကို မူလ သန္ဓေဝန်ထမ်း မဟုတ်သည့် ယူနီဖောင်း တပိုင်းဝတ်လူစိမ်း ပုဂ္ဂိုလ်များက ဒုဗိုလ်မှူးကြီးများ၏ လမ်းညွှန်မှု အတိုင်း ဆောင်ရွက်ကြသည် ဟု ဆိုပါသည်။

ဤသို့ဖြင့် ဩဂုတ်လ ၂၇ ရက် နေ့လယ်ပိုင်းမှ စ၍ အင်းစိန်ထောင်အတွင်းမှ အကျဉ်းသား၊ အချုပ်သားများ ဒေါက်တာမောင်မောင် အစိုးရက အရပ်သားပြည်သူများထံ အကြံပက်စက်စွာ မောင်းထည့်မှုကို ပြုလုပ်ခဲ့ရာ ဩဂုတ်လကုန်တွင် ထောင်ထဲ၌ အကျဉ်းသား အချုပ်သားများ မရှိသလောက် လျှော့နည်းသွားခဲ့ပြီး  သူခိုးကြီး မြင့်သိန်းနှင့် ကြိုးသမား အုပ်စုဝင် ၆၂ ယောက်သာ ကျန်ရှိချိန်တွင် အကျဉ်းသား လွှတ်ပေးမှု ရပ်ဆိုင်းခဲ့သည် ဆိုပါသည်။

အကျဉ်းသား လွှတ်ပေးမှု ပြုလုပ်ရာတွင် ဒေါက်တာမောင်မောင် အစိုးရသည် လူထုရိပ်မိမည် စိုး၍ ရက်ရှည်ဆွဲကာ ချွေလွှတ်ရန် ဒု-ဗိုလ်မှူးကြီး ၂ ယောက်အား လျှို့ဝှက်ညွှန်ကြားပုံရပါသည်။ ဒု-ဗိုလ်မှူးကြီး ၂ ယောက်၏ တပည့် ယူနီဖောင်း တပိုင်းဝတ် ပုဂ္ဂိုလ်များကလည်း လွှတ်လူစာရင်းကို ဝါယာလက်စက်ဖြင့် အမြဲသတင်းပို့ခဲ့ သော်လည်း နောက်ပိုင်းတွင် အကျဉ်းသားလွှတ်နှုန်း မြန်ဆန် များပြားသွားမှုကြောင့် အထက်ပုဂ္ဂိုလ်က ၎င်းယူနီဖောင်း တပိုင်းဝတ် များကို စက်ထဲမှ ကြိမ်းမောင်း ဆဲဆိုသံအား အနားရှိ အရပ်သား သန္ဓေဝန်ထမ်းများ ကပင် ကြားရသည်ဟု ဆိုပါသည်။

စာရေးသူ ထောင်ပြင်တွင် ရှိစဉ်က စုံစမ်းမရခဲ့သော စာရေးသူ၏ အမှုသည် ကရင်သူပုန် ဗိုလ်စောမြင့်သိန်းမှာ မိမိအမှု ဇာတ်လမ်း အလွဲပြော၍ ယူနီဖောင်း တပိုင်းဝတ်များကို အယုံသွင်းပြီး လွယ်ကူစွာပင် ထောင်ထဲမှ ထွက်သွားခဲ့သည် ဆိုပါသည်။ ဂါတ်ကြီးပေါ်ရှိ အရပ်သား သန္ဓေဝန်ထမ်းများက စောမြင့်သိန်း ထောင်ပြင် ထွက်သွားသည်ကို မြင်သော် လည်း၊ သူသည် အချုပ်အဆင့်သာ ရှိပြီး ညွှန်ချုပ် ဗိုလ်မှူးကြီး၏ လူများကိုယ်တိုင် လွှတ်ပေးသည်ကို ဘာမျှ သတင်းမပို့ဘဲ နေလိုက်ခြင်းဖြင့် ရက်ပိုင်းအတွင်း သေဒဏ်ချမှတ်ခံရမှာ သေချာသော လူတယောက် မသေဘဲ လွတ်မြောက်သွားသည့်အတွက် ဝမ်းသာစရာ ကောင်းလှပါသည်။

စောမြင့်သိန်းမှန်း မသိဘဲ လွှတ်ပေးခဲ့သူများအား အထက်လူများက တိုးတိုးတိတ်တိတ် ဆူပူကြိမ်းမောင်းမှု ရှိခဲ့သည်ဟု သိရပါသည်။

ဗိုလ်မှူးချုပ် တင်ဦးနှင့် ဗိုလ်မှူးကြီး ဘိုနီတို့ကိုမူ ဩဂုတ်လ ၂၆ ရက်နေ့ နံနက် အင်းစိန်ထောင်တွင်း အကျဉ်းသားများ ဆူပူမှု ဖြစ်စတွင်ပင် ၎င်းတို့အား အင်းစိန်တွဲဖက် ထောင်ငယ် အတွင်းသို့ အမြန်ပြောင်းရွှေ့၍ လျှို့ဝှက်စွာ ချုပ်နှောင် ထားခဲ့သည် ဟု ဆိုပါသည်။ ၎င်းတို့နှင့်အတူ မဆလ ခေတ်အတွင်း မဲသဝေါတိုက်ပွဲကို ထိုင်းနိုင်ငံဘက် ကျော်နင်း ဝင်ရောက် တိုက်ခိုက်သဖြင့် ထောင်ချခံရသူ ဗိုလ်မှူးကြီး မဲသဝေါ လှမြင့်ပါ ပါသွားခဲ့သည် ဆိုပါသည်။

ဗိုလ်မှူးကြီး မဲသဝေါလှမြင့်သည် နဝတအစိုးရ တက်ခါစတွင် စစ်အစိုးရက ပြန်လွှတ်ပေးခဲ့ပြီး ဗဟို သမဝါယမ အဖွဲ့တွင် ဥက္ကဋ္ဌ ရာထူး ရခဲ့ပါသည်။ နဝတခေတ်အတွင်း ကြီးပွားခဲ့ပြီးနောက်၊ တပ်ထဲတွင် ရန်စရှိခဲ့သူက သမဝါယမဝန်ကြီး ဖြစ်လာသော အခါ သမငွေကြေး အလွဲသုံးမှုဖြင့် ထောင်နှစ်ပေါင်းရာချီ ပြစ်ဒဏ်ချမှတ်ခံရပြီး အင်းစိန်ထောင်ထဲသို့ ဒုတိယအကြိမ် ပြန်ရောက်လာပါသည်။ ၎င်းနှင့် စာရေးသူသည် အမှတ် ၄ တိုက် (အတို) တွင် အတူနေခဲ့ဖူးသည်။

ဩဂုတ်လ ၂၆ ရက် ထောင်ဆူပူမှု အကြောင်းပြု၍ ဒေါက်တာမောင်မောင် အစိုးရက လွှတ်မပေးလိုသော ထောက်လှမ်းရေး အရာရှိကြီးများနှင့်အတူ မော်လမြိုင် ရေတပ်စခန်းမှ ပင်လယ်ပြင် ရောင်းစားမှုဖြင့် ထောင်ကျလာသူ ရေတပ် အရာရှိများနှင့် တပ်သားများကိုလည်း တွဲဖက်ထောင်အတွင်း လျှို့ဝှက်စွာ ပြောင်းရွှေ့ထားခဲ့ရာ အရေအတွက် စုစုပေါင်းမှာ ဆယ်ဂဏန်းမျှ ရှိသည် ဆိုပါသည်။

မူလ အင်းစိန်ထောင်ကြီး အတွင်း ကြိုးသမား ၆၂ ယောက်သာ ရှိသဖြင့် ဦးတင်ဦး၊ ဦးဘိုနီတို့ကို စာရေးသူစုံစမ်း ရှာဖွေ မရဘဲ လမ်းစပျောက် နေခဲ့ခြင်းမှာ ၎င်းတို့ကို ထောင်ဆူစကပင် ဒေါက်တာမောင်မောင် အစိုးရက ကြိုတင် ကြံရွယ်ချက်ဖြင့် လျှို့ဝှက်ပြောင်းရွှေ့ ချုပ်နှောင်ခဲ့ခြင်းကြောင့် ဖြစ်ပါသည်။

သို့ဖြစ်၍ အင်းစိန် ထောင်မကြီးနှင့် တွဲဖက်ထောင် ၂ ထောင်ပေါင်း လက်ကျန် အကျဉ်းသားသည် ၁၀ဝ ဝန်းကျင်သာ ထောင်ထဲ၌ ကျန်ခဲ့ပြီး အကျဉ်းသား အချုပ်သား ၁၀,ဝ၀ဝ ကျော်မှာ ဒေါက်တာမောင်မောင် အစိုးရ သက်တမ်း ၂ ပတ်ခန့် အတွင်း ရန်ကုန်တိုင်းအနှံ့ ဖြန့်ကြက်ချထားခံရသည့် အခြေအနေသို့ ရောက်ရှိခဲ့ပါသည်။

ကော့မှူးမြို့နယ်၊ ငှက်အော်စမ်း လူငယ်အကျဉ်းထောင်နှင့် တံတားကလေး စိတ္တဇဆေးရုံမှ လွှတ်ပေးခဲ့သော စိတ် ဝေဒနာရှင်များကိုပါ ထည့်သွင်းလိုက်လျှင် လှိုင်းကြီးလေထန် ဖြစ်ရပ်မှန် ဇာတ်ကား အတွက် တိုင်းဆူ ပြည်ဖျက် ဇာတ်ကောင်များကို ဒေါက်တာမောင်မောင် အစိုးရက ကောင်းကောင်းကြီး ရွေးထုတ်ရိုက်ကူးနိုင်ခွင့် ရခဲ့ခြင်းမှာ ထူး၍ မဆန်းလှပါ။

ဤနေရာတွင် အလျဉ်းသင့်၍ အင်းစိန်ထောင်နှင့် မတူသော စစ်တွေထောင် အဖြစ်အပျက်ကို စာရေးသူ တင်ပြလို ပါသည်။ တန်ပြန် သပိတ်ဖြိုခွဲရေး ကော်မတီမှ အဖျက်အမှောင့် လုပ်ငန်းများ ပြုလုပ်ရန် ဆုံးဖြတ်လိုက်ပြီ ဖြစ်ကြောင်း သတိပေးချက်ကို စာရေးသူနှင့် ရန်ကုန်လူထုထဲ ရောက်ရှိအောင် ပြည်သူ့ အထောက်တော်က ဩဂုတ်လ ၂၀ ရက် ဝန်းကျင်တွင် သတင်းပို့ခဲ့ပါသည်။

ရန်ကုန်တွင် ဩဂုတ် ၂၄ ရက် ညမှာပင် ဦးနေဝင်း၏ ကိုယ်ရေး လုံခြုံရေး အရာရှိ ဗိုလ်စည်သူတို့ ထောက်လှမ်းရေး အုပ်စုကို အဖျက်အမှောင့် စာရွက်စာတမ်းများနှင့်အတူ ပန်းဘဲတန်းမြို့နယ် လူထုက ဖမ်းဆီးဖော်ထုတ်နိုင်ခဲ့ပါသည်။ ဩဂုတ်လ ၂၅ ရက်တွင် ဗိုလ်အောင်ကြီးနှင့်အတူ နိုင်ငံရေး ဇာတ်လမ်းရှုပ်နိုင်သည့် နိုင်ငံရေးသမားများနှင့် ရှစ်လေးလုံးနှင့် ဆက်စပ်လှုပ်ရှားမှုကြောင့် ဖမ်းဆီးထားသူများကို မဆလအစိုးရက အကြောင်းပြချက်မရှိဘဲ ပြန်လွှတ်ပေးခဲ့သည်။

ထို့နောက် ဩဂုတ်လ ၂၆ ရက်တွင် အင်းစိန်ထောင် အဆူပြ၍ ဩဂုတ် ၂၇ မှ စ၍ ရာဇဝတ်သား လူဆိုးများကိုလည်း ဩဂုတ်လကုန် စက်တင်ဘာ လဆန်းအတွင်း ဒေါက်တာမောင်မောင် အစိုးရက ပြန်လွှတ်ပေးခဲ့ပြန်သည်။ ထောင်ဆူသည် ဆိုသည်မှာ အိပ်ဆောင်အခန်း တခန်းဆူရုံနှင့် ကျန်အခန်းက လိုက်ဆူဖို့ မလွယ်အောင် အင်္ဂလိပ် ကိုလိုနီအစိုးရက ရေးဆွဲပေးခဲ့သော အကျဉ်းထောင်ဖွဲ့စည်း အုပ်ချုပ်ပုံစနစ်ရှိသည်။ ထို့ကြောင့် အခန်းများစွာ ရှိသော အိပ်ဆောင် တခုလုံးဆူရန် မလွယ်ပါ။ အဆောင်အားလုံး၊ တထောင်လုံး ဆူရန် လုံးဝ မလွယ်ပါ။

ဩဂုတ်လ  ၂၆ ရက်တွင် ထူးဆန်းစွာ အင်းစိန်ထောင်ကြီး တထောင်လုံး တပြိုင်နက်တည်း ဆူပါသည်။ ပို၍ ထူးဆန်းသည်မှာ စစ်တွေ၊ ပုသိမ်၊ မြောင်းမြ၊ မြိတ်အပါအဝင် မြန်မာပြည်တဝန်းမှ အခြားအကျဉ်းထောင်၊ ရဲဘက်စခန်းများ ပါဆူပူသည်။ ထောင်ဖောက်၍ အကျဉ်းသားလွတ် ပြေးမှုများ ဖြစ်ခဲ့ပါသည်။

အဆိုပါ ထောင်ဆူပူမှုများကို သက်ဆိုင်ရာဒေသမှ ပြည်သူများသည် သမိုင်းအဖြစ် မှန်ဖော်ထုတ်ရေး အတွက် သက်ဆိုင်ရာ ထောင်ဝန်ထမ်းများ၊ (အချို့သည် ယခု အငြိမ်းစား ဖြစ်နေနိုင်ပါသည်။) ထိုကာလက (ထောင်ထဲတွင် ရှိခဲ့သော အကျဉ်းသား၊ အချုပ်သားများ၏) ကိုယ်တွေ့အဖြစ်အပျက်များကို တိတိကျကျ ဖြစ်နိုင်သမျှ မှတ်တမ်းပြုစု ထားစေလိုပါသည်။ ဧရာဝတီ သတင်းဌာနမှတဆင့် စာရေးသူထံ ပေးပို့စေလိုပါသည်။ တနိုင်ငံလုံးကို ဒေါက်တာမောင်မောင် အစိုးရလက်ထက် မဆလ ဂိုဏ်း၏ စနစ်တကျ ဖျက်ဆီးခဲ့ပုံကို စုစည်းဖော်ပြလို၍ ဖြစ်ပါသည်။

အကျဉ်းသားများ ဆူပူ၍ ထောင်ကို မထိန်းနိုင်တော့ သဖြင့် ထောင်မှ လွှတ်ပေးလိုက်ရ ပါသည် ဟူသော ဒေါက်တာ မောင်မောင် အစိုးရ၏ အကြောင်းပြချက်သည် ကမ္ဘာကျော် ဟာသပြက်လုံး တခုဖြစ်ပါသည်။ ယင်းဟာသပြက်လုံးကို ဂဃနဏ ထောက်ပြဝေဖန်၍ တရားခံအစစ်ကို ထုတ်ဖော်သူ ၈၈ အထိုင် နိုင်ငံရေးသမားထဲမှ တယောက်မျှ ထွက်ပေါ်လာခြင်း မရှိသေးသည့် အကြောင်းအရင်း ဇာစ်မြစ်ကိုလည်း ပြည်သူအများက ဆန်းစစ်ရန် လိုပါသည်။

စစ်တွေထောင် ဆူပူမှုသည် အင်းစိန်ထောင် ဆူပူမှုနှင့် ရှေ့ဆင့်နောက်ဆင့် ဩဂုတ်လထဲတွင်ပင် ဖြစ်ပွားခဲ့သည် ဟု သိရပါသည်။ စစ်တွေသည် ရခိုင်ပြည်နယ်၏ မြို့တော်ဖြစ်ပါသည်။ ရခိုင်လူထုက ၈၈ ဒီမိုကရေစီ အရေးတော်ပုံကြီး တွင် တက်ကြွစွာ ပါဝင်ခဲ့ပြီး၊ စစ်ထောက်လှမ်းရေး အချို့လည်း အထိနာခဲ့သည် ဟု သိရပါသည်။ ထို့ကြောင့် စစ်တွေ ထောင်သည်လည်း သဘာဝမကျစွာ တထောင်လုံးဆူခဲ့ပြီး အကျဉ်းသားများကလည်း ထောင်ကို ဖွင့်ဖောက်ထွက်ရန် ကြိုးစားမှုများ ရှိခဲ့သည်ဟု ဆိုပါသည်။

စစ်တွေမြို့တွင် ဓညဝတီ ရေတပ်စခန်းဌာနချုပ်၊ အနောက်ပိုင်းတိုင်း စစ်ဌာနချုပ်မှ တပ်သားများ အပြင်၊ ရဲစခန်းများလည်း ရှိပါလျက် စစ်တွေထောင်သို့လည်း မည်သည့်စစ်သား၊ ရဲတပ်သားမျှ လာရောက်ခြင်း မရှိသဖြင့် ထောင်ပိုင် ကိုယ်တိုင်က အကျဉ်းသား အချုပ်သား အားလုံးကို လွှတ်ပေးခဲ့သည် ဆိုပါသည်။

ထိုသို့ ထောင်က အကျဉ်းသား အချုပ်သား အားလုံး လွှတ်ပေးပါလျက် အကျဉ်းသားတချို့က ၎င်းတို့သည် လွတ်ရက် မစေ့သေး သဖြင့် ထောင်ထဲက မထွက်နိုင်ဟု ငြင်းဆိုမှုပင် ရှိခဲ့သည် ဆိုပါသည်။ ထောင်ဝန်ထမ်းများက မင်းတို့ကို ထမင်းကျွေး မထားနိုင်တော့ဘူး ဆိုပြီး အတင်းတွန်းထုတ်ရသည့် အကျဉ်းသားပင် ရှိခဲ့ပါသည်ဟု စစ်တွေထောင် ဝန်ထမ်းတဦးနှင့် စစ်တွေထောင်ပြောင်း အကျဉ်းသားအချို့က ၈၈ ခုနှစ် စစ်တွေထောင် ဆူမှုရာဇဝင်ကို ရယ်စရာ ဟာသနှော၍ ပြောသည်ကို စာရေးသူကြားခဲ့ရဖူးပါသည်။ အဆိုပါကာလ ဖြစ်စဉ်များကို စစ်တွေလူထုသည် သိရှိသမျှ အတိအကျ မှတ်တမ်းတင်ထားကြစေလိုပါသည်။

ဓညဝတီ ရေတပ်စခန်းသည် ဒီမိုကရေစီအရေး တော်ပုံကို ထောက်ခံကြောင်း ဆိုင်းဘုတ်ထောင်၍ ဦးနေဝင်း၏ တပါတီ အာဏာရှင်စနစ်ကို မလိုလားကြောင်း တက်တက်ကြွကြွ ဆန္ဒထုတ်ဖော်ခဲ့သည်ဟု စာရေးသူ ကြားသိ မှတ်သား ထားခဲ့ဖူးပါသည်။

စစ်တွေထောင် ဆူပူမှုကို ရေတပ်က အကာအကွယ် လာရောက်မပေးခြင်းမှာ သူတို့ အကြောင်းနှင့် သူတို့ ရှိမည်ထင် ပါသည်။ ထူးဆန်းသည်မှာ အနောက်ပိုင်းတိုင်း စစ်ဌာနချုပ်ဖြစ်ပါသည်။ စစ်တွေထောင်မှ လုံခြုံရေးတာဝန် မယူနိုင် သဖြင့် လွှတ်ပစ်ခဲ့သော အဝတ်ဖြူဝတ် အကျဉ်းသားအချို့သည် မိမိတို့ ရပ်ရွာသို့ပြန်ရာတွင် အနောက်ပိုင်းတိုင်း စစ်ဌာနချုပ်၊ အစောင့်ကင်းစခန်းရှေ့မှ ဖြတ်ပြန်ကြရသည့်အခါ ကင်းစခန်း တာဝန်ကျ အရာရှိမှ အကျဉ်းသားအချို့ကို ဖမ်းဆီးပြီး ဌာနချုပ်တိုင်းမှူး၊ ဗိုလ်ချုပ် မြသင်းထံ သတင်းပို့ခဲ့သည်ဟု ဆိုပါသည်။

အနောက်ပိုင်းတိုင်း စစ်ဌာနချုပ်မှ အကျဉ်းသား အမည်၊ နေရပ်လိပ်စာ မေးပြီး ပြန်လွှတ်လိုက်ဟု အမိန့်ပေးသဖြင့် ကင်းစခန်းကလည်း ဌာနချုပ်အမိန့် ပေးသည့်အတိုင်း ပထမ ဖမ်းထားသော လူများစာရင်းကို ရယူပြီး လွှတ်လိုက် ပါသည်။ နောက်ထပ်ရောက်ရှိလာသော အကျဉ်းသားများကိုမူ အလုပ်ရှုပ်ခံပြီး စာရင်းမယူ မဖမ်းတော့ဘဲ လွှတ်ပေး လိုက်ကြတော့သည်ဟု ထိုစဉ်က အနောက်ပိုင်းတိုင်း စစ်ဌာနချုပ်တွင် တွဲဖက်တာဝန်ယူရသည့် ရေတပ်ဝန်ထမ်းတဦး က ၈၈ ကာလ အဖြစ်အပျက်များကို အမှတ်တရ ပြန်ပြောသည်ကို မှတ်သားခဲ့ရဖူးပါသည်။

မြန်မာလူထုသည် မိမိမြန်မာ နိုင်ငံ၏ သမိုင်းဝင် အဖြစ်အပျက်များကို တန်ဖိုးထား မှတ်တမ်းတင် ထားရကောင်းမှန်း မသိ၊ နတ်ကရာ ကြည့်မော၊ လွယ်လွယ်ပြော၍ လွယ်လွယ်မေ့ပစ်နေသရွေ့ သမိုင်း သင်ခန်းစာအမှားများ ထပ်ခါ တလဲလဲ ကြုံဆုံမှားယွင်းနေပြီး မည်သို့မျှ ဒုက္ခတွင်းမှ ကယ်တင် မရနိုင် သောလူမျိုးဟု အခြားလူမျိုးများက အထင်သေး အမြင်သေး မခံရအောင် အရာရာကို ဆင်ခြင်သုံးသပ် ခွဲခြမ်းဆန်းစစ်နိုင်သည့် ပညာသတိရှိကြပါဟု စာရေးသူက အနူးအညွတ် ထပ်လောင်း မေတ္တာရပ်ခံပါသည်။

၁၉၈၈ ခုနှစ် ဩဂုတ်လ နောက်ဆုံးပတ်အတွင်း မြန်မာနိုင်ငံတွင်းမှ ထောင်ဆူပူမှု ဖြစ်ပွား၍ အကျဉ်း သားများ လွှတ်ပေး လိုက်ရသည်၊ လွတ်မြောက်သွားသည် ဆိုသည့် အမှုအခင်းများတွင် သက်ဆိုင်ရာ နယ်မြေခံစစ်တပ်၊ ရဲတပ်ဖွဲ့ဝင်များ မလာရောက်ဘဲ ပျက်ကွက်နေမှုများသည် ပုံစံတူ ဖြစ်ပျက်နေသည်ကို စာရေးသူ ထိုကာလများကပင် ကြားသိ မြင်တွေ့ နေခဲ့ပါသည်။ အင်းစိန်ထောင်ရှေ့သို့ ရောက်ရှိလာသော လုံထိန်းတပ်၏ တာဝန်မှာ ထောင်ပြင်မှ လာရောက် စုံစမ်း ကြည့်ရှုသော လူအုပ်ကို ထိန်းသိမ်းရန် အတွက်သာ ဖြစ်ပါသည်။ ထောင်ထဲ ဝင်ရောက်ရှင်းလင်းခွင့် မရှိပါ။

အမှန်တကယ်လည်း အင်းစိန်ထောင်ထဲတွင် နိုင်ငံရေး ရည်ရွယ်ချက် ရှိရှိ ဆူပူသူလည်း တယောက်မျှ မရှိပါ။ ထောင်တွင်း အသံချဲ့စက်မှ လူထုကို အန္တရာယ် ပြုမည့် ရာဇဝတ်ကောင်များသာ ဖြစ်သည်ဟု အကျဉ်းသား အားလုံး ကို သိမ်းကျုံးစော်ကားသည့် စကားဖြင့် လှုံ့ဆော်ခံရမှုကြောင့်သာ ရုတ်တရက် ဒေါသထွက် ပေါက်ကွဲခဲ့ သော်လည်း နေစရာ အဆောင် မရှိအောင် မီးရှို့သူက မီးရှို့သဖြင့် လည်းကောင်း၊ သေနတ်သံများကို ကြောက်ရွံ့၍ လည်းကောင်း၊ ထောင်တွင်းလုံခြုံရာတွင် ကိုယ့်အုပ်စုနှင့်ကိုယ် အခြေအနေ အရပ်ရပ်ကို စောင့်ကြည့်နေ ကြသည်က အများစုဖြစ် ပါသည်။ ထောင်အုပ်ချုပ်သူ အာဏာပိုင်ပြုလုပ်သော ထောင်ဆူမှုသာဖြစ်ပါသည်။

စစ်တွေထောင်တွင် အကျဉ်းသား အားလုံး လွှတ်ပေးလိုက်ပြီးသည့် နောက်တွင်ပင် ထောင်အဆောက်အအုံနှင့် ဝန်ထမ်း မိသားစု လုံခြုံရေး အတွက် လက်နက်နှင့် ကျည်ဆန် မလုံလောက်၍ အကျဉ်းထောင်မှ အကူအညီတောင်းရာ စစ်တပ်က လုံးဝ မလာဘဲ ရဲစခန်းမှ ရဲသား ၂ ယောက် ဘရင်းဂန်းတလက်နှင့် ကျည်ဆံတသေတ္တာကို ဆိုက်ကားနှင့် လာပေးခဲ့မှု ရှိခဲ့သည်ဟု ဆိုပါသည်။

အခြားသော ထောင်များ၏ ဆူပူမှုတွင် ရဲများ လာရောက်မှု ရှိခဲ့လျှင်လည်း ထောင်တွင်းဝင်၍ ရှင်းလင်းရာတွင် ပါဝင်သည် ဟု စာရေးသူ လုံးဝ သတင်းထောက်လှမ်း မရရှိခဲ့ပါ။

ထောင်ထဲက အကျဉ်းသား၊ အချုပ်သား ဆိုသည်မှာ ကြက်ဆိုင်ရှိ ခြင်းထဲက ကြက်၏ အခြေအနေနှင့် ဘာမျှ မခြားနားပါ။ ထောင်အာဏာပိုင်အဖွဲ့ကသာ ခွဲခြားနှိပ်ကွပ်မည် ဆိုလျှင် အချိန်မရွေး နှိပ်ကွပ်နိုင်သော အခြေအနေ ဖြစ်ပါသည်။ အင်းစိန်ထောင် ဆူပူမှု ဩဂုတ်လ ၂၆ ရက် နံနက်ပိုင်း၌ စတင် မဖြစ်ပွားမီ၊ လွန်ခဲ့သော နာရီ ၄၀ ကျော် အချိန်က စစ်တပ်သည် လက်နက်မဲ့ ဒီမိုကရေစီ တောင်းဆို ဆန္ဒပြ ပြည်သူများအား သေနတ်နှင့် ပစ်ခတ်နှိမ်နင်းရန် လက်မရွံ့ခဲ့ပါ။

ယခု အင်းစိန်ထောင် အပါအဝင် မြန်မာနိုင်ငံတွင်းမှ ဆူပူမှု ဖြစ်ပွားသည် ဆိုသော ထောင်ထဲမှ အကျဉ်းသား ဆိုသည် များကို ဥပဒေအရ နှိပ်ကွပ်ရန် တာဝန်ရှိပါလျက် လာရောက်နှိပ်ကွပ်မှု မရှိခြင်းမှာ မဆလအစိုးရ၏ နိုင်ငံအပေါ် သစ္စာ ဖောက်မှုပင် ဖြစ်ပါသည်။ ထောင်တွင်းရှိ အကျဉ်းသားများ၏ ဆန္ဒမှန်မှာ ဆူပူရန် အစီအစဉ် မရှိဘဲ ဒီမိုကရေစီ တိုက်ပွဲဝင် ပြည်သူများ၏ တိုက်ပွဲ အောင်မြင်စေရန် ဆုတောင်း နေကြသူများသာ ဖြစ်ကြောင်း စာရေးသူကိုယ်တိုင် ၈၈ အရေးတော်ပုံကြီး အတွင်း ထောင်ထဲရောက်ရှိခဲ့ဖူးသော အကျဉ်းသားအများစု၏ သဘောထားကို စုံစမ်းသိရှိရပါသည်။

ပြည်သူတရပ်လုံးသည် ဦးနေဝင်း၏ တပါတီ အာဏာရှင် စနစ်ကို မလိုလားသူများသာ ဖြစ်ရာ၊ ထိုစနစ်၏ သားကောင် ဖြစ်ခဲ့ရသော အကျဉ်းသား မှန်သမျှမှာ ပြည်သူထဲက ပြည်သူများသာ ဖြစ်၍ ဒီမိုကရေစီ အရေးတော်ပုံတွင် အနှောင့် အယှက် ဖြစ်စေမည့်ကိစ္စကို သူတို့လည်း မလုပ်လိုကြပါ။ ၈၈ အရေး တော်ပုံကာလ ထောင်ဆူပူမှုများမှာ ဒေါက်တာ မောင်မောင် အစိုးရနှင့် တန်ပြန်သပိတ်ဖြိုခွဲရေး ကော်မတီ၏ လှုံ့ဆော်မှုကြောင့် ဖြစ်ပွားခဲ့ရသော နိုင်ငံတော် လုပ်ကြံမှုသာ ဖြစ်ပါသည်။

သို့ဖြစ်၍ အထက် အမိန့်ပေးစနစ်အရ လှုပ်ရှားလုပ်ဆောင်ရသော တပ်မတော်နှင့် ရဲတပ်ဖွဲ့ဝင်များ အားလုံး ထောင် အနီးသို့ ရောက်မလာ ရခြင်းမှာ အထက် အမိန့်ပေးစနစ်ကြောင့်သာ ဖြစ်သည်ဟု မှတ်ယူရမည် ဖြစ်ပါသည်။ အင်းစိန် ထောင်ပိုင် ဦးစိန်ဌေးသည် ၎င်းအုပ်ချုပ်စဉ် ကာလအတွင်း နှစ် ၁၀၀ နီးပါးရှိသော ထောင်ကြီး မီးလောင်ပျက်စီး၍ အကျဉ်းသားများကို လွှတ်ပေးခဲ့ရသူ အဖြစ် သမိုင်းမှတ်တမ်းတင် ခံရမည်ကို အလွန် နာကြည်းသူ ဖြစ်ပါသည်။

ဤနေရာတွင် အင်းစိန်ထောင်အား ယာယီ အုပ်ချုပ်သူ အာဏာပိုင် ဗိုလ်မှူးကြီး ၂ ယောက်၏ မရိုးသားမှုကို ထင်ရှားစေ သော သက်သေခံ အချက်အဖြစ် စာရေးသူတင်ပြလိုသည်မှာ -

အဆိုပါ ညွှန်ချုပ် ဗိုလ်မှူးကြီး ၂ ယောက်သည် ၎င်းတို့ မလွှတ်လိုသည့် ထောက်လှမ်းရေး အရာရှိ ဗိုလ်မှူးချုပ်တင်ဦး၊ ဗိုလ်မှူးကြီး ဘိုနီ အပါအဝင် တနင်္သာရီ ကမ်းရိုးတန်းမှ ပင်လယ်ပြင် ရောင်းစားမှုနှင့် ထောင်ကျသူ ရေတပ်အရာရှိ၊ အကြပ် တပ်သားများကို တွဲဖက်ထောင်သို့ လျှို့ဝှက်ပြောင်းရွှေ့ ချုပ်နှောင်ထားခဲ့ပြီး၊ အင်းစိန် ထောင်မကြီး အတွင်း၌လည်း အကျဉ်းသား၊ အချုပ်သား အားလုံးကို လွှတ်ပေးခဲ့သော်လည်း မင်းပြား ငွေတိုက် ဝင်ရောက်စီးနင်း သော ACP နှင့် KNU လက်နက်ကိုင် သူပုန်အဖွဲ့ဝင် အများစုပါသော ကြိုးသမား ၆၂ ယောက်ကို မလွှတ်ဘဲ ချန်လှပ်ထားခြင်း တို့မှာ အစီအစဉ်ရှိရှိ အကွက်ချ၍ လုပ်ဆောင်ခဲ့ကြောင်း ပေါ်လွင်လှပါသည်။

အခြားနယ် ထောင်ဆူမှုများ တွင်လည်း သက်ဆိုင်ရာ အာဏာပိုင် လွှတ်လိုသောသူကို လွှတ်လိုက်၍ မလွှတ်လိုသော သူကို မလွှတ်ပဲ ထားနိုင်သဖြင့် ၁၉၈၈ ကာလအတွင်း အကျဉ်းထောင်အချို့ ဆူပူပြီး အကျဉ်းသားများ ဖောက်ထွက် လွတ်မြောက်သွားသည် ဆိုသော အမှုများမှာ မဆလဂိုဏ်း၏ လုပ်ဆောင်ချက်သာ ဖြစ်ပါကြောင်း ထင်ရှားပါသည်။ ဥပဒေ သဘောအရ ဒေါက်တာမောင်မောင် အစိုးရတွင် တာဝန်ရှိပါသည်။

ဆက်လက်ဖော်ပြပါမည်။     ။

(နေမင်းသည် ရှစ်လေးလုံး အရေးတော်ပုံ ကာလတွင် BBC နှင့် ဆက်သွယ်၍ သတင်းများကို ပေးပို့ခဲ့ သောကြောင့် စစ်အစိုးရက ထောင်ချခဲ့သည်။ ၂၀၁၁ ခုနှစ် အောက်တိုဘာ လတွင် နောက်ဆုံး အကြိမ် ထောင်မှ ပြန်ထွက်လာသည်။ ယခုအခါ ရန်ကုန်မြို့တွင် နေထိုင်လျက်ရှိပြီး သမိုင်းဆိုင်ရာ သုတေသန ပြုစုချက်များ ရေးသားနေသည်။)

The post ၈၈ ရဲ့တိုင်းဆူ ပြည်ဖျက်များကို ဖော်ထုတ်ခြင်း အပိုင်း (၇) appeared first on ဧရာဝတီ.

ခင်ပွန်းဖြစ်သူဆုံးပါးချိန်မှာ မနှင်းဆီ (အမည်လွှဲထား) အသက်က ၂၆ နှစ် ဖြစ်သည်။ အားကိုးရာ မြင်းမိုရ်တောင် ပြိုလဲသွားပြီး နောက်ပိုင်း သားသမီး ၄ ဦးကို ရှာဖွေကျွေးမွေးရမည့် တာဝန်မှာ မုဆိုးမဖြစ်သည့် သူ့ပခုံးပေါ် ကျရောက်လာခဲ့တော့သည်။

ငယ်ရွယ်သူ မုဆိုးမတဦးအတွက် ရွေးချယ်စရာ အလုပ်အကိုင် အခွင့်အလမ်း အနည်းငယ်ထဲကမှ ငွေရလွယ်သည့် ခန္ဓာရင်း၍ စီးပွားရှာသော ညဥ့်ငှက်ဘဝကို မလွှဲမရှောင်သာ သူရွေးချယ်ခဲ့ရသည်။ ဒီလိုနှင့် မနှင်းဆီတယောက် ကလေးမီးဖွားပြီးသည်မှာ ၃ လသာ ရှိသေးသော အချိန်မှာပင် ညဥ့်ငှက်ဘဝကို ဝင်ရောက်ခဲ့တော့သည်။

“ယောကျာ်းမရှိတော့ ရပ်တည်ဖို့ အခက်အခဲ ဖြစ်သွားတယ်။ ဒီကြားထဲ မိဘတွေကလည်း မပြေ လည်ဘူး။ ကျမသား အငယ်ဆုံး ၃ လသားလေး နို့တိုက်ရင်းကနေပဲ ရပ်ကွက်ထဲက ခေါင်းအိမ်ခေါ် မှာပေါ့နော်၊ ဖောက်သည်တွေ ချိတ်ဆက်ပေးတဲ့အိမ် မှာ ပုခက်နဲ့ထားခဲ့ပြီး တည်းခိုခန်းတွေ၊ ကေတီဗီတွေ၊ နိုက်ကလပ်တွေမှာ အလုပ်လုပ်ခဲ့ရတယ်” ဟု မနှင်းဆီ က အဝေးကိုငေးကြည့်ရင်း သူ့ဘဝကိုပြောပြသည်။

ရန်ကုန်တိုင်းဒေသကြီး ရွှေပြည်သာမြို့နယ်တွင် နေထိုင်သည့် မနှင်းဆီတယောက် ညဥ့်ငှက်ဘဝတွင် ၇ နှစ်လောက် ကျင်လည်ဖြတ်သန်းရင်း မိသားစု စားဝတ်နေရေးဘဝကို ဖြေရှင်းရာကနေ တရက်မှာ တော့ ပြည့်တန်ဆာအမှုနဲ့ အဖမ်းခံရပြီး ထောင်ကျသွားခဲ့သည်။

ထောင်ကလွတ်ပြီးနောက်ပိုင်း သူ့ကျန်းမာရေး  ချို့တဲ့ခဲ့ပြီး ချောင်းဆိုးခြင်း၊ ရက်ရှည်ဖျားခြင်း ဝေဒနာများ ၆ လနီးပါး ခံစားခဲ့ရသည်။ ဒီဝေဒနာတွေ ဘာကြောင့်ဖြစ်မှန်း မနှင်းဆီမသိခဲ့ပေ။ အရိုးပေါ် အရေတင်ဘဝဖြင့် အိပ်ရာထဲလဲနေသည့် မနှင်းဆီ အခြေအနေကိုရိပ်မိသည့် အစ်ကိုတဦးက သွေးစစ်ရန် တိုက်တွန်းခဲ့ရာမှ ၂၀ဝ၇ ခုနှစ်တွင် ရွှေပြည်သာမြို့နယ်ရှိ သဇင်ဆေးခန်းတွင် သွေးစစ်ခဲ့သည်။

သွေးစစ်မှုအဖြေက သူမကိုယ်ခန္ဓာထဲတွင်  HIV ရောဂါပိုး ရောက်ရှိနေကြောင်း အတည်ပြုပေးလိုက်ချိန်မှာ သူမတွင် ရှိနေခဲ့သည့် ကြီးမားသည့် မိခင်မေတ္တာက မနှင်းဆီကို အသက်ဆက်လက်ရှင် သန်စေရန် တွန်းအားဖြစ်လာခဲ့သည်။

“ကျမမှာ ခိုကိုးရာမဲ့ သားသမီး ၄ ယောက်ရှိတယ်။ ဒီကလေးတွေ ပညာတတ်ဖြစ်ဖို့၊ ဒီကလေးတွေ ကောင်းကောင်းမွန်မွန် ရပ်တည်ဖို့အတွက် ကျမ အသက်ရှင်နေဖို့လိုတယ်။ ဒါကြောင့် ကျမ HIV ပိုးထိန်းဆေး (ARV) ဆေးသောက်ချင်တယ်။ သဇင်ဆေးခန်းက ဆရာမတွေကလည်း နားခိုရာဆိုတဲ့ (MDM) အဖွဲ့ဆီကိုညွှန်ပြပေးခဲ့ပြီး အဲဒီကနေ ARV ဆေးရပြီး ပုံမှန်သောက်ခဲ့တာ အခုချိန်အထိပဲ” ဟု မနှင်းဆီကပြောသည်။

မြန်မာနိုင်ငံတွင် မနှင်းဆီကဲ့သို့ HIV ကူးစက်ခံရပြီး ပိုးထိန်းဆေးခေါ် ARV ဆေး သောက်သုံးနေသူ အရေအတွက်မှာ ၂၀၁၃ ခုနှစ်တွင် ၆၇၅၀ဝ ကျော် ရှိခဲ့ပြီး ၂၀၁၄ ခုနှစ်တွင် ၇၅၀ဝ၀ ကျော်အထိ တိုးမြင့်လာကြောင်း ကျန်းမာရေးဝန်ကြီးဌာနနှင့် နိုင်ငံတကာမှ အစိုးရမဟုတ်သည့် အဖွဲ့အစည်း INGO များ၏ စာရင်းများက ဖော်ပြသည်။

ထို့ပြင် မြန်မာနိုင်ငံတွင် အကြောင်းအမျိုးမျိုးကြောင့် HIV ကူးစက်ခံရသူ တရက်လျှင် ၁၉ ဦးနှုန်း ရှိနေပြီး ၂၀၁၃ ခုနှစ်အတွင်း တနိုင်ငံလုံး၌ လူပေါင်း ၆၄၀ဝ ဦး ကူးစက်ခံခဲ့ရကြောင်း၊ တနိုင်ငံလုံးတွင် HIV ကူးစက်ခံရသူ စုစုပေါင်း ၁၈၅၀ဝ၀ ရှိကြောင်း ကျန်းမာရေးဝန်ကြီးဌာန လက်အောက်ရှိ အမျိုးသား ခုခံအားကျဆင်းမှု ကူးစက်ရောဂါ တိုက်ဖျက်ရေး စီမံချက် (NAP) ၏ ၂၀၁၃ ခုနှစ် အစီရင်ခံစာတွင် ဖော်ပြထားသည်။

HIV ကူးစက်ခံရသူ ၁၀ဝ တွင် မူးယစ်ဆေး ထိုးသွင်းသူ ၃၂ ဦးပါဝင်နေပြီး ရာခိုင်နှုန်းအားဖြင့် အများဆုံး ကူးစက်ခံနေရကြောင်း၊ ဒုတိယအများဆုံး မှာ အမျိုးသားချင်း လိင်ဆက်ဆံသူများဖြစ်ပြီး အမျိုးသမီး လိင်လုပ်သားများမှာ တတိယအများဆုံး ကူးစက်ခံနေရသူများဖြစ်ကြောင်း အဆိုပါအစီရင်ခံစာတွင် ဖော်ပြထားသည်။

လိင်အလုပ်သမားများကြား HIV ကူးစက်မှုနှုန်းတွင် ဧရာဝတီတိုင်းဒေသကြီး ပုသိမ်မြို့က အများဆုံးဖြစ်ပြီး ကချင်ပြည်နယ် မြစ်ကြီးနားမြို့နယ်မှာ ဒုတိယ အများဆုံးဖြစ်ကြောင်း၊ လိင်တူချစ်သူများအကြား ကူးစက်မှုနှုန်းတွင်လည်း ပုသိမ်မြို့ကအများ ဆုံးဖြစ်ကာ ရန်ကုန်မြို့က ဒုတိယ အများဆုံးဖြစ်ကြောင်း ၂၀၁၃ NAP အစီရင်ခံစာတွင် ရေးသားထားသည်။

“HIV ကူးစက်မှု လျော့နည်းကျဆင်းဖို့ဆိုရင် ပြည်သူလူထုကို ကျန်းမာရေးအသိပညာ တိုးပွားအောင် လုပ်ဆောင်ပေးဖို့လိုပါတယ်။ မဖြစ်ခင် ကာကွယ်ဖို့လိုပါတယ်။ ကာကွယ်နိုင်တဲ့ နည်းလမ်းတွေ ပညာပေးဖို့ပေါ့။ ဖြစ်လာခဲ့ရင်လည်း စနစ်တကျ ကုသပေးမယ်ဆိုရင် HIV ဖြစ်ပွားနှုန်း ကျဆင်းသွားမှာပါ” ဟု HIV ကုသရေးလုပ်ငန်းများတွင် ပါဝင်လုပ်ဆောင်နေသူ လုပ်သက်ရင့် ဆရာဝန်တဦးက ပြောသည်။

HIV ကူးစက်ခံထားရသူ မနှင်းဆီကမူ အများ ပြည်သူကြားမှာ HIV ၊ AIDA နှင့် ပတ်သက်၍ ကျန်းမာရေးအသိပညာ နည်းပါးနေဆဲဖြစ်ပြီး HIV ကူးစက်ခံရသူတွေအပေါ် ခွဲခြားဆက်ဆံမှုတွေ ပေါ် ပေါက်နေဆဲဖြစ်ကြောင်း သူ့အတွေ့အကြုံကိုပြောပြ သည်။

“ကျမက နေမကောင်းလို့ အင်းစိန်မြို့နယ်ထဲက ဆရာဝန်မတယောက်ဆီ သွားပြတယ်။ ဆရာဝန်မက ကျမကို ဆေးထိုးမလို့ပြင်နေတုန်း ကျမက HIV ပိုးထိန်းဆေးတွေ သောက်နေရတယ်လို့ ပြောလိုက်တော့ ဒါဆို ရှင့်မှာ HIV ရှိတာပေါ့ဆိုပြီး ကြောက်လန့်တကြားနဲ့ နောက်ကို ခြေ ၂ လှမ်းလောက် ဆုတ်သွားတယ်။ ဆရာဝန်ကတောင် အဲဒီလို ခွဲခြားဆက်ဆံတာတွေ ခံရပါတယ်” ဟု မနှင်းဆီက ပြောသည်။

သူ ယခင်နေထိုင်ခဲ့သည့် ဒေသတွင်လည်း ညဥ့်ငှက်လုပ်ဖူးပြီး HIV ရလာသူဆိုကာ မိမိတင်မက သားသမီးများကိုပါ ခွဲခြားဆက်ဆံခဲ့ကြသဖြင့် တခြားမြို့နယ်သို့ ရွှေ့ပြောင်းကာ ဘဝသစ်စခဲ့ရကြောင်း မနှင်းဆီက ကြေကွဲစွာဆိုသည်။

ခွဲခြားဆက်ဆံမှုနှင့် ပတ်သက်၍ ရတနာ့မေတ္တာအဖွဲ့မှ ဒေါက်တာစိုးတင့်က “ကျနော်တို့ဆီမှာ ARV ဆေးသောက်နေတဲ့ အမျိုးသမီးတယောက် ဆိုရင်လည်း သူကအဝတ်လျှော်တယ်။ အလုပ်ရှင်တွေက သူ့မှာ HIV ရှိမှန်း သိသွားတဲ့အချိန်မှာ အဝတ်မလျှော်ခိုင်းတော့ပဲ အလုပ်ထုတ်ပစ်တာတွေရှိတယ်” ဟု ပြောပြသည်။

လူမှုပတ်ဝန်းကျင်၏ အထင်သေး ခွဲခြားဆက်ဆံမှုများက HIV ကူးစက်ခံရသူများအတွက် သွေးစစ်မှုခံယူခြင်းနှင့် ဆေးကုသမှုခံယူခြင်းများ ပြုလုပ်ရန် ကြီးမားသည့် အဟန့်အတားတခု ဖြစ်နေကြောင်း HIV၊ AIDS ကုသပေးနေသူ ကျွမ်းကျင်သူများက ပြောဆိုကြသည်။

“ကျမတို့ Sex Worker တွေက ဒီ HIV ဆိုတာကြီးကို လိုချင်လွန်းလို့ ရခဲ့ကြတာ မဟုတ်ပါဘူး။ အကြောင်းအမျိုးမျိုးကြောင့် မလိုချင်ဘဲ ရလာခဲ့ကြတာ ဖြစ်ပါတယ်။ ဒီလိုဖြစ်လာရင် ပတ်ဝန်းကျင်က ဒီလူတွေကို ခွဲခြားပစ်လိုက်တာဟာ သေတွင်းကို ပို့လိုက်သလိုပါပဲ။ တကယ်က HIV နဲ့ ပတ်သက်တဲ့ ကျန်းမာရေး အသိပညာတွေ လေ့လာပြီး ကိုယ့်ပတ်ဝန်းကျင်က HIV ကူးစက်ခံရသူတွေကို ဝိုင်းဝန်းဖေးမ ကူညီပေးသင့်ပါတယ်” ဟု မနှင်းဆီက ပြောသည်။

လတ်တလောတွင် မနှင်းဆီ အားသွန်ခွန်စိုက် လုပ်နေသည်က သူနှင့်ဘဝတူ ညဥ့်ငှက်မလေးများ သူ့လိုမျိုး HIV ကူးစက်မခံရစေရန်နှင့် ကူးစက်ခံထား ရလျှင်လည်း ARV ဆေးသောက်နိုင်ရန် လိုက်လံ စည်းရုံးသည့်အလုပ် ဖြစ်သည်။

“သူတို့ (လိင်အလုပ်သမား) တွေ ရှိတတ်တဲ့ ဆိုင်တွေ၊ ကလပ်တွေ၊ လိင်အလုပ်သမား ခေါင်းအိမ် တွေကိုလိုက်ရှာတယ်။ သူတို့နားလည်အောင် ပြောပြပြီး ကလေးတွေကို စည်းရုံးတယ်။ တခါတလေဆို ကျမတို့အိပ်ချင်တယ်၊ အလုပ်ရှုပ်နေတယ်၊ စကားလာမပြောပါနဲ့ဆိုပြီး နှင်လွှတ်တာတွေ ခံရတယ်။ ဒါပေမယ့် စိတ်ဓာတ်မကျဘဲ ကျမ ကိုယ်တွေ့အဖြစ်အပျက်တွေ ပြောပြပြီး သွေးစစ်ဖို့ စည်းရုံးပါတယ်” ဟု မနှင်းဆီက ပြောပြသည်။

အဆိုပါ ညဥ့်ငှက်မလေးများအား စည်းရုံးပြီး နောက် လှိုင်မြို့နယ်တွင် ဖွင့်လှစ်ထားသော သူ အလုပ်လုပ်နေသည့် MDM စင်တာသို့ ခေါ်ဆောင်လာပြီး အခမဲ့ သွေးစစ်ပေးခြင်း၊ ကျန်းမာရေး စောင့်ရှောက်မှုများ ခံယူစေခြင်းတို့ လုပ်ဆောင်စေခဲ့ကြောင်း မနှင်းဆီက ဆိုသည်။

“သွေးစစ်ပြီး HIV ရှိလို့ ဘာလုပ်လို့ ဘာကိုင် ရမှန်းမသိ၊ သေချင်လောက်အောင်ဖြစ်သွားတဲ့ ကလေးတွေဆိုရင် ကျမက ပြောပြပါတယ်။ ငါကလည်း နင့်လို Sex Worker လုပ်ခဲ့သူပါ။ HIV ပိုးရှိလို့ ARV ဆေးသောက်ပြီး ဘဝကို ကျန်းကျန်းမာမာနဲ့ ရပ်တည်ရှင်သန် လှုပ်ရှားနေတာလို့ ဖော်ထုတ်ပြောဆိုပြီး ကိုယ်တွေ့နဲ့ယှဉ်ပြပြီး နှစ်သိမ့်ပေးပါတယ်” ဟု MDM  စင်တာ၏ စည်းရုံးရေးသမားလည်းဖြစ်သည့် မနှင်းဆီက ပြောပြသည်။

မာရီစတုပ်၊ ပြည်ကြီးခင်၊ ဆာရာ၊ ရတနာ့ မေတ္တာ၊ သဇင်၊ TOP၊ MDM၊ Phoenix စသည့် နိုင်ငံတကာမှ အစိုးရမဟုတ်သော အဖွဲ့များနှင့် ပြည်တွင်းမှ အစိုးရမဟုတ်သော အဖွဲ့အစည်းများက မြန်မာနိုင်ငံရှိ ပြည်နယ်နှင့် တိုင်းဒေသကြီး အနှံ့အပြား တွင် ရုံးခွဲများဖွင့်လှစ်ထားပြီး HIV နှင့် ပတ်သက်၍ သွေးစစ်လိုသူများကို အခမဲ့ ဝန်ဆောင်မှုပေးခြင်း၊ နှစ်သိမ့်ဆွေးနွေးခြင်း၊ ARV ဆေး တိုက်ကျွေးခြင်းနှင့် HIV ကူးစက်ခံရသူများ စုဝေးပြီး မိတ်ဆုံစကား ပြောခြင်း အစီအစဉ်များ ပြုလုပ်ပေးနေကြောင်းသိရ သည်။

HIV နှင့်ပတ်သက်၍ သံသယရှိပါက အဆိုပါ စင်တာများတွင် မည်သူမဆို အခမဲ့သွေးစစ်နိုင်ပြီး သွေးစစ်သူတို့၏ အမည်၊ နေရပ်စသည့် ကိုယ်ရေး အချက်အလက်များနှင့် သွေးစစ်မှုရလဒ်များကို လုံခြုံစွာ လျှို့ဝှက် ထိန်းသိမ်းထားပေးကြောင်း သိရသည်။

“အမျိုးသမီး လိင်လုပ်သားတွေအနေနဲ့ ဒီလိုစင်တာတွေကို ဆက်သွယ်ဖို့ပဲလိုပါတယ်။ စင်တာတွေမှာ လိုအပ်တာတွေအကုန် အခမဲ့ လုပ်ပေးနေပါတယ်။ မဆက်သွယ်တာထက် ဆက်သွယ်တာက သူတို့ဘဝကို ပိုပြီးလုံခြုံအေးချမ်းတဲ့ ဘဝမျိုး ပိုင်ဆိုင်စေမှာပါ” ဟု မနှင်းဆီက ဘဝတူဖြစ်သူများကို အကြံပြုသည်။

မနှင်းဆီကတော့ ဘဝတူ ညဥ့်ငှက်မလေးများကိုလည်း သူ့လိုအခွင့်အရေးမျိုး ရစေလိုသည့် ဆန္ဒဖြင့် သူမကျင်လည်ခဲ့ဖူးသည့် နေရာများစွာကို လျှောက်သွားပြီး ဘဝတူများကို ကူညီပေးနေသည်မှာ ၄ နှစ် ကျော်ခဲ့ပြီဖြစ်သည်။ ရှေ့လျှောက်လည်း ဒီလုပ်ငန်း ကို တစိုက်မတ်မတ် လုပ်ဆောင်သွားမည်ဟုဆိုသည်။

“ဘဝတူတွေကို ကျမပြောချင်တာကတော့ အမျိုးသမီး Sex Worker တွေအနေနဲ့ ဘယ်လို အခြေအနေဖြစ်ဖြစ် ကွန်ဒုံးသုံးပါ။ ပိုက်ဆံ ဘယ်လောက်ပေးပေး ကွန်ဒုံးမသုံးရင် လက်မခံပါနဲ့။ ချစ်သူရည်းစားဆိုလည်း ကွန်ဒုံးသုံးပါ။ အခမဲ့ ကူညီပေးနေတဲ့ စင်တာတွေကို ဆက်သွယ်ပြီး သွေးစစ်ပါ။ HIV မရှိလည်း ၃ လတကြိမ်စစ်ပါ။ HIV ရှိခဲ့ရင် လည်း စိတ်ဓာတ်ကျစရာမလိုဘဲ ART ဆေးသောက် ပြီး ဘဝကို အကောင်းဆုံးရင်ဆိုင်ပါလို့ သတင်း စကားပါးလိုက်ချင်ပါတယ်” ဟု ဆိုပါသည်။

The post မနှင်းဆီ ပါးလိုက်တဲ့ HIV သတင်းစကား appeared first on ဧရာဝတီ.

လူထုဒေါ်အမာ (ဓာတ်ပုံ – မိုးမခ)

မွေးနေ့ရှင် မတက်ရောက်နိုင်တဲ့ ရာပြည့်အကြို ၉၉ နှစ်ပြည့် မွေးနေ့ပွဲတခုကို အမရပူရ တောင်သမန်အင်းအနီးက တောင်လေးလုံးကျောင်းတိုက်မှာနို ၀င်ဘာ ၂၉ ရက်နေ့က ကျင်းပတယ်။ အနယ်နယ်အရပ်ရပ်က မွေးနေ့ရှင်ကို ချစ်ခင်လေးစားကြသူတွေ တက်ရောက်ကြတယ်။ မွေးနေ့ရှင်က ပြည်သူချစ်တဲ့သတင်းစာဆရာမကြီး လူထုဒေါ်အမာဖြစ်ပါတယ်။

လူထုဒေါ်အမာက လွန်ခဲ့တဲ့ခြောက်နှစ် အသက် ၉၃နှစ် အရွယ်မှာ ကွယ်လွန်သွားခဲ့ပါပြီ။ အမေလူထုဒေါ်အမာ ကွယ်လွန်သွားပြီဖြစ်ပေမယ့် ကျန်ရစ်သူတွေက ချစ်ခင်စိတ်၊ လေးစားစိတ်၊တန်ဖိုးထားစိတ်တွေနဲ့ မွေးနေ့ပွဲကို နှစ်စဉ်အစဉ်လာမပျက် ကျင်းပနေတာပါ။ လူတယောက် ကွယ်လွန်သွားသည့်တိုင် မွေးနေ့ပွဲ နှစ်စဉ်ကျင်းပဖို့ဆိုတာ မလွယ်ပါဘူး။ အဲဒီလူ သက်ရှိထင်ရှားရှိနေစဉ်မှာ လူ့အဖွဲ့အစည်းအတွက် တော်တည့် မှန်ကန်အောင်လုပ်နိုင်ခဲံ့မှသာ ကျန်ရစ်သူတွေက အောက်မေ့ သတိရကြမှာပါ။

လူထုဒေါ်အမာကို လူကြီးလူငယ် လူရွယ်အားလုံးက ချစ်ခင်ကြတယ်။ စာနယ်ဇင်းဆရာတွေ နိုင်ငံရေးသမားတွေက လေးစားကြတယ်။ လူထုဒေါ်အမာရဲ့ ဩဇာကြီးမားတယ်။ ဘာကြောင့်
အဲဒီလို ဖြစ်ရတာလဲ။ စာရေးဆရာ သင့်နော်က ယခုလို ဖြေရှင်းချက်ပေးတယ်။

“အစဉ်အလာကောင်းခဲ့လို့ပေါ့။ ဟိုက်စကူးကျောင်းတက်တော့ အမျိုးသားကျောင်း၊ တက္ကသိုလ်တက်တော့ သပိတ်မှောက်ကျောင်းသူ၊ အာဏာရှင်တွေအပေါ် တလျှောက်လုံး တော်လှန်ခဲံ့တယ်။ အဖိနှိပ်ခံပြည်သူတွေဘက်က တသက်လုံး ရပ်တည်ခဲ့တယ်။ သေတပန်သက်တဆုံး ဒူးမထောက် လက်မမြောက်ခဲ့ဘူး။ သားတွေနဲ့ ရှင်ကွဲသေကွဲ ကွဲခဲ့ရတယ်။တခါတလေများ မိသားစုသုံးယောက် ထောင်ကျခဲ့ရတဲ့ကာလတွေတောင် ရှိခဲ့တယ်။ တော်ရုံတန်ရုံ မိန်းမသားဆို လောကဓံ အထုအထောင်းတွေကြားမှာ ထူမတ်ဖို့ မလွယ်ဘူး။လူထုဒေါ်အမာ မို့လို့သာ ဦးမညွှတ်ခဲံ့တာ။ အာဏာရှင်နဲ့ ပလဲနံပသင့်အောင်ပေါင်းရင် ဒိထက်မက ကျိကျိတက် ချမ်းသာနိုင်မယ့် အခွင့်အရေးတွေရခဲ့ပေမယ့်
တလျှောက်လုံး အာဏာရှင်ကိုတော်လှန်ခဲ့တယ်။”

လူထုဒေါ်အမာက ဆရာကြီးသခင်ကိုယ်တော်မှိုင်းနဲ့ ဆရာကြီးရွှေဥဒေါင်းတို့ရဲ့ အနီးကပ် သွန်သင်လမ်းညွှန်မှုကို ခံခဲ့ရတယ်။ ဆရာကောင်းနဲ့ တွေ့ခဲ့ရတဲ့ တပည့်ကောင်းဖြစ်ရုံမက တပည့်ကောင်းတွေ မွေးထုတ်ခဲ့တဲ့ ဆရာကောင်းလည်း ဖြစ်တယ်။ ဒီနေ့ စာပေလောကမှာ လူတလုံး သူတလုံး ရပ်တည်နေကြတဲ့ ကဗျာတပ်မှူးကြီး လေးဦး ကိုလေး(အင်းဝဂုဏ်ရည်)၊ ကြည်အောင်၊ တင်မိုး၊ မောင်စွမ်းရည် တို့ဟာလည်း လူထုရဲ့ တူသားတွေဖြစ်ကြတယ်။ အလားတူ မောင်သာနိုး၊ မောင်မိုးသူ၊ မောင်ထွန်းဝေ၊ မောင်သိန်းနိုင်၊ မောင်ပေါက်စည်၊မောင်သစ်လွင်(လူထု)၊ မောင်စောလွင်၊ လူထုစိန်ဝင်း တို့ကအစ ညီစေမင်း၊ ကျော်ရင်မြင့်၊ ဆူးငှက်၊ ညိုထွန်းလူ၊ ကိုရိုးကွန့်၊ သိုက်ထွန်းသက်၊ ရဲသျှမ်း၊ ကြည်လင်အေး အလယ် အော်ပီကျယ်၊ ဇော်မောင်၊ စိုးဝင်းငြိမ်း အဆုံး လူထုတိုက်ထွက်တွေဟာ စာပေလောကမှာ ထိုက်ထိုက်တန်တန် နေရာတခုစီ ရနေကြပါပြီ။

လူထုဒေါ်အမာရဲ့ မွေးနေ့ပွဲတွေကို အသက် ၇၀ ပြည့်မွေးနေ့ ၂၉.၁၁.၁၉၈၅ ကစလို့ ဆရာတော်ဦးပညာရဲ့ တောင်လေးလုံးကျောင်းတိုက်မှာ နှစ်စဉ်ကျင်းပခဲ့တာဖြစ်တယ်။အာဏာပိုင်တွေရဲ့ ဖိအားပေးမှုကြောင့် အချို့နှစ်တွေမှာ နေရာပြောင်း ကျင်းပရတာ ရှိတယ်။ ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းက မင်းကုိုနိုင်၊ ကိုကိုကြီး တို့ အမေလူထုဒေါ်အမာရဲ့ မွေးနေ့ပွဲကို လာခဲ့ဖူးတယ်။ ကွယ်လွန်သွားပြီဖြစ်တဲ့ လေထီးဦးအုန်းမောင်၊ သခင်သိန်းဖေ၊ တော်ဘုရားလေး၊ ဆရာမြသန်းတင့်၊ ဆရာလင်းယုန်မောင်မောင်၊ဆရာ ဒဂုန်တာရာ၊ ဒေါက်တာသန်းထွန်းစတဲ့သူတွေ နှစ်စဉ်လာခဲ့ကြတယ်။ အခု အဝေးရောက်သားတွေဖြစ်သွားတဲ့ ကဗျာဆရာအောင်ဝေးနဲ့ မြားနတ်မောင် မဂ္ဂဇင်း အယ်ဒီတာ ဒေါက်တာလွဏ်းဆွေ တို့လည်း ပြည်တွင်းမှာရှိစဉ်က နှစ်တိုင်းနီးပါးလာခဲ့ကြသူတွေဖြစ်တယ်။ ဗြိတိန်သံအမတ်ကြီးဟောင်း ဗစ်ကီဘိုးမန်း၊ ဂျပန်နိုင်ငံ အိုဆာကာတက္ကသိုလ် မြန်မာစာ ပါမောက္ခ မပန်းခက် တို့လည်း အခါအားလျော်စွာ လာခဲ့ကြတဲ့သူတွေပေါ့။ လမင်းတရာ ပန်တျာဒေါ်ဌေးဌေးမြင့်က တုံးကျော်မသီချင်းနဲ့ နှစ်စဉ် ကပြဧည့်ခံတာ
မှတ်မိသေးတယ်။

၁၉၈၈ ခုနှစ် အရေးတော်ပုံကာလအတွင်း မန္တလေးစာပေအနုပညာရှင်များထုတ်တဲ့ ရှစ်လေးလုံးသတင်းစာမှာ အယ်ဒီတာကောင်းတစ်ယောက်အဖြစ် သမိုင်းပေးတာဝန် ကျေပွန်စွာ ထမ်းဆောင်ခဲ့တယ်။ လူထုသတင်းစာ ထုတ်ဝေနေစဉ်ကာလမှာလည်း လှုပ်ရှားနေသော ကမ္ဘာ့ရေးရာများဆိုပြီး နေ့စဉ်ကမ္ဘာ့သတင်းသုံးသပ်ချက်တွေ ရေးသားခဲ့တယ်။ အဲဒီခေတ်က ရေဒီယိုကို အားကိုးပြီး ကမ္ဘာ့သတင်းတွေကို နားထောင်ရတဲ့အချိန်။ဒီနေ့ခေတ် (သတင်းနည်းပညာခေတ်ကြီး)လို အန်းတားခေါက်ရုံနဲ့ သတင်းတွေ ဝေါကနဲ ကျလာတဲ့ကာလ မဟုတ်ဘူး။ လူထုဒေါ်အမာဟာ စာစုံရေးနိုင်ပြီး ရေးသလောက်လည်း ထင်ရှားတယ်။

လူထုဒေါ်အမာရဲ့ ကြီးမားတဲ့ လူမှုရေးဆောင်ရွက်ချက်က ဗြဟ္မစိုရ်လူမှုကူညီရေးအသင်းကြီးကို အောင်မြင်အောင် တည်ထောင်နိုင်ခဲ့ခြင်းပါ။အာဏာပိုင်တွေရဲ့ ပိတ်ဆို့ ဟန့်တား နှောင့်ယှက်မှုတွေကြားက ၀ါခင်းကုန်းဆရာတော်ဦးတိက္ခ၊ နဒီမြန်မာ ဦးအောင်ခိုင်တို့နဲ့အတူ လူအားငွေအား အကြံဥာဏ်အားတွေ စိုက်ထုတ်ခဲ့တာ ဖြစ်ပါတယ်။ အဲဒီအချိန်က မြို့တိုင်းနယ်တိုင်းမှာ နာရေးကိစ္စကြုံလာရင် အခက်အခဲကြုံရချိန်၊ အယူသီးမှုတွေ မင်းမူနေချိန်၊ ထောက်လှမ်းရေးတွေ တန်ခိုးထွားနေချိန်၊ အသင်းအဖွဲ့မှန်သမျှ
မျက်လုံးဒေါက်ထောက် ကြည့်ခံရချိန် ဖြစ်တယ်။

၂၀၀၇ ခုနှစ် ရွှေဝါရောင်တော်လှန်ရေးကာလမှာ မန္တလေးမြို့ ၈၄လမ်း (ဗိုလ်ချုပ်အောင်ဆန်းလမ်း) တလျှောက် သံဃာတော်တွေမေတ္တာသုတ်ရွတ်တော့ အသက် ၉၂ နှစ်အရွယ် လူထုဒေါ်အမာက အိမ်ရှေ့ထွက်ပြီး လက်အုပ်ချီတယ်။ ရေသန့်ဗူးတွေ ကပ်လှူတယ်။ ၂၀၀၈ ခုနှစ်မှာ ကျန်းမာရေး ချို့ယွင်းလာတယ်။မန္တလေး အထွေထွေရောဂါကု ဆေးရုံတက်ရတော့ သွေးလိုအပ်လာလို့ ကျနော်ရယ် ဆရာကျော်ရင်မြင့်ရယ် ဆေးရုံသွားကြတယ်။ အမေမာ့ကုတင်နံဘေးမှာ သားအငယ်ဆုံး စာရေးဆရာညီပုလေး ရှိနေတယ်။ကျနော်တို့ သုံးယောက်စလုံး သွေးအမျိုးအစား တူတယ်။ ဆရာကျော်ရင်မြင့်လည်း အမေမာ့အတွက် သွေးလှူဖူးသလို ဆရာညီပုလေးလည်း သူ့မိခင်အတွက် သွေးလှူနေကျပါ အဲသည်နေ့ကတော့ လိုရမယ်ရဆိုပြီး လိုက်သွားတာပါ။ ဆရာဝန်ဆုံးဖြတ်ချက်အရ လူငယ်ဖြစ်တဲ့ ကျနော့်သွေး အမေမာ့ကို လှူဒါန်းခွင့်ရခဲ့တယ်။

အမေလူထုဒေါ်အမာက ဆေးရုံကုတင်ပေါ်မှာ သေမင်းနဲ့ စစ်ခင်းနေရပေမယ့် သူ့မျက်နှာမှာ ပူပန်တဲ့ အရိပ်အယောင် မတွေ့ရဘူး။ လောကဓံ အထုအထောင်းတွေက
သူ့ကို ရင့်ကျက်စေခဲ့ပုံပါပဲ။ ရောဂါအရှိန်ကြောင့် မျက်နှာတော့ အနည်းငယ်ချောင်ကျနေတယ်။ လူနာကုတင်ဘေးမှာရပ်လို့ အမေလူထုဒေါ်အမာနဲ့ စကားတွေပြောနေခဲ့တာ အမှတ်ရမိတယ်။

၂၀၀၈ခုနှစ် ဧပြီ ၇ ရက်နေ့မှာတော့ အမေလူထုဒေါ်အမာ ကွယ်လွန်သွားပါတယ်။ ၂၁ ရာစု မန္တလေးမှာ အကြီးအကျယ်ဆုံး ဈာပန အခမ်းအနားတခု ဖြစ်ခဲ့တယ်။ လွမ်းသူ့ပန်းခြင်းတွေ ပန်းခွေတွေ များလွန်းလို့ လိုက်ထရပ်တွေနဲ့ ပန်းတွေချည်း သီးသန့်တင်ကြရတယ်။ လူထုခေါင်းဆောင် ဒေါ်အောင်ဆန်းစုကြည်နေအိမ် အကျဉ်းကျကာလတွေဖြစ်ပေမယ့် သူ့ရဲ့
လွမ်းသူ့ပန်းခြင်းက အထင်ရှားဆုံးဖြစ်ခဲ့တယ်။ မဂ္ဂဇင်းတွေ ဂျာနယ်တွေကလည်း လွမ်းသူ့ပန်းခြင်းတွေ ပို့ကြတယ်။ လူမှုရေးအဖွဲ့အစည်းအသီးသီးနဲ့ နိုင်ငံရေးပါတီတွေကလည်း လွမ်းသူ့ပန်းခွေတွေ ပို့ကြတယ်။ မန္တလေးမြို့က ထင်ရှားတဲ့ စာသင်တိုက်ကြီးတွေကလည်း ပန်းခြင်းတွေ ပို့ကြတယ်။ ကင်မရာမီးရောင်တွေကလည်း တဖျပ်ဖျပ်နဲ့ပါပဲ။

ဂျာနယ်လစ်တွေ၊ စာပေအနုပညာရှင်တွေ အမေလူထုဒေါ်အမာကို ချစ်ခင်ကြသူတွေက မှတ်တမ်းတင်သလို အာဏာပိုင်အဖွဲ့အစည်းအသီးသီးကလည်း ရုပ်ငြိမ်ရော ရုပ်ရှင်ပါ မှတ်တမ်းတင်ကြတယ်။ ဈာပနယာဉ် မန္တလေးတောင်ခြေရောက်သည့်တိုင် မြို့လယ်က အိမ်မှာ နာရေးလိုက်ပါပို့ဆောင်သူတွေရဲ့ ယာဉ်တွေ မထွက်ခွာရသေးဘူး။ ပြည်သူချစ်လျင် ကမ္ပည်းတင်မည်ဆိုတဲ့ စကားလိုပါပဲ။ ပြည်သူ့အပေါ်မေတ္တာထားသူကို ပြည်သူကလည်း မေတ္တာပြန်ထားစမြဲ ဖြစ်ပါတယ်။

အမေလူထုဒေါ်အမာ ကွယ်လွန်ခဲ့ပါပြီ။ သူ့လုပ်ရပ် သူ့ရပ်တည်ချက် သူ့စာသူ့စေတနာတွေကတော့ ရာပြည့်အကြိုမှသည် ကမ္ဘာတည်သရွေ့ တည်တံ့ခိုင်မြဲနေမှာပါ။

(သန်းနိုင်ဦးသည် မန္တလေးအခြေစိုက် သတင်းစာဆရာတဦးဖြစ်သည်။)

The post ပြည်သူ့အမေ လူထုအမေ ရာပြည့်အကြို appeared first on ဧရာဝတီ.

ပြုပြင်ပြောင်းလဲရေးများ လုပ်ဆောင်နေသည် ဆိုသော လက်ရှိအစိုးရ သက်တမ်းအတွင်း ဖြစ်ပေါ်နေသော ပြဿနာများထဲတွင် မြေ ယာနှင့်ပတ်သက်သော ပြဿနာသည် အများဆုံးဟု ပြော၍ရသည်။

ယခင်စစ်အစိုးရ လက်ထက်က စစ်တပ်နှင့် ခရိုနီများ သိမ်းယူထားခဲ့သည့် လယ်ယာမြေများကို ပြန်လည်ဖော်ထုတ် တောင်းဆိုမှုများ၊ စီမံကိန်းများနှင့် မြေသိမ်းဆည်းမှုများကြောင့် ဖြစ်ပေါ်လာသော ပြဿနာများ၊ ဈေးကစားမှုများကြောင့် အဆမတန် မြင့်မားလာနေ သော မြေယာဈေးနှုန်း ကြီးမြင့်မှု စသည့် အခြေအနေအမျိုးမျိုးနှင့် မြေယာပြဿနာများမှာ ရှုပ်ထွေးလျက် ရှိသည်။

မြေယာပြဿနာ များနှင့် ပတ်သက်၍ ယခုအစိုးရ သက်တမ်း လွှတ်တော်အတွင်း လယ်ယာမြေဥပဒေနှင့် မြေလွတ်၊မြေလပ်နှင့် မြေရိုင်းများ စီမံခန့်ခွဲရေး ဥပဒေတို့ကို အတည်ပြု ပြဌာန်းခဲ့ပြီး ထိုဥပဒေများနှင့် ဖြေရှင်းဆောင်ရွက်မှုများ ရှိသော်လည်း များပြားလှသည့် အငြင်းပွားမှုများနှင့် မြေယာခွဲဝေမှု ပြဿနာများက ရှိနေဆဲ ဖြစ်သည်။

ထိုသို့ အခြေအနေများရှိနေသော မြေယာများကို မျှတပြီး ရေရှည် အကျိုးရှိစွာ အသုံးပြုသွားနိုင်ရန် လမ်းညွှန်နိုင်မည့် အမျိုးသားမြေ ယာ အသုံးချမှု မူဝါဒတခု ရှိရန် လိုအပ်သကဲ့သို့ အမျိုးသား မြေယာ ဥပဒေ ထွက်ပေါ်လာရန်လည်း လိုအပ်နေသည်။

အမျိုးသား မြေယာဥပဒေ ထွက်ပေါ်မလာသေးသော်လည်း ပြီးခဲ့သည့် အောက်တိုဘာလအတွင်းက အမျိုးသား မြေအသုံးချမှု မူဝါဒ (မူကြမ်း) ထွက်ရှိလာခဲ့သည်။

သို့သော် ထိုမူကြမ်းတွင် လက်ရှိဖြစ်ပေါ်နေသော မြေယာပြဿနာများကို ဖြေရှင်းနိုင်မည့် အခြေအနေများနှင့် ပတ်သက်သည့် မူများ၊ မြေဈေးနှုန်းများ ကြီးမြင့်မှု ဖြစ်စဉ်အပေါ် မည်သို့ ရှေ့ဆက်သွားသင့်သည်ဆိုသော အချက်များ၊ သိမ်းဆည်းထားသည့် မြေယာများအား မည်သို့ ပြန်လည် လုပ်ဆောင်သွားကြရမည် ဆိုသောအချက်များ မပါရှိသကဲ့သို့ အိုးပစ်အိမ်ပစ် စစ်ဘေးရှောင် ဒုက္ခသည်များနှင့် ပတ်သက်၍ မြေနေရာ ပြန်လည် ချထားရေး ဆိုင်ရာ မူများလည်း မပါရှိခြင်းတို့အပေါ် အရပ်ဘက် အဖွဲ့အစည်းများ တိုင်းရင်းသား များနှင့် လုပ်ငန်းရှင်များက ၀ိုင်းဝန်းဝေဖန်ကြသည်။

မြေယာပြဿနာများနှင့် ပတ်သက်၍ စားနပ်ရိက္ခာဖူလုံမှု ပူးပေါင်း ဆောင်ရွက်ရေး အဖွဲ့ (FSWG)က လုပ်ဆောင်ထားသော စစ်တမ်း အရ မြန်မာနိုင်ငံတွင် စစ်တပ်၊ အစိုးရဌာနများနှင့် ကုမ္ပဏီများက သိမ်းထားသည့် မြေဧကပေါင်းသည် ၆ သန်းခန့် ရှိကြောင်း သိရပြီး လွှတ်တော်တွင်း အစီရင်ခံစာများတွင် ပါဝင်သည့် အချက်များအရ လယ်ယာမြေနှင့်ပတ်သက်သည့် အမှုပေါင်းမှာ ၉၀၀၀ ကျော်ရှိသည့် အနေအထား ဖြစ်သည်။

ထိုအမှုပေါင်း ၉၀၀၀ ကျော်တွင် ၁၀ ရာခိုင်နှုန်းဝန်းကျင်သာ ဖြေရှင်းပေးနိုင်သည့် အခြေအနေဖြစ်သည်ဟု တောင်သူ လယ်သမား အကျိုးဆောင် ကွန်ရက်က ထုတ်ပြန်ထားသည်။

လယ်ယာမြေ သိမ်းယူ အသုံးချမှုများနှင့် ပတ်သက်၍ လယ်ယာမြေ ဥပဒေ အခန်း ၁၀ ပုဒ်မ ၃၁ တွင် ခွင့်ပြုသည့်နေ့မှ ၆ လအတွင်း လယ်ယာမြေကို သတ်မှတ်သည့် နည်းလမ်းအတိုင်း စတင်အသုံးမပြုလျှင် သော်လည်းကောင်း၊ သတ်မှတ်ကာလအတွင်း လုပ်ငန်းမပြီးလျှင် လည်းကောင်း ဗဟိုလယ်ယာမြေ စီမံခန့်ခွဲမှုအဖွဲ့က ပြန်လည်သိမ်းယူနိုင်သည်ဟု ပါရှိပြီးသား ဖြစ်သော်လည်း လက်ရှိအနေ အထားမှာ ဥပဒေ သက်ရောက်မှု အားနည်းသည်ဟု ပြောရမည့် အခြေအနေ ဖြစ်သည်။

ထို့ကြောင့် ယင်းပြဿနာများနှင့် ပတ်သက်၍ ရေရှည်လုပ်ဆောင် ဖြေရှင်းရမည့် အချက်များ မူကြမ်းတွင် ပါဝင်သင့်သည်ဟု အရပ် ဘက် အဖွဲ့အစည်းများက ထောက်ပြကြသည်။

မြေယာအရေး ဆောင်ရွက်နေသည့် အမျိုးသား ဒီမိုကရေစီ အင်အားစု ပါတီဝင် ဒေါ်ဘောက်ဂျာ က“ရေးထားတဲ့ မူဝါဒထဲမှာ လက်ရှိ ဖြစ်နေတဲ့ ပြဿနာတွေ ကိုဖြေရှင်းပေးမယ်ဆိုတဲ့ဟာ တခုမှမပါဘူး။ စစ်ဘေးရှောင် ဒုက္ခသည်တွေအနေနဲ့လည်း တောထဲတောင်ထဲ ကနေများ လုပ်စားဖို့ ရောက်လာခဲ့ရင် နေစရာမရှိဘူးပေါ့။ ဒီအမျိုးသား မြေအသုံးချမှု မူဝါဒမှာလည်း ထည့်ထားခြင်းမရှိတဲ့ အတွက် တိုင်းရင်းသားတွေ အတွက် လုံးဝ လက်ခံနိုင်စရာ အကြောင်းမရှိဘူး”ဟု ပြောသည်။

ဒေါ်ဘောက်ဂျာသည် ကချင်ပြည်နယ် ဟူးကောင်း ချိုင့်ဝှမ်းဒေသရှိ မြေယာများအား ပြည်သူ့လွှတ်တော် ကိုယ်စားလှယ် ဦးခင်ရွှေ၏ ယုဇနကုမ္ပဏီက သိမ်းယူခဲ့မှုအတွက် ဒေသခံ လယ်သမားများဘက်မှ ဦးဆောင်၍ တရားစွဲဆိုမှုများ လုပ်ဆောင်ခဲ့သူလည်း ဖြစ် သည်။

စိမ်းလန်းအမိမြေ ဖွံ့ဖြိုးတိုးတက်ရေး အသင်း ဥက္ကဋ္ဌ ဦးဝင်းမျိုးသူ ကလည်း အမျိုးသား မြေယာမူဝါဒတွင် မြေယာနှင့် ပတ်သက်သော အဓိက ပြဿနာများနှင့် ဦးစားပေးဖြေရှင်းရမည့် အချက်များကို ထည့်သွင်းသင့်ကြောင်း ထောက်ပြထားသည်။

အမျိုးသား မြေအသုံးချမှု မူဝါဒ(မူကြမ်း)တွင် မြေယာဈေးနှုန်းများ ကြီးမြင့်မှုနှင့် ပတ်သက်ပြီး ရေရှည် ဆောင်ရွက်သွားရမည့် အချက် များလည်း မပါရှိပေ။ မြန်မာနိုင်ငံ၏ လက်ရှိ မြေဈေးနှုန်းကြီးမြင့်မှုက တိုင်းပြည်စီးပွားရေးအင်အားကို တိုးချဲ့နိုင်မည့် ပြည်ပရင်းနှီးမြှုပ်နှံမှုများ ၀င်ရောက်စေမှုကို အဟန့်အတားဖြစ်စေသော အကြီးဆုံး စိန်ခေါ်မှုတခုလည်း ဖြစ်သည်။

တောင်ကိုရီးယားနိုင်ငံ အခြေစိုက် မိုးဘိုင်းဖုန်းနှင့် အီလက်ထရွန်နစ် ပစ္စည်းများ ထုတ်လုပ်သော နာမည်ကြီး Samsumg ကုမ္ပဏီ သည် မြန်မာနိုင်ငံတွင် ရင်းနှီးမြှုပ်နှံရန် စီစဉ်ခဲ့သော်လည်း ယခုဗီယက်နမ်သို့ ပြောင်းလဲ ရောက်ရှိသွားခြင်း၏ အဓိကအကြောင်း ရင်း၂ချက်မှာ မြန်မာနိုင်ငံ၏ မြေယာအခက်အခဲနှင့် အခြေခံ အဆောက်အအုံ လိုအပ်ချက်ကြောင့်ဖြစ်သည်ဟု စီးပွားရေး လုပ်ငန်းရှင် အသိုင်းအ၀ိုင်း ကပြောသည်။

မြန်မာနိုင်ငံ၏ တချို့သော မြေဈေးနှုန်းများသည် အမေရိကန်နိုင်ငံ နယူးယောက်မြို့ရှိ မြေတန်ဖိုးထက် ပိုမိုမြင့်မား နေသည်ဟုပင် ဝေဖန်ကြသူများ ရှိသည်။

ပြည်ထောင်စု မြန်မာနိုင်ငံ ကုန်သည်ကြီးများနှင့် စက်မှုလက်မှု လုပ်ငန်းရှင်များ အသင်းချုပ် ဒုဥက္ကဋ္ဌ ဒေါက်တာ မောင်မောင်လေး က “ဒါနဲ့ပတ်သက်ပြီး ဘယ်လို ဖြေရှင်းမလဲဆိုတာ သိပ်အရေးကြီးနေပါပြီ။ မြန်မာနိုင်ငံဟာ အရှေ့တောင်အာရှမှာ မြေဧရိယာ အကျယ်ဆုံးပဲ။ ဒီလောက်အကြီးကြီး ဖြစ်နေတာကို လာတဲ့သူတွေက မြေမရလို့ ပြန်သွားတာ၊ မြေဈေးကြီးလို့၊ အလုပ်လုပ်လို့မရဘူးဖြစ်နေ တဲ့အတွက် ဒီမှာဝင်မယ့် နိုင်ငံတကာက လုပ်ငန်းတွေကို အခက်ဖြစ်စေတာပေါ့။ ဒါဟာ အများပြည်သူ ချောင်လည်ဖို့၊ အလုပ်အကိုင် ရရှိဖို့နဲ့ ဆင်းရဲမွဲတေမှု ပပျောက်ရေးအတွက် အဟန့်အတား အရမ်းဖြစ်ပါတယ်။ နိုင်ငံတော်က ဒါကို သတ်သတ်မှတ်မှတ် ရဲရဲဝံ့ဝံ့ ဥပဒေတွေချ လုပ်ဆောင်ဖို့ လိုပါတယ်။ ဒါမှလည်း အစိုးရကို ယုံကြည်မှုရှိတော့မှာပေါ့”ဟု ပြောသည်။

မြန်မာနိုင်ငံတွင် ယခင်အစိုးရလက်ထက်က မြေယာ ရရှိထားသူများ ရှိနေပြီး လက်ရှိအချိန်တွင် အစိုးရအနေဖြင့် ထိုမြေယာများကို ပြန်လည် သိမ်းယူနိုင်ခြင်း မရှိသေးကြောင်းလည်း ဒေါက်တာ မောင်မောင်လေးက ပြောဆိုသည်။

၎င်းက “အရင်တုန်းက ယူထားတဲ့သူတွေလည်း တိတ်တိတ်လေး ငြိမ်နေတယ်။ ပေါ်မှာစိုးလို့ နေမှာပေါ့။ နိုင်ငံတော်ပိုင်းက သိတဲ့ ဟာ လည်း သိတာပေါ့။ ဒါပေမယ့် အဲ့ဒီသူတွေကို တချို့ကပြောတယ်။ ထိလို့မရတဲ့ အပိုင်းတွေတဲ့။ ဒီမိုကရေစီ လမ်းကြောင်းသွားတဲ့ အခါမှာ ဒါမျိုးက မရှိသင့်တော့ပါဘူး”ဟုလည်း ပြောသည်။

မြန်မာနိုင်ငံ အထည်ချုပ်လုပ်ငန်းရှင်များ အသင်း ဥက္ကဋ္ဌ ဦးမြင့်စိုးကလည်း လက်ရှိ အမျိုးသား မြေယာမူဝါဒနှင့် ပတ်သက်ပြီး “အမျိုးသားမြေအသုံးချမှုမှာ တည့်တည့် ပြောရရင် မြေ ၁ ဧက ကနေ ရမယ့် အကျိုးအမြတ် ဘာရှိမလဲ။ ငွေရေးကြေးရေးနဲ့ အလုပ်အကိုင် အခွင့်အလမ်း အကျိုးအမြတ်ပေါ့။ ဒီနိုင်ငံရဲ့ ၅၁ သန်းရှိသော လူတွေ စားလောက်တဲ့ စိုက်ပျိုးမြေ၊ ဒါမှမဟုတ် သီးနှံ၊ ဒါကို အရင်ဆုံး စဉ်းစား ရမယ်။ အဲ့ဒီဟာထက် ပိုတဲ့ ဟာတွေကို အမျိုးသားမြေအသုံးချမှု မူဝါဒက စီးပွားရေးအရ တွက်ခြေကိုက်မှု ဘာလဲ၊ အလုပ် အကိုင် အခွင့်အလမ်းရမှာ ဘာလည်း၊ နည်းပညာ ရမှာဘာလဲ၊ ဆိုတဲ့ဟာတွေအပေါ်မှာ အသုံးချသင့်တယ်လို့ သုံသပ်ချင်တယ်”ဟု ပြောဆိုသည်။

ထိုမြေအသုံးချမှု မူဝါဒ(မူကြမ်း)နှင့်အတူ ကန့်ကွက်သံများ၊ ဝေဖန်သံများ၊ တင်ပြ အကြံပြုချက်များသည် အဖွဲ့အစည်းမျိုးစုံထံမှ ထွက် ပေါ်ခဲ့သည်။

ထိုကန့်ကွက်သံများကြားတွင် အမျိုးသား မြေအသုံးချမှု မူဝါဒ မူကြမ်းအား ပြည်သူများသို့ ချပြရန်၊ တနိုင်တပိုင်ဆွေးနွေးပွဲများ ပြုလုပ် ၍ ပြည်သူများနှင့်ဆွေးနွေးရန် သစ်တောဝန်ကြီးဌာနက တာဝန်ယူထားပြီး တွေ့ဆုံပွဲများ ဆက်လက် လုပ်ဆောင်လျက် ရှိသည်။

ထို့အပြင် သမ္မတ အနေဖြင့် မြေယာမူဝါဒအား အမြန်ဆောင်ရွက်စေလိုပြီး ပြည်တွင်း မြေအသုံးချမှုများ စေ့စပ်စေရန်၊ မြေနှင့် ပတ် သက် သည့် စီမံကိန်းများကို ဥပဒေထွက်ရှိလာပါက လုပ်ဆောင်ရန်၊ နည်းဥပဒေများ ထပ်မံရေးဆွဲရန် တို့ကိုလည်း စီစဉ်လျက် ရှိ သည်ဟု သိရသည်။

သို့သော် ယခုမူဝါဒထဲတွင် အမှန်တကယ် အဓိက လိုအပ်သော ပြဿနာ ဖြေရှင်းရမည့် အချက်များ ပါဝင်ရန်လိုအပ်လျက်လည်း ရှိသည်။

ထိုအချက်များ မပါရှိပါက နိုင်ငံ၏ အမျိုးသား မြေအသုံးချမှု မူဝါဒသည် ဖြစ်နေသည်က တခြား၊ လုပ်ဆောင်မည်က တလွဲနှင့် မြေယာ လက်ဝါးကြီးအုပ်မှုများ ဆက်လက်ရှိနေဦးမည့် သဘောသာ ရှိနေပါသည်။     ။

ဧရာဝတီ သတင်းထောက် နန်းလွင်နှင်းပွင့် ပူးပေါင်း ရေးသားသည်။

The post မြေယာ လက်ဝါးကြီးအုပ်မှုများ ဆက်ရှိနေဦးမှာလား appeared first on ဧရာဝတီ.

စစ်အေးခေတ် ကျူးဘားဒုံးပျံ အရေးအခင်းကာလအတွင်း ကတ်စထရိုနှင့် တွေ့ဆုံနေသော ဦးသန့်

ဦးသန့်က နိုင်ငံ့ အကျိုး တွေလည်း အတတ် နိုင်ဆုံး ထမ်းဆောင် ခဲ့တယ်။ နောက် ကုလ သမဂ္ဂလို ကမ္ဘာ့ အဖွဲ့ အစည်း ကြီးမှာ အမြင့်ဆုံး နေရာကနေ တာဝန် တွေကို ထမ်းဆောင် ခဲ့တဲ့သူ ဖြစ်လေတော့ သမိုင်းမှာ အလွန် ဂုဏ်ယူစရာ ကောင်းတယ်ပေါ့ဗျာ။ ဒါက လူပုဂ္ဂိုလ်အရ ပြောရတာပါ။ ဗမာနိုင်ငံသား တယောက်အနေနဲ့ အလွန် ဂုဏ်ယူစရာ ကောင်းတဲ့ ပုဂ္ဂိုလ်လို့ ပြောချင်ပါတယ်။ တခုရှိတာက ဦးသန့်ဟာ ကုလသမဂ္ဂလို နေရာမှာ ရာထူးရသွားလို့ ဂုဏ်ယူခြင်းဆိုတာထက် ဒီပုဂ္ဂိုလ်ရဲ့စွမ်းဆောင်ချက်၊ သူ့ရဲ့ ဆောင်ရွက်ချက်တွေက ထူးထူးခြားခြား ကောင်းမွန် ခဲ့တာ တွေ့ရတယ်ဗျ။

ကမ္ဘာ့နိုင်ငံတကာအရေးမှာပဲ ကျူးဘားအရေးအခင်းကိစ္စတို့၊ ဒုံးပျံကိစ္စတို့၊ အရှေ့အလယ်ပိုင်းကိစ္စ၊ ဗီယက်နမ်ကိစ္စတို့ကိုကြည့်။ ဒီကိစ္စတွေကိုဆောင်ရွက်ရာမှာ သူဟာ အလွန်ကိုတည်တည်ငြိမ်ငြိမ် အေးအေး ချမ်းချမ်းနဲ့ အောင်မြင်မှုရအောင် ဆောင်ရွက်ခဲ့တာတွေအတွက် ကျနော်တို့ အလွန်ကို ဂုဏ်ယူစရာ ကောင်းတယ်ဗျ။ သူ့ဟာသူ ရာထူးရတာက တပိုင်းပေါ့ဗျ။ လူတယောက် ရာထူးရပြီး ဘာမှ မယ်မယ်ရရ မဆောင်ရွက်နိုင်တာတွေ ပြည်တွင်းမှာပဲဖြစ်ဖြစ် ပြည်ပမှာပဲဖြစ်ဖြစ် အများကြီးရှိတယ်ဗျ။

နောက်တခုက ဦးသန့်ဟာ ဘာပဲလုပ်လုပ် တည်တည်ငြိမ်ငြိမ်လုပ်တတ်တယ် ဆိုတာကိုတွေ့ရတယ်။ ဘယ်အလုပ် လုပ်လုပ် စကားနည်းနည်းပဲပြောပြီး တိတိကျကျ ဆောင်ရွက်တတ်တယ်ဗျ။ ဒါက ကုကသမဂ္ဂလို နေရာမျိုးရောက်မှ မဟုတ်ဘူး မြန်မာပြည်တွင်းမှာ နေစဉ်ကတည်းကလည်း ဒီတိုင်းပဲ။ ဥပမာ ပြန်ကြားရေး ဝန်ကြီးဌာနမှာ အတွင်းဝန်လုပ်တော့ သတင်းစာဌာနတွေဘာတွေနဲ့ ဆက်ဆံတဲ့နေရာမှာ တိတိကျကျ တည်တည်ငြိမ်ငြိမ်ပဲ ဆောင်ရွက်တာ တွေ့ရတယ်။

တည်တည်ငြိမ်ငြိမ်ဆိုတာ တော်တော်လေး အရေးကြီးတယ်ဗျ။ စကားသိပ်မပြောဘူး။ ကျနော်ဆုံဖူးတာလေး တခုဆိုရင် ၁၉၆၀ ကျော် လောက်ကပေါ့ ဗမာပြည်မှာလာပြီး ဗီယက်နမ်စစ်ပွဲနဲ့ ပတ်သက်လို့ ဆောင်ရွက်ဖူးတယ်။ ဗီယက်နမ်အရေးကို ကုလသမဂ္ဂရယ် ဗီယက်နမ်တောင်ပိုင်း၊ မြောက်ပိုင်း အလယ်ပိုင်းတွေ ဆွေးနွေးရာမှာ ဗမာပြည်က နေရာပေးတယ်ပေါ့ဗျာ။ အဲဒီအချိန်မှာသူက အလုပ်လုပ်တာမှာ အကုန်လုံး သင့်သင့်မြတ်မြတ် ဖြစ်အောင် လုပ်တတ်တယ်။

ဒီကိစ္စက လျှို့ဝှက်ကိစ္စဗျ။ ဒါပေမယ့် လူတွေက သိချင်တယ်လေ။ အဲဒီမှာ လျှို့ဝှက်ကိစ္စကိုလည်း မငြင်းရှောင်ဘူး၊ သိသင့်တာကိုလည်း သိရအောင် မီဒီယာရဲ့သိခွင့်ကိုလည်း မလျော့ပါးအောင်လုပ်တတ်တယ်ဗျ။ ကျနော် မှတ်မိတာလေး တခုဆိုရင် သူ သတင်းထောက်တွေနဲ့တွေ့တော့ ကျနော်တို့ထဲက သတင်းထောက်တယောက်က စကားနည်းနည်းလေး ထစ်တယ်။ အဲဒီတုန်းကလည်း သတင်းထောက် နည်းနည်းပဲရှိတာပါ။ ဒါတောင် တယောက်ကို တမိနစ်ပဲ ပေးမယ်ပေါ့ဗျာ။ မေးတာကော ဖြေတာကောနော်။ အဲဒီထစ်တဲ့သူက စကားထစ်ပြီး ဗီ ဗီ ဗီ ဗီ ဆိုပြီး ဗီယက်နမ် ဆိုတာတောင် မရောက်ဘဲ ဖြစ်တယ်ဗျ။ အဲဒီမှာ သူက ပြောလိုက်တယ် ခင်ဗျားဗျာ မေးတာနဲ့တမိနစ်ပြည့်နေပြီ ကျနော့်အဖြေမပေးနိုင်တော့ဘူး ဆိုပြီး ပြောလိုက်တယ်။ တိတိကျကျ လုပ်တာပေါ့ဗျာ။ တည်တည်ငြိမ်ငြိမ် ပြတ်ပြတ်သားသား လုပ်တတ်တာ ဦးသန့်နဲ့ပတ်သက်တဲ့ အမှတ်တရ တခုပေါ့ဗျာ။

နောက်တခုက ဦးသန့်အရေးအခင်းနဲ့ ပတ်သက်တာပေါ့။ ဒါလူတိုင်းသိတဲ့ကိစ္စပါ။ အများကြီး မပြောချင်တော့ဘူး။ တခု ပြောချင်တာက ပြည်သူလူထုဟာ တန်ဖိုးထားရမယ့်သူကို တန်ဖိုးထားရမယ်ဆိုတာ ဘယ်တော့ပဲဖြစ်ဖြစ် သိတယ်ဗျ။ အထူးသဖြင့် ဗမာပြည်သူလူထုပေါ့။ နောက်တခုက ဒီလိုလူတွေနဲ့ပတ်သက်ပြီး မထိုက်တန်တဲ့ အပြုအမူမျိုးကိုလုပ်တော့ ပြည်သူလူထုက သိပ်ပြီး ဒေါသထွက်တယ်၊ မကြိုက်ဘူးဗျ။ ဒီတော့ ဒီဟာနဲ့ ပတ်သက်လာရင် အမြဲ တုန့်ပြန်တယ်။ ဒီအရေးအခင်းဟာ ဒီသဘောထားကို ထင်ထင်ရှားရှား ပြလိုက် တာပဲ။

ဦးသန့်လိုပုဂ္ဂိုလ်မျိုးဟာ ဗမာပြည်အတွက်၊ ဗမာတယောက်အနေနဲ့ သိပ်ကိုဂုဏ်ယူစရာကောင်းတယ်၊ နောက်ပြီး အလွန်ကိုထိုက်ထိုက်တန်တန်နဲ့ ကမ္ဘာ့အရေးကိုတောင် ဆောင်ရွက်ခဲ့တဲ့ ပုဂ္ဂိုလ်ရဲ့ ရုပ်အလောင်းကို ကြိုတာတောင်မှ ကြိုဖို့ခွင့်မပေးဘူး၊ ဘယ်သူ့ကိုမှ မပြောဘူး။ ကြားတာတခုကတော့ အဲဒီအချိန်က ဦးနေဝင်းက ငပလီမှာရှိနေတယ်ပြောတယ်ဗျ။ ဒီကသံရုံးတွေက သွားကြိုချင်တော့ ဘယ်သူကြိုမှာလဲ မေးတော့ သူက မင်းတို့ ကြိုချင်ကြို ငါဘာမှလုပ်စရာမရှိဘူးကွာ လို့ပြောတယ်တဲ့။ သူအဲလိုပြောလိုက်တော့ အားလုံးက သူ့ရဲ့စိတ်သဘော ကိုသိပြီ။ အဲဒီမှာ ဘယ်သူကမှ ဘာမှမလုပ်ရဲတော့ဘူး။

နောက်ဆုံးပိတ်ကျတော့ ပညာရေးဒုဝန်ကြီးဦးအောင်ထွန်း ဆိုတာ ကျနော့်သူငယ်ချင်းပါပဲ၊ သူ့ကို တာဝန်ပေးလိုက်တယ်တဲ့။ သူကလည်း တွေးတာပေါ့ဗျာ။ ဒီလိုနေရာက နိုင်ငံတကာအဖွဲ့အစည်းတွေနဲ့ တွေ့ရမယ့်နေရာမှာ ကောင်းကောင်းလုပ်မယ်ဆိုပြီး အနောက်တိုင်းဝတ်စုံတွေ ဘာတွေဝတ်ပြီး နက္ကတိုင်နဲ့ဘာနဲ့ ကျကျနနသွားတာဗျ။ ဒါပေမယ့် ဦးသန့်ရဲ့ အလောင်းကိုကြိုမိလိုက်တာနဲ့ အဲဒီဝန်ကြီးလည်း ပြုတ်ရောဗျ။ အဲဒါကိုပြည်သူလူထုသိတာနဲ့ ဒီလိုဂုဏ်ယူစရာကောင်းတဲ့ ပုဂ္ဂိုလ်မျိုးကို သေးသိမ်အောင် လုပ်တယ်ဆိုပြီး မကျေနပ်တော့ ကျောင်းသား ပြည်သူအများက ဦးသန့်အလောင်းကြီးကိုအတင်း ကျိုက္ကဆံကွင်း ကနေလုကြတာ။

ပထမကြားတာက ဒေါ်ခင်မေသန်းရဲ့ ခြေရင်းမှာမြှုတ်ဖို့တောင် စီစဉ်ထားတာလို့ ကြားတာပဲ။ ဟုတ်မဟုတ်တော့ မသိဘူးဗျ။ ကြံတောမှာပေါ့။ အဲဒီမှာ တက္ကသိုလ်ဝင်းထဲကိုသယ်ပြီး ဆန္ဒပြပွဲ ဖြစ်တော့တာပဲ။ ဒါက ဘာပြလဲ ဆိုတော့ ဒီစစ်တပ်က အုပ်ချုပ်သူတွေဟာ အမြဲတမ်း သူတို့ထင်သလို လုပ်သမျှ ဖြစ်တယ်လို့ ထင်တယ်။ ခုလို ဂုဏ်ရှိတဲ့ပုဂ္ဂိုလ်မျိုးကို သေးသိမ်အောင်လုပ်ချင်တယ်။ အလေးမထားချင်ဘူး၊ ဂုဏ်ပျက်အောင် လုပ်ချင်တယ်။ အဲဒီအတွက် ကြီးစွာသော တုန့်ပြန်မှုရတယ်ဆိုတာကို ဘယ်တော့မှ နမူနာ မယူဘူး။

ဆိုပါတော့ဗျာ ကျနော်စကား ဆက်ပြီးပြောရရင် ဒေါ်ခင်ကြည်ဈာပနတုန်းကလည်း ဒေါ်ခင်ကြည်ကို ကြံတော မှာမြှုပ်ဖို့လုပ်တယ်ဗျ။ အဲဒီမှာ ဒေါ်အောင်ဆန်းစုကြည်ကကော ကျန်တဲ့ ကျောင်းသား၊ သံဃာ၊ လူထုက လက်မခံနိုင်ဘူးဗျ။ လက်မခံနိုင်တော့ မြို့တော်ခန်းမကိုသယ်ပြီး ပြည်သူ့ဈာပနလုပ်ဖို့အထိ လုပ်မလို့ဗျ။ နောက်ဆုံး ဒေါ်အောင်ဆန်းစုကြည်က ပြည်သူ့ဈာပနလုပ်တာတော့ မကြိုက်ဘူး ဆိုပြီး ပြောတော့မှ သတိရပြီး ဒေါ်အောင်ဆန်းစုကြည်ရဲ့ သဘောထားကို ကြိုက်ပါတယ် ဆိုပြီးဖြစ်တာဗျ။ မိသားစုဈာပနပဲပေါ့ဗျာ။ အဲဒီမှာမှ ဦးသန့်နဲ့ ဆရာကြီးသခင်ကိုယ်တော်မှိုင်းရဲ့ကြား မြေကွက်ကို ပေးလိုက်တာဗျ။ မဟုတ်ရင် အောက်ခြေမှာ ပြည်သူလူထုက ဆူပူတော့မှာ။ ဒေါ်ခင်ကြည်တုန်းကလည်း ဦးသန့်အရေးအခင်းလိုကို ဖြစ်တော့မှာ။

ချုပ်လိုက်ရင် မြန်မာလူမျိုးအတွက်သာမက ကမ္ဘာအတွက်ပါ ဂုဏ်ယူစရာကောင်းတဲ့သူ ကျူးဘားအရေးအခင်းလို ကမ္ဘာမှာ နျူးကလီးယားစစ်ကြီးတောင် ဖြစ်တော့မယ့် အနေအထားကို တားနိုင်ခဲ့တဲ့သူ ဒီလိုပုဂ္ဂိုလ်မျိုး ဖြစ်တဲ့အတွက် ဂုဏ်ယူရမယ်။ တိုင်းပြည်မှာ ဂုဏ်ယူ အလေးထားရမယ့် ပုဂ္ဂိုလ်မျိုးကို အမြဲတမ်း စစ်အစိုးရက သေးသိမ်အောင် မဖွယ်မရာ သဘောထားနဲ့ ပြုမူ ချုပ်ကိုင်တတ်တဲ့ သဘောထားမျိုးရှိတယ်ဆိုတာ ဦးသန့်အရေးအခင်းက သက်သေပြနေတယ်လို့ပဲ ပြောချင်တယ်။

ဦးနေဝင်းက ပုဂ္ဂိုလ်ရေး အာဃာတ ထားတဲ့ပြဿနာတခု .. အဲဒါကတော့ ဦးနေဝင်းပြဿနာဗျ။ ဦးသန့်ပြဿနာ မဟုတ်ဘူး။ ဦးသန့်ဟာ လူတွေနဲ့ဆက်ဆံရာမှာ အလွန်ကို တည်ကြည်မှန်ကန်တဲ့ပုဂ္ဂိုလ်ဗျ။ စကားပြောရာမှာ ယဉ်ကျေးတယ်၊ သိမ်မွေ့တယ်၊ အေးဆေးတယ်။ ဘယ်သူ့ဖြစ်ဖြစ် လေးလေးစားစား ဆက်ဆံတယ်။ ဒီတော့ ဒီကိစ္စဖြစ်တာဟာ ဦးသန့်နဲ့ မဆိုင်ဘူးဗျ။ ဦးနုနဲ့ ဦးနေဝင်းဖြစ်တဲ့ကိစ္စ။ ဦးနုက အာဏာသိမ်းခံရတော့ ကမ္ဘာလှည့်ပြီးနိုင်ငံတွေကို ထောက်ခံချက် တောင်းရင်း ကုလသမဂ္ဂကိုရောက်တော့ ကုလသမဂ္ဂ သတင်းစာ ရှင်းလင်းပွဲ အခန်းမှာ နိုင်ငံတကာသတင်းထောက်တွေ ရှေ့မှာ ပြောတယ်။

အဲဒီအချိန်က ဦးနေဝင်းက ဦးနုကို ဒေါသဖြစ်နေတာဗျ။ ဦးနေဝင်းအနေနဲ့က သူ့ရဲ့စစ်အစိုးရနဲ့ တိုင်းပြည်ကို ငြိမ်အောင်ကြိုးစားနေရတဲ့ အချိန်မှာ ဦးနုက ကုလသမဂ္ဂလို နေရာမျိုးမှာ သတင်းစာ ရှင်းလင်းပွဲလုပ်၊ ကမ္ဘာသိကြေညာ၊ စစ်အစိုးရရဲ့ ချွတ်ယွင်း ချက်တွေ ထောက်ပြ၊ သူ့ရဲ့ ဒီမိုကရေစီအခွင့်အရေးတွေ တောင်းဆိုတာမျိုးတွေလုပ်တော့ ဦးနေဝင်းက ဒေါသထွက် တုန်လှုပ်တယ်။ ဒါက အစိုးရကို ဖြိုဖျက်နိုင် လောက်အောင် ဖြစ်တယ်လေ။

ဒါပေမယ့် ဦးနေဝင်းရဲ့ဒေါသက ဦးနုထက် ဦသန့်ဆီ ရောက်သွားတယ်။ အဲဒီအချိန်မှာ ဦးသန့်နဲ့ဦးနုကလည်း အလွန်ရင်းနှီးကြတာကိုး။ ငယ်သူငယ်ချင်းတွေကိုး။ ဒါဟာဦးသန့်ဟာ ဦးနုကို အထူးအခွင့်အရေးပေးတာပဲ လို့ထင်တယ်ဗျ။ တကယ်က မဟုတ်ဘူးဗျ။ ဒီအခန်းကို ကုလသမဂ္ဂရောက်တဲ့ ဘယ်နိုင်ငံ့ခေါင်းဆောင်မဆို သုံးခွင့်ရှိတယ်ဗျ။ သူကလည်း နိုင်ငံ့ခေါင်းဆောင်တဦးပဲကိုး။ အပြင်လူ အနေနဲ့ ဆိုရင်တော့ ဦးနုဟာ ပြုတ်ကျနေတဲ့ ခေါင်းဆောင်ဟောင်း လို့ပြောမယ်။ ဒါပေမယ့် ခေါင်းဆောင်ဟောင်း မဟုတ်ဘူးဗျ။ အာဏာသိမ်းခံထားရတဲ့ ခေါင်းဆောင်ဗျ။ အဲဒီမှာ ဦးနေဝင်းရဲ့ ဒေါသတွေဟာ ဦးနုဆီကနေ ဦးသန့်ဆီကို ရောက်သွားတော့တာပဲ။

ဦးသန့် ဗမာပြည်ကိုရောက်တိုင်း ဦးသန့်ဟာ ဦးနေဝင်းနဲ့ တွေ့ဆုံဖို့ကြိုးစားတာ အကြိမ်ကြိမ်ပဲ။ အဲဒါလည်း ကျနော်တို့သတင်းစာလောကက အသိဆုံးပဲ။ အဲဒီလိုအခါတိုင်းမှာ ဦးနေဝင်းက ငြင်းပယ်တယ်၊ ရှောင်တယ်ဗျ။ ဦးသန့်လာတဲ့အခါ မြောက်ဖျား ကချင်ပြည်နယ် ခရီးထွက်နေတယ်၊ အနားယူနေတယ်၊ နေမကောင်းဘူး အမြဲလုပ်တယ်။ အဲဒီတော့ ဦးနေဝင်းနဲ့ ဦးသန့်နဲ့ ကြားမှာ မညီညွှတ်တဲ့သဘောထားတွေ ဖြစ်ပေါ်လာတာ ဦးသန့်ကြောင့်မဟုတ်ဘူး။ ဦးနုကနေ ဆက်စပ်ပြီး ပေါ်လာတဲ့ သဘောထား။ အဲဒီကနေ တဖြည်းဖြည်းကွာသွားပြီး နောက်ဆုံး ဈာပန အခမ်းအနား မှာတောင် ရုပ်အလောင်းကို ကြိုမိတဲ့ ဒုဝန်ကြီးတယောက်တောင် ပြုတ်ရတဲ့အထိ မလိုမုန်းထားစိတ်တွေ ဖြစ်ခဲ့တာပေါ့ဗျာ။

ဦးနေဝင်းအစိုးရက မထောက်ခံတာကြောင့် ဦးသန့်ရဲ့ တတိယသက်တမ်း ပြယ်သွားတယ်လို့ ပြောကြတယ်။ တကယ်တော့ ဦးနေဝင်းမထောက်ခံရုံနဲ့ ဒီလိုမဖြစ်ပါဘူးဗျ။ ဦးသန့်ကိုယ်တိုင်ကိုက အဲဒီမှာ ကျန်းမာရေးက မကောင်းတော့ဘူး။ ငယ်ငယ်ကတည်းက ဆေးပြင်းလိပ်သောက်ခဲ့တာဆိုတော့ သူ့မှာ ကင်ဆာဖြစ်လာတဲ့ အနေအထားတွေ သူသိမယ်ဗျ။ မိခင်နိုင်ငံကကန့်ကွက်တာနဲ့ လူတယောက် အလုပ်မလုပ် နိုင်တော့ဘူး ဆိုတာမျိုးတော့ မဖြစ်နိုင်ဘူးဗျ။ နိုင်ငံအများစုက ထောက်ခံရင်ကို လုပ်နိုင်တာပဲ။ လုံခြုံရေးကောင်စီ အဖွဲ့ဝင်တွေက ထောက်ခံရင်ကိုပြီးတာပဲ။ သူကိုယ်တိုင်ကိုက ကျန်းမာရေးကြောင့် ဆုတ်သွားတာဖြစ်မယ်ဗျ။ အဲဒီနောက်ပိုင်း ၁ နှစ် ၂ နှစ်အတွင်းမှာ ဒီရောဂါကဆိုးရွားခဲ့တာကိုးဗျ။

ပြောစမှတ်ပြုစရာကတော့ အများကြီးတော့ မပြောနိုင်ဘူး။ ဘာကြောင့်လဲဆို အဲဒီတုန်းက ကျနော်က ငယ်သေးတာကိုး။ နောက်ပြီး ကျနော်က သိပ်ပြီးအရေးပါတဲ့သူလည်း မဟုတ်ခဲ့ဘူး။ ဒါပေမယ့် တခု မှတ်မိ တာကတော့ ကျနော် သတင်းစာအသင်း အတွင်းရေးမှူး လုပ်စဉ်ကပေါ့ အဲဒီတုန်းက ဥက္ကဌက ဂါးဒီးယန်း ဦးစိန်ဝင်း။ ဦးသန့်ကရန်ကုန်ရောက်နေတယ် နှစ်တော့သေချာမမှတ်မိဘူး ၁၉၆၄ ဝန်းကျင်ဖြစ်မယ်ဗျ။ အဲဒီမှာ သတင်းစာအသင်းက ဦးသန့်ကို ဂုဏ်ပြုပွဲလေးလုပ်တယ်ဗျ။

အဲဒီမှာ ကျနော်တို့က ဦးသန့်ကို လက်ဆောင်ပေးဖို့ စီမံတယ်။ အဲဒီမှာ သူ့ရဲ့ဆန္ဒလေးလည်းယူတယ်။ ဒါက လူ ၁ ယောက် ၂ ယောက်ပဲ သိတဲ့ကိစ္စပေါ့။ အဲဒီမှာ ဦးသန့်က ဒီလိုလုပ်ဗျာတဲ့ ကုလသမဂ္ဂမှာ အခန်းတွေ အများကြီး ရှိတာဆိုတော့ ပန်းချီကားတွေ ထားတယ်။ အဲဒီမှာ ဗမာပန်းချီကားလည်း ချိတ်ဆွဲချင်တယ်လို့ပြောတယ်ဗျ။ အဲဒီမှာ ကျနော်တို့က ပန်းချီကားစီစဉ်တယ်။ ပေါ်ဦးသက်ရဲ့ကားဗျ။ ပေါ်ဦးသက်ကလည်း ဆွဲလိုက်တာ ဆင်ပုံကြီးဗျ။ ဆင်နဲ့ မျက်မမြင်ပုဏ္ဏား ခြောက်ယောက် ပေါ့။ ဆင်ကလည်း ရိုးရိုး ငုတ်တုတ်နေတဲ့ ဆင်ကြီး မဟုတ်ဘဲ ကခုန်နေတဲ့ ဆင်ပေါ့ဗျာ။ နောက်တခု ပုဏ္ဏားတွေက အဖြူတွေ ဝတ်လို့ ဆင်ကြီးကအမည်းဗျ။ ဆန့်ကျင်ဘက်အရောင်နှစ်ခုနဲ့ ဆွဲထားတာ။ ပုဏ္ဏားတွေက တချို့က ဆင်ကိုစမ်း၊ တချို့က ကခုန်လို့ အဲလိုပုံဗျ။ ကျနော့်မျက်စိထဲမှာ မြင်ယောင် နေသေးတယ်။

အဲဒီကားက ၆ ပေ ၃ ပေလောက်ရှိမယ်။ သူ့ရဲ့ဘောင်က ကနုတ်ထွင်းထားတဲ့ ခေါင်းပွကြီး။ ပန်းခက်တွေနဲ့ ဝန်းရံနေတဲ့ သစ်လုံးကြီးလိုပဲ။ အဲဒီပန်းချီကားကို အကြောင်းကြောင်းကြောင့် ဘောင်ကြီးနဲ့ မသယ်နိုင်ဘူး။ ဒါနဲ့ ဘောင်ကြီးကိုဦးစိန်ဝင်းဆီမှာ ထားခဲ့တယ်။ ဒီကားကတော့ ကုလသမဂ္ဂမှာ ဘယ်ပုံနဲ့ ရှိနေလည်း မပြောတတ်ဘူး။ ဒါပေမယ့် ဘောင်ကြီးကတော့ ဦးစိန်ဝင်းက ဓမ္မိကဦးဘသန်းတို့ကနေတဆင့် လှူလိုက်တော့ ခု လောကနတ် ပန်းချီပြခန်းမှာ ရှေးဟောင်းကားတခုဖြစ်တဲ့ ဆရာခြုံရဲ့လက်ရာ ခပ်သေးသေးပဲ အဲဒီကားကို ထည့်ထားတယ်။ ဘောင်ကတော့ ဗမာပြည်မှာ ရှိနေတယ်။ လောကနတ်မှာရှိသေးလားတော့ မသိဘူး။

ဒါကဘာကိုပြလဲဆိုတော့ ဦးသန့်ရဲ့ အနုပညာမြတ်နိုးမှုရယ်၊ မြန်မာပြည်ကို အလေးထားတဲ့စိတ် ရှိတာရယ်ပေါ့ ဗျာ။ သူရှိစဉ်က မြန်မာတွေကို ရာထူးပေးတာမျိုးရှိတယ်။ ဒါက ဘက်လိုက်ပေးတာ မဟုတ်ဘူး။ ထူးချွန်တဲ့ သူခြင်းတူရင် ဗမာတွေကို အလုပ်အခွင့်အလမ်း ဖော်ထုတ်ပေးခဲ့တယ်။ မှတ်မှတ်သားသား မပြောနိုင်ပေမယ့် ဒါမျိုးရှိတယ်ဗျ။ ဦးတင်အောင်ဆိုတဲ့ သတင်းစာဆရာတဦးဆို ကုလသမဂ္ဂမှာ လုပ်ခဲ့တာပဲ။ ဦးသန့်ဟာ မထိုက်မတန်ဘဲ ကိုယ့်လူပဲဆိုပြီးဆွဲသွင်းတာမျိုးမဟုတ်ဘူး။ မြန်မာ့အနုပညာကို ဂုဏ်တင် မြတ်နိုးတယ်၊ ကမ္ဘာ့အလယ်မှာတင့်တယ်စေချင်တဲ့သဘောပေါ့။ အဲဒီကိစ္စလေးကတော့ ကျနော့်ရဲ့စိတ်ထဲ စွဲနေတဲ့ အကြောင်းအရာပေါ့ဗျာ။

အမှတ်တရ ဒီနေ့အတွက်ပြောချင်တာကတော့ ဦးသန့်အနှစ် ၁၀၀ ပြည့်တဲ့အချိန်က သာမန်လူပဲဖြစ်ဖြစ် ကမ္ဘာသိ ပုဂ္ဂိုလ်ပဲဖြစ်ဖြစ် မှတ်မှတ်သားသား ရှိဖို့ကောင်းတဲ့အချိန်ပေါ့။ ဦးသန့်လိုကမ္ဘာ့အကျိုး၊ မြန်မာ့အကျိုးတွေ ဆောင်ရွက်ခဲ့တဲ့ ပုဂ္ဂိုလ်မျိုးကတော့ ပိုပြီး မှတ်မှတ်သားသား လုပ်သင့်တာပေါ့ဗျာ။ ခုလိုချိန်မှာ ကျနော်ပြောချင် တာကတော့ ကျနော်တို့တိုင်းပြည်က ဆင်းရဲတယ်၊ ဒုက္ခမျိုးစုံကြုံခဲ့ရတယ်။ အဆိုးဆုံးကတော့ စစ်အစိုးရတွေ ပေါ့ဗျာ။ နှစ်ပေါင်း ၄၀ လောက်က စစ်အစိုးရက အုပ်ချုပ်တယ်၊ နှစ်ပေါင်း ၂၀ လောက်က ပြည်တွင်းစစ်တွေ ကြုံရတယ်။ အဲဒီမှာ နွံအိုင်ထဲမှာ ပွင့်တဲ့ကြာတပွင့်လိုပဲ ဦးသန့်လိုပုဂ္ဂိုလ်မျိုးပေါ်ထွက်ခဲ့တာဟာ မီးလျှံထဲကနေ ပန်းတပွင့်ပွင့်ခဲ့တာပဲဗျ။ အဲဒီလိုပုဂ္ဂိုလ်မျိုးရဲ့ အားထုတ်မှုတွေ၊ နမူနာတွေ၊ ထူးချွန်မှုတွေမျိုး ကျနော်တို့ ဗမာတွေရဲ့ စိတ်ထဲမှာရှိသင့်တယ်။ ကျနော်တို့ ဗမာတယောက်စီတိုင်းဟာ ဦးသန့်လိုပဲကြိုးစားသင့်တယ်၊ အားထုတ် သင့်တယ်။ ကြိုးစားကြပါ၊ အားထုတ်ကြပါလို့ပဲ ပြောချင်တယ်ဗျာ။

(ကမ္ဘာ့ ကုလ သမဂ္ဂ အထွေ ထွေ အတွင်း ရေးမှူးချုပ် ဦးသန့်နှင့် သတင်းစာ သမား တဦး အနေဖြင့် တွေ့ကြုံ ခဲ့ဖူးသည့် ကွယ်လွန်သူ သတင်းစာဆရာကြီး ဦးဝင်းတင်က ဦးသန့် နှစ် ၁၀၀ ပြည့်မွေးနေ့ အထိမ်းအမှတ်အဖြစ် ၂၀၀၉ ခုနှစ်တွင် ဧရာဝတီကို ပြောကြားချက်အား ပြန်လည်ဖော်ပြပါသည်။)

The post ဦးသန့် သို့မဟုတ် မီးလျံထဲက ပန်းတပွင့် appeared first on ဧရာဝတီ.

အမေရိကန်အစိုးရ ရုံးစိုက်ရာ မြို့တော် ဝါရှင်တန်ဒီစီရှိ ပင်ဆယ်လ်ဗေးနီးယား လမ်းမကြီးတလျှောက် တဖက်တချက် တွင် ကြီးမားထည်ဝါသည့် အဖြူရောင် အဆောက်အအုံများ အစီအရီ တည်ရှိနေသည်။

အမေရိကန် ပြည်ထောင်စု၏ ကွန်ဂရက် အဆောက်အအုံဆီသို့ ဦးတည်ရာ ထိုလမ်းမပေါ်ရှိ အဆောက်အအုံများမှာ ပုဂ္ဂလိက အလှူရှင်တဦးက အများပြည်သူ လွတ်လပ်စွာ ဝင်ရောက်လေ့လာနိုင် ရန် အမေရိကန်အစိုးရသို့ လှူဒါန်း ခဲ့သော ပြတိုက်များ ဖြစ်သည်။

ထိုလမ်းမပေါ်တွင်ပင် သတင်းစာဆရာများ အတွက် တန်ဖိုး မဖြတ်နိုင်သည့် သမိုင်း အထောက်အထားနှင့် သတင်းစာ ပညာရပ်ဆိုင်ရာ အချက်အလက်များ၊ အမွေအနှစ်များ စုဝေးတည်ရှိရာ ကမ္ဘာ့ တခုတည်းသော သတင်းသမိုင်း ပြတိုက် (Newseum) တခုလည်း တည်ရှိသည်။ ထိုပြတိုက်သည် ၁၉၉၇ ခုနှစ်တွင် စတင်ဖွင့်လှစ်ခဲ့သည့် ပုဂ္ဂလိကပိုင် ပြတိုက်ကြီး တခု ဖြစ်သည်။

အမေရိကန် ပြည်ထောင်စု၏ လွှတ်တော် ရွေးကောက်ပွဲကာလတွင် International Center For Journalist (ICFJ) ၏ အစီအစဉ်ဖြင့် သွားရောက် လေ့လာခွင့်ရရှိခဲ့သည့် မြန်မာသတင်းစာ ဆရာများ အနက် မိမိလည်း ပါဝင်ခွင့်ရခဲ့ရာ ဝါရှင်တန် ဒီစီသို့ ရောက်ခိုက်တွင် ထိုသတင်းပြတိုက်ဆီသို့ သွား ရောက်လေ့လာခွင့် ရခဲ့သည်။

ဧရိယာ အကျယ်အဝန်း အားဖြင့် ပေ ၂ သိန်းခွဲ ရှိသည့် ၇ ထပ် အဆောက်အအုံကြီး အဝင်ဝ အပြင်ဘက်တွင် မှန်ပေါင်သွင်းထားသော သတင်းစာများကို တွေ့ရသည်။ ကမ္ဘာ့နိုင်ငံပေါင်း ၈၀ ကျော်မှ သတင်းစာများ၏ ခေါင်းကြီးပိုင်း များကို The Today’s Front Pages Gallery ဟု အမည်တပ်ကာ ပြသထားခြင်း ဖြစ်သည်။ အဆောက်အအုံ အတွင်းသို့ ဝင်လိုက်လျှင် လာရောက်လည်ပတ်သူများမှာ လူငယ်လူရွယ် ပိုမို များပြားသည်ကို မြင်ရပြီး အရွယ်စုံ လေ့လာသူများ ကြောင့် ပြတိုက်တခုလုံး စည်ကားလျက်ရှိသည်ကို တွေ့ရသည်။

မြေအောက်ထပ်ရှိ ပြခန်းတခုအတွင်း ပထမဆုံး မြင်တွေ့လိုက်ရသည့် မြင်ကွင်းကြောင့် စိတ်ထိခိုက်မှု၊ ဝမ်းနည်း နာကျင်မှု တမျိုးကို ခံစားလိုက်ရသည်။ ဘာလင်တံတိုင်း ပြခန်းသည် မိမိ၏ စိတ်နှလုံးကို သိမ်းကျုံးဆွဲဆောင် လိုက်သည်။

ဖိနှိပ်မှုတို့ ကြားမှ ပွင့်အန်ထွက်ခဲ့သည့် နံရံဆေးမှုတ် အနုပညာများသည် ဘာလင်တံတိုင်း နံရံဟောင်းများ ပေါ်တွင် အရောင်စုံ ပြန့်ကျဲလျက် ရှိသည်။ သမိုင်းဝင် အဖြစ်အပျက်များကို ဓာတ်ပုံပြခန်းများ အဖြစ် ဖန်တီးထားသည်။ Freedom ဟု ရေးထားသည့် တံတိုင်း နံရံကြီးများအား သံတူကြီးများဖြင့် အဆက်မပြတ် ထုနှက်သံတို့ကို ကြားရ သယောင် ခံစားမိသည်။ ဘာလင်တံတိုင်းကြီးပေါ်တွင် မတရားမှု တံတိုင်းကို ချိုးဖျက်ရန် တိုက်ပွဲဝင်နေသူများ လက်ချင်းယှက်၍ ကခုန်နေကြမည့် မြင်ကွင်းကို မြင်ယောင်လာ မိစေသည်။

၁၉၉၄ ခုနှစ်တွင် ဘာလင်မြို့ရှိ Checkpoint Charlie Museum က လက်ဆောင် အဖြစ်ပေးလိုက်သော Death Tower ဟု အမည်ပေးထားသည့် ကင်းစောင့်မျှော်စင်တခုသည် ပြခန်း၏အလယ်တွင် မားမားကြီး ရပ်လျက်ရှိသည်။ သတင်းဓာတ်ပုံများနှင့် သမိုင်း အချက်အလက်များကို ရေးထိုးထားသည့် ဘာလင်တံတိုင်း ပြခန်းသည် အတိတ်က လှုပ်ရှားမှု များကို အနှေးပြကွက်တခု ကြည့်နေရသည့်နှယ် လူတွေကို တဒင်္ဂ ငြိမ်သက်သွားစေခဲ့သည်။

ထို့နောက် ပြတိုက်ဝန်ထမ်း တဦး၏ အကြံပေးချက်အတိုင်း အပေါ်ဆုံးအထပ်ရှိ ပြခန်းများသို့ အရင်ဆုံး ဦးတည်လိုက် ကြသည်။ Newseum တွင် ဓာတ်ပုံ ပြခန်းပေါင်း ၁၄ ခုနှင့် မှတ်တမ်းသတင်း ဇာတ်လမ်းများပြသသည့် ဇာတ်ရုံငယ် ပေါင်း ၁၅ ခု ရှိသည်။ ထိုပြဇာတ်ရုံများတွင် သတင်းမီဒီယာများက ပြောသော သမိုင်းဖြစ်ရပ် တို့ကို ပြသနေရာ စိတ်ဝင် တစား ဝင်ရောက်ကြည့်ရှုနေ ကြသူများကို တွေ့ရသည်။

ပြတိုက်ကြီး၏ အပေါ်စီး ဝရန်တာမှ ကြည့်လျှင် အမေရိကန်ပြည်ထောင်စု၏ လွှတ်တော်အဆောက် အအုံကို လှမ်းတွေ့ ရသည်။ အပြင်ပိုင်းကို အကြီးစား ပြင်ဆင်နေဟန်တူသည့် ထိုကွန်ဂရက် အဆောက်အအုံသည် ခံ့ညားလွန်းလှသည်။ ထည်ဝါလွန်းလှသည်။

အပေါ်ဆုံးထပ်သို့ ရောက်သည်နှင့် ပထမဆုံး မြင်ရသည့် စာကြောင်းမှာ “လူတယောက်က တိုင်းပြည် တပြည်ကို ရောက်သွားလို့ အဲဒီတိုင်းပြည်က သတင်းစာတွေမှာ သတင်းကောင်းတွေ ချည်းပဲ တွေ့ရမယ် ဆိုရင်၊ လူကောင်းတွေ ထောင်ထဲရောက်နေတာ သေချာပြီ” ဟူ၍ဖြစ်သည်။ သတင်းစာဆရာတယောက်၏ ဘဝကို မြတ်နိုးတတ်သူများ အတွက်တော့ အားတက်ဖွယ်စကားလုံးများပင်။

“လူတွေကို သတင်း အချက်အလက်တွေ သိခွင့်ပေးလိုက်ပါ။ အဲဒါဆိုရင် အဲဒီတိုင်းပြည် လုံခြုံသွားလိမ့်မယ်” ဆိုသည့် အမေရိကန် သမ္မတဟောင်း အေဗရာဟင်လင်ကွန်း၏ ပြောစကားကိုလည်း နံရံတွင် အပြည့်ရေးထိုးထားသည်။

အလားတူ “ဒီမိုကရေစီ၏ အုတ်မြစ်သည် သတင်းလွတ်လပ်ခွင့်ဖြစ်သည်” ဆိုသည့် ဆိုရိုးစကားသည် ဒီမိုကရေစီ ကူးပြောင်းစ ဖွံ့ဖြိုးမှုနိမ့်ကျနေဆဲ မြန်မာနိုင်ငံမှ သတင်းသမားတဦး အတွက် ဘဝကို ရှေ့ဆက်လျှောက်လှမ်းရန် အင်အားများစွာ ပေးနေသကဲ့သို့ ရှိသည်။

ထို့နောက် အမေရိကန်ပြည်ထောင်စုရှိ တိုင်းရင်းသား သတင်းမီဒီယာများ၏ အခန်းကဏ္ဍကို ပြထားသည့် ပြခန်းငယ်ကို ဖြတ်ရသည်။ ထိုပြခန်းကို သစ်ပင်တပင်၏ အကိုင်းအခက်များ သဏ္ဌာန် အလှ ဆင်ထားပြီး သစ်ရွက်များမှာ မတူကွဲပြားသော တိုင်း ရင်းသားလူမျိုးများ၏ ဓာတ်ပုံများကို ချိတ်ဆွဲထားသည်။

ထို့နောက် အမေရိကန်နိုင်ငံ၏ ပထမဆုံး တိုင်းရင်းသား သတင်းစာများကို မှန်ပေါင်သွင်း၍ ပြသထားသည်ကို တွေ့ရသည်။ လက်ရှိတွင် အမေရိ ကန်နိုင်ငံအတွင်း နေထိုင်သည့် လူနည်းစု တိုင်းရင်းသား ပေါင်းစုံတို့၏ ဘာသာစကား အသီးသီးဖြင့် ရေးသားဖော်ပြသည့် သတင်းစာပေါင်း ၃ ထောင်ကျော် ရှိကြောင်း သိရသည်။

သတင်းပြတိုက်၏ မျက်နှာကြက်တွင် သတင်းလွှင့်တင်သော ဂြိုဟ်တု ပုံစံတခုနှင့် သတင်းလိုက်စဉ် အသုံးပြုခဲ့ကြသည့် ရဟတ်ယာဉ်ငယ် တစီးကို ချိတ်ဆွဲပြသ ထားသည်။

ထို့နောက် ၅ ထပ်မြောက်တွင် ၁၄၅၅ ခုနှစ်မှ ယနေ့အထိ ထုတ်ဝေခဲ့သည့် သတင်းစာမူရင်းများ၏ မျက်နှာဖုံး စာမျက်နှာများကို မှန်ပေါင်အံဆွဲကြီးများ ပြုလုပ်၍ ပြသထားသည်ကို တွေ့ရသည်။ ဘေးဖက် နံရံများတွင်လည်း အခြေခံ သတင်းစာပညာနှင့် သက်ဆိုင်သော ရှင်းလင်းချက်များနှင့် သတင်းစာ ကျင့်ဝတ်ဆိုင်ရာ ရှင်းလင်းချက်များကို အများနား လည်လွယ်စေနိုင်သော တင်ပြမှုမျိုးနှင့် ခင်းကျင်း ပြသထားသည်။

ထိုပြခန်းထဲတွင် စိတ်ဝင်စားစရာ အကောင်းဆုံး အရာမှာ ဗုံးခွဲခံထားရသည့် ရှေးခေတ်မော်တော်ကား တစင်းပင် ဖြစ်သည်။ ၁၉၇၀ ဝန်းကျင်ကာလက ထို မော်တော်ကားကို စီးနင်းလာသည့် သတင်းစာဆရာ ၂ ဦးစလုံး လုပ်ကြံခံရပြီး သေဆုံးခဲ့သည်။ သူတို့နှစ်ဦး ရေးသားဖော်ထုတ်နေသည့် သတင်း ဆောင်းပါးတပုဒ်ကြောင့် အမှန်တရားကို ဖုံးကွယ်လို သည့် လူသတ်သမားတို့က လုပ်ကြံခဲ့ကြခြင်း ဖြစ်သည်။

သို့သော် သူတို့သေဆုံးသွားချိန်တွင် သူတို့ ရေးသားလက်စ၊ စုံစမ်းထောက်လှမ်းလက်စ သတင်းကို လုပ်ဖော်ကိုင်ဖက် သတင်းသမားများက ဆက်လက်တာဝန်ယူ ဖော်ထုတ်ရေးသားနိုင်ခဲ့သည်။ ထို သတင်းဆောင်းပါးကိုလည်း ခင်းကျင်း ပြသထားသည်။ ထိုပြခန်း၏ ထောင့်တွင် “သတင်းစာဆရာကို သတ်ခြင်းအားဖြင့် သတင်းတွေကို မသတ်နိုင်ဘူး” ဟု ရေးထားသည့် နံရံပြည့် ပိုစတာတခုကို ကပ်ထားသည်။

ထို့နောက် တခြားနံရံများတွင် စစ်မြေပြင်အသီး သီး၌ သေဆုံးသွားသည့် စစ်သတင်းထောက်များ၏ အကြောင်းများနှင့် သူတို့၏ ကျန်ရစ်ခဲ့သော ပစ္စည်းများကို အမှတ်တရ ပြသထားသည်ကို တွေ့ရသည်။ သူတို့ဆောင်းခဲ့သည့် ဦးထုပ်များ၊ သူတို့ သုံးခဲ့သည့် ကင်မရာများ၊ သူတို့ရေးသားခဲ့သည့် သတင်းများ၊ ဆောင်းပါးများကို တခမ်းတနားဖြင့် ခင်းကျင်းပြသ ထားသည်။ ကျည်ဆန်ရာများ နေရာလွတ် မရှိအောင် ထိုးဖောက် ဝင်ရောက်ထားသည့် ကားတစီးကိုလည်း တွေ့ရသည်။ သတင်းထောက်တဦး စီးနင်းခဲ့သည့်ကား ဖြစ်သည်။

ထိုမှတဆင့် လွတ်လပ်စွာ ကိုးကွယ်ခွင့်၊ လွတ်လပ်စွာ ပြောဆိုခွင့်၊ သတင်းစာလွတ်လပ်ခွင့်၊ လွတ်လပ်စွာ လျှောက်လဲခွင့်နှင့် လွတ်လပ်စွာ စုဝေးခွင့် များကို သရုပ်ဖော်ထားသည့် ပြခန်းနှင့် မှတ်တမ်း ရုပ်ရှင် ပြခန်းတို့ကို ဖြတ်သန်းခဲ့ရာ စိတ်ဝင်တစား ကြည့်ရှုနေသူများကို တွေ့ရသည်။ စာလုံးတိုင်းသည် အဓိပ္ပာယ်အပြည့် ပါဝင်နေသည်။

ပြတိုက်ထဲရှိ နောက်ထပ် စိတ်ဝင်စားစရာ ကောင်းသော ပြခန်းတခုမှာ ကမ္ဘာ့နိုင်ငံအသီးသီးမှ သတင်းရယူရင်း သေဆုံးသွားပြီ ဖြစ်သည့် သတင်းစာဆရာများ အထိမ်းအမှတ် ပြခန်းပင် ဖြစ်သည်။ ကမ္ဘာတလွှားတွင် အန္တရာယ် ရှိသော သတင်းများ နောက်သို့ လိုက်ရင်း သေဆုံးခဲ့ရသည့် သတင်းသမားများ နေ့စဉ်နှင့်အမျှ ရှိနေသည်။

လွတ်လပ်စွာ ထုတ်ဖော်ရေးသား ပြောဆိုခွင့် အတွက် သူတို့၏ဘဝကို စွန့်လွှတ်သွားခဲ့ရသည့် သတင်းထောက်များ၏ အမည် စာရင်းကို ဤသတင်း ပြတိုက်ရှိ Journalists Memorial ပြခန်းတွင် နှစ်စဉ် ဖြည့်သွင်းထားခြင်း ဖြစ်သည်။

ထိုမှတဆင့် ကမ္ဘာကျော် အကြမ်းဖက်မှုကြီး တခုဖြစ်သည့် ကမ္ဘာ့ကုန်သွယ်ရေး အဆောက်အအုံ တိုက်ခိုက်ခံရခြင်းနှင့် ပတ်သက်၍ သတင်းစာပေါင်း များစွာက ရေးသားဖော်ပြခဲ့သော မျက်နှာဖုံးသတင်း စာမျက်နှာများဖြင့် နံရံအဖြစ် ဖန်တီးထားသည့် ပြခန်းကိုရောက်သည်။

လာရောက်လေ့လာသူများသည် ထိုအကြမ်း ဖက်မှုကြောင့် သေဆုံးခဲ့သူများ အတွက် ဆုတောင်း ပေးသည့်စာများကို ရေးသားကြသည်။ ရုပ်သံမီဒီယာများတွင် ဖော်ပြခဲ့သည့် သတင်းမှတ်တမ်းများကို ပြသနေသည့် ပြဇာတ်ရုံ အခန်းငယ်သည် ပရိသတ် အပြည့်ဖြင့် တိတ်ဆိတ်ငြိမ်သက်နေသည်။

ထိုပြခန်းသည်လည်း ဘာလင်တံတိုင်း ပြခန်း ကဲ့သို့ပင် စိတ်နှလုံးကို ထိခိုက်စေသည်။ အသက် မသေဘဲ လွတ်မြောက် လာသည့် လူများနှင့် အင်တာ ဗျူးထားသည့် ပြကွက်၊ သေဆုံးသွားသူများ၏ မိသားစုဝင်တို့ ပူဆွေးသောက ရောက်နေသည့် မြင်ကွင်းတို့သည် ကြေကွဲဖွယ်ဖြစ်သည်။ အမျိုးသမီးကြီး တဦးသည် မျက်နှာကို လက်ဝါးဖြင့် အုပ်တော့မည့် အသွင်ရှိသည်။ အခြားသူများသည် မနေ့တနေ့ကမှ ဖြစ်ပျက်ခဲ့သည့် အရာကို ပြန်လည် ကြည့်နေသည့် ဟန်မျိုးရှိနေသည်။

အကျယ်အဝန်း အားဖြင့်ရော၊ ထုထည်အားဖြင့်ပါ ကြီးမားလှသည့် ၇ ထပ်တိုက်ကြီး တခုထဲတွင် မိမိ အသက်မွေး ဝမ်းကျောင်း ပြုနေသည့် သတင်းစာ ပညာရပ်ဆိုင်ရာ အထောက်အထားများ၊ သမိုင်းကြောင်းများဖြင့် ပြည့်နှက်နေသည် ကိုလည်းကောင်း၊ ထိုပြတိုက်ကြီးဆီသို့ လူပေါင်းများစွာက တန်ဖိုးထား လေ့လာနေမှုများကို မြင်ရ၍လည်းကောင်း စိတ်ထဲတွင် အံ့ဩဂုဏ်ယူနေမိသည်။

မကြာမီ ပြတိုက်ပိတ်တော့မည် ဖြစ်သည်။ အထပ်တိုင်းတွင် မြင်တွေ့ လေ့လာခဲ့ရသမျှသည် မိမိအတွက် အကျိုးရှိလှသည်။ သို့သော် အချိန်မလုံလောက်သည့် အခက်အခဲကြောင့် တချို့သော ရေဒီယိုနှင့် ရုပ်သံ ပြခန်းများသို့ ဝင်မကြည့်ဖြစ်ခဲ့သည်ကို နှမြောမိ၏။

ပြီးခဲ့သည့် ၅ နှစ်အတွင်း Newseum သို့ လာ ရောက်လေ့လာ လည်ပတ်သူပေါင်း ၂ ဒသမ ၂၅ မီလီယံ ရှိခဲ့သည်။ ဝါရှင်တန်ဒီစီမြို့တော်၏ အထင်ရှားဆုံး လေ့လာလည်ပတ်စရာများ အနက် တခုဖြစ်သည့် ဤသတင်းပြတိုက်သို့ ရောက်ခွင့် ကြုံခြင်းသည် သတင်းသမား တဦးအနေနှင့် တန်ဖိုးမဖြတ်နိုင်အောင် ရှိလှသည်။ နှစ်ပေါင်းများစွာ လက်တွေ့ ဖြတ်သန်းပြီးမှ ရရှိနိုင်မည့် အတွေ့အကြုံနှင့် ဗဟုသုတများစွာကို တနေရာတည်းတွင် အချိန်တိုအတွင်း ရရှိခဲ့သည်။

ပင်ဆယ်လ်ဗေးနီးယား လမ်းမကြီးတလျှောက်ရှိ အခြားသော ပြတိုက်များသို့ အချိန်အခက်အခဲကြောင့် သွားရောက် နိုင်ခြင်း မရှိခဲ့သော်လည်း Newseum သို့ ရောက်ခဲ့ရခြင်းသည်ပင်လျှင် သတင်းသမားတဦးအဖို့ ထိုက်တန် လှပေ သည်။

“သတင်းစာဆရာတွေဟာ သမိုင်းမူကြမ်း ရေးသူတွေပါပဲ” ဆိုသည့် အဆိုအမိန့်သည် သတင်းပြတိုက်မှ အပြန်ခရီး အတွက် ခြေလှမ်းများကို ပို၍တက်ကြွ စေခဲ့လေသည်။     ။

The post ၀ါရှင်တန်က သတင်းပြတိုက်သို့ အလည်တခေါက် appeared first on ဧရာဝတီ.

ကွန်ပျူတာတွေရဲ့ စွမ်းဆောင်ရည်ဟာ စီပီယူ တခုတည်းပေါ်မူတည် မနေပါဘူး။ ဒါပေမဲ့ စီပီယူရဲ့ စွမ်းဆောင် ရည်ဟာ ကွန်ပျူတာ၊ လက်တော့ပ်၊ တက်ဘလက် တလုံးရဲ့ စွမ်းဆောင်ရည်ကို အဓိက အဆုံးအဖြတ် ပေးပါတယ်။ ကွန်ပျူတာ တွေရဲ့ နည်းပညာပိုင်းဆိုင်ရာ အ ချက်အလက်တွေ ဒါမှမဟုတ် စီပီယူရဲ့ နည်းပညာပိုင်းဆိုင်ရာ အချက်အလက် တွေကို အသေးစိတ် မသိချင်ရင်တောင်မှ လက်ရှိ ထုတ်လုပ်ထားတဲ့၊ သိပ်မကြာခင် ထုတ်လုပ်မယ့် စီပီယူတွေ အကြောင်းတော့ သိဖို့လိုပါတယ်။

စီပီယူရဲ့ မျိုးဆက်တွေ အကြောင်း မသိဘဲ i3, i5, i7 ဆိုပြီး ၀ယ်ရင်တော့ အ၀ယ်မှားဖို့ သေချာပါတယ်။ အခု ထုတ်လုပ်ထားတာပဲ ပထမ မျိုးဆက်၊ ပထမမျိုးဆက် (Core)၊ ဒုတိယ မျိုးဆက် (Sandy Bridge)၊ တတိယမျိုး ဆက် (Ivy Bridge) ၊ စတုတ္ထ မျိုးဆက် (Haswell) ၊ ပဉ္စမမျိုးဆက် (Core-M) မျိုးဆက် ၅ ခုတိုင် ရှိနေပါတယ်။

Core -M စီပီယူတွေက ဘာတွေ ထူးလို့လဲ

Core -M စီပီယူ အသစ် တွေက ဘာတွေထူးလို့လဲ ဆိုတာ မရေးခင် စီပီယူတွေရဲ့ အခြေခံကျတဲ့ အချက်တွေကို အရင်သိဖို့ လိုပါမယ်။ စီပီယူတွေရဲ့သဘာဝက စွမ်းဆောင်ရည် တနည်းအားဖြင့် အမြန်နှုန်းကို တိုးအောင်လုပ်ရင် ပါဝါစားနှုန်း တိုးပါတယ်။ ပါဝါစားနှုန်းတိုးရင် အပူ ထုတ်လွှတ်မှု မြင့်ပါတယ်။ အပူထုတ် လွှတ်မှု မြင့်ရင် အပူစွန့်ထုတ်ဖို့ heat sink တွေ၊ပန်ကာတွေ လိုလာပါတယ်။ ပန်ကာတွေသုံးရလို့ ဘက်ထရီအား မြန်မြန်ကုန်စေပါတယ်။

အပူစွန့်ထုတ်ဖို့ heat sink တွေသုံးရလို့ အိမ်ခွံတွေကို ပါးအောင် လုပ်လို့ မရပါဘူး။ နောက်ဆက်တွဲ ဆိုးကြိုးတွေ ဆက်တိုက် ဖြစ်လာစေပါတယ်။ Core-M တွေကတော့ အဲဒါတွေ အားလုံးရဲ့ပြောင်းပြန် ကောင်းကျိုးတွေ ဖြစ်စေ ပါတယ်။ စီပီယူရဲ့ ပါဝါစားနှုန်းကို လျှော့ချနိုင်တာဟာ ပန်ကာ မလိုတဲ့ ကွန်ပျူတာတွေ ထုတ်လုပ်နိုင်စေပြီး၊ ဘက်ထရီ သုံးနိုင်တဲ့ အချိန်လည်း ပိုများလာစေပါတယ်။

အင်တဲလ်က ထုတ်လုပ်ထားခဲ့ပြီးတဲ့ စီပီယူတွေထဲမှာလည်း ၀ိတ်လျှော့ထုတ်ထားတဲ့ Atom စီပီယူတွေက လွဲရင် ပန်ကာ မသုံးတဲ့ ပထမဦးဆုံး စီပီယူတွေ ဖြစ်လာပါတယ်။ အရင်က ၀င်းဒိုးစ် တက်ဘလက်တွေ၊ ၀င်းဒိုးစ်ဖုန်းတွေမှာ သုံးထားခဲ့တဲ့ Atom စီပီယူတွေထက်လည်း စွမ်းဆောင်ရည် မြင့်နေပါမယ်။ အဲဒီအချက်ဟာ ARM စီပီယူတွေနဲ့ အင်တဲလ် စီပီယူတွေရဲ့ တိုက်ပွဲ အစ ဖြစ်ပါတယ်။

အင်တဲလ် ရဲ့ တည်ဆောက်မှု နည်းပညာ

Broadwell Core-M CPU တွေ ဟာ အင်တဲလ် ရဲ့ 14 nm တည်ဆောက်မှု နည်းပညာသုံး ထုတ်လုပ် ထားပါတယ်။ သူ့အရင်က Haswell စီပီယူတွေကို 22 nm နဲ့ထုတ်လုပ်ထားပါတယ်။

Core-M စီပီယူတွေကိုတော့ အင်တဲလ်ကနေ ၂၀၁၄ ခုနှစ် ကုန်လောက်မှာ ဖြန့်ချိပါ လိမ့်မယ်။ OEM (Original Equipment Menuturer) တွေကတော့ Core-M စီပီယူသုံးထားတဲ့ တက်ဘလက်တွေကို ဈေးကွက်တင်ထားပြီး ဖြစ်ပါတယ်။ Core-M  ဆိုတာ Broadwell-Y စီးရီးရဲ့ မိုနီကာ (Moniker) စီပီယူတွေလို့ ခေါ်တာ ဖြစ်ပါတယ်။

အင်တဲလ် ရဲ့ ပထမဦးဆုံး 14 nm သုံး စီပီယူတွေ ဖြစ် ပြီး လက်ရှိ အများသုံးစွဲနေကြတဲ့ x86 ပလက်ဖောင်း ကို အပြည့်အဝ ထောက်ခံပေးနိုင်တဲ့ စီပီယူတွေ ဖြစ်ပါတယ်။ စီပီယူတွေရဲ့အရွယ်အစား ပိုသေးအောင် လုပ်ထားနိုင် တဲ့အတွက် အရွယ်အစား သေးငယ်တဲ့ ပစ္စည်းလေးတွေ အတွက် ပိုသင့် တော်ပါမယ်။

စီပီယူရဲ့အထူကို ၁.၅ လက်မကနေ ၁.၀၅ လက်မ လျော့ချ ထားနိုင်မှာ ဖြစ်ပြီး စီပီယူရဲ့ ဧရိယာကိုတော့ Haswell-Y စီးရီးတွေ ထက် ၃၇ ရာခိုင်နှုန်း ပိုသေးအောင် လုပ်လာနိုင်ပါ တယ်။ ပထမဦးဆုံး အနေနဲ့ ဖြန့်ချိတဲ့ Core -M စီပီယူတွေ ကို ၃ မျိုး ၃ စား ထုတ်လုပ် ထားပြီး Dual core ၊ 4 thread ၊ ဂရပ်ဖစ်ကို HD 5300 သုံးထားပါမယ်။ အဲဒီ စီပီယူရော၊ ဂရပ်ဖစ်ပါဝါ စားနှုန်း TDP (Ther-mal Design Power) 4.5W ပဲ ရှိပါတယ်။  အဲဒီ Core-M စီပီယူတွေရဲ့ အသေးစိတ် နှိုင်းယှဉ် ချက် ဇယားကို ဖော်ပြ ပေးထားပါတယ်၊

Intel Core M Sepcitication

ပရိုဆက်ဆာ ၃ မျိုးထဲက Core M-5Y70 ဟာ စွမ်းဆောင်ရည်အမြင့်ဆုံး ဖြစ်နေပြီး နားလည်ရခက်တဲ့ နာမည်တခု ဖြစ်နေပါတယ်။ ဒါပေမယ့် အင်တဲလ် ရဲ့ Core စီးရီးတွေရဲ့ 5 ဟာ i5 နဲ့ အလား တူပါတယ်။ Dual Core ပရိုဆက်ဆာ ဖြစ်ပြီး Hyper Threading လုပ်ဆောင် ချက်ထောက်ပံ့ လုပ်ဆောင်ပေးထားလို့ Core နှစ်ခု thread လေးခု စီပီယူတွေ ဖြစ်ပါတယ်။ Yဆိုတာက Broadwell-y လို့ ခေါ်တာဖြစ် ပြီး 70 ဆိုတာကတော့ ဟာဒ့်ဝဲတွေရဲ့ ရမှတ်အဆင့်ကို ၇၀ လို့ ပြောတာပါ။

အဲဒီ စီပီယူတွေဟာ Turbo Boost လုပ်ဆောက် ချက်တွေ ပိုမြင့်တာ တွေ့ရပြီး၊ ဂရပ်ဖစ်ပိုင်း မှာလည်း အရင် စီပီယူတွေထက် စွမ်းဆောင်ရည် ပိုမြင့် ပါတယ်။ Turbo Boost ဟာ မတူညီတဲ့ အချိန် ကာလမှာ မတူညီတဲ့ နှုန်းတွေနဲ့ လုပ်ဆောင်ပေးမှာ ဖြစ်ပြီး လုပ်ငန်းတွေ အလိုက်ကွဲပြားနေတဲ့ ဝန်အား၊ ပါဝါသုံးစွဲမှု စုစုပေါင်းစတဲ့ အချက်တွေပေါ် မူတည်ပြီး၊ အတိုးအလျော့ လုပ်ဆောင်ပေးပါ လိမ့်မယ်။ 5Y70 ရဲ့လုပ် ဆောင်မှုတွေထဲက စိတ်ဝင်စားစရာ တခုက base clock 1.1GHz ကနေ Core တခု ဒါမှမဟုတ် နှစ်ခုစလုံးကို Turbo boost 2.6GHz အထိတိုးမြှင့်လုပ်ဆောင် နိုင်စေပါတယ်။

HD 5300 GPU အသစ် ဟာလည်း အခြေခံအဆင့် 100MHz ကနေ turbo ဆိုရင် 850MHz အထိ တိုးတက် လုပ်ဆောင် ပေးပါလိမ့်မယ်။ တခြားမော်ဒယ်နှစ်ခုနဲ့ မတူတာက 5Y70 ဟာ clock speed ပိုမြင့်ပြီး အင်တဲလ်ရဲ့ Vpro, Intel TXT လုပ်ဆောင်ချက်နှစ်ခုကို လုပ်ဆောင်ပေးနိုင်တဲ့ ပရိုဆက်ဆာ ဖြစ်ပါတယ်။ တခြားပရိုဆက်ဆာမော်ဒယ် နှစ်ခု ဖြစ်တဲ့ 5Y10a နဲ့ 5Y10 တွေက dual core စီပီယူ တွေဖြစ်ပြီး Hyper Threading လုပ်ဆောင်ပေးနိုင်ပါတယ်။

အမြန်နှုန်း clock speed အနေနဲ့ base frequency 800MHz, Turbo boost 2.0 GHz အထိပဲ လုပ်ဆောင်ပေးနိုင်ပါ လိမ့်မယ်။ အဲဒီ CPU နှစ်ခုရဲ့ အဓိက ကွာခြားချက်က မရှိသလောက်ပါပဲ။ ဒါပေမဲ့ 5Y10 ဟာ “4w Config Down TDP” (cTDP Down) ကို ထောက်ပံ့လုပ်ဆောင် ပေးနိုင်ပါတယ်။ ဂရပ်ဖစ်ကတော့ 5Y70 ထက် အမြန်နှုန်း နည်းနည်း နိမ့်ပြီး 800 MHz ပဲရှိပါတယ်။

နောက် စိတ်ဝင်စား စရာတခုကတော့ အဲဒီ စီပီယူ သုံးမျိုး စလုံးရဲ့ အခုတထောင်ဝယ်ရမယ့် (1K unit) ဈေးနှုန်း 281 ဒေါ်လာ ရှိပါမယ်။ အဲဒီ chip တွေဟာ hybrid, tablet နဲ့ Laptop တွေ အတွက် OEM တွေကိုပဲ ရောင်းချမှာ ဖြစ်လို့ ဈေးနှုန်း အနေနဲ့က OEM တွေနဲ့ အင်တဲလ်နဲ့ ညှိနှိုင်း ဝယ်ယူရရှိတဲ့ အချက်တွေပေါ် မူတည်ပြီး ကွဲပြားနေပါ လိမ့်မယ်။ အကြမ်းဖျင်းအနေနဲ့ပြောရင် အဲဒီ CPU တွေကို OEM ကနေ ဘယ်လောက်ပါဝါစားနှုန်းအထိပဲ ခွင့်ပြုမယ် ဆိုတဲ့ အချက်ပေါ် မူတည်ပြီး မော်ဒယ်အမျိုး အစားတွေကို ရွေးချယ်ကြပါ လိမ့်မယ်။

ဂရပ်ဖစ် HD5300 ဟာ Core-M တွေရဲ့ အစိတ်အပိုင်း တခုအနေနဲ့ တွဲပါလာမှာ ဖြစ်ပြီး ပရိုဆက်ဆာရဲ့ အရေးကြီးတဲ့ အစိတ်အပိုင်း ဖြစ်ပါတယ်။ Core-M ပရိုဆက်ဆာ အပိုင်းနဲ့ GPU တည်ဆောက်မှု နည်းပညာရဲ့ အခြေခံကျတဲ့ အချက်တွေ ကတော့ Haswell နဲ့ ဘာမှ ကွာခြား ပြောင်းလဲမှု မရှိပါဘူး။ ပိုသေး သွားတာပဲ အဓိက ဖြစ်ပါတယ်။ အဲဒီ GPU ဟာ Direct X 11.2, Open GL4.2 နဲ့ Open CL 2.0 နဲ့ Ultra HD (3840×2160) ကို ထောက်ပံ့ လုပ်ဆောင်ပေး ပါလိမ့်မယ်။ အဲဒီလိုလုပ်ဖို့ အတွက် HDMI (24Hz) ကို ထောက်ပံ့ လုပ်ဆောင်ပေးပါ လိမ့်မယ်။ အဲဒီ အချက်တွေဟာ Ultra HD ထောက်ပံ့ လုပ်ဆောင်ပေးနိုင်တဲ့ ပန်ကာမဲ့ တက်ဘလက်တွေ ဖြစ်လာစေပါတယ်။

အင်တဲလ်ရဲ့ ဂရပ်ဖစ်ဖော်ပြချက်တွေထဲမှာ အရေးပါတဲ့ တခုက စီပီယူပန်ကာ သုံးစရာမလိုတဲ့ ၇၊ ၈ နဲ့ ၁၀ မီလီ အိမ်ခွံသုံး တက်ဘလက်တွေဟာ သူ့ရဲ့ အိမ်ခွံမှာ 41ံC ရှိနေနိုင်ပြီး သူ့ထက် ပိုများတဲ့တက်ဘလက်တွေ ကတော့ ပန်ကာသုံးဖို့ လိုမယ့်အကြောင်း ဖော်ပြပေးထား ပါတယ်။

Core-M ပရို ဆက်ဆာတွေရဲ့ ပထမအသုတ် 4.5 W စီပီယူတွေဟာ အရွယ်အစား ၁၁.၆ လက်မ အထူ ၈မီလီ ရှိတဲ့ ပန်ကာမဲ့ တက်ဘလက်တွေ  ထုတ်လုပ်လာနိုင်ပြီး ၁၀.၁ လက်မ ၁၀ မီလီမီတာအထူ ရှိတဲ့ တက်ဘလက်တွေ အတွက်လည်း သင့်တော်ပါတယ်။ ပန်ကာမဲ့ တက်ဘလက်တွေနဲ့ သင့်တော်အောင် အင်တဲလ်ကနေ သူ့ရဲ့ Core-M စီပီယူတွေကို TDP ပေါ် အခြေခံပြီး ဖရီကွင်စီကို လိုတိုးပိုလျော့ လုပ်နိုင်အောင် စီစဉ်ထားပါတယ်။

အင်တဲလ်ကနေ တက်ဘလက်နဲ့ ချိတ်သုံးနိုင်မယ့် dock လုပ်ဆောင်ချက်ကိုလည်း ထောက်ပံ့လုပ်ဆောင် ပေးထားပြီး စီးပွားရေးလုပ်ငန်း ပါတနာတွေကနေ I/O တွေကို ချဲ့ထွင် လုပ်ဆောင်ပေးဖို့ အတွက် ဥပမာ WiGig (Wireless Gigabit) လို လုပ်ဆောင် ချက်တွေ တိုးချဲ့ သုံးစွဲနိုင်အောင် ဖြစ်ပါတယ်။

အလားတူပဲ 802.11ac ဆက်သွယ်မူ အတွက် AC 7265 ချစ်ပ်, ပါဝါစားနှုန်းနိမ့်တဲ့ ဗားရှင်း တက်ဘလက်တွေ အတွက် 2T2R 7260 ချစ်ပ်တွေ သုံးထားပါလိမ့်မယ်။ WiDi 5.0 ကိုလည်း ထောက်ပံ့ လုပ်ဆောင် ပေးနိုင်ပြီး နမှုနာ စမ်းသပ် နှိုင်းယှဉ်ကြည့်တဲ့ Haswell-y တွေကို Core-M အမြန်နှုန်းနဲ့ တူအောင် clock speed လျှော့ချပြီး စမ်းသပ်ခဲ့ပါ တယ်။ အဲဒီ စမ်းသပ်မှု အရ Core-M စီပီယူသုံး  တက်ဘလက်တွေဟာ Haswell-Y စီပီယူ သုံးထားတာတွေထက် ဘက်ထရီအသုံးခံနိုင်မှု ၁.၇ နာရီနဲ့ အထက် တိုးလာတာ တွေ့ရပါတယ်။

ဖော်ပြပေးထားတဲ့ဇယားက HD ဗီဒီယိုတွေ ဖွင့်ကြည့်ခဲ့ရင် ပါဝါသုံးစွဲမှု အခြေအနေကို ဖော်ပြပေးထားတဲ့ ဇယားဖြစ်ပြီး ပါဝါစားနှုန်း လျော့စေတဲ့ Digital Signaling Processor (DSP) ကို သုံးထားပြီး Smart Sound Technology နဲ့ တွဲဖက်ကာ အဓိက အသံထုတ်လုပ်မှု အပိုင်းကို die ရဲ့ အစိတ်အပိုင်းတွေ အဖြစ် ပြောင်းလဲ လုပ်ဆောင်စေပြီး ပါဝါစားနှုန်း လျှော့ချနိုင်အောင် လုပ်ထားပါတယ်။

AMD ရဲ့ True Audio Sound တွေဟာ အရင်ကတည်းက အလားတူ လုပ်ဆောင် မှုတွေကို လုပ်ဆောင်သုံးခဲ့ပြီး ဖြစ်ပါတယ်။ Broadwell မှာ သုံးထားတဲ့ DSP တွေမှာ configure လုပ်ထားတဲ့ API တွေဟာ True Audio တွေနဲ့ ဆင်တူသလားလို့မေး မြန်းထားပြီး အင်တဲလ်ကနေတရားဝင်ဖြေ ကြားတဲ့အထိ စောင့်ကြည့်ဖို့လိုပါမယ်။

သူ့ရဲ့ Platform Controller Hub (PCH) တွေက USB 3.0 နဲ့ SATA 6 Gbps, PCIe lane ၄ ခုကို ထောက်ပံ့ လုပ်ဆောင်ပေး ထားပါတယ်။ PCH တွေရဲ့ ဒီဇိုင်းကိုလည်း ဒိုင်းနမစ် ဒီဇိုင်းလုပ်ထားပါတယ်။ သဘောက မလိုအပ်တဲ့ လုပ်ဆောင်ချက်တွေကို ပိတ်ထားပြီး ပါဝါစားနှုန်း လျော့အောင်လုပ်တာဖြစ်ပါတယ်။ အဲဒီ ဒီဇိုင်းဟာ (Near Field Communication) NFC လုပ်ဆောင်ချက်နဲ့ USB 3.0 port နှစ်ခု၊ PCIe lane နှစ်ခု ကိုပဲ ထောက်ပံ့လုပ်ဆောင် ပေးထားပါတယ်။

သိပ်မကြာသေးခင်က ဂျာမဏီနိုင်ငံ ဘာလင်မြို့မှာ ကျင်းပခဲ့တဲ့ နိုင်ငံတကာ ရေဒီယိုဆက်သွယ်ရေး ပြပွဲ ဘာလင် (International radio Exhibition Berlin) IFA မှာ အင်တဲလ်ကနေ သူ့ရဲ့ Core-M ပရိုဆက်ဆာသုံး တက်ဘလက် တွေ၊ လက်ပ်တော့ပ်တွေ အမျိုး ၂၀ လောက်ပြသ ခဲ့ပါတယ်။ အဲဒီအထဲမှာ Computex မှာ ကြော်ငြာခဲ့တဲ့ လက်ပ်တော့ပ် လိုရော၊ တက်ဘလက် လိုပါ သုံးနိုင်တဲ့ ဟိုက်ဘရစ် အမျိုးအစား Asus ရဲ့ Transformer Book T300 Chi လည်း ပါပါတယ်။ အဲဒီ အမျိုးအစားဟာ ပန်ကာသုံးမထားဘဲ ၁၂.၅ လက်မ၊ အထူ ၇.၃ မီလီ မီတာပဲ ရှိပါတယ်။ 4G LTE လုပ်ဆောင်ဖို့ ထည့်သွင်းပေးထားပြီး၊ Resolution 2560 x1600 ရှိပါတယ်။ Asus ကနေပါဝါ စားနှုန်း နိမ့်အောင် ထပ်ဆောင်းပြုပြင် ထားတဲ့ အတွက် ပါဝါစားနှုန်း 4W ပဲ ရှိပါတယ်။ အပူချိန်ကတော့ သူ့ရဲ့အိမ်ခွံမှာ အပူဆုံး 41ံC ရှိပါ တယ်။

အခုလောလောဆယ် လက်ဦးမှု ရယူပြီးထုတ်လုပ် ဈေးကွက်တင်ထားတဲ့ တက်ဘလက်က Dell ရဲ့ ၁၁ လက်မ ၇၀၀၀ စီးရီး (Dell Venue 11 Pro 7000 Series) တက်ဘလက်တွေ ဖြစ်ပါတယ်။ အမေရိကမှာ ရောင်းချနေပါပြီ။ အဲဒီ တက်ဘလက်တွေဟာ အင်တဲလ်ရဲ့ Core-M 5Y10a/5Y70 (Dual core 0.8 ကနေ 2.0 GHz/1.2 GHz), DDR3 L 1600 MHz RAM 4GB ကနေ 8GB အထိ သုံးထားပါတယ်။ Wi-Fi ဗားရှင်း၊ LTE ဗားရှင်း စသဖြင့် မော်ဒယ်တွေ ကွဲနေသလို ဈေးနှုန်းအနေနဲ့ကလည်း ဒေါ် လာ ၇၀၀ လောက်က စရောင်းထားပါတယ်။

တခြားကုမ္ပဏီတွေက ထုတ်လုပ်ထားတဲ့ Core-M သုံးဟိုက်ဘရစ် လက်ပ်တော့ပ် တွေလည်း ရှိနေပါတယ်။ HP ရဲ့ HP Envy x2 13t, Lenovo Yoga tablet 3, Lenovo 11.6 လက်မ, ThinkPad Helix2 (၉၉၉ ဒေါ်လာ), Dell Latitude 13 7000 (၁၁၉၉ ဒေါ်လာ) နဲ့ရောင်းချ ထားပါတယ်။ အဲဒီ Core-M စီပီယူသုံး ပစ္စည်းတွေဟာ ရုံးလုပ်ငန်းတွေ လုပ်ဆောင်မှု ၁၂ရာခိုင်နှုန်း၊ ဝက်ဘ်အသုံးချဆော့ဝဲတွေ လုပ်ဆောင်ရာမှာ ၄၇ရာခိုင်နှုန်း၊ သရီးဒီဂရပ်ဖစ် လုပ်ဆောင်ရာမှာ ၈၂ ရာခိုင်နှုန်းလောက် တိုးတက်လာပါလိမ့်မယ်။

အဲဒီတက်ဘလက်တွေ၊ ဟိုက်ဘရစ် နုတ်ဘွတ်၊ လက်ပ်တော့ပ် တွေဟာ 4G LTE ကိုထောက်ပံ့ လုပ်ဆောင်ပေးတဲ့ အတွက် Windows 8.1 OS ကို ရာခိုင်နှုန်းပြည့် ထောက်ပံ့ လုပ်ဆောင်ပေးနိုင်တဲ့ တက်ဘလက်တွေမှာ ဖုန်း လုပ်ဆောင်ချက် တွေကိုပါ တွဲသုံးနိုင်ပါတယ်။ core-M ပရိုဆက်ဆာ သုံးထားတဲ့ ကွန်ပျူတာတိုင်း 4G လုပ်ဆောင်ချက် ပါမှာ မဟုတ်သလို တချို့ကလည်း မော်ဒယ်တွေပေါ် မူတည်ပြီး အချက်အလက်တွေ ကွဲလွဲမှုရှိနိုင်တာပါတယ်။

Dell ရဲ့ Venue 11.6 လက်မ  တက်ဘလက်တွေဟာ ဝိုင်ဖိုင်ဗားရှင်း, LTE ဗားရှင်း ဆိုပြီး ခွဲရောင်းတာမျိုးလည်း ရှိနိုင်ပါတယ်။ LTE လုပ်ဆောင်ချက် ပါတဲ့မော်ဒယ်ကို ဝယ်ယူချင်တယ် ဆိုရင် LTE လုပ်ဆောင်ချက်ပါတဲ့ ဗားရှင်းမော်ဒယ် ဟုတ်မဟုတ် သေချာအောင် စစ်ဆေးဝယ်ယူရပါမယ်။ အင်တဲလ်ကလည်း Core-M တွေ ထုတ်လုပ်ရောင်းချ ပြီးခဲ့ရင် အဲဒီ Core-M တွေထက် ပိုစွမ်းဆောင်ပေးနိုင်တဲ့ မျိုးဆက်သစ် CPU တွေကို တီထွင် ထုတ်လုပ် ရောင်းချဦးမှာ အသေအချာပဲ ဖြစ်ပါတယ်။

ARM ပရို ဆက်ဆာတွေ ဘက်ကလည်း လက်ရှိ ပရိုဆက်ဆာတွေထက် စွမ်းဆောင်ရည် မြင့်တဲ့ မျိုးဆက်သစ် ပရိုဆက်ဆာတွေကို သူ့နည်းသူ့ဟန်နဲ့ ထုတ်လုပ် ရောင်းချ ပါလိမ့်မယ်။ အဲဒီ ပြိုင်ဆိုင်မှုဟာ မိုလ်ဘိုင်း ပရိုဆက်ဆာ တွေရဲ့ ပြိုင်ပွဲ သာမက အင်တဲလ်နဲ့ အတွဲဖြစ်တဲ့  မိုက်ခရိုဆော့ဖ်ရဲ့ဝင်းဒိုးစ် အိုအက်စ်၊ ARM ပရိုဆက်ဆာရဲ့ အတွဲ Google ရဲ့ အင်းဒရိုက် အိုအက်စ်တွေရဲ့ ပြိုင်ဆိုင်မှုပါ ဖြစ်နေတဲ့ အတွက် တော်တော်ကြည့်ကောင်းမယ့် စိန်ခေါ်ပွဲကြီး ဖြစ်နေပါတယ်။     ။

The post ပန်ကာသုံးစရာ မလိုတော့တဲ့ အင်တဲလ်ရဲ့ မျိုးဆက်သစ် ပရိုဆက်ဆာ Core-M appeared first on ဧရာဝတီ.

“နိုင်ငံရေးနဲ့ အနုပညာရဲ့ တကယ့်အနှစ်သာရက ငြိမ်းချမ်းရေးပဲလို့ ကျနော်ယုံကြည်တယ်” လို့ ပန်းချီ ထွန်းဝင်းငြိမ်းက ပြောပါတယ်။

ရန်ကုန် ပန်းဆိုးတန်း လောကနတ် ပန်းချီပြခန်း မှာ နိုဝင်ဘာ ၂၁ ကနေ ၂၃ ရက်နေ့အထိ ပြုလုပ်တဲ့ သူ့ရဲ့ ပထမဆုံး တကိုယ်တော် အနုပညာပြပွဲမှာ သူက ပြောခဲ့ခြင်းဖြစ်ပါတယ်။ သူဟာ နိုင်ငံရေးလှုပ် ရှားမှုတွေမှာ ပါဝင်ခဲ့သလို၊ တဖက်ကလည်း အနုပညာဖန်တီးမှုတွေ အဆက်မပြတ် လုပ်ဆောင်နေသူပါ။ ဝါဒဖြန့်လှုံ့ဆော်ခြင်းနဲ့ အနုပညာမြောက် ဖန်တီးမှုဟာ အလွန်ကွာခြားပါတယ်။ ထွန်းဝင်းငြိမ်းရဲ့ ဖန်တီးတင်ပြမှုတွေက ဘယ်လိုလဲဆိုတာ စိတ်ဝင်စားစရာပါ။

“ဒီပြပွဲလုပ်နိုင်ဖို့ အချိန် တနှစ်ကျော်ကျော် လောက် ပြင်ဆင်ခဲ့ရပါတယ်။ ရည်ရွယ်ချက်က မြန်မာမှာသာမက၊ ကမ္ဘာမှာပါ ထင်ရှားခဲ့တဲ့ ငြိမ်းချမ်းရေး ဗိသုကာကြီး သခင် ကိုယ်တော်မှိုင်းကို ကြည် ညိုလေးစားစိတ်နဲ့ ကောက်ကြောင်းတွေ ရေးဆွဲတာ ပါ။ ပြီးတော့ အခုခေတ်မှာ မှုန်ဝါးလာနေတဲ့ ဆရာ ကြီးရဲ့အကြောင်း၊ ငြိမ်းချမ်းရေးအတွက် ဆရာကြီးရဲ့ စွန့်လွှတ်စွန့်စား ဆောင်ရွက်ချက်တွေ၊ ငြိမ်းချမ်းရေး သဘောတရားတွေကို ပြန်လည်အမှတ်ရစေလိုတာ လည်း ပါပါတယ်” လို့ ထွန်းဝင်းငြိမ်းက ပြောတယ်။

ဒီနေ့အချိန်မှာ တနိုင်ငံလုံး အတိုင်းအတာနဲ့ ငြိမ်းချမ်းရေးဆွေးနွေးမှုတွေ လုပ်ဆောင်နေတဲ့အတွက် ဆရာကြီး သခင်ကိုယ်တော်မှိုင်း ပြောခဲ့တဲ့ ငြိမ်းချမ်း ရေးသဘောထားတွေကိုလည်း သတိပြုမိစေချင် တယ်လို့ သူကဆိုပါတယ်။

“ငြိမ်းချမ်းရေးအတွက် သူမနာ ကိုယ်မနာနည်း နဲ့ တွေ့ဆုံဆွေးနွေး အဖြေရှာကြဖို့ ဖြစ်တယ်ဆိုပြီး ဆရာကြီးက နိုင်ငံရေးသမားတွေနဲ့ လက်နက်ကိုင် အဖွဲ့အစည်းတွေကို တိုက်တွန်းခဲ့တယ်။ အမြစ်ပြတ် ချေမှုန်းပြီး ငြိမ်းချမ်းရေး တည်ဆောက်ဖို့ဆိုတာ မဖြစ်နိုင်ကြောင်း၊ ငြိမ်းချမ်းရေးရရှိဖို့ ဒီမိုကရေစီ အခွင့်အရေးရှိမှသာ ဖြစ်နိုင်ကြောင်း ဆရာကြီးက ပြောခဲ့တယ်။ ဒါတွေကို ပြန်လည်အမှတ်ရ သိမြင်ဆင်ခြင်နိုင်စေချင်ပါတယ်” လို့ ပန်းချီ ထွန်းဝင်းငြိမ်းက ဆက်ပြောပါတယ်။

တိုင်းပြည်ချစ်စိတ်ရှိမှ ငြိမ်းချမ်းရေးကို ဖော်ဆောင်နိုင်မယ်၊ တိုင်းပြည်ချစ်စိတ်ရှိမှ ဘယ်နိုင်ငံကပဲ နယ်ချဲ့နယ်ချဲ့ ဆန့်ကျင်နိုင်မှာဖြစ်တယ်လို့ ဆရာကြီး သခင်ကိုယ်တော်မှိုင်းက ပြောဆိုခဲ့တာပါ။

နယ်ချဲ့ဆန့်ကျင်ရေး၊ ဒီမိုကရေစီအရေး၊ အမျိုးသား ဖွံ့ဖြိုးရေးတို့ကို ဆရာကြီး သခင်ကိုယ်တော်မှိုင်းက ရည်ရွယ်လုပ်ဆောင်ခဲ့တယ်လို့ သူကဆိုပါတယ်။

အသက် ၅၃ နှစ်အရွယ် ပန်းချီထွန်းဝင်းငြိမ်းဟာ မန္တလေးဇာတိသားတဦးဖြစ်ပြီး ဖခင် ဦးတင်ဖေ၊ မိခင် ဒေါ်ချိုတို့ရဲ့ သားသမီး ၉ ဦးမှာ တတိယမြောက် သားဖြစ်ပါတယ်။ နိုင်ငံရေးလှုပ်ရှားမှုကြောင့် စစ် အစိုးရရဲ့ နှစ်ရှည်ထောင်ချခြင်းခံခဲ့ရပြီး ၂၀ဝ၁ ခုနှစ် မှာ ပြန်လည်လွတ်မြောက်လာခဲ့တဲ့ နိုင်ငံရေးအကျဉ်း သားဟောင်း တဦးပါ။

“၄၈၂၈ အဖွဲ့မှာပါတယ်ဆိုပြီးတော့ စစ်အစိုးရ က ၁၉၉၀ ဒီဇင်ဘာမှာ ကျနော့်ကို ဖမ်းခဲ့တာပါ။ ၄၈၂၈ အဖွဲ့ဆိုတာက ဗမာပြည် ကွန်မြူနစ်ပါတီက ၁၉၄၈ မတ် ၂၈ မှာ လက်နက်ကိုင်တော်လှန်ရေး စခဲ့တဲ့နေ့ကို သင်္ကေတပြုထားတာပါ။ ပြောရရင် ဗမာပြည်ကွန်မြူနစ်ပါတီ လက်နက်ကိုင်တော်လှန် ရေး မြေအောက်လှုပ်ရှားသူလို့ သတ်မှတ်တာပါ။ အင်းစိန်ထောင်နဲ့ တောင်ငူထောင်တွေမှာ ၁၀ နှစ်ခွဲ နီးပါး နေခဲ့ရပါတယ်” လို့ ပန်းချီထွန်းဝင်းငြိမ်းက သူအကျဉ်းကျခဲ့ပုံအကြောင်း ပြန်ပြောင်း ပြောပြပါ တယ်။

သူဟာ ၁၉၈၂ ခုနှစ်မှာ မန္တလေး စက်မှုလက်မှု သိပ္ပံ (GTI) ကနေ Mechanical Power အင်ဂျင် နီယာဘွဲ့ရရှိခဲ့ပါတယ်။ ပန်းချီနဲ့ ဒီဇိုင်းပညာကို သူ့ရဲ့ အစ်ကိုကြီး ပန်းချီငြိမ်းဦးနဲ့ ပန်းချီ စစ်ငြိမ်းအေး တို့ထံမှာ သင်ယူခဲ့ပြီး ၁၉၈၀ ဝန်းကျင်ကတည်းက ကော်မာရှယ် ဖန်တီးမှုတွေဖန်တီးခဲ့ပြီး မန္တလေး ၃၅ လမ်း၊ ၈၄ ထ ၈၅ လမ်းကြားမှာ စတားဘလောက် ဆိုင်လေးဖွင့် လုပ်ကိုင်ခဲ့ပါတယ်။ ၁၉၈၄ မှာတော့ မြန်မာ့ရေနံကော်ပိုရေးရှင်း (MOC) မှာ အင်ဂျင်နီယာအဖြစ် ၇ နှစ်နီးပါး တာဝန်ထမ်းဆောင်ခဲ့ပါတယ်။

အနုပညာလှုပ်ရှားမှု အနေနဲ့ ၁၉၈၂ ခုနှစ် မန္တလေး GTI မှာ တက်ရောက်နေစဉ်က အနုပညာအသင်း အတွင်းရေးမှူးတာဝန်ယူခဲ့ပြီး “မိုးစက်များ” (Rain Drops) အမည်နဲ့ အနုပညာပြပွဲမှာ ပါဝင်ပြ သခဲ့ပါတယ်။

သူ ထောင်ကပြန်လွတ်လာပြီးနောက် ၂၀ဝ၃ ခုနှစ်မှာ မနှင်းနှင်းမွှေးနဲ့ အိမ်ထောင်ကျခဲ့ပါတယ်။ မနှင်းနှင်းမွှေးကလည်း နိုင်ငံရေးလှုပ်ရှားမှုနဲ့ ထောင် ၂ ကြိမ်ကျခဲ့တဲ့ နိုင်ငံရေး အကျဉ်းသားဟောင်းတဦး ဖြစ်ပါတယ်။

လက်ရှိမှာတော့ သူဟာ စာအုပ်အဖုံး ဒီဇိုင်းဖန်တီးခြင်းတွေ လုပ်ဆောင်နေပြီး Beauty မဂ္ဂဇင်းမှာ Creative Editor အဖြစ်လည်းကောင်း၊ True News ဂျာနယ်ရဲ့ အနုပညာ အတိုင်ပင်ခံအဖြစ် လည်းကောင်း လုပ်ကိုင်လျက်ရှိပါတယ်။

အနုပညာနဲ့ နိုင်ငံရေးအပေါ် သူ့ရဲ့ သဘော ထားနဲ့ အမြင်ကိုလည်း ပြောပြပါသေးတယ်။

“အနုပညာက မျှဝေတာကို ရည်ရွယ်တယ်၊ နိုင်ငံရေးက ငြိမ်းချမ်းရေးကို ဦးတည်ရမယ်။ အနု ပညာက နိုင်ငံရေးကို အားပေးမြှင့်တင်ပေးတာတွေ လည်းရှိတယ်။ ဥပမာ – ပီကာဆိုရဲ့ ဂွာရာနီကာ ပန်းချီကားကြီးပေါ့။ ရက်စက်တဲ့ စစ်ရဲ့အနိဋ္ဌာရုံနဲ့ စစ်ဆန့်ကျင်ရေးရဲ့ ပြယုဂ်ပဲ။ ပြီးတော့ ကမ္ဘာကျော် ငြိမ်းချမ်းရေး အထိမ်းအမှတ် ပန်းချီကားပါပဲ” လို့ သူကဆိုပါတယ်။

ဒါဆိုရင် ထွန်းဝင်းငြိမ်းရဲ့ စကက်ခ်ျတွေကရော ဘယ်လိုပါလိမ့်။

“တဦးတယောက် တသင်းတဖွဲ့ကို ကိုယ်စားပြုပြီး အားပေးမြှင့်တင်တာက ဝါဒဖြန့်တာပါ။ တနည်းအားဖြင့် Propaganda ပေါ့။ ကျနော့် ပန်းချီကားတွေ၊ စကက်ခ်ျတွေက လူပုဂ္ဂိုလ် တဦးတယောက်ရဲ့ ပုံတွေပါ။ ဒါပေမယ့် ကျနော်က အဲဒီတဦးတယောက်ကို Promote လုပ်ဖို့ မရည်ရွယ်ပါဘူး။ ဆရာကြီး သခင်ကိုယ်တော်မှိုင်းလို ပုဂ္ဂိုလ်ကြီးကို ကျနော်က မြှင့်တင်တယ်  ဆိုရင်လည်း  ဒါဟာ  ရူးသွပ်တာ သက်သက် ဖြစ်ပါလိမ့်မယ်။ ကျနော့်ရဲ့ ရည်ရွယ် ရင်းအမှန်က စောစောကပြောခဲ့သလို ဆရာကြီးရဲ့ ငြိမ်းချမ်းရေး အယူအဆနဲ့ သဘောထား၊ ရပ်တည်ချက်၊ အမြော်အမြင်ရှိမှုတွေကို ပြန်လည် သတိပြု မိစေချင်လို့ပါ” လို့ ထွန်းဝင်းငြိမ်းက ရှင်းပြပါတယ်။

ဆရာကြီး သခင်ကိုယ်တော်မှိုင်း ပြောကြားခဲ့တဲ့ တိုင်းပြည်ချစ်စိတ်ရှိမှ ငြိမ်းချမ်းရေးကို ဖော်ဆောင်နိုင်မယ်၊ ငြိမ်းချမ်းရေးရရှိဖို့ ဒီမိုကရေစီ အခွင့်အရေးရှိမှသာ ဖြစ်နိုင်တယ်၊ ဒီမိုကရေစီ ထွန်းကားမှသာ တိုင်းပြည်ဖွံ့ဖြိုးနိုင်မယ်ဆိုတဲ့စကားတွေကို ပြပွဲကြည့်နေရင်း သတိရမိပါတယ်။

ခေတ်အဆက်ဆက်  မှုန်းဝါးမှေးမှိန်ခဲ့ရတဲ့ ဆရာကြီး  သခင်ကိုယ်တော်မှိုင်းရဲ့  သမိုင်းအမှန် တစွန်းတစ၊ ပြောခွင့်ကြားခွင့် အလွန်နည်းပါးခဲ့ရတဲ့ ငြိမ်းချမ်းရေးဆိုတဲ့ စကားတွေကို ထွန်းဝင်းငြိမ်းရဲ့ ငြိမ်းချမ်းရေး ကောက်ကြောင်းတွေထဲမှာ ရှာဖွေတွေ့ရှိမိပါတယ်။

The post ငြိမ်းချမ်းရေး ကောက်ကြောင်းများနဲ့ ထွန်းဝင်းငြိမ်း appeared first on ဧရာဝတီ.

မနောတိုင်တွေနဲ့ အတူ မောင်းသံတွေ၊ ဗုံသံတွေနဲ့ အဖွဲ့လိုက် ကချင်ရိုးရာ သီချင်းသံတွေက မနောကွင်းပတ်လည် ပျံ့နှံ နေ တယ်။

မနောအကကို ဦးဆောင်သူတွေရဲ့ နောက်မှာ သက်ဆိုင်ရာ ကချင် ရိုးရာဝတ်စုံတွေ အပြည့် ၀တ်ထားကြသူတွေက ဘယ်၊ ညာ ခြေနင်း ဟန်ချက်တွေနဲ့အညီ မမောနိုင်၊ မပန်းနိုင်ကကြတယ်။ စုစည်း ညီညွတ်မှုအတွက် အောင်ပြီဆိုတဲ့ သံပြိုင်အော်ဟစ် သံ တွေကလည်း တချက် တချက် ညီညာစွာ ထွက်ပေါ်လာတယ်။

မနောပွဲ ကျင်းပကြတယ်ဆိုတာ အယုတ်အလတ် မရွေး အားလုံး ပူးပေါင်းခြင်း၊ ညီညွတ်ခြင်း၊ စည်းလုံးခြင်းတွေဆိုတဲ့ အဓိပ္ပာယ် တွေနဲ့ အညီ ဖြစ်တယ်လို့ ဆိုပါတယ်။

မနောကွင်းထဲက မနောတိုင်တွေက ကချင်ပြည်နယ်မှာ ကျင်းပတဲ့ မနောတိုင်တွေလို ပုံစံယူလုပ်ထားတာဆိုတော့ သိပ်ကြီးကြီး မားမား မဟုတ်ပေမယ့် အင်္ဂါစုံပြီး ရိုးရာဓလေ့အတိုင်း တည်ဆောက်ထားတာလို့ ဘန့်မိုင် ဆာမာခီ ကချင်ကျေးရွာက ဦးဆောင် ကျင်းပသူတဦးဖြစ်တဲ့ အဇောက်က ပြောပြပါတယ်။

ကချင်ပြည်နယ်မှာ မဟုတ်တဲ့ ဒီမနောပွဲကို ထိုင်းနိုင်ငံ မြောက်ပိုင်း ချင်းဒေါင်းနယ် ဘန့်မိုင်ဆာမာခီဆိုတဲ့ ကချင်ရွာလေး မှာ ဒီဇင်ဘာလ ၄ ရက်နေ့ကနေ ၇ ရက်နေ့ထိ ကျင်းပခဲ့ကြတာပါ။

ထိုင်း ဘုရင်မင်းမြတ်က မြန်မာပြည်က စစ်ဘေးရှောင်ရင်း ထိုင်းနိုင်ငံတွင်း ရောက်ရှိလာသူတွေကို ရွာတည်နေထိုင်ခွင့် ပေးခဲ့ တာ နှစ်ပေါင်း ၃၀ ပြည့်ချိန်၊ ထိုင်းဘုရင်မင်းမြတ်ရဲ့ ဒီဇင်ဘာလ ၅ ရက်နေ့ မွေးနေ့နဲ့လည်း တိုက်ဆိုင်ပြီး ကချင် မနောပွဲကို စည်စည်ကားကား ကျင်းပတာ ဖြစ်ပါတယ်။

၂၀၁၁ ခုနှစ်ကစတင်ပြီး အစိုးရစစ်တပ်နဲ့ တချိန်က ငြိမ်းချမ်းရေး ယူထားခဲ့တဲ့ ကချင် လွတ်လပ်ရေး တပ်မတော်(KIA) တို့ကြား တိုက်ပွဲတွေ ပြန်ဖြစ်လာပြီးနောက်ပိုင်း ကချင်ပြည်နယ်မှာ ကချင်တိုင်းရင်းသား အားလုံးပါဝင်တဲ့ ရိုးရာ မနောပွဲကို အခုလို စည်ကား သိုက်မြိုက်စွာ မကျင်းပဖြစ်ခဲ့တာ ကြာပါပြီ။

အခု မနောပွဲကတော့ ထိုင်း ဘုရင်နဲ့ ထိုင်းအစိုးရတို့ရဲ့ အားပေးမှုတွေနဲ့ ဘန့်မိုင် ဆာမာခီဆိုတဲ့ ကချင်ရွာလေးမှာပဲ မြန်မာ၊ တရုတ်၊ အိန္ဒိယ နိုင်ငံတွေ အပါအ၀င် နိုင်ငံတကာရောက် ကချင် တိုင်းရင်းသားတွေ လာရောက်ဆုံဆည်းပြီး ကျင်းပခဲ့တာဖြစ်ပါတယ်။

အဲဒီလို နိုင်ငံတကာက ကချင်တွေ စုစည်းလာရောက်ကြတဲ့အတွက် တဖွဲ့နဲ့တဖွဲ့ကြား ယဉ်ကျေးမှုဆိုင်ရာ အခြေခံ မတူညီ တာတွေကို အပြန်အလှန် သင်ယူ ညှိနှိုင်းတိုင်ပင်ပြီး ကချင် တိုင်းရင်းသားတိုင်း အတွက် စံသတ်မှတ်ချက်တခု ဖြစ်ပေါ်ရေး လည်း လုပ်ဆောင် နေတယ်လို့ ကချင် စာပေနဲ့ ယဉ်ကျေးမှု အသင်း ဒုက္ကဋ္ဌ ဒေါ်ရှယ်လီက ရှင်းပြပါတယ်။

တရုတ်နိုင်ငံက လာရောက်တဲ့ ကချင် တိုင်းရင်းသားတွေရဲ့ဝတ်စား ဆင်ယင်ပုံ၊ ကဟန်နဲ့ ဆိုဟန်တို့မှာ တရုတ် ရိုးရာ အငွေ့ အသက်တွေ ရောနှော ပါဝင်နေတာ တွေ့ရသလို အိန္ဒိယဘက်က လာတဲ့ ကချင်တိုင်းရင်းသားတွေမှာလည်း အလားတူ ယဉ်ကျေးမှု ရောနှောနေတာ သတိထားမိပါတယ်။

နေ့စဉ်လို မနောကွင်းထဲမှာ အဖွဲ့လိုက် မနောအကတွေနဲ့ ဖျော်ဖြေကြသလို ကချင်ရိုးရာ အကပြိုင်ပွဲတွေလည်း အုပ်စု အလိုက် ပြိုင်ပွဲဝင်ကြပါတယ်။

ကချင်ရိုးရာအက ပြိုင်ပွဲမှာတော့ ထိုင်းနိုင်ငံ အခြေစိုက် ကချင်အမျိုးသမီးများ ကွန်ရက်(KWAT) က သင်တန်းသူ၊ သင်တန်း သား တွေအဖွဲ့က ပထမဆု ရခဲ့တယ်။

ဒီ့အပြင် စင်တင်တေးဂီတနဲ့ သီဆို ကခုန်ပျော်ရွှင်စရာတွေ၊ ဈေးဆိုင်တန်းတွေနဲ့ ဘန့်မိုင်ဆာမာခီ ရွာကွင်းပြင်ဟာ နေ့ရော ညပါ စည်ကားနေပါတယ်။

ထိုင်းစစ်တပ်ရဲ့ဖျော်ဖြေမှု အများစုကတော့ ကချင် တိုင်းရင်းသားတွေအပေါ် စာနာမှုကို ပြသပြီး တသားတည်းရှိ တယ် ဆို တာ ဖော်ပြဖို့ ၀ါဒဖြန့်ချိရေးပုံစံ နည်းနည်းပေါ်လွင်နေတာတော့ မနောပွဲမှာ အရသာပျက်စရာ တခုပါ။

ဒါပေမယ့် စင်တင်တေးဂီတ ဖျော်ဖြေပွဲမှာ မြန်မာနိုင်ငံက ရောက်လာတဲ့ ကချင် တိုင်းရင်းသား အဆိုတော်တွေနဲ့ တီးဝိုင်း တဖွဲ့လည်း ပါဝင်ပါတယ်။

ချမ်းသာလည်း အတူ၊ ဆင်းရဲလည်းအတူ ဆိုတဲ့ ဆောင်ပုဒ်နဲ့အညီ ကချင် တေးဂီတ အဖွဲ့နဲ့ အဆိုတော်တွေရဲ့ ဖျော်ဖြေမှုက ပရိသတ်တွေအတွက် အားဆေးဖြစ်စေပါတယ်။

တီးဝိုင်းခေါင်းဆောင်ကလည်း ဂီတဟာ လူသားတွေကို အေးချမ်းမှုတွေနဲ့ ငြိမ်းချမ်းမှုတွေကို ပေးစွမ်းနိုင်တယ်လို့ ယုံကြည် ကြောင်း ပြောပြပါတယ်။

ကချင်တေးဂီတ တီးဝိုင်းရဲ့ ဖျော်ဖြေတင်ဆက်မှုမှာ ထူးခြားတာက ပြီးခဲ့တဲ့ လကပဲ ထိုင်းနိုင်ငံ မြန်မာသံရုံးရဲ့မြန်မာပြည် ၀င်ခွင့် ဗီဇာ ငြင်းပယ်ခံခဲ့ရသူ နော်ဝေနိုင်ငံကလာတဲ့ အဆိုတော် မွန်းအောင်က သူ့ရဲ့နာမည်ကြီးသီချင်း တပုဒ်ဖြစ်တဲ့ ၈/၈၂ အင်းလျား ဆိုတဲ့ သီချင်း သံစဉ်အတိုင်း ကချင်ဘာသာနဲ့ သီချင်းတပုဒ် ဖျော်ဖြေတဲ့ အစီအစဉ်ပါ။

နိုင်ငံခြား သတင်းထောက်တွေနဲ့ ထိုင်းသတင်းထောက်တွေက မြန်မာပရိသတ်နဲ့ နှစ်ပေါင်း ၂၆ နှစ်ကျော် ကင်းကွာခဲ့ရတဲ့ အဆိုတော် မွန်းအောင်ရဲ့ ဖျော်ဖြေမှုကို အပြေးအလွှား မှတ်တမ်းယူကြတယ်။ စင်အောက်က ပရိသတ်တွေကလည်း အားပေးကြ တာ တွေ့ရပါတယ်။

အဆိုတော် မွန်းအောင် သီချင်းဆိုပြီးသွားတော့ ပရိသတ်ထဲက ကျောင်းဆရာမ တဦးက အပြေးအလွှား အားရ၀မ်းသာနဲ့ နှုတ် ဆက်တာ တွေ့ရတယ်။

“ကျမတို့ရင်ထဲမှာ ကိုမွန်းအောင်ရဲ့ သီချင်းတွေက အခုထိ ရှိနေတုန်းပဲ”လို့ သူက ပြောပါတယ်။

အဆိုတော် မွန်းအောင်ကတော့ မနောပွဲဆိုတာ အားလုံး ပါဝင်တဲ့ ကချင်တို့ရဲ့ ရိုးရာဖြစ်တာကြောင့် အခုလို ဖျော်ဖြေခွင့် ရတဲ့ အတွက်လည်း ကျေးဇူးတင်ကြောင်း ပြောတယ်။

အဆိုတော် မွန်းအောင်က ဆက်လက်ပြီးတော့“ကျနော်က ပရိသတ်နဲ့ ကင်းကွာနေတာ ကြာပြီ၊ နှစ်ပေါင်း ၂၆ နှစ်ကျော်ကြာပြီ၊ မြန်မာပြည်က ပရိသတ်တွေကို ဖျော်ဖြေချင်လို့၊ ဗီဇာ ငြင်းပယ်ခဲ့လို့ အစီအစဉ် ပျက်ခဲ့ရတယ်။ အခုလို ဖျော်ဖြေခွင့်ရလို့ ကျေးဇူး လည်း တင်တယ်၊ ရင်ထဲမှာလည်း ကျေနပ်တယ်”လို့လည်း ပြောပါသေးတယ်။

မြန်မာနိုင်ငံ ကချင်ပြည်နယ်က မနောပွဲကို မကျင်းပဖြစ်ဘဲ ရှိနေချိန် ထိုင်းနိုင်ငံအနေနဲ့ ကချင်တို့ရိုးရာ မနောပွဲ ကျင်းပခွင့်တွေ

ပေးနေတဲ့အပေါ် ကချင်တိုင်းရင်းသားတွေ ရင်ထဲမှာ ခံစားမှုတွေ အသီးသီးရှိနေကြတာကို သိခွင့်ရခဲ့ပါတယ်။

“ထိုင်း အစိုးရကတောင် မနောပွဲကျင်းပခွင့်ပြုလို့ အခု ကချင်တိုင်းရင်းသားတွေ ရိုးရာမပျက် မနောပွဲကို ကျင်းပနိုင်တယ်။ မြန်မာ အစိုးရက ဒီလို တိုင်းရင်းသားအရေးတွေကို ခွင့်ပြုမပေးတာတွေအတွက် စိတ်မကောင်းဘူး”လို့ မြန်မာ နိုင်ငံက လာတဲ့ ဦးဘောက်ဝါက ပြောပါတယ်။

မနောပွဲကို ထိုင်းနိုင်ငံ ရုပ်သံ မီဒီယာတွေကလည်း လာရောက် သတင်းယူကြသလို ထိုင်းအစိုးရ ၀န်ကြီးတဦး ကလည်း ဇနီး သည်နဲ့ အတူ တက်ရောက်လာတာ တွေ့ရတယ်။

ထိုင်းအစိုးရ တာဝန်ရှိသူတွေနဲ့ ထိုင်းစစ်တပ်တို့ကလည်း မနောပွဲ အောင်မြင်စွာ ကျင်းပနိုင်ရေး အတွက် အဘက်ဘက်က တာဝန်ယူ လုပ်ဆောင်တယ်လို့ သိရပါတယ်။

မနောပွဲ ကာလအတွင်း မနောကွင်းထဲမှာတွေ့ရတဲ့ ကချင် တိုင်းရင်းသားမှန်သမျှဟာ ပျော်ရွှင်နေတာ တွေ့ရပေမယ့် သူတို့ အနေနဲ့ အပြည့် မပျော်နိုင်ကြဘူးလို့ ပြောကြတယ်။

“ကျမတို့က ငြိမ်းချမ်းရေးနဲ့ အမျိုးသား ပြန်လည်သင့်မြတ်ရေးတွေ အောင်မြင်မယ်လို့ မျှော်လင့်နေချိန်မှာပဲ လိုင်ဇာက ဗိုလ် သင်တန်းကျောင်းကို အစိုးရစစ်တပ်ရဲ့ ပစ်ခတ်မှုဖြစ်တာကြောင့် ငြိမ်းချမ်းရေးမျှော်လင့်ချက်ကို ရိုက်ချိုးသလို ဖြစ်တယ်လို့ ခံစား ရ တယ်”လို့ ဒေါ်ရှယ်လီက ပြောပါတယ်။

ပြီးခဲ့တဲ့ လပိုင်းက အစိုးရစစ်တပ်က ကချင်ပြည်နယ် လိုင်ဇာရှိ KIA ဗိုလ်သင်တန်းကျောင်းကို လက်နက်ကြီးနဲ့ ပစ်ခတ်မှုကြောင့် တိုင်းရင်းသား ဗိုလ်လောင်း ၂၃ ဦး အသက်ဆုံးရှုံးပြီး ဒါဇင်နဲ့ချီ ဒဏ်ရာတွေ ရခဲ့ကြတဲ့ ကိစ္စက မနောပွဲမှာ အတော် ရိုက်ခတ် တာလည်း တွေ့ရပါတယ်။

ကချင်တိုင်းရင်းသားတွေနဲ့ အခြား တိုင်းရင်းသားတွေက ဒီဖြစ်ရပ်ကြောင့် ၀မ်းနည်းခဲ့ရလို့ သေဆုံး သွားရသူတွေနဲ့ ထိခိုက် ဒဏ်ရာ ရသူတွေအတွက် ဆုတောင်းပွဲတွေလုပ်ကြတယ်။ အလားတူ ငြိမ်းချမ်းရေးအတွက်လည်း ဆုတောင်းပွဲတွေ လုပ်ကြ ပါတယ်။

စစ်ပွဲတွေကြောင့် ပြည်တွင်း စစ်ဘေးရှောင် ဒုက္ခသည်(IDP) တွေလည်း တိုးများလာပြီး အထူးသဖြင့် ကချင်ပြည်နယ်၊ ရှမ်းပြည် မြောက်ပိုင်းတို့မှာ စစ်ပွဲတွေက အခု ကာလမှာ ပိုစိပ်လာတဲ့အတွက် ငြိမ်းချမ်းရေးဟာ မဖြစ်မနေ အလွန် လိုအပ်နေပြီလို့ မနောပွဲ တက်ရောက် လာကြသူတိုင်း လိုလိုက ပြောဆိုကြပါတယ်။

ကချင်ပြည်နယ်နဲ့ ရှမ်းပြည်နယ်တွေမှာ ရှိတဲ့ IDP တွေအတွက် အကူအညီတွေရပေမယ့် လုံလောက်မှု မရှိပါဘူး။ အစိုးရ က အကူအညီ ပေးရေး လမ်းကြောင်းတွေ ဖြတ်တာလည်း ရှိနေပြီး ကျန်းမာရေး စောင့်ရှောက်မှု၊ ပညာရေးနဲ့လုံခြုံမှု အပိုင်းတွေ မှာ လက်ရှိအခြေအနေက ဘာမျှော်လင့်ချက်မှ မရှိသလို ဖြစ်နေတယ်လို့ IDP တွေကို အကူအညီပေးနေတဲ့ အမည် မဖော်လိုသူ ကချင် တိုင်းရင်းသူတဦးက ပြောပါတယ်။

“IDPကိစ္စကို အစိုးရ စစ်တပ်ရော၊ ကချင်စစ်တပ်ရော အလေးထား အဖြေရှာသင့်ပါတယ်။ အခုထိတော့ အစိုးရ စစ်တပ်နဲ့ ကချင် စစ်တပ်အကြား စစ်ပွဲတွေက ရှိနေပြီး တဘက်နဲ့တဘက် အပြစ်ဖို့နေကြတာ မကောင်းဘူး”လို့လည်း သူက ဆိုပါတယ်။

အားလုံး လိုလားနေကြတဲ့ စစ်မှန်တဲ့ ငြိမ်းချမ်းရေး ဆိုတာ မြန်မာနိုင်ငံမှာ ဖြစ်ပေါ်လာဖို့ ခရစ်ယာန် ဘာသာအများစု ကိုးကွယ် တဲ့ ကချင်တိုင်းရင်းသားတွေအတွက် ဘုရားသခင်ကိုသာ အားကိုးပြီး ဆုတောင်းနေရပြီလို့လည်း ပြောဆိုသွားပါတယ်။     ။

The post ထိုင်းနိုင်ငံက ကချင် မနောပွဲကို ရောက်ခဲ့တယ် appeared first on ဧရာဝတီ.

မျိုးစောင့် ဥပဒေ အမြန် ပြဌာန်းပေးနိုင်ရေး အတွက် ရန်ကုန်မြို့တွင် ဆန္ဒဖော်ထုတ်နေကြသူများကို ယခုနှစ် အောက်တိုဘာလ အတွင်းက တွေ့ရစဉ် (ဓာတ်ပုံ – စိုင်းဇော် / ဧရာဝတီ)

မူကြမ်းအဆင့်အထိ ခရီးရောက်နေပြီ ဖြစ်သည့် “မြန်မာ ဗုဒ္ဓဘာသာဝင် မိန်းမများ အထူး ထိမ်းမြားခြင်းဆိုင်ရာ ဥပဒေကြမ်း” သည် ဗုဒ္ဓဘာသာနှင့် တခြားသော ဘာသာဝင်များကို ခွဲခြားဆက်ဆံရန် ပေါ်ထွက်လာမည့် ဥပဒေတရပ် ဖြစ်သည်ဟု ဥပဒေ ပညာရှင်များနှင့် အမျိုးသမီး အခွင့်အရေး၊ လူ့အခွင့်အရေး ဆောင်ရွက်နေသူများက ပြောဆို လိုက်သည်။

“မြန်မာ ဗုဒ္ဓဘာသာဝင် မိန်းမများ အထူး ထိမ်းမြားခြင်းဆိုင်ရာ ဥပဒေကြမ်း” မှာ မျိုးစောင့် ဥပဒေဟု လူသိများသည့် ဥပဒေ ၄ ခုအနက် တခု အပါအ၀င်ဖြစ်ပြီး ဒီဇင်ဘာလ ၃ ရက်တွင် မူကြမ်းအဖြစ် ထွက်ရှိလာခြင်း ဖြစ်သည်။

ခေါင်းစဉ်နှင့် အညီ ဗုဒ္ဓဘာသာဝင် အမျိုးသမီးများကိုသာ အကာအကွယ်နှင့် အခွင့်အရေးပေးမည် ဖြစ်ပြီး ဗုဒ္ဓဘာသာ မဟုတ်သည့် တခြားဘာသာ ကိုးကွယ်သူ အမျိုးသမီးများ၏ အခွင့်အရေးကိုမူ ဖော်ပြထားခြင်း မရှိသည့်အပြင် တခြား ဘာသာဝင်များနှင့် သက်ဆိုင်ခြင်း မရှိဟုလည်း မူကြမ်းတွင် ရေးသားထားသည်ကို တွေ့ရသည်။

ထိုဥပဒေကြမ်းမှာ နိုင်ငံသား အမျိုးသမီးများအကြား ကိုးကွယ်သည့် ဘာသာကွဲပြားမှုအပေါ် မူတည်ပြီး အဆင့်ခွဲခြား ဆက်ဆံခြင်းပင်ဖြစ်ပြီး ဥပဒေမှာ ပြည့်စုံခြင်း မရှိသည့် အပြင်၊ ဗုဒ္ဓဘာသာဝင် အမျိုးသမီးများကို အပြည့်အ၀ ကာကွယ်မှုနှင့် အခွင့်အရေး ပေးနိုင်သည့် အချက်များလည်း မပါရှိဟု  ဥပဒေ ပညာရှင်များနှင့် အမျိုးသမီး အခွင့်အရေး၊ လူ့အခွင့်အရေး ဆောင်ရွက် နေသူများက ထောက်ပြဝေဖန်လျှက် ရှိသည်။

အမျိုးသမီးရေး ကိစ္စများ တတ်ကြွလှုပ်ရှားနေသည့် ကချင်ငြိမ်းချမ်းရေး ကွန်ရက်မှ ပြောရေးဆိုခွင့်ရှိသူ မခွန်ဂျာက “ဖွဲ့စည်းပုံ အခြေခံဥပဒေမှာ နိုင်ငံသားတိုင်း တန်းတူ အခွင့်အရေး ရမယ်လို့ ပါတယ်၊ ဖွဲ့စည်းပုံနဲ့တောင် ကွဲလွဲနေတယ်။ ခွဲခြားတာက အရမ်း သိသာပါတယ်” ဟု ပြောဆိုသည်။

ဥပဒေကြမ်းတွင် ဘာသာခြားနှင့် အိမ်ထောင်ပြုပြီးသည့် အမျိုးသမီးတို့၏ လက်ထပ်ခြင်း၊ လင်မယား ကွာရှင်းခြင်း၊ ပစ္စည်း ခွဲဝေခြင်း၊ အမွေ ဆက်ခံခြင်း၊ သားသမီး ထိန်းသိမ်းခြင်း စသည်တို့နှင့် ဆက်စပ်နေသည့် အငြင်းပွားမှုများနှင့် အတင်းအဓမ္မ ဘာသာပြောင်းခိုင်းသည့် ဖြစ်ရပ်များမှ ကာကွယ်ပေးမည့် အချက်များကို ထည့်သွင်း ပြဌာန်း ထားသည်ကို တွေ့ရသည်။

ဗုဒ္ဓဘာသာဝင် အမျိုးသမီးနှင့် ဘာသာခြား အမျိုးသားတို့ လက်ထပ်မည် ဆိုပါက လက်ထပ်ခွင့်အား ၎င်းတို့ နေထိုင်သည့် မြို့နယ်မှ အထွေထွေ အုပ်ချုပ်ရေးမှူးထံတွင် ခွင့်တောင်းရမည်ဖြစ်ပြီး ၁၄ ရက် အတွင်း ကန့်ကွက်မှု မရှိပါက လက်ထပ်ခွင့်ရမည် ဖြစ်ကြောင်း၊ ကန့်ကွက်မှု ရှိပါက တရားရုံးသို့ တင်ပြမည်ဖြစ်ပြီး လက်ထပ်ခွင့် ရှိ/ မရှိ ဆိုသည်မှာ တရားရုံးမှ ဆုံးဖြတ်ချက်သာ အဓိက ဖြစ်ကြောင်း ဥပဒေကြမ်းတွင် ဖော်ပြထားသည်။

အမျိုးသမီးတဦး အနေဖြင့် လူ့အခွင့်အရေး အရ မိမိလက်ထပ်မည့်သူအား ကိုယ်ပိုင်ရွေးချယ်ခွင့် ရှိရမည် ဖြစ်ပြီး ဘာသာခြား ဖြစ်ပါက ရပ်ကွက် အုပ်ချုပ်ရေးမှူးထံတွင် လက်ထပ်ခွင့် မှတ်ပုံတင်ခြင်းကို အဆင့်ဆင့် လုပ်ဆောင် ရမည်ဟု ဥပဒေကြမ်း၌ ဆိုထားခြင်းသည် မမှန်ကန်သည့် ပြဌာန်းချက် ဖြစ်သည်ဟု မခွန်ဂျာက ဝေဖန်ပြောဆိုသည်။

ထို့အပြင် ဥပဒေကြမ်းတွင် ဗုဒ္ဓဘာသာဝင် အမျိုးသမီးနှင့် ဘာသာခြား အမျိုးသား တဦးတို့ ၎င်းတို့သဘောဆန္ဒအရ အတူနေထိုင်သော်လည်း သတင်းပေးသူ ရှိပါက အုပ်ချုပ်ရေးမှူးများမှ ဆင့်ခေါ်ကာ လက်ထပ်ထိမ်းမြားရန် ဥပဒေအရ စီစဉ်မည် ဟုလည်း ဆိုထားသည်။

ထိုသို့ ရေးသားဖော်ပြထားမှုနှင့် ပတ်သက်ပြီး ရှေ့နေများကွန်ရက်မှ တရားလွှတ်တော် ရှေ့နေ ဦးအေးမင်းက “အောက်ခြေမှာ လာဘ်စားမှုတွေတောင် ဖြစ်လာနိုင်တယ်၊ နောက်ပြီး ကြိုတင်ကြံစည်မှုတွေလည်း ဖြစ်လာနိုင်တယ်၊ ဒီဥပဒေက အင်မတန် အန္တရာယ်များတယ်” ဟု သုံးသပ်သည်။

ရှေ့နေများ ကွန်ရက်မှ တရားလွှတ်တော် ရှေ့နေများက မျိုးစောင့် ဥပဒေသည် ဗုဒ္ဓဘာသာ အမျိုးသမီးများအား ကာကွယ်မှုပြုမည့် အရေးအသားများ ပါဝင်သော်လည်း ဌာနဆိုင်ရာ လာဘ်စားမှုများ၊ အိမ်ထောင်ရေးဆိုင်ရာ ပွဲစားများ၊ ရှုပ်ထွေးမှုများ ပေါ်ပေါက်လာနိုင်သည့် ဥပဒေ တရပ်ဟု ယူဆကာ လက်မခံနိုင်ဟု ဧရာဝတီသို့ ပြောဆိုသည်။

ထိုဥပဒေကြမ်းတွင် အမျိုးသမီးများ အခွင့်အရေး အဖြစ် ဗုဒ္ဓဘာသာဝင် အမျိုးသမီးနှင့် လက်ထပ်ထားသည့် ဘာသာခြား အမျိုးသားသည် ဇနီးဖြစ်သူကို လွတ်လပ်စွာ ကိုးကွယ်ခွင့် ပြုရမည်ဖြစ်ပြီး ဗုဒ္ဓဘာသာ ဓလေ့အယူ၊ ရိုးရာအရ ဆောင်ရွက်ခြင်းများကို ဟန့်တားခြင်း၊ တခြား ဘာသာသို့ ပြောင်းရန် နည်းအမျိုးမျိုးဖြင့် လုပ်ဆောင်ခြင်းများ ရှိပါက ကွာရှင်းနိုင်ကြောင်း၊ ဗုဒ္ဓဘာသာ အမျိုးသမီးမှာ နှစ်ဦးပိုင် ပစ္စည်းအားလုံးတို့ကို တရားဥပဒေအရ ရရှိမည် ဖြစ်ကြောင်း ဖော်ပြထားသည်။

ထို့အပြင် သားသမီး အားလုံးကို အမျိုးသမီးမှ ထိန်းသိမ်းခွင့် ရရှိမည် ဖြစ်ပြီး အမျိုးသားက ကလေးများ အရွယ် ရောက်သည်အထိ စရိတ် ထောက်ပံ့ရမည်ဟုလည်း ပြဌာန်းထားသည်။

သို့သော် ဗုဒ္ဓဘာသာဝင် မဟုတ်သူ အချင်းချင်း လက်ထပ် ထိမ်းမြားပါက ဤဥပဒေနှင့် သက်ဆိုင်ခြင်း မရှိကြောင်း၊ ဥပဒေ အသက်ဝင် အတည်ပြုပြီးပါက မြန်မာနိုင်ငံအတွင်း နေထိုင်နေသူအားလုံး (ယာယီ/ နိုင်ငံသား ဖြစ်စေ) နှင့် ပြည်ပရောက် မြန်မာနိုင်ငံသားများလည်း လိုက်နာရမည် ဖြစ်သည်ဟု ဥပဒေကြမ်းတွင် ပြဌာန်းထားသည်။

အစ္စလမ် ဘာသာရေးဆရာ တဦးဖြစ်သူ ဦးမြင့်မောင်က “ဒီဥပဒေကို တခြားဘာသာဝင် ယောက်ျားတွေကတော့ လိုက်နာရတယ်၊ တခြားဘာသာဝင် အမျိုးသမီးတွေကျတော့ အခွင့်မရဘူးဆိုတော့ ခွဲခြားထားတာပဲ။ နိုင်ငံသား အချင်းချင်း ဘာသာရေးအရ အဆင့် ခွဲခြားလိုက်သလိုပါပဲ။ တခြားဘာသာဝင် အမျိုးသမီးတွေကို တဆင့်နှိမ့်ပြီး ခွဲခြား ဆက်ဆံလိုက်တာပါပဲ၊ နိုင်ငံတော် ဥပဒေနဲ့ ခွဲခြားတာတော့ မကောင်းပါဘူး” ဟု ပြောသည်။

ထိုသို့ ကန့်ကွက်ဝေဖန်မှုများ ရှိနေသည့် မျိုးစောင့်ဥပဒေကို ရေးဆွဲပေးရန် ၂၀၁၃ ခုနှစ်တွင် သံဃာတော်နှင့် ပြည်သူများက လတ်မှတ် ၁၅ သိန်း ကျော်ဖြင့် သမ္မတကို တောင်းဆိုခဲ့ခြင်း ဖြစ်သည်။ သမ္မတကလည်း တိုက်ရိုက် ညွှန်ကြားချက်ဖြင့် ကော်မရှင်ဖွဲ့ကာ ရေးသားစေခဲ့ခြင်း ဖြစ်ကြောင်း သိရသည်။

အမျိုးသမီးရေး ကဏ္ဍတွင် ပါဝင်လှုပ်ရှားနေပြီး ကရင်ပြည်နယ် လူငယ်များ ကွန်ရက်၏ အတွင်းရေးမှူးဖြစ်သူ ခရစ်ယာန် ဘာသာဝင် တဦးဖြစ်သည့် မနန့်လွမ်ရာက “ကျမတို့ ခရစ်ယာန် အမျိုးသမီးတွေ ဘာသာခြားနဲ့ ယူရင်ရော ကာကွယ်မှု မရဘူးပေါ့၊ ဒီနိုင်ငံသားဖြစ်ပြီး ဘာလို့ တန်းတူမှု မရတာလဲ။ ကျွန်မတို့လည်း အမျိုးသမီးတွေပဲ၊ နိုင်ငံတော် ဥပဒေနဲ့ ကာကွယ်မှု ပေးမယ်ဆို လိုချင်တယ်” ဟု ဧရာဝတီကို ပြောသည်။

မြန်မာ ဗုဒ္ဓဘာသာဝင် မိန်းမများ အထူး ထိမ်းမြားခြင်းဆိုင်ရာ ဥပဒေ ရေးဆွဲရန် လှုပ်ရှားမှုများ စတင်ချိန် ကတည်းက မျိုးစောင့် ဥပဒေ မလိုလားကြောင်း ဗုဒ္ဓဘာသာ အမျိုးသမီး အဖွဲ့အစည်းများ အပါအ၀င် ဘာသာပေါင်းစုံမှ အမျိုးသမီး များက ဆန္ဒပြ ကန့်ကွက်မှုများ ပြုလုပ်ခဲ့ကြသည်။

အမျိုးသမီးများ အခွင့်အရေး လှုပ်ရှားနေသူများက အမျိုးသမီးများကို အမှန်တကယ် ကာကွယ်လိုပါက အမျိုးသမီးများ အားလုံးကို ကာကွယ်နိုင်မည့် ဥပဒေတရပ်ကိုသာ ပြဌာန်းသင့်သည်ဟု အကြိမ်ကြိမ် ဆန္ဒပြ တောင်းဆိုမှုများ ပြုလုပ်ခဲ့ သော်လည်း ထိုဥပဒေကြမ်းသည် ဒီဇင်ဘာ ၃ ရက်၌ ထွက်ရှိလာခဲ့သည်။

ဥပဒေ မူကြမ်းတွင် ပါဝင်သည့် အချက်များ အသက်ဝင် အတည် ဖြစ်လာပါက ဗုဒ္ဓဘာသာနှင့် ဘာသာခြားများ အကြား မပြေလည်မှုများနှင့် ပဋိပက္ခများ ဖြစ်လာနိုင်သည့်အပြင်၊ လက်ထပ်ခြင်းဆိုင်ရာ ကိစ္စရပ်များနှင့် စပ်လျဉ်းသည့် ပြဿနာ များစွာလည်း ဖြစ်ပေါ်လာနိုင်သည်ဟု ရှေ့နေများ ကွန်ရက်မှ တရားလွှတ်တော် ရှေ့နေများက ထောက်ပြ ပြောဆိုလျက် ရှိသည်။

The post ထိမ်းမြားခြင်းဆိုင်ရာ မူကြမ်း ဘာသာခြား အမျိုးသမီးများအပေါ် ခွဲခြားရေးဆွဲထားသလား appeared first on ဧရာဝတီ.

သမ္မတ ဦးသိန်းစိန်ကို ကာတွန်း စိုင်းစိုးကြည်၏ သရုပ်ဖော်ချက်

ရဟတ်ယာဉ်သံ ကြားသည်နှင့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ တံဆိပ်ပါ စက္ကူအလံလေးများ ကိုင်ဆောင်ထားသော လူအုပ်ကြီးက လှုပ်လှုပ်ရွရွ ဖြစ်သွားသည်။ ၅ မိနစ်ခန့် အကြာတွင် ကောင်းကင်ယံမှ ရဟတ်ယာဉ်တစင်းက ရွာဘေးတွင် တည်ဆောက်ထားသည့် ရဟတ်ယာဉ်ကွင်းထဲသို့ တအိအိ ဆင်းသက်လာသည်။

ခဏအကြာတွင် ရဟတ်ယာဉ်ဆီမှ ကားတန်းတခု ထွက်ခွာလာပြီး ဒေသခံများ စောင့်မျှော်နေကြသည့် သမ္မတ ဦးသိန်းစိန်မှာ ကားတစီးနောက်ခန်းတွင် လက်ပြရင်း လိုက်ပါလာသည်။ ကလေးသူငယ်များ၊ အထက်တန်း ကျောင်းသား၊ ကျောင်းသူများ အပါအဝင် ဒေသခံအများအပြားက ကြံ့ခိုင်ရေးပါတီ စက္ကူအလံလေးများ ဝှေ့ယမ်းလျက်၊ အနည်းငယ်သော လူတချို့ကလည်း သမ္မတ၏ ဓာတ်ပုံဖြင့် ထုတ်ဝေထားသည့် ပြက္ခဒိန်များကို ကိုင်ဆောင်ပြသလျက် ၄င်းတို့ ကျုံကူးနယ်သား သမ္မတကို ကြိုဆိုနေကြသည်။

သမ္မတ၏ ယခုခရီးစဉ်မှာ ၄င်းမွေးဖွားခဲ့သည့် ဧရာဝတီတိုင်းဒေသကြီး၊ ငပုတောမြို့နယ်၊ ကျုံကူးကျေးရွာသို့ သမ္မတဖြစ်ပြီးနောက် ပထမဆုံး ပြန်လာခဲ့ခြင်းဖြစ်သည်။ ရည်ရွယ်ချက်မှာ ကျေးရွာဘုန်းတော်ကြီး ကျောင်းဝင်းအတွင်း တည်ထားကိုးကွယ်မည့် သမုဒ္ဒရံသီစေတီတော်ကို ထီးတော်တင်ရန်ဖြစ်သည်။

နှစ်ပေါင်း ၃၀ ကျော်မှ ဇာတိရွာသို့ နောက်တခေါက် ပြန်ရောက်ဖြစ်သည့် သမ္မတ ဦးသိန်းစိန် အဖို့တော့ ၄င်းမွေးဖွား ကြီးပြင်းခဲ့သည့် ကျုံကူးရွာမှာ ယခင်ကထက် များစွာပြောင်းလဲနေသည်ကို မြင်တွေ့သွားခဲ့သည်။ ငယ်စဉ် မောင်သိန်းစိန်ဘဝက ပြေးလွှားဆော့ကစားခဲ့သည့် ဖုန်ထူသော ကျုံကူးရွာ၏ လမ်းများအားလုံး ဖုန်မထသည့် ကွန်ကရစ်လမ်းများ ဖြစ်နေသည်။

ငပုတောမြို့နယ်၊ ငရုတ်ကောင်း ဒေသကဲ့သို့ မြို့အဆင့်ရှိသောဒေသမှာ လမ်းမီးမရှိသည့် အခြေအနေတွင် တိုက်နယ်အဆင့်သာရှိသည့် ကျုံကူးရွာ၌ လမ်းမီးများ ထိန်လင်းနေသည်ကို တွေ့ခဲ့ရသည်။ ငရုတ်ကောင်းမြို့၌ GSM ဖုန်းများ တာဝါတိုင်မရှိ၍ လိုင်းမမိဖြစ်နေချိန်တွင် ကျုံကူးရွာ၌ GSM တာဝါတိုင်ကြောင့် ဖုန်းလိုင်းများ ကောင်းနေသည်။

ကျုံကူးရွာ၌ နေရောင်ခြည်စွမ်းအင်သုံး (Solar) စနစ်ဖြင့် လျှပ်စစ်ဓာတ်အား ထုတ်လုပ်သည့် အသေးစား ဓာတ်အားပေးစက်ရုံ ၄ ခု တည်ဆောက်ထားပြီး ရရှိလာသည့် ဓာတ်အားများကို ကျေးရွာရှိ အိမ်ခြေ ၄၀ဝ ကျော်အတွက် အခမဲ့ပေးဝေနေရာ နေအိမ်အားလုံးနီးပါး လျှပ်စစ်မီးရရှိနေသည်။

မြန်မာနိုင်ငံတွင် မည်သည့်ဒေသတွင်မှ မရှိနိုင်သည့် နေရာတခုကိုလည်း ကျုံကူးရွာတွင် တွေ့ခဲ့ရသည်။ ၄င်းမှာ ကျုံကူးရွာလယ် လမ်းမဘေးရှိအခန်း တခုအတွင်း၌ အများပြည်သူ ထမင်းချက်ရန်နှင့် မီးပူတိုက်ရန် နေရာဟုဆိုကာ ထမင်းပေါင်းအိုး ၅ လုံးနှင့် လျှပ်စစ်မီးပူ ၅ လုံး ထားရှိပေးခြင်းဖြစ်သည်။ သမ္မတ ဦးသိန်းစိန် ဘုရားထီးတင်ပွဲ ပြုလုပ်သည့် နိုဝင်ဘာ ၂၄ ရက်နှင့် ၂၅ ရက်နေ့များတွင် အဆိုပါ မီးပူနှင့် ထမင်းပေါင်းအိုးများ အသုံးပြုသူ မတွေ့ခဲ့ရပေ။

ယခင်က ပုသိမ်၊ ငပုတောစသည့် မြို့များကို သွားလာရန် ရေလမ်းခရီး တခုတည်းသာ အားကိုးခဲ့ရသည့် ကျုံကူးရွာမှာ ၂၀၁၁ ခုနှစ်က စတင်၍ ကားလမ်းပေါက်ခဲ့သည့်အတွက် ယခုအခါ ကျုံကူးနှင့် အနီးတဝိုက် ကျေးရွာများမှာ ယင်းကားလမ်းကို အသုံးပြု၍ ပုသိမ်မြို့နှင့် ရန်ကုန်မြို့များသို့ အချိန်မရွေး သွားလာနေကြသည်။

အထက်တန်းကျောင်း၊ ရဲစခန်းနှင့် တိုက်နယ်ဆေးရုံများမှာလည်း အဆင့်မီ တည်ဆောက်ထားရာ ဖွံ့ဖြိုးတိုးတက်မှုအတွက် အခြေခံဖြစ်သည့် လျှပ်စစ်မီးနှင့် လမ်းပန်းဆက်သွယ်ရေး ကောင်းမွန်နေသည့် ကျုံကူးရွာမှာ တိုက်နယ်ကျေးရွာအဆင့် ဆိုခြင်းထက် မြို့အသေးစားလေးသဖွယ် ဖြစ်နေသည်ကို တွေ့ခဲ့ရ သည်။ ကျုံကူးရွာအနီးတဝိုက်မှ ကျေးရွာအများစုကတော့ လမ်းမကောင်း၊ မီးမရှိသည့် အခြေအနေဖြစ်ရာ တိုးတက်မှုမှာ ကျုံကူးနှင့် မိုးနှင့်မြေလို ကွာခြားနေသည်ကို တွေ့ရသည်။

“ကျနော်တို့ရွာ တိုးတက်တာတော့ သမ္မတကြီး လုပ်ပေးထားတာချည်းပဲပေါ့။ လျှပ်စစ်မီးဆိုလည်း ဆိုလာနဲ့ပေးနေတော့ ပိုက်ဆံပေးစရာ မလိုဘူး။ လမ်းတွေကလည်း အကုန်လုံး ကွန်ကရစ်တွေ ဖြစ် ကုန်ပြီ။ လမ်းပန်းဆက်သွယ်ရေးလည်း ကောင်း အောင်လုပ်ပေးထားတော့ အရင်ထက် အဆင်ပြေ တာပေါ့ဗျာ” ဟု ကျုံကူးရွာသား ဦးသက်လွင်က ဂုဏ်ယူစွာ ပြောပြသည်။

ကျေးရွာအနေဖြင့် ဖွံ့ဖြိုးလာသော်လည်း အလုပ်အကိုင် ရှားပါးမှုကြောင့် ကိုယ့်ရွာတွင်မနေနိုင်ဘဲ အိမ်နီးချင်း ထိုင်း၊ မလေးရှား၊ စင်ကာပူနိုင်ငံများသို့ အလုပ်ထွက်လုပ်နေကြသည့် ကျုံကူးရွာသားများလည်း အမြောက်အမြား ရှိနေသည်။

“ထိုင်းတို့၊ မလေးတို့၊ စင်ကာပူတို့မှာ သွားအလုပ်လုပ်နေတဲ့ ကျနော်တို့ရွာသားတွေ ရှိပါတယ်။ ခန့်မှန်းခြေ လူ ၃၀ဝ လောက်တော့ရှိမယ်။ နိုင်ငံခြားကနေ အဆင်ပြေလို့ ငွေပြန်ပို့ကြတဲ့လူတွေလည်း ရှိတယ်။ တချို့ကျတော့ အဆင်မပြေလို့ ဒုက္ခရောက်ကြတာတွေလည်း ရှိတာပေါ့” ဟု ဒေသခံ ဦးသက်လွင်က ပြောသည်။

ပြည်တွင်း၌ အလုပ်အကိုင်ရှားပါး၍ ပြည်ပထွက်ခွာမှုက သမ္မတဇာတိရွာပင် မကျန်အောင် ရိုက်ခတ်နေသည့် အခြေအနေဖြစ်သည်။

မည်သို့ပင်ဖြစ်စေ ဦးသိန်းစိန် သမ္မတဖြစ်ပြီးမှ ကျုံကူးဒေသမှာ ယခင်ကထက် ပိုမိုဖွံ့ဖြိုးလာခဲ့သည်။ ဦးသိန်းစိန်တို့ ငယ်စဉ်ကမူ အလယ်တန်းကျောင်းပင် မရှိသည့် ကျေးရွာလေးတခုသာ ဖြစ်ခဲ့သည်။

ကျုံကူးကျေးရွာ မူလတန်းကျောင်းမှ မူလတန်း အောင်မြင်ခဲ့သည့် ဦးသိန်းစိန်မှာ အလယ်တန်းပညာကို ငပုတောမြို့နယ်၊ ပြင်ခရိုင်၊ ချောင်းဝရွာတွင် နိစ္စဓူဝ လှေစီး၍ ကျောင်းတက်ခဲ့ရသူဖြစ်သည်။ ချောင်းဝတွင် အလယ်တန်းပညာ ပြီးဆုံးခဲ့သည့်နောက် ပုသိမ်မြို့ အမှတ် (၁) အထက်တန်းကျောင်း၌ ၁၀ တန်း တက်ရင်းကနေ တပ်မတော် ဗိုလ်သင်တန်းကျောင်း အပတ်စဉ် ၉ သို့ ဝင်ရောက်ဖြေဆို အောင်မြင်ခဲ့ပြီး စစ်ဗိုလ်ဖြစ်လာခဲ့သည်။

အငယ်ဆုံးသားဖြစ်သူ မောင်သိန်းစိန် အထက်တန်းပညာ သင်ယူနိုင်ရန် ဖခင်ဖြစ်သူ ဦးမောင်ဖြိုးမှာ ဆိပ်ကမ်း၌ ကုန်ထမ်း၊ စပါးလှောင်သည့် စပါးကျီများတွင်သုံးရန် ဝါးဖြင့်ရက်လုပ်သော ရိုင်ပတ်များပြုလုပ်ကာ ငွေရှာခဲ့ပြီး မိခင်ဖြစ်သူ ဒေါ်ခင်ညွန့်မှာလည်း ကျုံကူးသင်္ဘောဆိပ်တွင် ခေါက်ဆွဲ၊ မုန့်ဟင်းခါးရောင်းချ၍ သားဖြစ်သူကို ကျောင်းထားပေးခဲ့ခြင်း ဖြစ်သည်ဟု သိရသည်။

စစ်ဗိုလ်ဖြစ်မည့် နိမိတ်ပေလားမသိ။ ဦးသိန်းစိန် ငယ်စဉ်က သားရေကွင်းပစ်ရာတွင် လက်ဖြောင့်သည်ဟု သမ္မတ၏ အစ်ကိုအရင်းဖြစ်သူ ဦးထွန်းမြင့်က ပြောပြသည်။

“သူက ငယ်ငယ်ကတည်းက သစ်သားသေနတ် ကလေးတွေနဲ့ သားရေကွင်းပစ်ရာမှာ လက်ဖြောင့်တယ်။ အဲဒီသေနတ်ကလေးနဲ့ ကလေးအချင်းချင်း သားရေကွင်းပစ်တမ်းဆော့ရင် သူနိုင်တာများတယ်။ အဘက သူ့နောက်ကလိုက်ရတော့ သူနိုင်တဲ့သားရေ ကွင်းတွေကို လက်မှာစွပ်ထားတာ လက်ကောက်ဝတ် အထိရောက်တယ်” ဟု ဦးထွန်းမြင့်က ညီဖြစ်သူ၏ ငယ်ဘဝကို ရယ်ရယ်မောမောနှင့် ပြောပြသည်။

ခြင်းလုံး၊ ဘောလီဘော အားကစားနည်းများ ဝါသနာပါသော ဦးသိန်းစိန်တယောက် ၁၉၆၈ ခုနှစ် မှစတင်၍ စစ်တပ်ထဲ ဝင်ရောက်ပြီး နောက်ပိုင်း စစ်ကိုင်းတိုင်းမှူး၊ ရှမ်းပြည်နယ် အရှေ့ပိုင်းတိုင်း စစ်ဌာနချုပ် (ရွှေတြိဂံ) တိုင်းမှူး၊ အာဏာသိမ်း စစ်ခေါင်းဆောင် ဗိုလ်ချုပ်မှူးကြီး သန်းရွှေ၏ နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ (နအဖ) တွင် အတွင်းရေးမှူး ၁၊ အတွင်းရေးမှူး ၂ ရာထူးများ အပြင် ၂၀ဝ၇ ခုနှစ်မှစတင်၍ ၂၀၁၁ ခုနှစ် မတ်လအထိ နအဖအစိုးရ၏ ဝန်ကြီးချုပ် ဗိုလ်ချုပ်ကြီး သိန်းစိန်အဖြစ် တာဝန်ထမ်းဆောင်ခဲ့သူ ဖြစ်သည်။

စစ်တပ် ကျောထောက်နောက်ခံ ကြံ့ခိုင်ရေးပါတီက အငြင်းပွားဖွယ်ရာ အနိုင်ရခဲ့သည့် ၂၀၁၀ ခုနှစ် အထွေထွေ ရွေးကောက်ပွဲတွင် ဦးသိန်းစိန်သည် ဇမ္ဗူသီရိနယ်မြေ ပြည်သူ့လွှတ်တော် မဲဆန္ဒနယ်မှ အနိုင်ရခဲ့ပြီးနောက် မြန်မာနိုင်ငံ၏ ၉ ဦးမြောက်သမ္မတ ဖြစ်လာခဲ့သည်။

“သူက အားနေရင်စာဖတ်တယ်။ သူ့အထက်က လူကြီးတွေကိုလေးစားတယ်။ ကလန်ကဆန် မလုပ်ဘူး။ ဗိုလ်ချုပ်မှူးကြီး သန်းရွှေတို့၊ ဗိုလ်ချုပ် ခင်ညွန့်တို့အနားမှာ နေရတယ်။ အဲဒီလူကြီးတွေစကား သူနားထောင်တယ်။ ဘာပဲခိုင်းခိုင်း ပျာပျာသလဲ မလုပ်တတ်ဘူး။ တည်တည်ငြိမ်ငြိမ်နဲ့ မှန်မှန်ပဲလုပ်တယ်။ အဲဒါတွေကြောင့် သူသမ္မတဖြစ်လာတယ် ထင်မိတယ်” ဟု အစ်ကိုဖြစ်သူ ဦးထွန်းမြင့်က ပြောသည်။

စစ်ဘက်တွင် ရာထူးကြီးများ ထမ်းဆောင်ခဲ့ပြီး လက်ရှိတွင်လည်း သမ္မတရာထူး ရရှိထားသော်လည်း ဦးသိန်းစိန်အနေဖြင့် မိသားစုနှင့် ဆွေမျိုးများအပေါ် ငွေကြေးနှင့် လုပ်ပိုင်ခွင့်များ အထူးအခွင့်အရေး ပေးခြင်းမရှိကြောင်း သမ္မတ၏ဆွေမျိုးများကပြောပြသည်။

“ညီလေး (ဦးသိန်းစိန်) ကမိသားစုကို ထောက်ပံ့နိုင်တာမရှိဘူး။ အစ်မ (အမေ) ရောဂါဖြစ်တုန်းကဆို သူက တပ်ရင်းမှူးဖြစ်နေပြီ။ ဆေးကုဖို့ ငွေမရှိလို့ အိမ်ကို တခြမ်းရောင်းလိုက်ရတယ်။ အဘဆိုရင်လည်း ဘာမှထောက်ပံ့တာမရှိဘူး။ မြေလေးတကွက်တောင် မပေးဖူးဘူး။ သူ့ပိုက်ဆံနဲ့ တယ်လီဖုန်းလေး တလုံးတော့ ဝယ်ပေးဖူးတယ်။ အဘ သားသမီးတွေ ဆိုရင်လည်း ဟေ့ “မင်းတို့အရည်အချင်းနဲ့ မင်းတို့လုပ်၊ မင်းတို့ ငါ့တော့ လာမပြောနဲ့ဆိုပြီး အမြဲပြောတယ်” ဟု ဦးထွန်းမြင့်က ပြောသည်။

နအဖကောင်စီ အတွင်းရေးမှူး (၁) တာဝန် ထမ်းဆောင်စဉ်က ကုမ္ပဏီထူထောင်ရန် အကြံပေးခဲ့သော်လည်း ဦးသိန်းစိန်က လက်မခံခဲ့ကြောင်း၊ နိုင်ငံ့ဝန်ထမ်းဘဝမှ အနားယူပါက အေးချမ်းသော လယ်သမားဘဝကိုသာ ဖြတ်သန်းလိုသည်ဟု သမ္မတ ဦးသိန်းစိန်က ပြောပြကြောင်း ဦးထွန်းမြင့်ကဆိုသည်။

သမ္မတ ဦးသိန်းစိန်အနေဖြင့် အဂတိလိုက်စားမှု နည်းပါးသော်လည်း ၄င်းဦးဆောင်သည့် အစိုးရအဖွဲ့ ဌာနဆိုင်ရာ အဆင့်ဆင့်၏ အဂတိလိုက်စားမှုများကို တိုက်ဖျက်နိုင်ခြင်း မရှိခဲ့ကြောင်း ပုသိမ်မြို့နယ် အခြေစိုက် ၁၉၉၀ ရွေးကောက်ခံအမျိုးသား ဒီမိုကရေစီအဖွဲ့ချုပ် NLD အမတ်ဟောင်း ဦးသန်းဝင်းက ပြောသည်။

“ဦးသိန်းစိန်က သူကြွေးးကြော်ခဲ့သလို သန့်ရှင်းတဲ့အစိုးရဖြစ်အောင် မလုပ်ဆောင်နိုင်ခဲ့ပါဘူး။ သူတကိုယ်တည်း ရုန်းနေရုံနဲ့ သူတယောက်တည်း ကောင်းနေရုံနဲ့ အဂတိလိုက်စားမှုက တိုက်ဖျက်လို့ မရပါဘူး။ သူ့နောက်ကလူတွေက သူ့လိုမျိုး လိုက်မလုပ်နိုင်ဘူးလေ” ဟု သူကပြောသည်။

သမ္မတ ဦးသိန်းစိန် အစိုးရ တက်လာပြီးနောက်ပိုင်း မြစ်ဆုံစီမံကိန်းကို သူ့သက်တမ်းအတွင်း ရပ်ဆိုင်းခဲ့ခြင်း၊ ၈၈ မျိုးဆက် ကျောင်းသားများ အပါအဝင် နိုင်ငံရေးအကျဉ်းသားများ လွှတ်ပေးခဲ့ခြင်း၊ သတင်းမီဒီယာ လွပ်လပ်ခွင့်တချို့ ပေးခဲ့ခြင်းနှင့် ကြားဖြတ်ရွေးကောက်ပွဲကို လွပ်လပ်မျှတစွာ ကျင်းပပေးခဲ့ခြင်းက ပြည်တွင်း၌သာမက နိုင်ငံတကာအထိပါ မျက်နှာရခဲ့သည်။

သို့သော် သမ္မတအနေဖြင့် စစ်တပ်အပေါ် ဩဇာမလွှမ်းမိုးနိုင်ခြင်း၊ သတင်းမီဒီယာသမားများကို ဖမ်းဆီးထောင်ချမှုများ ဆက်ရှိနေခြင်း၊ ပြည်သူများအပေါ် ရိုင်းပျစွာပြောဆိုသူ ဝန်ကြီးများအား အရေးယူမှု မရှိခြင်း၊ လူထုထောက်ခံမှုရှိသော ဦးဆန်းဆင့်ကို ထောင်ဒဏ်အပြစ်ပေးခြင်း စသည့် အကြောင်းအရာများက ဦးသိန်းစိန်ဦးဆောင်သည့် အစိုးရအဖွဲ့အတွက် မျက်နှာပျက်စရာ အခြေအနေများ ဖြစ်ခဲ့ရသည်။

နိုင်ငံရေးအရ မျက်နှာပျက်စရာ အခြေအနေများ ကြုံတွေ့ခဲ့သော်လည်း အသက် ၆၉ နှစ်အရွယ် ရှိပြီဖြစ်သည့် သမ္မတ ဦးသိန်းစိန်က ပြည်သူကဆန္ဒရှိလျှင် ဒုတိယမြောက် သမ္မတသက်တမ်းကို ဆက်လက် ထမ်းဆောင်သွားမည်ဟု ပြောဆိုထားသည်။

အစ်ကိုဖြစ်သူ ဦးထွန်းမြင့်ကမူ ညီဖြစ်သူ ညသမ္မတအား ယခုသက်တမ်းပြီးလျှင် အနားယူစေချင်သည်ဟု ပြောသည်။

“သူလည်း ၁၈ နှစ်သားကတည်းက တိုင်းပြည်တာဝန် ထမ်းလာတာဆိုတော့ မလုပ်စေချင်တော့ဘူး။ သူ့နှလုံးက စက်တပ်ထားရတယ်။ မှန်တာပြောရရင် ဘာသာရေးကို လုပ်စေချင်ပြီ။ ဒီလောကီရေးဆိုတာတွေက ပြောရရင် ငရဲကျတဲ့ အလုပ်တွေလေ။ ဒါကြောင့် ငါကတော့ မလုပ်စေချင်တော့ဘူး” ဟု ပြောသည်။

ကျုံကူးဒေသခံများကမူ သမ္မတ ဦးသိန်းစိန်ကိုသာ ဆက်လက် တာဝန်ထမ်းဆောင်စေလိုပြီး ရွေးကောက်ပွဲတွင်လည်း ဦးသိန်းစိန်၏ ကြံ့ခိုင်ရေးပါတီကိုသာ မဲထည့်မည်ဟု ပြောဆိုကြသည်။

“ကျနော်က ကြံ့ခိုင်ရေးပါတီ ဝင်ထားပါတယ်။ ဒီနှစ်မှစဝင်တာပါ။ ကျနော်တို့က နိုင်ငံရေး ခံယူချက်တွေ ဘာတွေ သိပ်တော့လည်း နားမလည်ဘူး။ ကိုယ့်ရွာသား သမ္မတကြီးကို ထောက်ခံတဲ့အနေနဲ့ ပါတီဝင်လိုက်တာပါ။ တခြား ဘာရည်ရွယ်ချက်မှ မရှိပါဘူး။ ၂၀၁၅ ကျရင်လည်း သမ္မတကြီးပါတီကိုပဲ မဲပေးမှာပါ” ဟု ကျုံကူးရွာသား ဦးသက်လွင်က ပြောသည်။

ကျုံကူးဒေသသားများ သမ္မတဆက်လုပ်စေချင်သည့် ဦးသိန်းစိန်သည် ၄င်းကိုယ်ပိုင်ငွေဖြင့် တည်ထားပူဇော်ခဲ့သည့် သမုဒ္ဒရံသီစေတီတော်ကို ထီးတော်တင်လှူပြီးနောက် ဖခင်ဖြစ်သူ အုတ်ဂူအား ရှိခိုးကန်တော့ကာ ရဟတ်ယာဉ်ဖြင့် နိုဝင်ဘာ ၂၅ ရက် နေ့လယ်ပိုင်းတွင် ပြန်လည်ထွက်ခွာခဲ့သည်။

ရဟတ်ယာဉ် ထွက်ခွာသည်နှင့် ဖုန်လုံးကြီးများ အလိပ်လိုက်တက်လာပြီးနောက် လက်ပြနေသူများကို ဖုံးလွှမ်းသွားခဲ့ပြီး သမ္မတဦးသိန်းစိန် စီးနင်းလိုက်ပါသွားသော ရဟတ်ယာဉ်မှာလည်း ကျုံကူးရွာနှင့် ဝေး၍ ဝေး၍သွားသည်။

ကျုံကူးရွာသားများကမူ နှစ် ၃၀ ကျော်မှ တခေါက်ပြန်လာသည့် သူတို့ရွာသား သမ္မတကို ရဟတ်ယာဉ်မြင်ကွင်းမှ ကွယ်ပျောက်သည်အထိ လက်ပြနှုတ်ဆက်ရင်း ငေးကြည့်နေကြသည်။

The post သမ္မတ ဦးသိန်းစိန်၏ ဇာတိရွာသို့ အလည်တခေါက် appeared first on ဧရာဝတီ.

၈၈ အရေးတော်ပုံက တပ်မတော်ကို မဆလ ပါတီလက်မှ ကယ်ခဲ့သည်

ဗိုလ်ခင်ညွန့်၏ လျှို့ဝှက်အမိန့်စာ လူထုအတွင်း ပေါက်ကြားမှုကို အတုအယောင်စာအဖြစ် ချေဖျက်နိုင်ရန် မဆလတို့၏ တန်ပြန် သပိတ်ဖြိုခွဲရေး ကော်မတီမှ ထုတ်သည်ဟု ယူဆရသော လေတပ်ဗိုလ်ချုပ် တင်ထွန်း၊ ရေတပ်ဗိုလ်ချုပ် မောင်မောင်ခင်တို့ ပူးတွဲ သတိပေးကြေညာချက်စာတစောင် ရှစ်လေးလုံး အရေးတော်ပုံ ကာလ၌ ရန်ကုန်လူထုအတွင်း ကျယ်ကျယ်ပြန့်ပြန့် သတင်းထွက် ပေါ်ခဲ့ဖူးပါသည်။ ယင်းသတိပေး ကြေညာ ချက်တွင် ဦးနေဝင်း နေထိုင်ရာ အေဒီလမ်း တည်နေရာကို မြေပုံညွှန်းနှင့်တကွ လေတပ် မှ ဗုံးကြဲမည်၊ ရေတပ်မှ အမြောက်နှင့်ပစ်မည်ဟု ဖော်ပြထားသဖြင့် ထိုစဉ်က လူထုစိတ်ကြိုက်သတင်း ဖြစ်ခဲ့ပါသည်။

ဒေါက်တာ မောင်မောင်၏ ၈၈ အရေးအခင်း (ဒုတွဲ) စာမျက်နှာ ၃၆၆-၃၆၈ ပါ ဖော်ပြချက်ကို စာဖတ်သူများ ရှားရှားပါးပါးသိ ထားဖို့ တော့ လိုအပ်ပါလိမ့်မည်။ မဆလခေတ် မြန်မာ့တပ်မတော်နှင့် ပတ်သက်၍ “လမ်းစဉ် ပါတီ စတင်တည်ထောင်ချိန်ကတည်းက အချင်းချင်း အုပ်စုဖွဲ့ပြိုင်ဆိုင်မှုများ စတင်ခဲ့သည်ဟုဆိုလျှင် မမှားလောက်ပေ။ ထိုစဉ်က ပါတီဌာနချုပ်နှင့် ပါတီကေဒါများ မွေးဖွား ရာ သင်တန်းကျောင်းများ၏ အရေးပါသော နေရာများအား ချုပ်ကိုင်ထားကြသူများတွင် ဗကပနှင့် အလံနီတို့ မှလာသော အမာခံ ကွန်မြူနစ်များ ပါခဲ့ကြ သည်။ သို့အတွက်ကြောင့်လည်း တပ်မတော်က လမ်းစဉ်ပါတီအား လိုအပ်၍သာ မနှစ်ခြိုက်ဘဲ ပေါင်းဖက် နေရသည့် မကောင်းဆိုးဝါး အဖွဲ့အစည်းအဖြစ် မြင်ခဲ့သည်။ ကေဒါမြှုပ်နှံရေးအတွက် တပ်မတော်ထံမှ လူအင်အားတောင်းခံက တပ်ထဲမှာ မည်သူမျှလိုလားခြင်း မရှိသည့်သူများကိုသာ များသောအားဖြင့် ပါတီသို့ ပို့လွှတ်သည်။

မကောင်းကျောင်းပို့ခံရသူများ စုဝေးမိလေကြသောအခါ သူတို့၏ခံစားချက် အငြိုးအတေးများကို အတိုးချလျက် တပ်မတော်အပေါ် တက်ကြွစွာ ဆန့်ကျင်အန်တုကြတော့သည်။ ထိုသို့သောဖြစ်ရပ်များကြောင့် တပ်မတော်တွင် လွန်စွာလေးစားချစ်ခင်ခြင်းခံရသည့် တိုင်းမှူးကြီး တဦးဖြစ်သော ဗိုလ်မှူးကြီး သောင်းကြည်အား လူများစွာ စိတ်အနှောင့်အယှက်ဖြစ်သည့်ကြားမှပင် ပါတီသို့တွဲဖက် အထွေထွေ အတွင်းရေးမှူး တာဝန်ဖြင့် ပြောင်းရွှေ့လိုက်သည်။ သူသည် စစ်သားကောင်းတဦး ဖြစ်ရုံသာမက အုပ်ချုပ်ရေးကိစ္စရပ် များ တွင်လည်း ကျွမ်းကျင်နိုင်နင်းသူ တယောက်ပင် ဖြစ်ပါသည်။

သို့သော် သူ့အနေဖြင့် တပ်မတော်နှင့် ပါတီအကြား အတတ်နိုင်ဆုံး ကြိုးစားပြီး ရင်ကြားစေ့အောင် ဆောင် ရွက်ခဲ့သော်လည်း နှစ် အနည်းငယ်အတွင်းမှာပင် တပ်မတော်နှင့် ပါတီအကြား အခြေအနေအရပ် ရပ်သည် ထိန်းမနိုင်သိမ်း မရ အဆင့်သို့ တဖြည်းဖြည်း ရောက်နေချေပြီ။

ဧည့်ခံပွဲတခုဝယ် သူနှင့်ကျနော်ဆုံတွေ့စဉ် သူကပင် စတင်လျှက် “ခင်ဗျားမကြာမီမှာ နှစ်တရာအတွင်း အဆိုးဆုံးတိုက်ခိုက်မှုကြီး ကြည့်ရတော့မယ်” ဟု ကျနော့်အားပြောခဲ့လေရာ ကျနော်မှလည်း “ဘာလဲဗျ၊ ဘယ်သူ နဲ့ဘယ်သူ ချကြမှာလဲ” ဟု ပြန်လည် မေးခွန်းထုတ်လိုက်သည်။ “တပ်မတော်နဲ့ ပါတီချကြ တော့မှာဟု သူ မှပြန်ပြောကြားသည်”ဟုရေးသားသလို ဒေါက်တာ မောင်မောင်က “ကျနော်သည် သူပြောဆိုသည်များကို လက်ခံသဘောတူသည်။ တပ်မတော်နှင့် ပါတီအကြားတနေ့တခြားတင်းမာ လာနေသော အခြေအနေများကို ကျနော်ကိုယ်တိုင် လည်းသိပါသည်” ဟု ရေးသားခဲ့သည်။

ဒေါက်တာမောင်မောင်နည်းတူ ဦးနေဝင်းသည်လည်း တပ်မတော်နှင့်ပါတီအကြား ပဋိပက္ခကို ကြိုတင်မြင်ခဲ့ ရာ သူကိုယ်တိုင် လေး နက်ပြတ်သား စွာဖြင့် ရှင်းရှင်းလင်းလင်း သုံးလေးကြိမ်မျှ သတိပေးခဲ့ဖူးသည်။

၁၉၇၄-ဖွဲ့စည်းပုံ အခြေခံဥပဒေပုဒ်မ-၁၁ တွင် နိုင်ငံတော်သည် တခုတည်းသောပါတီစနစ်ကို သာကျင့်သုံးရမည်၊ မြန်မာ့ဆိုရှယ် လစ်လမ်းစဉ်ပါတီသည် နိုင်ငံတော်၏ တခုတည်းသောနိုင်ငံရေးပါတီ ဖြစ်၍ နိုင်ငံတော်ကိုဦးဆောင်သည်ဟူသော ပြဋ္ဌာန်းချက် အောက်တွင် အထက်အမိန့်ပေးစနစ်ကိုနာခံရန် ပုံသေလေ့ကျင့် ထား သော တပ်မတော်သည် မဆလ ပါတီကြီး၏ အောက်မှ မည်သို့မျှလွတ်မြောက်အောင် ရုန်းမထွက်နိုင်ခဲ့သောကြောင့် ၁၉၈၈ ဒီမိုကရေစီ အရေးတော်ပုံကြီး မဖြစ်ခဲ့လျှင်မဆလပါတီနှင့် တပ် မတော်ကြားပဋိပက္ခ ပိုပြင်းထန်လာခဲ့နိုင်သည်။ ထိုသို့မဆလပါတီနှင့် အစိုးရလက်အောက်မှ မြန်မာ့ တပ်မတော်၏ အခြေအနေထူး ကို စာဖတ်သူများ သိရှိထားသင့်ပါသည်။

စာရေးသူသည် နှစ်ရှည်ထောင်ဒဏ်များ ကျခံနေရစဉ်အတွင်း စစ်တပ်၊ စစ်သားနှင့် ၄င်းတို့၏ သဘောသဘာဝကို ဆန်းစစ် လေ့ လာမှုလည်း ပြုခဲ့ဖူးပါသည်။ ယင်းကာလအတွင်း စပယ်ဖြူမဂ္ဂဇင်း အမှတ် ၅/၂၀ဝ၇ တွင် ကျော်ဇောခိုင် ဘာသာပြန်သော တွေး ခြင်းမဟာဗျူဟာများ Thinking Strategicaly by Avimash Dixit Barry J Nalebuff ဆောင်းပါး အပိုင်းအစလေးကို ရှားရှားပါး ပါးဖတ် ခွင့်ရခဲ့ပါသည်။ စာရေးသူ မှတ်သားထားသော စာပိုဒ်ကို အလျဉ်းသင့်၍ ဖော်ပြလိုပါသည်။

“တိုက်ပွဲတပွဲမှာ စစ်သည်တွေဟာ ကိုယ့်အသက်ကို ပဓာနမထားဘဲ ရွပ်ရွပ်ချွံချွံ တိုက်ပါ့မယ်ဆိုတာ တဖက်ကရန်သူကို ဘယ်လို နည်းနဲ့ ယုံအောင်လုပ်နိုင်မလဲ။ တကယ်ပြောရရင် စစ်သားတယောက်ဟာ ဆင်ခြင်တုံ နည်းလမ်းတကျ တွေးမယ်ဆိုရင် ပထမဆုံး ကြုံရမယ့်မေးခွန်းက လက်ရှိစွန့်စားမှုကြီးဟာ၊ အခုငါတိုက်ရ မယ့် စစ်ပွဲဟာ၊ အသက်ပေးရလောက်အောင်ထိုက်တန်မှုရှိရဲ့လား ဆိုတာပါ။ စစ်ပွဲနဲ့ပတ်သက်လို့ဖောင်ဖျက်ခြင်းနဲ့ အသင်းလိုက်ဆောင်ရွက်ခြင်း တွေမှာတွေ့ခဲ့ကြပြီးပါပြီ၊ ဘယ်အရာတွေကစစ်သား တယောက်ကို ရှေ့ဆက်တိုးဖို့ တွန်းအားဖြစ်စေတယ် ဆိုတာ နည်းနည်းအသေးစိတ် ကြည့်ရအောင်။

စခန်းသွင်းလေ့ကျင့်ချိန်မှာ ဒီအချက်ကစပါတယ်။ ပြင်းပြင်းထန်ထန် ပုံသွင်းမှုပြုတာက စပါတယ်။ ဘာမျှ အမှားအယွင်းမရှိဘဲနဲ့ လည်း သတိဆွဲခိုင်းပြီး ပါးရိုက်ခံရနိုင်ပါတယ်။ ကျိုးကြောင်းတကျ တွေးတဲ့ပုံစံအစား အမိန့်နာခံရတဲ့အနေအထားကို လေ့ကျင့်စေ ပါတယ်။ ရေဘူးပေါက်တာ မလိုချင်ဘူး။ ရေပါတာပဲလိုချင်တယ်လို့ ဆိုကြတယ်မဟုတ်လား။ စစ်သားတစ်ယောက်အတွက် အဲဒီ့ အချိန်မှာရုပ်ပိုင်းရောစိတ်ပိုင်းမှာပါ အချိန်မရွေးသေနိုင်တဲ့ စစ်မြေပြင်တစ်ခုအတွက် အဆင်သင့်အနေအထားရောက် အောင်ဒီလိုပဲ ပြုပြင်ခြင်းခံကြရတယ်။

ကမ္ဘာပေါ်က ဘယ်စစ်တပ်မဆို နည်းလမ်းတွေ ကွဲချင်ကွဲမယ်။ ရည်ရွယ်ချက်၊ ဦးတည်ချက်က ဒီပုံစံ ဒီဘောင် ထဲမှာပဲရှိပါတယ်။ ပြန်လှန်မေးခွန်းထုတ်စရာမလိုတဲ့ အသားကျနာခံမှုနဲ့ အလိုအလျောက် တုံ့ပြန်မှုကို လေ့ကျင့်စေတာပါပဲ။ ဘာကြောင့် ခြေအိတ်တွေ အိပ်ရာတွေကို တပုံစံတည်းခေါက်သိမ်း ရတာလဲဆိုတဲ့ မေးခွန်းမျိုးအတွက် အဖြေမရှိဘူး။ ဒီလိုလုပ်ပါလို့ခိုင်းလို့ ဒီလိုလုပ်လိုက် ရတာဆိုရင် သဘောပေါက်တာ လုံလောက်ပြီ။

အမိန့်တခုကို ပြန်လှန်မေးခွန်းမထုတ်ဘဲနာခံတတ်တာဟာ စစ်တပ်ကိုတိုက်ပွဲဝင် စက်ယန္တရား တခု အသွင်ပြောင်းပေးလိုက် တာ ပါပဲ။ ရှိတ်စပီးယားရဲ့ပဉ္စမြောက် ဟင်နရီဘုရင်ပြဇာတ်မှာ ဘုရင်ဟာ စစ်မထွက်မီ တိုင်တည်ပုံကို ဒီလိုဖော်ပြခဲ့တယ်။ “အို…စစ်ပွဲများရဲ့နတ်ဘုရား၊ အကျွန့်စစ်သည်များရဲ့ နှလုံးသားကိုခိုးယူပါ။ သူတို့နှလုံးသားကို ဆွဲနုတ်ထားလိုက်ပါ။ ကြောက်ရွံ့မှု ကိုသိမ်းဆည်းပေးတော်မူပါ”လူတယောက်က အခြား တယောက်အပေါ်ရှိနိုင်တဲ့ ကရုဏာတရားနဲ့ သူ့ကိုယ်ပေါ်ကျရောက်လာနိုင် တဲ့ အန္တရာယ်အတွက် စိုးရိမ် ထိတ်လန့်မှုကို တားမြစ်ဖို့ စစ်နတ်ဘုရားထံတိုင်တည်တဲ့ အခန်းမှာ တွေ့ရတာပါ။ ကိုယ့် ထက်ငါးဆ လောက်များတဲ့ ရန်သူကိုတိုက်ရမယ့် စစ်ပွဲလို့ ဆိုပါတယ်။ နောက် တခုက မာနပါ။

ကမ္ဘာပေါ်မှာ အစဉ်အလာကြီးတဲ့ အချို့စစ် တပ်တွေ ရှိပါတယ်။ စည်းကမ်း၊ တိုက်ရည်ခိုက်ရည်၊ ပြီးတော့ ဘယ်တော့မှ အလံမလှဲစ တမ်း တိုက်ပွဲဝင်ခဲ့ ဖူးတယ်ဆိုတာတွေပေါ့။ ဒီလိုတပ်၊ ဒီလိုတပ်ခွဲတွေကို ရောက်သွားတဲ့ စစ်သားတယောက်အတွက်သူရဲကောင်း တွေဟာ စစ်မြေပြင်မှာပဲ အဆုံးသတ်ရတယ်ဆိုတဲ့ အယူအဆကို မြင့်မြတ်မှုအဖြစ်ခံယူထားလိုက်ကြပါပြီ။ ကိုယ့်တပ်အတွက်၊ တပ် ခွဲအတွက်၊ တိုင်း ပြည်အတွက် အားလုံးဟာ ကိုယ့်အတွက်ရယ်လို့ မရှိတော့ပါ။ ဒီနာမည်ကိုထိန်းရမယ်ဆိုတဲ့ မာနနဲ့သန္နိဋ္ဌာန် က ရှေ ဆောင်နေပါပြီ ဒီမာနစိတ်ကပဲပြင်းထန် တဲ့ စိတ်ပိုင်းဆိုင်ရာ လှုံ့ဆော်မှုကို ဖြစ်စေပါတယ်။ တချိန်တည်းမှာ ငါတို့ဟာ လူနည်း စုလေး၊ ငါတို့ပျော်ရွှင် တက်ကြွတဲ့ငါတို့ညီအစ်ကိုတွေ၊ ဒီနေ့တော့တယောက် သွေးနဲ့ တယောက်ကိုကာကြမယ်ဆိုပြီး အသင်းလိုက် စိတ်ဓာတ်ကိုမြှင့်တင်ပြီး ဖောင်ကိုဖျက်လိုက်ပါပြီ။

ငါတို့ထဲမှာသွေးနည်းသူ တယောက်တလေများပါခဲ့ ရင်အခု မင်းကိုသွားခွင့်ပြုပါ့မယ်။ အဲဒီ့လိုလူမျိုးရဲ့ဘေးမှာ ငါတို့မသေချင်ဘူး။ ဒီလိုလှုံ့ဆော်လိုက်တာနဲ့ ကဲ ဘယ်သူက အိမ်ပြန်ချင်တယ်ပြောတော့မလဲ။ တိုက်မယ်၊ တိုက်မယ်၊ အရေးတော်ပုံလို့ တယောက် ကများအော်လိုက်ရင် အောင်ရမယ်ပဲ ဖြစ်ကုန်ပြီပေါ့ ဟူ၏။ ဒီတိုက်ပွဲဝင် စိတ်ဓာတ်ကပဲ စစ်တပ်တတပ်ကို တွန်းအားဖြစ်စေခဲ့၊ အောင်မြင်မှုတွေရစေခဲ့တော့၏ဟု အခြေခံအားဖြင့် ကျနော်တို့ မှတ်ယူနိုင်ပါသည်။

မြန်မာနိုင်ငံ လွတ်လပ်ရေးရပြီး ဖဆပလခေတ် မြန်မာ့တပ်မတော်ကို ထုဆစ်ပုံသွင်းခဲ့သူများတွင် ဆိုရှယ်လစ် တပ်မှူး ဗိုလ်မှူးချုပ် မောင်မောင်၏ အခန်းကဏ္ဍသည် အဓိကကျသည်ဟု စာရေးသူ ယူဆသည်။ ၁၉၆၂ ခုနှစ် ဦးနေဝင်း အာဏာရ ယူခဲ့သော (၁၉၆၄-၇၂) မဆလခေတ်တွင် Director of Military Training and Plans တာဝန်ယူ၍ မြန်မာ့တပ်မတော်ကို ပုံသွင်းထုဆစ်သူသည် ဗိုလ်မှူးကြီး သူရထွန်းတင် ဖြစ်ပါသည်။

၎င်းနှင့် ဦးစိန်လွင်တို့သည် ဦးနေဝင်း၏ အမာခံလက်ရုံးများဖြစ်၍ ဦးနေဝင်း အာဏာသိမ်းစဉ် ၁၉၆၂ ခုနှစ်မှ အာဏာစွန့်လွှတ် သည့် ၁၉၈၈ ခုနှစ်အထိ ဦးနေဝင်းအားကိုး ခဲ့ရသူများဖြစ်ပါသည်။ သူရထွန်းတင်၏ “ကျွန်တော် ကျင်လည်ခဲ့ရသော မြန်မာနှင့် ကမ္ဘာ” စာ-၁၁၆ တွင်၊ “စစ်သားတွေဆိုတာ စစ်အမိန့် နာခံတတ်ဖို့နဲ့ စစ်စည်းကမ်းရှိဖို့ သိပ်အရေးကြီးတယ်။ ဒါတွေကို ကိုယ်ရော စိတ်ပါ ဖြစ်လာအောင် Drill လုပ်ပြီး Conditioningလုပ်ပေးရတယ်။ ဂျပန်၊ ဂျာမန်စစ်သားတွေ အမိန့်နာခံဖို့ရာ လူစင်စစ်ကနေ စက်ရုပ်လို သဘောဖြစ်သွားတာပဲဟု မှတ်တမ်းတင်ထားသည်ကို တွေ့ရပါသည်။

အထက်ပါ လေ့လာချက်များအပြင် အခြား သမိုင်းအထောက်အထားများအရ စာရေးသူအမြင်တွင်စစ်သားဆိုသည်မှာတွေးခေါ် ဆင်ခြင်တတ်သည့် ဦးနှောက်နှင့် ခံစားတတ်သည့် နှလုံးသားကိုအမိန့် ပေးသူသတ်မှတ်ပေးသည့် စည်းဘောင်အတွင်းမှ သက်ဝင် လှုပ်ရှားခွင့်ရသည့် လူသားဟုသာ မြင်ပါသည်။

ထို့ကြောင့် စာရေးသူသည် သူတို့ကို သနားပါသည်။ ထို့အတူ လေးစားတန်ဖိုးထားပါသည်။ စစ်သား၊ စစ်တပ်ကို အထက်မှအမိန့် ပေးသူ အရေးကြီးလှသည်ကိုလည်း သိမြင်လာပါသည်။ စာဖတ်သူများလည်း စာရေးသူ ကဲ့သို့ သိမြင်လာသည်ဆိုလျှင် ဤစာကို ရေးရကျိုးနပ်ပြီဟု ယူဆပါသည်။

တနည်းအားဖြင့် စစ်မှန်သော ဒီမိုကရေစီဖွဲ့စည်းပုံအခြေခံဥပဒေများတွင် တပ်မတော်အား အဆုံးအဖြတ် အမိန့်အာဏာ ပေးပိုင်ခွင့် ရှိသူသည် ပြည်သူအများစုက လွတ်လပ်စွာ ရွေးကောက်တင်မြှောက်သော နိုင်ငံခေါင်းဆောင်သာ မလွဲမသွေဖြစ်ရန်လိုအပ် ကြောင်း စာဖတ်သူများ သိရှိခံယူနိုင်လောက်ပြီဖြစ်ပါသည်။

မဆလ တပါတီ အာဏာရှင်ခေတ်တွင် တပ်မတော်သည် မဆလပါတီကိုမချစ်သော်လည်းအောင့်ကာနမ်းနေရသည့် သဘောထား ရှိကြောင်း ဒေါက်တာ မောင်မောင်က ထုတ်ဖော်ရေးသားပြီး ဖြစ်ပါသည်။ စာရေးသူ အမှတ် ၆ ထောက်လှမ်းရေး၌ စစ်ကြောရေး ကာလကို ဖြတ်သန်းနေရစဉ် ကာလတွင်ကြုံခဲ့ရသော ထောက် လှမ်းရေးများကိုယ်တိုင်က စာရေးသူအား ၎င်းတို့သည် မဆလ ပါတီ လက်အောက်မှ ကင်းလွတ်ခဲ့ရသည်ကို အမှန်တကယ်ပျော်ကြကြောင်း၊ ၎င်း၎င်း၎င်းကျပတို့စစ်သားဘဝတွင် စစ်စည်းကမ်း၊ အရပ်ဘက် စည်းကမ်းအပြင်၊ မဝင်မနေရဝင်ရသည့် မဆလ ပါတီစည်းကမ်းများ ချည်နှောင်ခံခဲ့ရကြောင်း၊ စစ်စည်းကမ်းနှင့်အရပ်ဘက်စည်း ကမ်းဆိုင်ရာ အမှုကိစ္စများကို ထုချေရှင်းလင်းရန် အခွင့်အရေးရှိသော်လည်း ပါတီစည်းကမ်းနှင့်အရေးယူခံရလျှင် ထုချေရှင်းလင်း ရန်မလွယ်ဘဲ ဘဝပျက်ခဲ့ရသည်ကများကြောင်း၊ ဒါကြောင့် မဆလပါတီ ပျက်သွားခြင်းကို သဘောကျကြောင်း ထုတ်ဖော်ပြော ကြားသည်ကို ကြုံခဲ့ဖူးသည်။

ဤကိစ္စနှင့်ပတ်သက်၍ မဆလပါတီကို စစ်တပ်အောက်ခြေပိုင်းကသာမလိုလားဟု စာရေးသူ ယခင်က ယူဆခဲ့ပါသည်။ ဒေါက်တာ မောင်မောင်၏ ၈၈ အရေးအခင်းစာအုပ် စာမျက်နှာ ၁၆၆-၁၆၇ ကိုဖတ်ရှုရသောအခါ ထိပ်ပိုင်းလည်းအောက်ခြေပိုင်းနှင့်တသဘော တည်းပါ လားဟု သိလိုက်ရပါသည်။ “တပ်မတော်တိုင်းမှူး အများစုအားသူတို့၏သက်ဆိုင် ရာတိုင်း/ဒေသအလိုက်ဒေသပါတီ ကော်မတီ ဥက္ကဋ္ဌ များအဖြစ် ပူးတွဲတာ ဝန်ပေးထားလေသည်။ ထိုသို့တာဝန် မပေးမီကအချို့သော တိုင်း/ဒေသများတွင် တပ်မ တော်နှင့်ပါတီ အကြား မလိုလားအပ်သော ပဋိပက္ခများ ဖြစ်ခဲ့ဖူးသည်။

ယခုတပါတီစနစ်ကိုစတင်ရုပ်သိမ်းနေချိန်ဝယ် ဗိုလ်ချုပ်ကြီးစောမောင်မှ ပါတီ ညီလာခံမစမီ တိုင်းမှူးများအားပါတီတာဝန်ဝတ္တရား များ ထမ်းရွက်နေရခြင်းမှ ရပ်စဲပေးရေး ဗဟိုအလုပ် အမှုဆောင်အစည်းအဝေးတွင် အဆိုပြုခဲ့သည်။ ထိုစဉ်ကအလုပ်အမှုဆောင် ကော်မတီ မှသူ့အားခေတ္တ ခဏစောင့်ရန် ပြောကြားထားသည်။

“ထိုသို့ပြောကြားလိုက်ချိန်ဝယ် ဗိုလ်ချုပ်ကြီး ၂ ဦး၏ မျက်နှာအမူအရာပြောင်းလဲဖြစ်ပေါ် သွားမှုကို ယနေ့တိုင် ကျွန်တော်အမှတ်ရ ဆဲဖြစ်သည်။ သူတို့သည်ပကတိ ကြည်နူးပျော်ရွှင်မှုဖြင့်မျက်နှာများဝင်းထိန်ကာ ကျောင်းဆင်းခေါင်းလောင်းထိုးသံကြားရသည့် ကျောင်းသားငယ်များပမာ ကျွန်တော့်ရှေ့မှောက်မှ သွက်လက် သောခြေလှမ်းများဖြင့် ထွက်ခွာသွား ကြသည်။

သို့ပါ၍ ၁၉၈၈-ခု၊ စက်တင်ဘာလ ၁၀ ရက်နေ့ ညနေပိုင်းမှ စတင်ကာ တပ်မတော်တရပ်လုံး ထိပ်ပိုင်းမှအစ အောက်ခြေရဲဘော် အဆင့်အထိသည် မြန်မာ့ဆိုရှယ်လစ် လမ်းစဉ်ပါတီနှင့်မည်သို့မျှမသက် ဆိုင်တော့ပေ” ဟု ဒေါက်တာမောင်မောင်ရေးသား ထားသည်ကို ဖတ်ရှုရသည့်အခါ စာရေးသူကိုယ်တိုင် လည်း ဝမ်းသာကြည်နူးမှုရသကို ခံစားရပါသည်။

စာရေးသူတို့ ၈၈ ဒီမိုကရေစီတိုက်ပွဲဝင် ပြည် သူများ၏ အသက်သွေးချွေးများပေးဆပ် တိုက်ပွဲဝင်ကယ်တင်မှုကြောင့် တပ်မတော် နှင့် ဗိုလ်ချုပ်ကြီးများ ကို ဦးနေဝင်း၏ တပါတီအာဏာ ရှင်စနစ်အောက်မှ လွတ်မြောက်အောင်ကယ်တင်နိုင်ခဲ့ကြောင်း သက်သေ အထောက်အထားကို ဒေါက်တာ မောင်မောင် ၏ စာအုပ်မှ စာရေးသူရှာဖွေတွေ့ရှိခဲ့ခြင်း ဖြစ်ပါ သည်။

ယင်းကဲ့သို့ တပ်မတော်အား ရှစ်လေးလုံး ပြည်သူက မဆလတပါတီအာဏာရှင်စနစ် လက်အောက်မှ လွတ်မြောက်အောင်တွန်း အားပေး ကယ်တင်ခဲ့သော်လည်း၊ ဗိုလ်ချုပ်ကြီးစောမောင်သည် ကျွန်နံ့မစင်၊ မိမိကိုယ် ကို ယုံကြည်မှု မရှိသည့်အလား မိမိဦးစီး သော တပ်မတော်ကို မဆလပါတီလက်အောက် မှ ရုန်းမထွက်တတ်၊ ရုန်းမထွက်နိုင်သည့်သဘောကိုလည်း ဒေါက်တာမောင်မောင် ၏ စာအုပ်တွင်ပင် စာရေးသူလေ့လာတွေ့ရှိ ရပါသည်။

ထိုစာအုပ်စာမျက်နှာ ၂၆၂ -၂၆၈ တွင်ဗိုလ်ချုပ် စောမောင်သည် သူ၏သဘောဆန္ဒအလျှောက် ရေးသားခဲ့သော ရေဒီယိုအသံလွှင့် အစီအစဉ်မှာ ပြောကြားရန် ရည်ရွယ်သည်ဆိုသော မိန့်ခွန်းမူကြမ်း တခုကို သမ္မတ ဒေါက်တာမောင်မောင်အား စက်တင်ဘာ ၁၁ ရက် ပြည်သူ့လွှတ်တော်အစည်းအဝေးခေတ္တ ရပ် နားချိန်၌ သွားရောက်ပြသခဲ့သည်ဟု ရေးထား ပါသည်။

“(ထိုအချိန်၌သူ(ဗိုလ်ချုပ်စောမောင်)သည် ပါတီနိုင်ငံရေးနှင့် ကင်းရှင်းပြီးစအချိန်ဖြစ်လျက် လွတ်လပ်ခြင်း၏အရသာသည် သူ့ မျက်နှာပေါ်တွင် အထင်းသားပေါ်နေ သည်။) ထိုအချိန်ကကျွန်တော်တို့နှစ်ယောက်တည်းသာရှိသည်”ဟုလည်းကောင်း ကျွန်တော်သည် သူ့အား ထိုမိန့်ခွန်းကိုရေးသားစေ ရန် တိုက်တွန်းပြောကြားခြင်းမပြုခဲ့။ သူသည် သူ၏သဘောဆန္ဒအလျှောက် သာ ရေးသားခဲ့ခြင်းဖြစ် သည်။

ဗိုလ်ချုပ်သန်းရွှေ၊ ဗိုလ်ချုပ် မောင်မောင်ခင်၊ ဗိုလ်ချုပ်တင်ထွန်း၊ တပ်မတော် ထောက်လှမ်းရေး ညွှန်ကြား ရေးမှူးဖြစ်သူ ဗိုလ်မှူးကြီး ခင်ညွှန့်၊ စစ်ဦးစီး ဗိုလ်မှူးကြီးတင်ဦးနှင့် အခြားသော ကာကွယ်ရေး ကောင်စီ အဖွဲ့ဝင်များနှင့် ညှိနှိုင်းတိုင်ပင်ရေးသားခြင်း ဖြစ် ကောင်းဖြစ်ပေလိမ့်မည်” ဟုလည်းကောင်း၊ “ကျွန်တော် နှင့်ဗိုလ်ချုပ်ကြီး စောမောင်တို့နှစ်ဦးသား သူ၏မိန့်ခွန်းမူကြမ်းအား ပြန်လည်စိစစ်တည်း ဖြတ်ကြသည်” ဟုလည်းကောင်း၊ “နောက်တနေ့ ၁၉၈၈ စက်တင်ဘာ ၁၂ ရက်နေ့တွင် ဗိုလ်ချုပ်ကြီးစော မောင်မှ ရဟန်းရှင် လူ ပြည်သူအပေါင်းနှင့် တပ်မတော်သားများသို့ ကာကွယ်ရေးဦးစီးချုပ်၏တင်ပြချက်”ဟူသော ခေါင်းစဉ်ဖြင့် အဆိုပါမိန့်ခွန်းကို ပြောကြားခဲ့သည်ဟု လည်းကောင်း ဒေါက်တာမောင်မောင်စာအုပ်တွင် ဖော်ပြပါရှိပြီး ဗိုလ်ချုပ်ကြီးစောမောင်၏ မိန့်ခွန်းကို ဖော်ပြထားပါသည်။

ဒေါက်တာမောင်မောင် တည်းဖြတ်ထားသော ဗိုလ်ချုပ်ကြီးစောမောင်၏ မိန့်ခွန်းတွင် တပ်မတော် တရပ်လုံး မဆလပါတီနှင့် လုံးဝ မသက်ဆိုင်ကင်းပြတ်သွားပြီဟု ပြည်သူနှင့်တပ်မတော်သား အားလုံးမျှော် လင့်တောင့် တသည့် စကားတခွန်းမျှတိတိကျကျဖော် ပြထားခြင်းမရှိသည်ကို ထူးထူးခြားခြား လေ့လာတွေ့ ရှိနိုင်သည်။

၁၆၊ ၉၊ ၁၉၈၈ ရက် နိုင်ငံတော်ကောင်စီ ကြေညာချက် ၁၄/၈၈ ဖြင့် ပြည်သူ့ဝန်ထမ်းများ မည်သည့် နိုင်ငံရေး ပါတီ အဖွဲ့အစည်း ဝင်မျှ မဖြစ်စေရဟူသော အမိန့်ထွက်ရှိလာမှသာ တပ်မတော်သည် မဆလပါတီနှင့် မသက် ဆိုင်တော့ကြောင်း လူထုအနေဖြင့် တိတိကျကျသိခဲ့ရသည်။ ယင်းအမိန့် ထွက်ပြီး ၃၆ နာရီအကြာ ၁၉၈၈ စက်တင်ဘာလ ၁၈ ရက်နေ့ ညနေ ၄ နာရီတွင် စစ်တပ်က အာဏာ လွှဲပြောင်းပွဲကို ကြေညာခဲ့ပါသည်။

မည်သို့ဆိုစေ မဆလ တပါတီအာဏာရှင်စနစ် ချုပ်ငြိမ်းအောင် အပြောင်းအလဲအရွေ့တခုကိုစာရေးသူ တို့ ပြည်သူများက တာဝန်ကျေပွန်စွာ ထမ်းဆောင် နိုင်ခဲ့သည်ကို မည်သူမျှ ငြင်းပယ်နိုင်မည် မဟုတ်ပါ။

ရွေ့သွားသောနေရာတွင် အထိုင်နေရာလုကြသူများ အချင်းချင်း ယနေ့တိုင် ပြဿနာတက်နေသည်ကိုတော့ လက်တွေ့မျက်တွေ့ ပင်ဖြစ်သည်။

စာရေးသူ အနေဖြင့် ရာဇပလ္လင်၌ ထိုင်ခွင့်ရှိသူသည် ပြည်သူ ထောက်ခံရုံနှင့် မရနိုင်၊ ပညာ၊ ဆင်ခြင်တုံတရား နှင့် ပြည့်စုံသည် သာမက အတိတ်ဘုန်းကံနှင့် သတ္တိခွန် အားတို့လည်း ပြည့်စုံဖို့လိုအပ်သည်ဟု ထင်မြင်မိ ပါကြောင်း။

ဆက်လက်ဖော်ပြပါမည်။

The post ၈၈ ရဲ့တိုင်းဆူ ပြည်ဖျက်များကို ဖော်ထုတ်ခြင်း အပိုင်း (၁၁) appeared first on ဧရာဝတီ.

ပဋိပက္ခ ဖြစ်ပွားပြီးနောက်ပိုင်း ၂၀၁၃ ခုနှစ် အတွင်းက တွေ့ရသော ဘင်္ဂါလီ ဒုက္ခသည်စခန်း တခု (ဓာတ်ပုံ – ဂျေပိုင်/ဧရာဝတီ)

လုပ်ငန်းခွင် လေ့လာရေးခရီးစဉ်များ၊ သင်တန်း ခရီးစဉ်များဖြင့် ပြည်ပနိုင်ငံများသို့ သွားရောက်ကြသော မြန်မာနိုင်ငံသားများကို အိမ် ရှင်နိုင်ငံသားများက သော်လည်းကောင်း၊ တွေ့ဆုံခွင့်ရသော ပုဂ္ဂိုလ်များက သော်လည်းကောင်း မြန်မာနိုင်ငံနှင့် ပတ်သက်သည့် အကြောင်းအရာ နှစ်ခုကို စိတ်ဝင်တစား မေးမြန်းလေ့ ရှိပါသည်။

ထိုအကြောင်းအရာ နှစ်ခုသည် ရခိုင်ပြည်နယ်တွင် ဖြစ်ပွားခဲ့သော ပဋိပက္ခ နောက်ဆက်တွဲ အခြေအနေများနှင့် ငြိမ်းချမ်းရေး နိုဗဲလ် ဆု ရှင် ဒေါ်အောင်ဆန်းစုကြည်တို့ အကြောင်းပင် ဖြစ်သည်။

ယခုနှစ်ပိုင်းအတွင်း နိုင်ငံတကာက စိတ်ဝင်စားသော မြန်မာနိုင်ငံနှင့်ပတ်သက်သည့် အကြောင်းအရာများ၌ ရခိုင်ပဋိပက္ခ နောက် ဆက် တွဲသည် ဒေါ်အောင်ဆန်းစုကြည်၏ နိုင်ငံရေးလှုပ်ရှားမှု အခြေအနေထက် စိတ်ဝင်စားဖွယ်ရာ အကြောင်းအရာတခု ဖြစ်သည် ဟု ဆိုရပါမည်။

ထိုအကြောင်းအရာ နှစ်ရပ်နှင့် ပတ်သက်သည့် မေးခွန်းများကို အမေးခံလိုက်ရသည့် မြန်မာနိုင်ငံသားများသည် ဒေါ်အောင်ဆန်းစုကြည်နှင့် ပတ်သက်သည့် အခြေအနေကို ဖြေကြားပေးနိုင်သော်လည်း ရခိုင်ပဋိပက္ခကို ဖြေကြားပေးရန်သည် သမိုင်းကြောင်းနှင့်ချီပြီး ရှင်းပြရမည့် ကိစ္စရပ် ဖြစ်နေသဖြင့် ခက်ခဲကြောင်း ပြောဆိုမှုများကိုလည်း တွေ့မြင်ရသည်။

မြန်မာနိုင်ငံသားများက ဖြေကြားပြောဆိုရန် ခက်ခဲနေသော်လည်း ရခိုင်ပဋိပက္ခ နောက်ဆက်တွဲ လူမှုစီးပွား အခြေအနေများနှင့် ပတ် သက်သည့် သတင်းနှင့် သတင်းဆောင်းပါးများကို နိုင်ငံတကာ သတင်းမီဒီယာများက အလေးထားရေးသား ဖော်ပြနေကြပါသည်။

ပြည်ပမီဒီယာများက စိတ်ဝင်စားဖွယ် ရေးသားနေခြင်းမှာ ရခိုင်ပြည်နယ် ပဋိပက္ခနောက်ပိုင်း ဒေသခံ ရခိုင်လူမျိူးများထက် လူနည်းစု ဘင်္ဂါလီ(မွတ်စလင်) လူမျိူးများ၏ စီးပွားရေး၊ ပညာရေး၊ ကျန်းမာရေး၊ လူမှုရေးများကို အခြေခံသည့် လူ့အခွင့်အရေးဆိုင်ရာများနှင့် ပတ်သက်ပြီး လက်ရှိအစိုးရနှင့် လူသိထင်ရှား အတိုက်အခံများကပါ လျစ်လျူရှုနေခြင်းကြောင့် ဖြစ်သည်ဟု ပြောဆိုရေးသားကြ သည်။

ထို့အပြင် ဘာသာခြား ဘင်္ဂါလီ လူမျိူးများ၏ လူသားချင်းဆိုင်ရာ အခွင့်အရေးများကို အစိုးရ၊ အတိုက်အခံများသာမက ပြည်တွင်းရှိ လူ့မှုအဖွဲ့အစည်းများကပါ မျက်ကွယ်ပြု လျစ်လျူရှု နေသည်ဟု နိုင်ငံတကာ လူ့အခွင့်အရေးဆိုင်ရာ စောင့်ကြည့် လေ့လာသူများနှင့် နိုင်ငံတကာ ခေါင်းဆောင်များကပါ ဝေဖန်ပြောဆို လာကြသည်။

သို့သော် ထိုပဋိပက္ခ၏ အခြေခံသည် ခေတ်အဆက်ဆက် မြန်မာအစိုးရ လက်ထက်များကတည်းက တိုးတိုးကြိတ်ကြိတ် ဖြစ်နေ သော ဒေသခံ ရခိုင်များနှင့် ရွှေ့ပြောင်းအခြေချ နေထိုင်လာကြသူများ အကြားရှိ ပြဿနာများပင် ဖြစ်သည်။

ရခိုင်ပြည်နယ်သည် ဖွံဖြိုးတိုးတက်မှု နိမ့်ကျနေသော မြန်မာနိုင်ငံ၏ ဒုတိယမြောက် အဆင်းရဲဆုံး ပြည်နယ်တခု ဖြစ်သကဲ့သို့ ခေတ် အဆက်ဆက် အစိုးရများ၏ အုပ်ချူပ်ရေးစနစ် အားနည်းချက်များ ဒဏ်ကိုလည်း များစွာခံခဲ့ရသည့် ပြည်နယ်တခုလည်း ဖြစ်နေ သည်။

ထိုသို့သော ဒဏ်ရာများစွာ ရရှိခဲ့သည့် ရခိုင်ပြည်နယ်သည် ဖွံဖြိုးမှု ကျဆင်းပြီး ပညာရေး၊ စီပွားရေး နိမ့်ကျမှုများကို ရာစုနှစ် ချီ၍ ရင် ဆိုင်ခဲ့ရသည်။

ခြစားမှုများ ရှိနေသော အစိုးရ ဗျူရိုကရေစီ အုပ်ချူပ်ရေး ယန္တရား စနစ်များကြောင့် ရခိုင်ဒေသခံများ၏ စိုးရိမ်သောကနှင့် အကျပ် အတည်းများသည်လည်း တစစဖြင့် ကြီးထွားလာခဲ့သည်။

ပထ၀ီဝင် အနေအထားအရ မြန်မာနိုင်ငံ အနောက်ဘက် အခြမ်း၌ တည်ရှိနေသော ရခိုင်ပြည်နယ်တွင် နယ်နိမိတ်ချင်း ထိစပ်နေ သည့် ဘင်္ဂလားဒေ့ရှ် နိုင်ငံမှ ရွှေ့ပြောင်းဝင်ရောက် အခြေချ နေထိုင်လာသူများ နှစ်ပေါင်းရှည်ကြာ ကာလကပင်ရှိနေခဲ့သည်။

ထို ရွှေ့ပြောင်း နေထိုင်သူများနှင့် ဒေသခံ ရခိုင်လူမျိူးများအကြား ဘာသာမတူ လူမျိူးမတူညီခြင်း အပြင် အကျိူးစီးပွား ဆိုင်ရာများအပါအ၀င် ရွှေ့ပြောင်းအခြေချ နေထိုင်သူများဘက်က နိုင်ငံသား အသိအမှတ်ပြုရန် သာမက တိုင်းရင်းသား အဖြစ်လက်ခံရန် တောင်းဆိုလာချိန်၌ ပဋိပက္ခ ရေချိန်လည်း မြင့်တက်လာခဲ့ရကြောင်း လေ့လာသူများက သုံးသပ်ကြသည်။

ရခိုင်လူမျိုး ဒုက္ခသည် အမေအို တဦးကို ၂၀၁၃ ခုနှစ် အတွင်းက တွေ့ရစဉ် (ဓာတ်ပုံ – ဂျေပိုင်/ဧရာဝတီ)

အစိုးရ၏ ပံ့ပိုးထောက်ပံ့မှု နည်းပါးမှုဒဏ်ကြောင့် စီးပွားရေး၊ ပညာရေး၊ ကျန်းမာရေး နှင့် လူမှုဘ၀ ဖွံဖြိုးနိမ့်ကျမှုကို ဆယ်စုနှစ်နှင့်ချီ ၍ ခံစားလာရသော ဒေသခံ ရခိုင်လူမျိူးများသည် ၎င်းတို့၏ ဒေသဖြစ်သော အနောက်ဘက် အခြမ်းကို ကာကွယ်နိုင်ရေး အတွက် ကြိုးပမ်းနေရချိန် ပဋိပက္ခ ဖန်တီးချင်သူ တချိူ့က ဘာသာရေး၊ လူမျိူးရေးကို အခြေခံသော မှိုင်းတိုက်မှုများ ဖန်တီးလိုက်၍ ကမ္ဘာကပင် သိလာရသည့် ပဋိပက္ခကြီး ရခိုင်ပြည်နယ်၌ ၂၀၁၂ ခုနှစ်အတွင်း ဖြစ်ပွားခဲ့ရသည်ဟု သတင်းမီဒီယာများကလည်း ရေးသားခဲ့ကြ သည်။

ပဋိပက္ခကြီး နောက်ပိုင်း နောက်ဆက်တွဲ ပြဿနာအဖြစ် ဒေသခံ ရခိုင်လူမျိူးများနှင့် ရွှေ့ပြောင်း အခြေချ နေထိုင်လာကြသော ဘင်္ဂါလီ လူမျိူးစု နှစ်စုအကြား အတူယှဉ်တွဲ နေထိုင်၌ မရတော့ခြင်း၊ ယုံကြည်မှု ပျက်ပြယ်ခြင်း၊ ယုံမှားသံသယ ရှိနေခြင်းများကြောင့် အာဏာပိုင်များက လုံခြုံမှုရှိစေရန် ရည်ရွယ်ပြီး ဘင်္ဂါလီ လူမျိူးများကို ဒုက္ခသည် စခန်းဆောက်လုပ် နေထိုင်စေ၍ လုံခြုံရေးယူပြီး စောင့်ရှောက်ထားသည်။

အစိုးရက ဒုက္ခသည် ဘင်္ဂါလီ လူမျိူးများကို အကန့်အသတ်ဖြင့်သာ သွားလာခွင့်ပြုခြင်း၊ ပြည်စုံ လုံလောက်သော ပံ့ပိုးမှုမျိူးကို ထောက်ပံ့ကူညီမှု မပေးနိုင်ခြင်း၊ နိုင်ငံတကာ အကူအညီများအပေါ် ဒေသခံ ရခိုင်လူမျိူးများက ကန့်ကွက်နေခြင်းတို့က ဘင်္ဂါလီ လူမျိူးများအား လူသားချင်း စာနာမှု ဆိုင်ရာ အခွင့်အရေးများကို လျစ်လျူရှုသည့် အကြမ်းဖက်မှုဟု နိုင်ငံတကာက ရှုမြင်လာကြသည်။

ICFJ (International Center for Journalists ) အဖွဲ့၏ မီဒီယာ အမှုဆောင် အကြံပေး ဖြစ်ပြီး The Washington Post နှင့် The Wall Street Journal တို့၏ အယ်ဒီတာအဖြစ် တာဝန်ယူခဲ့သူ Mr. Marcus Brauchli က ရခိုင်ပြည်နယ်၌ ဖြစ်ပေါ်နေသော ရိုဟင်ဂျာ(ဘင်္ဂါလီ) အရေးကိစ္စသည် စစ်ပွဲကြီးများတွင် ဖြစ်ပေါ်ခဲ့သော လူ့အခွင့်အရေး ချိူးဖောက်မှုနှင့် မတူဘဲ၊ အကြမ်းဖက်မှု အသွင် ဆောင် သည့် လူသားဆိုင်ရာ အခွင့်အရေးအား လျစ်လျူရှုမှုဟု ယူဆပြီး နိုင်ငံတကာက စိတ်ဝင်တစား စောင့်ကြည့်နေရခြင်း ဖြစ် သည်ဟု မြန်မာသတင်း မီဒီယာများကို ပြောဆိုခဲ့သည်။

အလားတူ ဂျာမနီနိုင်ငံ အခြေစိုက် taz.de သတင်းစာ၏ အာရှ-ပစိဖိတ် ဒေသဆိုင်ရာ သတင်းအယ်ဒီတာဖြစ်သူ Mr. Sven Hansen က မြန်မာနိုင်ငံနှင့် ပတ်သက်သော သတင်းများ၌ ဒေါ်အောင်ဆန်းစုကြည်၏ သတင်းများထက် ရခိုင်ပြည်နယ် ပဋိပက္ခသတင်းများကို လူတွေ ပိုအာရုံစိုက်လာသဖြင့် ပျမ်းမျှအားဖြင့် သတင်းအေဂျင်စီများက ရေးသားထားသည်များကို ဂျာမန် ဘာသာဖြင့် ပြန်ဆိုပြီး တလလျှင် ၁ ပုဒ်ခန့် ဖော်ပြလာသည်ဟု ပြောဆိုသည်။

ယခင် အစိုးရများ အုပ်ချူပ်စဉ် တလျှောက်၌ ၀င်ရောက်သွားလာခွင့် ကန့်သတ်ခံခဲ့ရသော ရခိုင်ပြည်နယ်ကို ၂၀၁၂ ခုနှစ် အတွင်း ဖြစ်ပေါ်ခဲ့သော ပဋိပက္ခကြီး နောက်ပိုင်း နိုင်ငံတကာ အဖွဲ့အစည်းများ၊ နိုင်ငံတကာ သတင်းမီဒီယာများနှင့် လေ့လာစောင့်ကြည့်သူ တချိူ့ကို လက်ရှိ အစိုးရက သွားလာခွင့် ပြုလာ၍ လူမျိူးနှစ်စုကြားရှ်ိ ပြဿနာအား နိုင်ငံတကာက လေ့လာ စောင့်ကြည့်ခွင့်ရလာ ခဲ့ သည်။

နိုင်ငံတကာ သတင်းမီဒီယာဌာန အသီးသီးကလည်း ရခိုင်ပြည်နယ် အတွင်းသို့ ကိုယ်တိုင်ကွင်းဆင်း လေ့လာပြီး ရေးသားတင်ဆက် လာကြသည်။

ပဋိပက္ခနောက်ပိုင်း နယ်မြေ ကန့်သတ်ထားသော ဒုက္ခသည်စခန်းများ၌ နေထိုင်နေကြရသည့် ဘင်္ဂါလီ လူမျိူးများ၏ လူနေမှုဘ၀များ ယိုယွင်းကာ စီးပွားရေးချိူ့တဲ့လာမှုကြောင့် အလုပ်အကိုင် အခွင့်အလမ်းများ ရှားပါးခြင်း၊ ၀င်ငွေ မရရှိခြင်းတို့ကြောင့် မိခင်နှင့်ကလေး များ အာဟာရ ချိူ့တဲ့လာကြောင်း၊ လူငယ်များသည်လည်း နေရပ်ကို စွန့်ခွာပြီး ပင်လယ်ပြင်ကို စွန့်စားကျော်ဖြတ်၍ လုပ်ငန်းများ ရှာဖွေနေကြရကြောင်း သတင်းများလည်း ရေးသားလာကြသည်။

စစ်တွေမြို့ ဘုမင်ရွာရှိ ဘင်္ဂါလီ ဒုက္ခသည် စခန်းတွင် နေထိုင်သော အသက် ၆၀ နီးပါးရှိ ဦးအောင်ဝင်းက“ကျနော်တို့ ဘိုးဘွားတွေ လက်ထက်ကတည်းက နေထိုင်ကြတာပဲ၊ ကိုယ့်ကိုယ်ကိုယ် မွတ်စလင် ရခိုင်လို့ပဲ ထင်ထားတာ၊ ရခိုင်အိမ်နီးချင်တွေနဲ့ အတူနေ တယ်။ ရခိုင်စကားပဲ ပြောတယ်။ ပဋိပက္ခတွေ ဖြစ်ပြီးနောက်လည်း သူတို့တွေနဲ့ မဆက်သွယ်ဘဲ ကျနော်တို့ချည်း နေလို့မှ မရတာ၊ ဒုက္ခသည် စခန်းထဲ သူတို့ ၀င်ထွက် သွားလာလို့ရတော့ လိုအပ်တာတွေ လာရောင်းနေကြတာပဲ။ ဒီစခန်းထဲလာတဲ့ သူတို့ကို ဘယ် သူမှ ဒုက္ခမပေးဘူး။ အပြင်မှာ ပြောဆိုနေကြတာတွေက တမင်ကို ရည်ရွယ်ချက်ရှိရှိ လုပ်နေကြတာ။ ကျနော်တို့တွေထဲကလည်း အာဏာပိုင်တွေကို ပိုက်ဆံ သိန်း ဆယ်ချီ ပေးနိုင်ရင် အပြင်ကို သွားနိုင်တယ်။ ဒီဒုက္ခသည် စခန်းမှာ ပိုက်ဆံသာ ရှာဖို့မလွယ်တာ။ ဒါတွေကို အစိုးရက မသိဘူးဆိုတာ မဖြစ်နိုင်ပါဘူး”ဟု ပြောပြသည်။

အလားတူ ဒေသခံ ရခိုင်လူမျိူးများကလည်း ဖြစ်ပွားခဲ့သော ပဋိပက္ခသည် ပညာရေးစံချိန် နိမ့်ပါးလွန်းသော ဒေသခံ ရခိုင်များအပေါ် ဆူပူထကြွလိုသူများက အလွယ်တကူ သွေးထိုးလှုံ့ဆော် နိုင်ခြင်းကြောင့် ဖြစ်ပွားရခြင်း ဖြစ်ကြောင်း၊ မိမိတို့ဒေသ အကျိူးစီးပွား နစ်နာမှုသည် ဘင်္ဂါလီ လူမျိူးများကြောင့် မဟုတ်ဘဲ အစိုးရက ပံ့ပိုးကူညီမှုနည်းပြီး ဒေသမှ ထွက်ရှိသော သဘာဝရင်းမြစ်များကိုသာ သုံးစွဲ ယူငင်သွားသည့် အတွက် ဆင်းရဲမွဲတေမှုကို ပိုမိုခံစားလာရကြောင်း ပြောဆိုကြသည်။

စစ်တွေမြို့ ဒေသခံ ရေလုပ်ငန်းရှင် တဦးဖြစ်သူ ဦးဇော်ဝင်းကလည်း“အစိုးရက ဒေသခံတွေ အဓိက လုပ်ကိုင်ကြတဲ့ ရေလုပ်ငန်းကို ဖွံဖြိုးအောင် မလုပ်ပေးတဲ့ အပြင် သဘာဝ ပင်လယ် ငါးဖမ်းလုပ်ငန်းတွေကိုလည်း နိုင်ငံခြားသားတွေကို လုပ်ကိုင်ခွင့် ပြုတယ်။ ဒီမှာ ကုလား တန် ရေနက်ဆိပ်ကမ်း စီမံကိန်း လာလုပ်နေတော့ ဒေသခံတွေ အလုပ်ရတယ်သာပြောတာ အလုပ်ကြမ်း လုပ်တာတောင် ၃၅၀၀ ပဲ ရတယ်။ ဈေးထဲမှာ ပစ္စည်ထမ်းတောင် ဒီလုပ်ခထက် ပိုရကြတယ်။ စီမံကိန်းပြီးလည်း အိန္ဒိယပဲ အကျိူးများမှာ၊ ဒါတွေက ဒေသခံထက် အစိုးရကသာ ကောင်းစားသွားတာ”ဟု ပြောသည်။

ရခိုင်ပြည် ပဋိပက္ခ အခြေအနေများနှင့် ပတ်သက်ပြီး မြန်မာနိုင်ငံသို့ နိုဝင်ဘာလ အတွင်းက လာရောက်ခဲ့သည့် အမေရိကန် သမ္မတ မစ္စတာ အိုဘားမားက တိုင်းပြည်တပြည်ရှိ ပြည်သူများသည် လူမျိူးရေး၊ ဘာသာရေးကို အခြေခံပြီး ခွဲခြားမှု ခံရလျှင် ဖွံဖြိုးတိုးတက် သည့် တိုင်းပြည်တခု ဖြစ်မလာနိုင်ကြောင်း၊ ကမ္ဘာကြီးတွင် ကွဲပြားခြားနားသည့် ယဉ်ကျေးမှု၊ ယုံကြည်မှုများ ရှိနေကြရာ မလွှဲမရှောင် သာ ထိပ်တိုက်တွေ့ကြရမည် ဖြစ်ကြောင်း၊ ထိုအခြေအနေများ အပေါ် တဦးနှင့်တဦး သည်းခံပြီး လေးစားမှုဖြင့် ဖြေရှင်းနိုင်မှသာ အောင်မြင်စွာ ကျော်လွှားနိုင်မည် ဖြစ်ကြောင်း ရန်ကုန် တက္ကသိုလ် စိန်ရတုခန်းမ၌ မြန်မာနှင့် အာဆီယံ လူငယ်များအား တွေ့ဆုံစဉ် ပြောဆိုခဲ့သည်။

လက်ရှိအချိန်၌ ရခိုင်ပြည်နယ် အတွင်း လူဦးရေ ၃.၂ သန်း နေထိုင်ပြီး ဘင်္ဂါလီ လူမျိူးများသည် လူနည်းစုဖြစ်ကာ လူဦးရေ အချိုးအစားအရ ရခိုင်လူမျိုး ၂ ယောက်ရှိလျှင် ဘင်္ဂါလီလူမျိူး ၁ ယောက်သာ ရှိသော်လည်း ရခိုင်ပြည်နယ် အနောက်ဘက်ခြမ်း ဘင်္ဂလားဒေ့ရှ် နိုင်ငံနှင့် နယ်နိမိတ်ချင်း ထိစပ်နေသော မောင်တောဒေသတွင် အဆိုပါ ကိန်းဂဏန်းများသည် ပြောင်းပြန် ဖြစ်နေပြီး လူဦးရေ ၅ သိန်း ၁ သောင်း ရှိရာတွင် ရခိုင်လူမျိူး (သို့) ဘင်္ဂါလီ လူမျိူး မဟုတ်သူက ၃ သောင်း သာ ရှိသည်ဟု Reuters သတင်း ဌာန မှတ်တမ်းတွင် ဖော်ပြထားသည်။

မည်သို့ပင် ဖြစ်စေ ပဋိပက္ခ ဖြစ်ပွားခဲ့သည်မှာ ၂ နှစ်ကျော် ကြာခဲ့ပြီဖြစ်သော ရခိုင်ပြည်နယ်ကို တခါတခေါက်မှ ရောက်ဖူးခြင်း မရှိသေးသူ တဦးသည် ဒေသန္တရ လေ့လာရေးအနေဖြင့် သော်လည်းကောင်း၊ လုပ်ငန်း တာဝန်အရ သော်လည်းကောင်း ရခိုင်ပြည်နယ် အတွင်းက မြို့တမြို့ကို သွားရမည် ဆိုပါလျှင် ဖြစ်ပွားခဲ့သော ပဋိပက္ခများကြောင့် တည်ငြိမ် အေးချမ်းမှု ရှိပါ့မလား၊ လုံခြုံမှုရော ရှိပါ့မလား ဆိုသည့် သံသယစိတ် အရိပ်မည်းသည် ယနေ့ အချိန်အထိ ရှိနေသေးသည်မှာ အမှန်ပင် ဖြစ်ပါသည်။ ။

The post ပစ်ပယ်မထားရမည့် အနောက်ဘက်ခြမ်းက လူမှုဘ၀များ appeared first on ဧရာဝတီ.