မြန်မာစစ်ကောင်စီ၏ ကိုယ်ပျောက်မိတ်ဆွေ အိန္ဒိယ

ဝိုင်းကျဉ်ခံရသော မြန်မာစစ်ကောင်စီအကြောင်း တကမ္ဘာလုံး ဆွေးနွေးနေစဉ် စစ်ကောင်စီ၏ မဟာမိတ် အနည်းငယ်ကလည်း ကုလသမဂ္ဂ လုံခြုံရေးကောင်စီတွင် ထောက်ခံမှုရရေးအတွက် ရုရှား၊ တရုတ်တို့နှင့် ထိတွေ့ဆက်ဆံရေးကို အာရုံစိုက်ပြောဆိုနေကြသည်။ သို့သော် ထိုသို့သော ပြောဆိုဆွေးနွေးမှုများတွင် မပါသောနိုင်ငံမှာ အိန္ဒိယနိုင်ငံဖြစ်သည်။

ကမ္ဘာ့အကြီးမားဆုံး ဒီမိုကရေစီနိုင်ငံနှင့် မြန်မာ၏ အနောက်မြောက် အိမ်နီးချင်းဖြစ်သည့် ကြီးမားကျယ်ပြန့်သည့် အိန္ဒိယနိုင်ငံသည် စစ်အုပ်ချုပ်ရေးကို ဆန့်ကျင်သူ ၂,၀၀၀ ကျော်ကို သတ်ထားသည့် စစ်ကောင်စီကို မဆန့်ကျင်ရန် အကောင်းဆုံး ကြိုးစားနေသည်။

မကြာသေးမီက ပြီးဆုံးသွားသည့် ကုလသမဂ္ဂ အထွေထွေညီလာခံတွင် အနည်းငယ် ပိုမိုဝေးကွာသည့် အိမ်နီးချင်းများဖြစ်သော မလေးရှားနှင့် အရှေ့တီမောတို့က မြန်မာကို လုံခြုံရေးကောင်စီက အရေးယူ ဆောင်ရွက်မှု မရှိသောကြောင့် ဝမ်းနည်းကြောင်း ပြောကြားကြပြီး မြန်မာပဋိပက္ခသည် အိမ်နီးချင်းနိုင်ငံများ လုံခြုံရေးနှင့်တည်ငြိမ်ရေးကို ထိခိုက်စေကြောင်း သတိပေးသည်။

ကုလသမဂ္ဂ လုံခြုံရေးကောင်စီတွင် အမြဲတမ်း မဟုတ်သော အဖွဲ့ဝင် တာဝန်ယူနေသည့် အိမ်နီးချင်း အိန္ဒိယနိုင်ငံကိုယ်စားလှယ်၏ အားပျက်စရာ ပြောစကားမှာအထက်ပါ အိမ်နီးချင်း နှစ်နိုင်ငံနှင့် ဆန့်ကျင်ဘက်ဖြစ်နေသည်။ အိန္ဒိယ ကိုယ်စားလှယ်က “ကျနော်တို့က မြန်မာနိုင်ငံကို အစားအစာနဲ့ ကာကွယ်ဆေး တန်ချိန် ၁၀,၀၀၀ ထောက်ပံ့ခဲ့တယ်” ဟုသာ ပြောသည်။

စစ်အာဏာသိမ်းပြီးချိန် နောက်ပိုင်းတွင် အိန္ဒိယသည် စစ်ကောင်စီနှင့်ဆက်ဆံရေး ဆက်လက်ထားရှိပြီး သံတမန်ရေး၊ စစ်ရေး၊ စီးပွားရေးနှင့် ရွေးကောက်ပွဲဆိုင်ရာ နယ်ပယ်များတွင် ဆက်ဆံရေး ကြီးထွားလာနေသည်။

စစ်အာဏာသိမ်းပြီးချိန် နောက်ပိုင်းတွင် အိန္ဒိယသည် စစ်ကောင်စီနှင့်ဆက်ဆံရေး ဆက်လက်ထားရှိပြီး သံတမန်ရေး၊ စစ်ရေး၊ စီးပွားရေးနှင့် ရွေးကောက်ပွဲဆိုင်ရာ နယ်ပယ်များတွင် ဆက်ဆံရေး ကြီးထွားလာနေသည်။

စစ်ကောင်စီခန့် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးတင်ထွဋ်ဦး ဦးဆောင်သည့် ကိုယ်စားလှယ်အဖွဲ့တဖွဲ့သည် အိန္ဒိယ စိုက်ပျိုးရေးသုတေသနဌာန (ICAR) သို့ သွားရောက်ရန် အိန္ဒိယနိုင်ငံသို့ လွန်ခဲ့သောအပတ်က သွားသည်။ ICAR သည် အိန္ဒိယနိုင်ငံပိုင် အမျိုးသား မျိုးစေ့ထုတ်လုပ်ရေး ကော်ပိုရေးရှင်း (NSC) နှင့် ပူးပေါင်းဆောင်ရွက်နေသော လုပ်ငန်းဖြစ်သည်။ ထိုသို့ သွားရောက်ရခြင်းမှာ ပဲတီစိမ်း အပါအဝင် ပဲမျိုးစုံအတွက် မျိုးစေ့များရရှိရန် သွားရောက်ခြင်းဖြစ်ကြောင်း စစ်ကောင်စီ ထိန်းချုပ်မီဒီယာများက ပြောသည်။ စစ်ကောင်စီ ခေါင်းဆောင် မင်းအောင်လှိုင်သည် ခေါင်းစိုက်ကျနေသော စီးပွားရေး အကျပ်အတည်းမှ လွတ်မြောက်ရန် နည်းလမ်းတခုအဖြစ် ပဲအမျိုးမျိုး ပြည်ပတင်ပို့ရန် ကြိုးစားနေသည်။

ထိုကိုယ်စားလှယ်အဖွဲ့တွင် ပါဝင်သူတဦးမှာ စီးပွားရေးကျွမ်းကျင်သူ ဒေါက်တာ ဇော်ဦးဖြစ်သည်။ သူသည် နိုင်ငံတွင် စစ်အုပ်ချုပ်ရေးကို ကူညီရန် ရည်ရွယ်ချက်ဖြင့် စီပွားရေး အကြံပေးအဖွဲ့ ဖွဲ့စည်းရေးအတွက် စစ်ကောင်စီကို အကြံပေးနေသူဖြစ်သည်။ သူသည် မကြာသေးမီကလည်း စစ်ဘက်-အရပ်ဘက် ဆက်ဆံရေး တိုးတက်စေရန် တောင်းဆိုနေပြီး လွန်ခဲ့သောနှစ် အာဏာသိမ်းချိန်းမှစတင်သည့် နယ်ပယ်အားလုံးတွင် ရင်ဆိုင်နေရသည့် ဖရိုဖရဲအခြေအနေများ တိုးတက်ရေးအတွက် ထိုသို့လုပ်ဆောင်ရန် လိုအပ်သည်ဟု သူကပြောသည်။

ထိုကိုယ်စားလှယ်အဖွဲ့သည် မြန်မာမှ ပဲအမျိုးမျိုးတင်ပို့မှုတွင် ပဲတီစိမ်းကို ထည့်သွင်းရန်နှင့် မြန်မာတွင် အိန္ဒိယ ရင်းနှီးမြှုပ်နှံမှုများ ဖိတ်ခေါ်ရန် အိန္ဒိယ ကောက်ပဲသီးနှံအသင်း (IPGA) နှင့် ပြည်ပစိုက်ပျိုးရေး ထုတ်ကုန် ကုန်သည်များအသင်း (OATA) တို့မှ ကိုယ်စားလှယ်များနှင့်လည်း တွေ့ဆုံဆွေးနွေးသည်။ ၎င်းတို့သည် ဝါနှင့် နေကြာမျိုးစေ့များ ဝယ်ရန် အခြား ပုဂ္ဂလိက ကုမ္ပဏီများနှင့်လည်း တွေ့ဆုံသည်။ စစ်ကောင်စီခေါင်းဆောင် မင်းအောင်လှိုင်သည် စားသုံးဆီတင်သွင်းမှုများကို အစားထိုးရန် နေကြာကို အားကိုးနေသည်။

ဖေဖော်ဝါရီလတွင် စစ်အာဏာသိမ်းသောကြောင့် စစ်ကောင်စီကို နိုင်ငံတကာက ပြစ်တင်ရှုတ်ချနေစဉ် အိန္ဒိယနိုင်ငံသည် ၎င်းတို့ကြေညာချက်များတွင် စစ်အာဏာသိမ်းမှုဆိုသည့် စကားကို မသုံးမိရန်နှင့် မရှုတ်ချမိရန် ဂရုတစိုက်ရှောင်ရှားသည်။

လက်ရှိမြန်မာစစ်ကောင်စီနှင့် အိန္ဒိယအကြား နွေးထွေးသော ဆက်ဆံရေးသည် ၂၀၂၁ ခုနှစ် အစောပိုင်းကပင် စတင်သည်။ ထိုနှစ် ဖေဖော်ဝါရီလတွင် စစ်အာဏာသိမ်းသောကြောင့် စစ်ကောင်စီကို နိုင်ငံတကာက ပြစ်တင်ရှုတ်ချနေစဉ် အိန္ဒိယနိုင်ငံသည် ၎င်းတို့ကြေညာချက်များတွင် စစ်အာဏာသိမ်းမှုဆိုသည့် စကားကို မသုံးမိရန်နှင့် မရှုတ်ချမိရန် ဂရုတစိုက်ရှောင်ရှားသည်။

စစ်အုပ်ချုပ်ရေးကို ငြိမ်းချမ်းစွာ ဆန့်ကျင်ကန့်ကွက်မှုများအား စစ်ကောင်စီက သွေးချောင်းစီး ဖြိုခွဲသောကြောင့် နောက်တလတွင် တပ်မတော်နေ့ ကျင်းပသောအခါ နိုင်ငံတကာ စစ်သံမှူးအများအပြားက ထိုနေ့ကို သပိတ်မှောက်ကြသော်လည်း အိန္ဒိယသည် ထိုပွဲသို့ တရုတ်၊ ရုရှား စသည့် လက်တဆုပ်စာသော နိုင်ငံများနှင့်အတူ တက်ရောက်သည်။

ထို့နောက် နိုဝင်ဘာလ ရောက်သောအခါ အိန္ဒိယသည် မြန်မာရေတပ်ခေါင်းဆောင် ဗိုလ်ချုပ်ကြီး မိုးအောင်ကို အိန္ဒိယရေတပ်က ကျင်းပသည့် Goa Maritime Conclave 2021 သို့ ဖိတ်သည်။

သို့သော် အိန္ဒိယစစ်တပ်နှင့် မြန်မာစစ်တပ် ဆက်ဆံရေးသည် အာဏာမသိမ်းမီကပင် ရှိနေသည်။

အိန္ဒိယသည် မြန်မာစစ်သားများကို စစ်သင်တန်းများပေးပြီး မင်းအောင်လှိုင်သည် နယူးဒေလီသို့ မကြာခဏသွားရောက်ကာ ထိုနိုင်ငံမှ စစ်ဗိုလ်များနှင့် ဆက်ဆံရေး ထူထောင်ထားသည်။ ၂၀၂၀ ပြည့်နှစ်တွင် မြန်မာစစ်တပ်သည် အိန္ဒိယထံမှ ၎င်းတို့၏ ပထမဆုံး ရေငုပ်သင်္ဘောကို ရရှိသည်။

ထို့အပြင် အိန္ဒိယသည် မြန်မာနိုင်ငံ အနောက်ပိုင်းမှ ဒေါ်လာ သန်း ၄၀၀ နီးပါးကုန်ကျမည့် ကုလားတန် ဆိပ်ကမ်းနှင့် အဝေးပြေးလမ်း စီမံကိန်းတွင်သာမက ဒေါ်လာသန်း ၂၅၀ ကုန်ကျမည့် ကုန်းတွင်းပိတ် အိန္ဒိယအရှေ့မြောက်ပြည်နယ်များနှင့် ထိုင်းနိုင်ငံကို မြန်မာမှတဆင့် ဆက်သွယ်မည့် နောက်ထပ် စီမံကိန်းတခုကိုလည်း အကောင်အထည်ဖော်နေသည်။

ဗြိတိန်နှင့် သြစတြေးလျကဲ့သို့သော အခြားနိုင်ငံများသည် သံတမန်အဆင့်လျှော့ချပြီး မြန်မာစစ်ကောင်စီနှင့် အဆင်မပြေသော သံတမန်ဆက်ဆံရေးသာ ရှိသော်လည်း အိန္ဒိယသံအမတ် မစ္စတာ ဗီနေးကူးမားသည် စစ်ကောင်စီခေါင်းဆောင် မင်းအောင်လှိုင်ထံ ယခုနှစ် ဧပြီလက သွားရောက်ပြီး သူ၏ သံအမတ်ခန့်အပ်လွှာကို ပေးအပ်သည်။

ဗြိတိန်နှင့် သြစတြေးလျကဲ့သို့သော အခြားနိုင်ငံများသည် သံတမန်အဆင့်လျှော့ချပြီး မြန်မာစစ်ကောင်စီနှင့် အဆင်မပြေသော သံတမန်ဆက်ဆံရေးသာ ရှိသော်လည်း အိန္ဒိယသံအမတ် မစ္စတာ ဗီနေးကူးမားသည် စစ်ကောင်စီခေါင်းဆောင် မင်းအောင်လှိုင်ထံ ယခုနှစ် ဧပြီလက သွားရောက်ပြီး သူ၏ သံအမတ်ခန့်အပ်လွှာကို ပေးအပ်သည်။

ထို့နောက် ရက်သတ္တပတ် အနည်းငယ်ကြာသောအခါ ထိုသံအမတ်သည် စစ်ကောင်စီခန့် ရွေးကောက်ပွဲ ကော်မရှင် (UEC) ဥက္ကဋ္ဌ ဦးသိန်းစိုးကို သွားရောက်တွေ့ဆုံပြီးနောက် ရွေးကောက်ပွဲ လုပ်ငန်းစဉ်အကြောင်း မေးမြန်းသလို လာမည့်ရွေးကောက်ပွဲတွင် ပူးပေါင်းဆောင်ရွက်မည်ဖြစ်ကြောင်း ပြောသည်။ တရုတ်သည်လည်း UEC အရာရှိများကို ထိုလတွင်ပင် သွားရောက်တွေ့ဆုံပြီး ရွေးကောက်ပွဲမတိုင်မီ နိုင်ငံရေးပါတီများကို စစ်ဆေးခြင်း အပါအဝင် ထိုကော်မရှင်၏ လက်ရှိလုပ်ငန်းများအကြောင်း မေးမြန်းသည်။

စစ်ကောင်စီသည် လာမည့်နှစ်တွင် အထွေထွေရွေးကောက်ပွဲ ကျင်းပရန် စီစဉ်နေသော်လည်း ပြည်သူအများစုက ထိုရွေးကောက်ပွဲသည် စစ်ကောင်စီအာဏာ ခိုင်မာအောင်လုပ်ပေးမည့် ရွေးကောက်ပွဲအတုဖြစ်ကြောင်း သိသောကြောင့် ကန့်ကွက်ကြသည်။

ထိုရွေးကောက်ပွဲသည် လိမ်လည်မှုဖြစ်ကြောင်း ကုလသမဂ္ဂ လူ့အခွင့်အရေးဆိုင်ရာ အထူးသံတမန်က သတိပေးပြီး အမေရိကန် ပြည်ထောင်စုကလည်း ထိုရွေးကောက်ပွဲသည် လွတ်လပ်မျှတသည့် ရွေးကောက်ပွဲဖြစ်ရန် အလားအလာ မရှိကြောင်းနှင့် ဒေသတွင်းနှင့် နိုင်ငံတကာကို လိမ်လည်ရန် အားထုတ်မှုသာဖြစ်ကြောင်း ပြောခဲ့သည်။

(ဧရာဝတီ အင်္ဂလိပ်ပိုင်းပါ India: The Myanmar Junta’s ‘Off-the-Radar’ Friend
ကို ဘာသာပြန်သည်။)

You may also like these stories:

မြန်မာနှင့် ပူးပေါင်းဆောင်ရွက်မှု အိန္ဒိယ မည်သည့်အကျိုးကျေးဇူးမျှ မထွက်

မြန်မာစစ်တပ်၏ ရှည်လျားသော မဲလိမ်သမိုင်း

အိန္ဒိယနိုင်ငံသား ၂ ဦးသတ်ဖြတ်ခံရခြင်း၏ နောက်ကွယ်

အိန္ဒိယ၏ ကုလားတန် စီမံကိန်း ပြဿနာသစ်များ ရင်ဆိုင်နေရ

The post မြန်မာစစ်ကောင်စီ၏ ကိုယ်ပျောက်မိတ်ဆွေ အိန္ဒိယ appeared first on ဧရာဝတီ.