ဦးနု၏ “ခေတ်မီပြဇာတ်များ” ကိုကား အတော်စွဲလမ်းခဲ့၏။ လူ့အတ္ထုပ္ပတ္တိ လူ့ဇာတ်ကို သရုပ်ဖော်ပြသော လူ့ဘ၀ ကြေးမုံများ ဖြစ်၏။ ပြဇာတ်ထဲရှိ ပြောသောစကားများမှာ တကယ့်လူဆန်၏။ မြေကြီးနှင့် နီးကပ်၏။ “မယားဆိုးလင်” နှင့် “လင်ဆိုးမယား” မှာ သဘာဝကျလှ၏။
မယားဆိုးလင်ထဲရှိ မိန်းမကြီး၏ လေသံမှာ ဖတ်နေရင်း နားထဲတွင် စူးဝင်လာ၏။ ဖောင်သမားတစ်ဦး၏ မယား လင်ငယ်နေပုံ ပြဇာတ်တစ်ခုမှာ လွမ်းစရာလည်း ကောင်း၏။ သံဝေဂရဖွယ်လည်း ကောင်း၏။ “ နောင်တော်ချွတ်ခန်း” ပြဇာတ်ကား ထိုအခါက သခင်နု၏ လူကျင့်ဝတ်တရားနှင့် နိုင်ငံရေးအမြင်ကို ဖွင့်ဟလိုက်ခြင်းဟု ထင်သည်”
အထက်ပါ မှတ်ချက်ကတော့ ဆရာကြီး ဒဂုန်တာရာက ဦးနုရဲ့ခေတ်မီပြဇာတ်များနဲ့ ပတ်သက်ပြီး ပြုခဲ့တဲ့ မှတ်ချက်ပါ။
စာရေးဆရာ၊ ကဗျာဆရာကြီး ဒဂုန်တာရာ ကုိုယ်တုိုင် စွဲလမ်းခဲ့ရတယ်ဆုိုတဲ့ သခင်နုခေါ် ၀န်ကြီးချုပ်ဟောင်း၊ စာရေးဆရာ ဦးနုရဲ့ ပြဇာတ်တွေ ဖြစ်ပါတယ်။ ကုိုလုိုနီခေတ်မှာ ရေးခဲ့တာ ဖြစ်ပေမယ့် တချို့ပြဇာတ်ပါ ဖော်ပြချက်တွေက ဒီနေ့ခေတ် အထိ ဖြစ်နေဆဲပျက်နေဆဲ လူ့သဘာဝအကြောင်းတွေမုို့ စိတ်ဝင်စားစရာပါ။
နဂါးနီစာအုပ်တိုက်ကနေ ၁၉၄၀ ၀န်းကျင်မှာ ပထမအကြိမ် ထုတ်ဝေခဲ့ပြီး နှစ်ပေါင်း ၇၀ ကျော် တိမ်မြုပ်ပျောက်ကွယ် နေတဲ့ ဦးနုရဲ့ ရှားပါး လက်ရာကောင်းများ ဖြစ်ပါတယ်။
တက်ကြွတဲ့ လူငယ်စာရေးဆရာဘ၀က အရေးအသားတွေဖြစ်ပြီး သာသာနာတော် သန့်ရှင်းရေး၊ အိမ်ထောင်မှုရေးရာနဲ့ နိုင်ငံရေး အမြင်တွေကုို ရဲရဲကြီး ဖွင့်ချရေးထားတာပါ။ ဒီလုို ရှားပါးစာအုပ်ကောင်းတွေကုို မူပုိုင်မိသားစုဆီက ခွင့်တောင်းပြီး ငါတို့စာပေက ဒုတိယအကြိမ် ထုတ်ဝေဖြန့်ချိခဲ့တာပါ။
ဗုဒ္ဓသာသနာတော်တွင်းက သံဃာအရေခြုံတွေကုို ဆရာကြီး သိန်းဖေမြင့်ရဲ့ တက်ဘုန်းကြီးဝတ္ထု မတုိုင်ခင်ကတည်းက ဦးကလိန်ဆုိုတဲ့ ပြဇာတ်နဲ့ ဦးနုက သရော်ခဲ့တာကုိုလည်း ပထမဆုံးဖတ်ရမှာပါ။ ဦးသောဘိတခေါ် ဦးကလိန်ရဲ့ နည်းတွေ လှည့်ကွက်တွေက ခေတ်မီ တုိုးတက်နေပါပြီဆုိုတဲ့ အခုကာလအထိ အသုံးဝင်နေတာကလည်း ဆင်ခြင်စရာပါ။
ဒုတိယ ပြဇာတ် နောင်တော်ချွတ်ခန်း ကတော့ ရှမ်းဘုရင် သုိုဟန်ဘွားလက်ထက် အင်းဝနေပြည်တော်က အခြေအနေကုို နောက်ခံပြီး နိုင်ငံရေးလုပ်မယ့်သူတွေ လုိုက်နာသင့်တဲ့ ကုိုယ်ကျင့်တရားအကြောင်း ထောက်ပြထားတာ ဖြစ်ပါတယ်။
လူ့သဘာဝနဲ့ အိမ်ထောင်ရေး အကျိုးအပြစ်တွေ၊ ရှောင်ရန် ဆောင်ရန်တွေကုိုတော့ မယားဆုိုးလင်နဲ့ လင်ဆုိုးမယား ပြဇာတ်တွေမှာ သေသေချာချာကုို ရှင်းလင်း တင်ဆက်ထားပါတယ်။ မယားကြောက်လင်ကတော့ နာမည်အတုိုင်း ဇနီးမယားကုို ပြားပြားဝပ် ကြောက်နေရတဲ့ ခင်ပွန်းယောက်ျားတွေ အကြောင်း ဟာသနဲ့ပညာပေး ရောပြီးရေးထားတာပါ။
ကျောင်းသား လူငယ်တွေအတွက် ရည်ရွယ်ရေးသားတယ်လုို့ ဆုိုတဲ့ သူ့ရဲ့ဝတ္ထုကတော့ နုိုင်ငံရေးသမား ဆုိုသူတွေရဲ့ နိုင်ငံရေး လှည့်ကွက်တွေကုို တောဝက်တွေနဲ့ တောသခင်ကျားတုို့ကြားက အဖြစ်အပျက်နဲ့ သရော်ဟန် ဖွဲ့နွဲ့ထားပြီး ခေါင်းဆောင်ကောင်း ဆုိုတာကုို လူငယ်တွေ ထင်ထင်ရှားရှား နားလည်အောင် ကြိုးစားရေးပြထားတာ ဖြစ်ပါတယ်။
ပြဇာတ်စာပေ တိမ်ကောနေတဲ့ ခေတ်ထဲမှာ ပြဇာတ်ရေးပုံ၊ ရေးနည်းတွေကုို အတုယူ လေ့လာနုိုင်မှာပါ။ ဒါ့အပြင် ပြဇာတ်ရေးဖုို့ ဖြစ်လာပုံ၊ ရေးရတဲ့ ရည်ရွယ်ချက်နဲ့ ဇာတ်ကောင် ရွေးချယ်ပုံ၊ ရွေးချယ်နည်းတွေ နောက်ခံဆက်တင် အပြင်အဆင်တွေကုိုပါ ရေးပြထားတဲ့ ပြဇာတ်တွေပါ။
ပြဇာတ်စာပေ အားနည်း ကျဆင်းနေတဲ့ ဒီနေ့အချိန်မှာ ပြဇာတ်ဆုိုတာကုို လူငယ်တွေ ဖန်တီး တင်ဆက်နုိုင်ဖုို့ အထောက် အကူ ဖြစ်စေမယ့်အပြင် တချို့ပြဇာတ်တွေက ရုပ်ရှင်ရုိုက်ကူး တင်ဆက်ဖုို့ ကောင်းတဲ့ ဇာတ်လမ်းကောင်းတွေ ဖြစ်ပါတယ်။
မြန်မာ့နုိုင်ငံရေးလောကမှာ အကောင်းရော အဆုိုးပါ အကြိမ်ကြိမ် ကြုံခဲ့ဖုးသူ၊ ပြည်တွင်းစစ်ရဲ့အဆုိုးဆုံးကာလနဲ့ ရင်ဆုိုင်ခဲ့ရသူ၊ ပါလီမန် ဒီမုိုကရေစီ စနစ်ရဲ့ဝန်ကြီးချုပ်ဘ၀ကနေ လက်နက်နဲ့ အဓမ္မ အာဏာသိမ်းခံရသူ၊ ပြည်ပြေးလုို့ သမုတ်ခံရ၊ တုိုင်းပြည်ကုို လက်ညိုးထုိုး ရောင်းစားနေသော ဦးနုလုို့ အဆုိုခံရ၊ ၁၉၈၈ ဒီမုိုကရေစီ အရေးတော်ပုံ ကာလအထိ ဒီမုိုကရေစီရေး တုိုက်ပွဲဝင်ခဲ့သူ၊ ဘာသာရေး ကိစ္စတွေမှာ တက်ကြွလှုပ်ရှားသူအဖြစ် လူသိများထင်ရှားတဲ့ ဦးနုရဲ့ငယ်လက်ရာတွေ ဖြစ်ပါတယ်။
တုိုင်းပြည်အပေါ်ထားတဲ့ စေတနာနဲ့ ပြုပြင်ပေးလိုစိတ် ပြင်းထန်နေပုံ ရတာကုိုလည်း ဒီပြဇာတ်တွေမှာ ဖတ်ရမှာ ဖြစ်ပါတယ်။
ဦးနု၊ ရန်ကုန်ဘဆွေ စသဖြင့် နိုင်ငံရေးနဲ့ စာပေနယ်ပယ်မှာ ထဲထဲဝင်ဝင် ဖြတ်သန်းဖူးသူတွေရဲ့ စာအုပ်ကောင်းတွေကုို ပြန်လည် တင်ဆက်ပေးနေတဲ့ ငါတုို့စာပေရဲ့ စာအုပ်ကောင်းတအုပ် ဖြစ်ပါတယ်။ မျက်နှာဖုံးဒီဇိုင်း ပြုလုပ်သူ အမည်မပါတာ၊ မာတိကာ မပါတာစတဲ့ အားနည်းချက်တွေကလွဲပြီး သပ်ရပ်တဲ့ စာအုပ်တအုပ်ပါ။
စာပေ၀ါသနာရှင်တွေ၊ စာချစ်သူတွေသာမက လူ့လောက သဘာဝအကြောင်း၊ နိုင်ငံရေးလောက စိတ်နေစိတ်ထားတွေ အကြောင်း လေ့လာသူတွေ တန်ဖိုးထား ဖတ်ရှုရမယ့် စာအုပ်ကောင်းတအုပ် ဖြစ်ပါကြောင်း။
စာရေးဆရာ – ဦးနု
စာအုပ်အမည် – ခေတ်မီပြဇာတ်များ
အမျိုးအစား – ပြဇာတ်စာပေ
ထုတ်ဝေသည့်တိုက် – ငါတုို့စာပေ
ထုတ်ဝေသည့်ကာလ – ဒုတိယအကြိမ်၊ ၂၀၁၆၊ ဇူလုိုင်လ
တန်ဖိုး- ၂၅၀၀ ကျပ်
The post ဦးကလိန်နှင့် ပြဇာတ်များ appeared first on ဧရာဝတီ.