စံပြ ဂျိုလီ

ကချင်ဒုက္ခသည် စခန်းရောက် ဂျိုလီ (ဓာတ်ပုံ – UNHCR)

မြန်မာနိုင်ငံမြောက်ပိုင်း ပဋိပက္ခဒေသများသို့ သွားရောက်၍ ဒုက္ခသည်များနှင့် တွေ့ဆုံခဲ့ပြီးနောက် နာမည်ကျော် ဟောလီးဝုဒ် ရုပ်ရှင်မင်းသမီး အင်ဂျလီနာ ဂျိုလီပစ်က လိင်ပိုင်းဆိုင်ရာ အကြမ်းဖက် စော်ကားမှု ကျူးလွန်ခဲ့သူ များကို ဥပဒေအရ အရေးယူနိုင်ရေး တောင်းဆိုလိုက်သည်။

ကုလသမဂ္ဂ၏ အထူးကိုယ်စားလှယ်တဦး ဖြစ်သည့် ဂျိုလီသည် မြန်မာနိုင်ငံသို့ ဇူလိုင်လ ၂၉ ရက်နေ့တွင် ရောက်ရှိလာ ခဲ့ပြီး နေပြည်တော်၌ သမ္မတ ဦးသိန်းစိန်၊ လွှတ်တော်ဥက္ကဋ္ဌ သူရဦးရွှေမန်း တို့နှင့် တွေ့ဆုံခဲ့သလို ၂၀၁၁ ခုနှစ်မှစ၍ ဖြစ်ပွားခဲ့ရသည့် ပြည်တွင်းစစ်ကြောင့် လူပေါင်း ၁၀ဝ၀ဝ၀ ခန့် အိုးမဲ့အိမ်မဲ့ ဖြစ်ခဲ့ရသည့် ကချင်ပြည်နယ်သို့ သွား ရောက်ခဲ့ပါသည်။

“ဒီခရီးစဉ်က ကာလရှည်ကြာပြီ ဖြစ်တဲ့ ပြည်တွင်းစစ် အတွင်းမှာ နေထိုင်နေရတဲ့ အမျိုးသမီးတွေ မိန်းကလေးတွေ အနေနဲ့ လိင်အကြမ်းဖက်မှု၊ လူကုန်ကူးမှုနဲ့ အခြား လူ့အခွင့်အရေး ချိုးဖောက်မှုတွေ အပေါ် ခုခံနိုင်ခြင်း အားနည်းနေ တာကို တွေ့ရပါတယ်” ဟု သူက ပြောခဲ့ကြောင်း ဗြိတိန်သံရုံးမှ ထုတ်ပြန်ခဲ့သည့် ကြေညာချက် တစောင်တွင် ဖော်ပြ ထားပါသည်။

ပြည်တွင်းမှ အကူအညီပေးရေး အဖွဲ့အစည်း များက လိင်အကြမ်းဖက်မှု၏ သားကောင်ဖြစ်ခဲ့သူများကို အကူအညီ ပေးရန် ကြိုးစားနေကြကြောင်း၊ သို့ သော်လည်း ကျန်းမာရေး စောင့်ရှောက်မှု၊ ဥပဒေနှင့် စိတ်ပိုင်းဆိုင်ရာ အထောက် အကူများ အရေးတကြီး လိုအပ်နေသည်ဟု သူက ထပ်ပြောသည်။ ထို့ပြင် အပြစ်ကျူးလွန်သူများ အားလုံးကို အပြစ်ပေး အရေးယူရန် အတွက် အင်အားကောင်းသည့် ဥပဒေ မူဘောင်တခု လိုအပ်သည် ဟုလည်း သူက ဆိုသည်။

မြန်မာနိုင်ငံ၏ နယ်စပ်ဒေသများတွင် အစိုးရတပ်နှင့် တိုင်းရင်းသား လက်နက်ကိုင် အဖွဲ့များကြား တိုက်ပွဲများ ကာလ ကြာရှည်စွာ ဖြစ်ပွားခဲ့ပြီး ယခုတိုင် အချို့နေရာများတွင် ဆက်လက် တိုက်ခိုက်နေဆဲ ဖြစ်သည်။

သမ္မတ ဦးသိန်းစိန်၏ အရပ်သား အမည်ခံ အစိုးရ တက်လာခဲ့သည့် ၂၀၁၁ ခုနှစ်အထိ မြန်မာ နိုင်ငံကို အုပ်ချုပ်ခဲ့သည့် စစ်တပ် အပေါ် လိင်အကြမ်းဖက်မှုနှင့် အဓမ္မခိုင်းစေမှု အပါအဝင် လူ့အခွင့်အရေး ချိုးဖောက်မှုများ အတွက် စွပ်စွဲမှုများ ရှိနေသလို အခြား လက်နက်ကိုင် အဖွဲ့များကလည်း အလားတူ ကျူးလွန်မှုများ ရှိကြောင်း စွပ်စွဲမှုများ ရှိနေသည်။

ဂျိုလီသည် အတိုက်အခံ ခေါင်းဆောင် ဒေါ်အောင်ဆန်းစုကြည်၏ ဖိတ်ကြားချက်ကြောင့် လာရောက်ခြင်း ဖြစ်သည်ဟု ဗြိတိန်သံရုံး၏ အဆိုအရ သိရသည်။ ဗြိတိန်သံရုံးသည် လိင်အကြမ်းဖက်မှု ကျူးလွန်သူများကို စွဲချက်တင်နိုင်ရေး အတွက် ဆောင်ရွက်နေသော Preventing Sexual Violence Initiative အမည်ရှိ အစီအစဉ်တခုကို Angelina Jolie နှင့် ပူးပေါင်း ဆောင်ရွက်နေခြင်း သည်။

ဂျိုလီ၏ ကျော်ကြားမှု ဘဝအစပိုင်းများတွင် သူ့ကို ရုပ်ရှင်မင်းသား Jon Voight ၏ သမီး ခပ်ဆိုးဆိုး မင်းသမီးငယ် တယောက်အဖြစ် ပရိသတ်က သိခဲ့ကြသည်။ မူးယစ်ဆေးလည်း သုံးစွဲခဲ့သည်ဟု ဆိုကြသည်။

သို့သော်လည်း ယခုအခါတွင် အော်စကာဆုရှင် တယောက်လည်း ဖြစ်လာသော ဂျိုလီကို လူသားချင်း စာနာထောက် ထားမှု ဆိုင်ရာအလုပ်များ လုပ်ရင်း ကလေး ၆ ဦးကို စောင့်ရှောက်နေသည့် မိခင်တယောက် အဖြစ် ပို၍ သိလာခဲ့ကြ သည်။

ကမ္ဘာပေါ်မှ လူအများစု ရင်ဆိုင်နေရသည့် ပြဿနာ အခက်အခဲများ၏ အတိုင်းအတာကို ၂၀ဝ၁ ခုနှစ်က ကမ္ဘောဒီးယား နိုင်ငံတွင် Lara Croft: Tomb Raider ဇာတ်ကားကို ရိုက်ကူးရင်း စတင်သိရှိလာခဲ့သည်။ ကမ္ဘောဒီးယား နိုင်ငံမှ ပြည်သူများ၏ ဒုက္ခဆင်းရဲကို မြင်တွေ့ရခြင်းက သူ့အနေဖြင့် မည်ကဲ့သို့ ကူညီပေး နိုင်မည်ကို သိနိုင်ရန် ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးရုံး (UNHCR) ကို ဆက်သွယ်ဖို့ ဖြစ်လာခဲ့သည်။ ထို့နောက် သူ၏ ပထမဆုံး ခရီးစဉ်အဖြစ် ဆီယာရာလီယွန်နှင့် တန်ဇန်းနီးယားသို့ ၁၈ ရက်ကြာ သွားရောက်ခဲ့သည်။

ကမ္ဘောဒီးယား နိုင်ငံသို့လည်း နောက်တခေါက် ၂ ပတ်ကြာ ပြန်လာခဲ့ပြီးနောက် အာဖဂန် ဒုက္ခသည်များကို တွေ့ဆုံရန် အတွက် ပါကစ္စတန်နိုင်ငံသို့ သွား ရောက်ခဲ့ပြန်သည်။ မကြာမီမှာပင် ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးရုံး (UNHCR) က သူ့ကို ချစ်ကြည်ရေး သံအမတ်တဦး အဖြစ် ခန့်အပ်လိုက်သည်။

(UNHCR) ၏ ချစ်ကြည်ရေး သံအမတ် အဖြစ် ခန့်အပ်ခြင်း ခံရပြီးနောက် နိုင်ငံပေါင်း ၃၀ ကျော်သို့ ဂျိုလီ သွားရောက် ခဲ့ပြီး ဖြစ်သည်။ အသက်အန္တရာယ် ရှိသည့် အဖြစ်များနှင့်လည်း ကြုံခဲ့ရသည်။ မကြာသေးမီက အာဖဂန်နစ္စတန်သို့ သွားရောက်စဉ် ခင်ပွန်းသည် မင်းသား ဘရက်ပစ် (Brad Pitt) အတွက် နှုတ်ဆက်စာ တစောင် ရေးထားခဲ့ရကြောင်း သူက ထုတ်ဖော် ပြောဆိုခဲ့သည်။ သူ့ကိုပစ်မှတ်ထား၍ တိုက်ခိုက်မှုများ ရှိနိုင်သောကြောင့် ဖြစ်ပါသည်။ ဂျိုလီ ပြန်သွား ပြီး ၂ ပတ် အကြာတွင် ကုလသမဂ္ဂ၏ ဘန်ကာကျင်း တိုက်ခိုက်ခြင်း ခံရပြီး အတွင်းရှိသူ အားလုံး သေဆုံးခဲ့ရသည်။

(UNHCR) ၏ ချစ်ကြည်ရေး သံအမတ်အနေဖြင့် ပြည်တွင်းစစ်ပွဲများနှင့် ပဋိပက္ခ အမျိုးမျိုးဖြစ်ပွား နေသည့် ဆူဒန်၊ ချတ်ဒ်၊ အီရတ်နှင့် လစ်ဗျားနိုင်ငံများသို့လည်း သွားရောက်ခဲ့သည်။

ဂျိုလီက ဒုက္ခသည်များနှင့် ပဋိပက္ခကြောင့် အိုးမဲ့အိမ်မဲ့ ဖြစ်ခဲ့ရသူများကို အာရုံစိုက် အလေးပေးခဲ့သည်။ အဆိုပါ ပြဿနာများကို သူ သွားရောက်ခဲ့သည့် ဆီယာရာလီယွန်၊ တန်ဇန်းနီးယား၊ ကမ္ဘော ဒီးယား၊ ပါကစ္စတန်၊ ထိုင်း၊ အီကွေဒေါ၊ ကိုဆိုဗို၊ ကင်ညာ၊ နမီးဘီးယား၊ သီရိလင်္ကာ၊ မြောက်ကော့ ကေးဆပ်၊ ဂျော်ဒန်၊ အီဂျစ်၊ နယူးဒေလီ၊ ကော့စတာ ရီကာ၊ ချတ်ဒ်၊ ဆီးရီးယားနှင့် အီရတ်တို့တွင် မြင်တွေ့ခဲ့ရသည်။

ဟေတီနိုင်ငံမှ ငလျင်ဘေး ဒုက္ခသည်များ ကဲ့သို့ သဘာဝ ဘေးအန္တရာယ်ကြောင့် အိုးမဲ့အိမ်မဲ့ ဖြစ်ခဲ့ရ သူများကိုလည်း သူ ကူညီခဲ့သည်။

ကုသိုလ်ဖြစ် အလှူအဖွဲ့အစည်း အမြောက် အမြားကိုလည်း တည်ထောင်ခြင်း၊ ငွေကြေး ထောက်ပံ့ခြင်းများ လည်း သူက ပြုလုပ်ခဲ့ပါသည်။ ၂၀ဝ၃ ခုနှစ်တွင် သူ၏ မွေးစားသား ကမ္ဘောဒီးယား လူမျိုး ကလေးငယ် မက်ဒေါ့စ် (Maddox) ၏ အမည်ကို အစွဲပြု၍ Maddox Jolie-Pitt ဖောင်ဒေးရှင်းကို ထူထောင်ခဲ့သည်။ ကမ္ဘောဒီးယား နိုင်ငံ၏ လူမှုဖွံ့ဖြိုးရေး နှင့် သဘာဝပတ်ဝန်းကျင် ထိန်းသိမ်းရေး လုပ်ငန်းများ ဆောင်ရွက်ရန် ဖြစ်သည်။

ဂျိုလီနှင့် ခင်ပွန်းသည် ဘရက်ပစ်တို့သည် သူတို့၏ ကိုယ်ပိုင်ငွေ ဒေါ်လာသန်းနှင့် ချီ၍ နှစ်စဉ်လှူဒါန်းနေသူများ ဖြစ်သည်။ ၂၀ဝ၉ ခုနှစ် အတွင်း သူတို့ ဇနီးမောင်နှံ၏ လှူဒါန်းမှုက အနည်းဆုံး အမေရိကန်ဒေါ်လာ ၇ သန်းရှိသည်ဟု ဆိုသည်။ သူတို့၏ အမြွှာကလေးငယ်များ ဖြစ်သည့် Knox နှင့် Vivienne တို့ မွေးမွားစဉ်က ကလေးငယ်တို့၏ ပထမဆုံး ဓာတ်ပုံများကို People နှင့် Hello! မဂ္ဂဇင်း များသို့ ရောင်းချခဲ့ပြီး ရရှိသည့် အမေရိကန်ဒေါ်လာ ၁၄ သန်းလုံးကို Maddox Jolie-Pitt ဖောင်ဒေးရှင်း အတွက် အသုံးပြုခဲ့ပါသည်။

မကြာသေးမီက ဂျိုလီသည် ဗြိတိန်နိုင်ငံခြားရေး ဝန်ကြီးဟောင်း William Hague နှင့် ပူးပေါင်း၍ ပဋိပက္ခများတွင် မုဒိမ်းကျင့်ခြင်း ကို လက်နက်သဖွယ် အသုံးချနေခြင်းကို ပိုမိုသိရှိလာ ကြစေရန် ဆောင်ရွက်ခဲ့သည်။

လူသားချင်း စာနာထောက်ထားမှုဆိုင်ရာ ကိစ္စများ၊ ရက်ရောသော အလှူအတန်းများနှင့် မိသားစုကို အလေးထားသည့် မိခင် တယောက်အဖြစ် အပြင် ဂျိုလီက သူ၏ ရင်သားများကို ဖြတ်ထုတ်ပစ်ရန် ဆုံးဖြတ်ခဲ့သည်။ သူ့တွင် ရင်သား ကင်ဆာ ဖြစ်နိုင်သည့် အလားအလာ မြင့်မားလာခြင်းကြောင့် ဖြစ်သည်။

အလှအပ ရုပ်ရည်ဖြင့် ရပ်တည်ရသည့် ရုပ်ရှင်မင်းသမီးတယောက်က ရင်သားများကို ဖယ်ထုတ်ရန် ဆုံးဖြတ်လိုက်ခြင်း ကြောင့် အခြားသော အမျိုးသမီးများ အတွက်လည်း အတုယူစရာ၊ အား တက်စရာလည်း ဖြစ်စေခဲ့သည်။

ခင်ပွန်းသည် ဘရက်ပစ်က အဆိုပါ ဆုံးဖြတ်ချက်နှင့် ပတ်သက်၍ “သူက ပြဿနာတွေကို တည့်တည့်ရင်ဆိုင်တယ်။ သူ့အတွက် အကောင်းဆုံး ဆုံးဖြတ်ချက်လုပ်နိုင်ဖို့ ရွေးချယ်စရာတွေကို ရှာဖွေတယ်။ ပြီးရင် သူက အဲဒါကို တခြားသူ တွေကိုလည်း ဝေမျှပေးတယ်။ ကျနော် အမြဲတမ်း သူ့ဘေးမှာ ရပ်တည်သွားမှာပါ” ဟု World War Z ဇာတ်ကား အထူးပွဲ ပြသသည့် အခမ်းအနားတွင် ပြောခဲ့သည်။

အင်ဂျလီနာ ဂျိုလီပစ်သည် ထိုင်း-မြန်မာ နယ်စပ်ရှိ ဒုက္ခသည် စခန်းများသို့ သွားရောက်ခဲ့ဖူးပြီး ယခု အကြိမ်သည် မြန်မာနိုင်ငံသို့ ပထမဆုံး လာရောက်ခြင်း ဖြစ်သည်။     ။

The post စံပြ ဂျိုလီ appeared first on ဧရာဝတီ.